查看完整版本 : 催眠治療, 答客問 [當幫人, 免費] -

催眠, 其實每一天, 每一日都在發生, 我們每日上班下班返工返學, 也是被催眠著, 只有小孩子, 才會問為什麼需要這樣做, 在密教中稱這為夢中追夢, 因為人生本就是一場夢... 而小孩子會質疑, 因為他們本身未被催眠污染, 所以聖經上說, 只有如孩子的, 才可上天堂....

好了, 催眠在技術層面上, 就是一種技巧性之重複, 而非撚著聲音說話, 而只要透過此技巧, 便能和人之潛意識溝通... 潛意識, 掌管你的所有, 但又非如坊間所說, 潛意識開發就能發達, 因為它是心靈世界之物, 我們的肉體是物質世界的. 而催眠可作行為治療, 因為所有習慣性之行為, 都是潛意識管理, 而有說, 催眠就是和潛意識溝通之鎖匙!

催眠治療, 就是更深入地和潛意識溝通, 因為過半數的病, 也是出於心理、諗法、情緒等等, 如壓力太大, 內分泌失調, 則便會生病, 輕則敏感症, 重則生野... 這在中醫角度, 是情志內傷, 引發惡疾, 而催眠治療, 是可以治好, 或最低限度緩和疾病的!

我教催眠治療師的, 同時是營養保健師, 藥饍師, 武當功夫和氣功傳人, 正職工程師, 有乜隨便問! 當交個朋友! 也不sell任何野!!

:loveliness:

[[i] 本帖最後由 mingeye 於 2018-10-18 04:26 AM 編輯 [/i]]

如果受到外在因素破壞了身體, 比如撞車骨拆, 瀕死或重症電療化療對身體的傷害和影響 -


催眠對這種情況, 充其量只能作止痛, 而要使其康復, 則絕對需要連同其他療法一同使用, 如中醫、針炙等等! 也有一些功法可回復身體功能的, 但要練功!



有些個案, 的確可以以催眠使破壞了的身體回復, 但這是需十分漫長的催眠, 主要進行自我催眠為主, 別人為自己進行的為次!

我本身係一個工程師, 於六七年前, 有親人羅上了癌症, 他經手術後, 只要等傷口癒合, 便可以多活十年, 但....., 最後, 他竟然以為自己醫不好, 而了結他自己的生命, 整個故事, 當中有醫療事故, 西醫竟然花了半年, 也不知道是癌症, 後來經由一個60-70年代畢業之老西醫, 一看, 連x-way都不用照, 就知是中了招.... 之後, 立即入私院捱刀, 到最後, 因為心理因素, 而了結生命!


這事情後, 家中成員得了抑屈, 自此我便學習心理學, 和催眠術, 經過施術後, 終把問題解決了!



很希望能幫助更多人!!

mingeye
如果我想了解自己前世，從而有機會解決多年的困擾可以嗎？

Q. 如果我想了解自己前世，從而有機會解決多年的困擾可以嗎？

當然可以啦, 催眠當中, 有 前世回溯 之技巧, 通常 1-3-5次, 便可以知道前生之事, 為何 1-3-5次呢? 因為每人的受 催眠術 之屬性都不同, 有些人一蹴即至, 尤以女性最易進入催眠狀態, 我試過為一個女性學生做普通的催眠, 竟也自行進入前生狀態, 而我自己也是如此, 我非女性, 只是一向有做修行之事, 我想這是易入前世之主因; 有些人需要 3-5次, 因為 受 催眠術 之屬性太低, 但催眠本身等同別人幫自己冥想, 而每經過一次, 便能把接受催眠術之屬性改善, 從而得知前生事, 如3-5次也未能的話, 咁就換人, 或換方法啦!! 咁3-5次咪完全白花時間, 咁又吾會, 就是進入吾到前生狀態, 都可進入一般催眠狀態, 問題也可以改善的!! 咁價錢咪好甘, 咁又吾會... 坊間有的都吾太貴, 包括我自己! [我吾係SELL野] 而講番我學生, 佢竟然出埋前生之姓名, 是歐洲一修女[吾出名的], 之後透過Google大神, 發現埋前生事蹟... 從而釋懷, 因為佢自己成日發惡夢, 夢見手被人斬左, 之後好驚, 這夢纏擾經年, 就靠一次催眠治癒了..... 這是好的結果!!

