查看完整版本 : 縱使相見已是路人茫茫

wmysterious 2018-11-3 04:05 AM

縱使相見已是路人茫茫

三年前嘅今日,我哋走埋一齊,曾經以為你可以帶比我幸福快樂,以為你係一個用情專一又有夢想嘅好人……
三年去認清一個人,值得……原來太多太多嘅傷害,失望,心痛係會令人清醒……
你嘅對唔住唔足以蓋過我一世嘅傷痛,真相,令我知道一個人要去欺騙另一個人係需要有幾多大話,運用幾多嘅技巧……你有冇諗過我嘅感受?望住你一大堆給我嘅短訊,越覺得我點解會愛上一個咁嘅人。
知道你生活安好又轉左長工,同佢又已經穩定,不必再花言巧語,不必再當演員,而我原來都可以走出傷痛…

感謝你為我做嘅事,我心成日諗點解你可以背住佢對另一個講咁多甜言蜜語?點解我當初愛嘅迷戀嘅會係一個咁嘅人?定係只係我冇清楚冇清醒?你同我一齊時其實亦同另外一些佢一齊?
請不要再破壞你係我目中僅餘嘅……
請不要再說珍惜佢亦不能冇左我……
希望你知道解封唔等於認同…
希望你知道咩叫底線…
希望你知道我不想再有傷疤…不想再痛…

你說你只是對我不好,原來這一句話依然會有千把箭寫入心咁痛……

不知道為何仍會發這種惡夢,夢見你和她一起,而我就好似爉造的人遇上了太陽…不碪一撃…
心永遠在身體最脆弱時最掛住一個不再值得的你

好想告訴你,其實做幾多嘢都唔可以抹去你為咗佢而令我痛嘅事實……呢幾年,我冇同其他人一起,心𥚃只記掛著你,我哋嘅相遇相識,我以為嘅緣份,你係唯一一個亦係最後一個用呢個方式去開始嘅人。不過你,已經遇到很多個佢,其實你一早已經放下咗我,你會用同樣對我嘅方式,去呼喚佢,去追求佢,去得到佢,去擁有佢。你樂意做佢嘅暖男,好男友,你會對佢有心跳嘅感覺,去討好佢和佢身邊嘅好友,而佢真真正正擁有你。你亦會同佢演出,叫佢幫你演出,一年了,佢應該已經答應咗你!最令人心痛係,你會同我演出嘅時候一路緊張覆佢嘅短訊,同我食飯時機不離手,而我當時仍唔知道你已經有佢,你呃我你冇拍拖,呃咗一個真心每日掛住你嘅人嘅感情,你知唔知道你深深打斷咗我對你嘅信仼?因為你嘅唔満足,因為你只為咗身體上嘅滿足,而去傷害一個愛你嘅人?我知道你永遠唔係真心愛我,為的只是一時滿足。而你愛嘅係佢,咁請你好好珍惜一個咁愛你嘅佢,而請你放生我……你唔知道我知道真相後痛咗幾耐?知道你同佢嘅一切,見到你同佢都咁幸福,我可以做嘅係永遠祝福你哋,雖然面對你,仍然係好痛…

我知道佢真係好愛你,係佢嘅未來一切,佢嘅世界只有愛情只有你,而我真係做唔出要另一個同樣咁愛你嘅女仔唔開心…又或許半年前當我知道真相後,我已經唔敢再去愛你,你已經唔再係我心目中嗰位有責任感,有愛心,懂關心人,細心又單純,正直又有夢想嘅人。面對你一次又一次令我淸醒失望,請唔好再背住佢私訊我,為我做什麼,我嘅底線從來冇變……我知你好忙,因為要陪佢,我知道自己好堅強,一切都會捱過,你嘅甜言密語,一切只是為了演出⋯⋯你愛嘅、在你身邊永遠都只會係佢,望住你嘅短訊、真相,我個心好痛…

其實我應該清楚知道…你仍然關心我,對我問暖,只是因為想演出……你究竟有冇真正諗過我嘅感受?你其實有真正愛過我嗎?你話我永遠都只屬於你,咁你同佢呢?直到呢刻,我仍然唔相信你係一個咁嘅人,不過事實係,我見到嘅係…你同佢嘅一切已經蓋過我同你,佢對你嘅愛係因為你所比到佢,而背住一個咁愛你嘅人,你選擇傷害一個愛你嘅我。而我,依家明白,清醒……我,只是曾經一個過客,上天要我淸醒,要安排見到你倆的甜蜜,旅程我哭腫雙眼,心亦好痛,半年,今日再安排我遇到見到,其實上天好想我記得自己係一個有底線嘅人,唔好再錯,唔好再傻,而你,在我心,已不再是一個專一,單純嘅人,而是一個好陌生,好陌生…嘅陌生人…

曾經……天空中只有你同我…… 而淸醒讓我見到係你同佢嘅雙彩虹…

當我從你嘅口中知道佢已經同你有第一次演出,從你口中嘅描述,你知唔知道我個心好痛好痛好痛