而前世狀態, 又非常取決於, 催眠的深度... 食飯先, 今晚再覆, OK??

[[i] 本帖最後由 mingeye 於 2018-10-19 11:40 PM 編輯 [/i]]

又做過一個案例, 就是一位女士, 發生不明所以之頭痛, 看西醫、中醫、精神科都查找不出病因, 後來機緣下, 為她進行了前世回溯, 結果, 就見到前世被箭射中頭部而死, 這記憶帶了到今世, 形成頭痛症, 而前世催眠中, 找出原因, 在另一角度去看這件事, 如被射死之後, 發生之事呢????



其實, 心理情緒病也好, 肉身疾病也好, 好多時, 我們只需一個理由去明白, 為什麼會這樣??

有了這理由, 一切便可平息!!

謝謝你的問題!

說到前世之事, 真的存在嗎?? 佛道皆說有, 其實耶教都說過這件事, 但只輕輕帶過, 如要考究, 則要一看死海古卷了!!

做前世回溯, 主要是催眠深度必需要夠深, 不然, 出現的, 都只是假性記憶, 即... 近日看延禧, 看得多便覺得自己是宮女;
所以, 只要催眠深度夠, 所見的就是堅野! 如何控制催眠深度, 則看催眠師之功力了!

於我自己立場, 我是相信有的, 因為美國做過一些實驗, 以催眠之法, 催眠一些先天失明之小孩, 而這些小孩竟然可以描述 "車".
又比如自己的經歷, 一些沒有學過的東西, 卻無緣故識得! 這些也是一些自身體驗!

如果閣下不信, 也不是迫你信, 只是如果用前世回溯之法, 可以解決一些問題, 我覺得並無不妥之處!

對於前世探索之事, 除了用 催眠之法 外, 也可透過以下之方法 -
1. 打坐冥想
2. 氣功. 靜修
3. 咒音
4. 站樁
[這是傳統之法]

其他的重有 - 奧修, 三世書, 某些藥物, 比高人望下...
三世書, 有時有用, 但精確度不足!!
奧修, 由一去世之印度喻珈師發明, 但可能引入香港之人, 是是但但, 求求其其, 遇過一個人, 前世被虐殺, 但知道了又不處理, 攪到那人重衰, 吾知好過知, 最後都係用催眠執手尾.
某些藥物, 我知係有, 但又無謂公開講!
比高人望下, 道家稱之為宿命通, 是神通的一種, 我遇過這樣的人, 但... 如果一些new age 後生仔, 話識... 咁就要諗諗先啦!
因為道書講明, 無三五七年, 無可能有這功力, 除非天生!!

[[i] 本帖最後由 mingeye 於 2018-10-20 03:00 AM 編輯 [/i]]

Q. 能否以催眠之法, 去忘掉一個人???



對於用催眠之法, 使自己忘記一個人, 技術層面上, 是可以的, 但完全不主張這樣做, 但我知道坊間, 有很多同業都會幫人這樣做.... 但其實, 這樣有可能導致人格上之分裂, 使自己落入更困頓之境...... 比如情傷, 我一想起那男那女, 便心如刀割, 整天不開心, 假如用催眠方式, 強行把那段人生經歷刪除, 會點呢?



催眠就最怕意外地比人破術, 會使受催眠者, 落入不知究境之沖擊, 如果強行把人生經歷刪除, 如果有一天, 在街上看到那刪除了的人, 會怎樣?? 對方重開口叫你喎... 見到相片, 對方送比你的東西呢???? 無問題, 掉晒佢, 對方死埋, 難保任何人也有可能提起她或他吧!!!



所以正確的做法, 是改變心中對這人的感覺和情緒, 把傷害減至最低, 甚至沒有傷害!!

請湧躍問問題!!!

[quote]原帖由 [i]mingeye[/i] 於 2018-10-20 04:55 PM 發表 [url=https://www.discuss.com.hk/redirect.php?goto=findpost&pid=489242748&ptid=27789148][img]https://www.discuss.com.hk/images/common/back.gif[/img][/url]
Q. 能否以催眠之法, 去忘掉一個人???



對於用催眠之法, 使自己忘記一個人, 技術層面上, 是可以的, 但完全不主張這樣做, 但我知道坊間, 有很多同業都會幫人這樣做.... 但其實, 這樣有可能導致人格上之分裂, 使自己落入更困頓之境...... 比如情傷, 我一想起那男那女, 便心如刀割, 整天不開心, 假如用催眠方式, 強行把那段人生經歷刪除, 會點呢?



催眠 ... [/quote]


就係想知道，如果別人再提起那人，又或者街上碰到，到時會有什麼反應? 假設肯定對方唔會叫你。

[[i] 本帖最後由 linda… 於 2018-10-20 06:02 PM 編輯 [/i]]

謝謝你的問題!
會覺得對方好面善, 然後慢慢回復所有記憶, 連同所有負面情緒一次爆發, 會覺得刪除對方都無用, 只是自己呃自己, 感到更痛苦!! 這已是比較好的結果; 而有的會即場崩潰, 這是比較壞的情況! 比如對方是大惡人, 催眠刪除了, 再見到對方時, 對方做左乞兒, 咁梗無野啦, 但對方撈得更掂, 咪話催吾催眠, 個心梗係頂住頂住!!

但如果改變睇法, 例如, 看到因果法則運作, 緣起緣滅, 一切皆正常... 只是對方最終要為自己之行為負責, 如對方包二奶, 或對方跟佬走, 三十年後, 可能周身病痛, 其子女都吾理自己.... 只是現在睇吾到, 或者, 昨天別人對自己帶來之傷痛, 因為這傷痛, 明日自己活得更好, 找到更好的伴侶... 明天話吾埋呢... 這是催眠的技巧之一, 叫時間線TIMELINE...

可能你會覺得我覺廢話, 但我可以話你知, 我有資格講這番話, 我今年四張, 年青時, 有個好好的女朋友, 但結果比老友勾左, 但只要信明天會更好, 正念, 多做好事, 莫問前程, 就必有好的回應!!

希望幫到你!! 有乜可再問我架!

我自己有一個這樣的經歷, 有個壞人在生命中, 但這壞人已死了, 就算見到, 都係時運高見到, 必需走夾吾抖, 你早午晚或一得閒, 同自己咁講, 這是自我催眠. 也是改變睇法的一種, 可試試!

[[i] 本帖最後由 mingeye 於 2018-10-20 06:58 PM 編輯 [/i]]

即係話, 如果傷害你的人, 死左, 你仍會痛恨對方嗎??

也許, 仍有一點, 但大多數人, 都會算!!! 就由這一點出發,

如果要一對一催眠去做呢... 我就無謂講啦! 因為行家會抄, 哈哈!!

Q. 對於年紀大, 身體機能問題, 催眠有效嗎???


有很少很少的功效, 例如糖尿, 三高, 催眠極其量只能緩和症狀而已! 即無咁辛苦, 但問題仍在!

反之, 混合中醫和特定運動, 功效又會十分明顯!!!



人, 年紀大了, 終日半點運動都不做, 吃又不健康, 又夜瞓, 咁點健康呀??? 如果催眠一下攪掂, 咁就係法術啦!

有咩功法, 可針對年老問題..


首先, 心境不要認為自己老...

其次, 特定運動, 如下, 自己看 -

https://www.youtube.com/watch?v=HKNjpIcwMxg

[quote]原帖由 [i]mingeye[/i] 於 2018-10-20 06:54 PM 發表 [url=https://www.discuss.com.hk/redirect.php?goto=findpost&pid=489247715&ptid=27789148][img]https://www.discuss.com.hk/images/common/back.gif[/img][/url]
我自己有一個這樣的經歷, 有個壞人在生命中, 但這壞人已死了, 就算見到, 都係時運高見到, 必需走夾吾抖, 你早午晚或一得閒, 同自己咁講, 這是自我催眠. 也是改變睇法的一種, 可試試! ... [/quote]


時運高先會睇唔到，就算改變左睇法，係街見到都要避開? 要避開唔好比激發諗起以前經歷嗎?

催眠改變睇法不是可以令感覺也失去嗎？

可以改變我性格嗎 因我做人冇理想 得過且過 朋友已經覺得我有問題 好想可以改變自己

Q. 可以改變我性格嗎 因我做人冇理想 得過且過 朋友已經覺得我有問題 好想可以改變自己

可以的, 例如, 怕羞變膽大, 儒弱變勇敢, 粗口大意變細心, 無自信變有, 這是改變心理狀態, 這方面, 可用催眠技巧之借力法,
但係....

你的問題比較籠統, 比如一個人懶, 可以是天生懶, 或飲食問題, 欠缺某種維他命, 又有可能係失戀, 失業, 遇到挫敗....
至於你的問題, 初步以催眠治療, 的確可短暫改變心理狀態, 但最重要是找出主要心因, 我又有個朋友, 富二代, 都係 HEA
足一百分, 努力工作?? No way... 因為沒有必要, 所以真的要深入了解, 才能比意見你...

但初步, 你可問下你自己, 想下你自己細個時, 你有什麼意願, 為什麼長大後會改變左?? 現在最重要是你想改變, 有心吾怕遲,
你可以先以多一個技能著手, 如考車牌、學游水... 以此為 "短期目標", 久而久之, 得到了成功, 建立左信心, 再定立長期目標!!
睇睇情況點先!! 最緊要.... "行動"!!!!!
再無好轉, 先找催眠..或咨詢傾下啦!!

[[i] 本帖最後由 mingeye 於 2018-10-20 10:43 PM 編輯 [/i]]

如果想找你們做前世追溯,請你們收費大約多少呢??

Q. 時運高先會睇唔到，就算改變左睇法，係街見到都要避開? 要避開唔好比激發諗起以前經歷嗎?
催眠改變睇法不是可以令感覺也失去嗎？

等我講明 d ...
1. 催眠刪除記憶, 是不可行之法! 算是可以, 也會引起其他負面影響!
2. 催眠可以改變睇法、想法、觀念、感受, 變成 "心中無一物, 何處野塵埃", 例如, 小時候有好些習慣, 會突然改變一樣, 例如, 比狗咬過而怕狗, 但長大後, 自己變得高大, 而了解了狗的特性後, 啊! 原來在狗面前跑, 佢以為係賊, 才咬你, 明白了, 睇法改變了, 所以再不怕狗!! 又有些, 以前蔔白褲好型, 但現在見到覺得好老土, 道理完全一樣!!

跟過一個case, 有個內向男仔, 追左個女仔五年, 當中出個四次街咁大把, 而最後個女仔以狠說話, 趕走左個男仔, 個男仔又要生, 又要死, 又要刀仔拮大肶, 我以催眠改變佢的想法,
a. 這份感情, 有沒有得著?
b. 點解鐘意對方?? 如果佢老左, 甚至死左, 男仔兄, 你會點?? 等佢一世??? [佢靜左一靜]
c. 恨對方之狠說話和行為? [其實幾多的狠, 來自幾多的愛, 接受事實, 原諒自己, 既然改變吾到, 便要接受]
d. 自我催眠自己, 對方已死, 感謝佢帶比自己的一切喜怒哀樂, 但佢已經走左, 則一切關係已然中止, 自己亦應好好地走這人生之路, 要是在街上再見到對方, 可以是見鬼, 可以是人有相似, 自己覺得點都得, 這就是改變睇法, 因為睇法改變了, 你再沒感覺!
即我現在叫你著番七八十年代的衣著, 你再不覺得靚一樣!

自我催眠可這樣做 -
x. 用紙寫下 "對方已死左" 或 "對方已離開左" 和 "一切關係已完了"
y. 深呼吸
z. 如有宗教, 就背一次自己宗教的經文... 再每天個一件好事....

一個月看看怎樣, 吾得先再打算用治療吧!

++++++++++++++++++++++++++++++++++++++++++++++++++++++++++++++
時運高先會睇唔到，就算改變左睇法，係街見到都要避開? 要避開唔好比激發諗起以前經歷嗎?
我指敬而遠之, 明知對方是衰人, 無理由再去接近, 比機會人傷害自己啫... 因關係中止, 再無難受感覺!

催眠改變睇法不是可以令感覺也失去嗎？
已答! 係!

[quote]原帖由 [i]mdr0465[/i] 於 2018-10-20 11:09 PM 發表 [url=https://www.discuss.com.hk/redirect.php?goto=findpost&pid=489260854&ptid=27789148][img]https://www.discuss.com.hk/images/common/back.gif[/img][/url]
如果想找你們做前世追溯,請你們收費大約多少呢?? [/quote]

費事比人話我做爛市, 無謂公開講, 你PM我, 講出你的問題, 我再答你!!
我新帳戶, 不能主動發訊息, 但能答訊息!

坦白講, 我本身係一個 "催眠治療發證講師", 但我的價是十分親民的,
D靈性 NEW AGE人, 成日講, 推廣推廣, 大佬, 好似律師咁收費, 點推廣呀!!

[原來, 我已升左做一星會員, 已發了資料比你]

[[i] 本帖最後由 mingeye 於 2018-10-21 02:52 AM 編輯 [/i]]

今晚, 講下催眠野啦, 乜野係催眠呢?

就係一套完整的手段, 用來跟你的潛意識溝通, 這手段有晒步驟, 只要跟著做, 人人都做到!!
當然其中也有功力高低之分! 基本上, 係同武術無分別, 跟著好師傅, 自己又勤力, 咁咪會學得好羅!

而市面係有好多催眠學會, 主要以英美為首, 有 -

1, 美國 NGH, 1950年成立, 世界成員最多, 業界最堅, 認受性最高, 聞說可視為移民之專業! 即業界之少林寺, 業界之大學!
2, 英國 BAThH 業界之大學, 無成立年份資料, 但本人學師時, 記得是二戰之後, 即跟NGH 成立年份差不多!
3. 加拿大 NBPES 業界之中學, 無成立年份資料
4. 加拿大 PBH 業界之中學, 約1986年成立!
5. 美國 ABH 業界之中學, 1982年成立!

還有一些, 吾知算乜的 -
6. Omni 量子催眠, 由NGH 成員, 脫NGH 會, 而創立! 而那人是聞說是強國人...
7, 美國 IAPC, 其實 IPAC 並不是催眠協會, 只是一間類似 "香港的資歷架構" 的會, 他不是專門認證催眠的, 而是乜都認承,
會計佢又認, 電腦又認, 剪髮又認.... 約2008年成立!

所以呢, 本人覺得除了 1-5 可信, 其他全是亂 up, 而只要有一張 NGH 或 BAThH,就可以以括免之手段, 同時獲取 3-5 的證書,
但反之就不可, 即你拿了 PBH 資歷, 去說服 NGH 比證書, 就無乜可能了!!

(補充番各學會之成立年份)

[[i] 本帖最後由 mingeye 於 2018-10-21 08:06 PM 編輯 [/i]]

學催眠既人會難d定易d被催眠？

Q, 學催眠既人會難d定易d被催眠？

謝謝你的問題!!

被催眠不難, 因為人人每天都會接觸, 例如廣告, 家計會"以前兩個就夠晒數", 唱都街知卷聞, 這是一種催眠!
煙仔廣告, "萬寶路好形的牛仔" 也是種催眠.... 而的確, 學習催眠時有很多手法, 都是可用法Sales方面的!

可以這樣說, 催眠也是一種 設定的講話技巧!!

學習催眠不難, 人人也會, 就像功夫一樣, 人人識打直拳, 但同是一個直拳, 成效[威力]如何, 則因人而異!

反而學習 "不被催眠", 就比較難!

[[i] 本帖最後由 mingeye 於 2018-10-22 01:30 AM 編輯 [/i]]

今日就講下催眠這行業.....



首先, 大家要明白, 這是新興行業, 所以政府是沒有監管的, 而它是歸納入自然療法之一類,

而催眠每每和心理掛勾的... 

在香港, 比如你大學是讀心理學的, 絕對不能做心理醫生, 於醫院工作, 只有讀過臨床心理學的,
才能於醫院工作, 當為心理醫生, 所以很多人讀了心理學, 反而去教書或做社工... 又或是自己
開心理咨詢診所, 像自然療法一樣, 但這情況之治療師, 是不能開醫生紙和 claim 保險的...



這點, 香港是十分落後, 其實回歸後, 香港都係食老本, 其他法和政令, 或工人福利, 都比歐美落後的!



而學習NGH催眠時, 是有特定訓練, 學習BASICID的心理咨詢技巧的, 所以成為催眠治療師, 怎樣也會懂得心理咨詢的, 起碼夠用...


而香港最多人讀, 就是NGH, 而 BAThH因為太高門檻, 所以少人讀!! 回說 NGH, 佢分左三個階段, 其實是兩個, 就是初, 中(催眠師) 和 高(催眠治療師), 中和高班才有用, 因為是國際承認之證書!! 合共培訓時數是100小時!!


而香港大部份教催眠的導師, 大部份有  NGH, 因為有左 NGH證書就可以用這證書, 以豁免方式, 比錢就可申請其他學會之證書, 所以你們見到什麼什麼導師, 通常都係一大抽證書咸頭, 吾打得都嚇得, 但其實都係讀左一個 NGH COURSE咁大把!!



這是銷售技巧!!


又有人會話自己攞好多奬, 例如諾貝爾奬, 全年最佳學院奬, 但只要細心GOOGLE 一下, 就會發現, 這些奬, 都是可以自我提名, 比錢就有... 等於我叫朋友開個美國NASA學會, 去淘寶買個奬杯, BOOK 個 HALL再班個奬比我, 我又班番比佢, 夠錢重可請個鬼佬 TIM, 但破碇是, 點選出黎架? 邊個競爭對手??? 有乜論文發表過?? 可以講, 是零!!!


但這也是銷售技巧!!!


有 D 重抵死, 又三五成群, 我一個會, 朋友ABCDE, 各一個會, 攪個亞洲催眠高風會.... 但點解又係尼班人架呢????



但這也是銷售技巧!!!

最痴線是, 有 D 話自己什麼美國心理學乜士, 但證書是流的, 攪心理學課程, 都是流! 流者, 即係所謂大學是賣證書之公司而已! 這就是犯法啦!! 點查??  - https://ope.ed.gov/dapip/#/home , 於這 link 鍵入美國乜大學之名字, 就無所頓形啦!



睇完後, 可能你們會覺得, 嘩, 乜咁黑暗架!! 都係架, 所以你們想讀, 就要 check 清楚!! 最重要是有無催眠手稿供給, 即 hypnotic script... 通常 new age 或教心靈乜乜的, 都十分懶, 吾比 script, 點學?? 佢地可能會話為你好, 費事背稿, 等於學拳, 嗱, 守中線, 沉肩落肘, 嗱, 講左你知啦, 上台打啦... 點打呀? 點都要拳譜睇睇卦... 拳諎就係催眠手稿之意思...



所以如果想讀催眠, 首先要選學會, 再睇下佢有乜證書, 證書堅定流, 最重要有無狂 SELL你野, 睇下
對方有無HEART, 最後價錢... 吾係有心理學背景一定好, 但起碼有就有, 無就無, 咪呃人! 呃人的, 點心靈呢? 係咪??

Q.  催眠手稿真的咁有用嗎?


有人PM 咁問我, 我就再答下啦!! 首先, 如果無用, 為何 NGH 藍色個本 STUDY GUIDE 培訓指南, 裡面會有SCRIPT 催眠手稿呢!!! 咁 OFFICIAL 有, 咪即係有用羅!! 重吾止一份手稿, 是多份呢!!!


而好多從事心靈心理或催眠, 即所謂導師, 都十分懶!! 永遠都係一個說法, 無手稿比你, 因為怕你照背! 我自己就覺得, 照背又如何???? 在未完全掌握技巧時, 咪背羅! 到熟左, 咪自己改進, 加入自己風格羅!

Q. 瞬間催眠是否吹牛皮???



在解答這疑問之前, 我想先介紹一個名詞, 就是 "受催眠屬性", 即你是一個易被催眠的人嗎???



經本人研究及學習, 結論如下 -

女性 比 男性 易催眠
感覺為上的人 比 物質為上的人 易催眠
紀律部隊 比 非紀律部隊之人 易催眠

年紀輕 比 年紀年長的 易催眠
從事勞動 比 從事文識 易催眠
從事圖像處理 比 從事文字數字邏輯 易催眠...

(原因就吾講啦, 費事比行家抄)


咁回看瞬間催眠的問題了, 堅的嗎??

可以這樣說, 堅, 但要選中易被催眠之人... 就係咁, 所以如選中律師. 炒金佬, 就做吾到瞬間架啦!
而一班人, 一叫 SLEEP, 成班瞓低, 就羊群心理居多!

有問題, 請發問, 謝謝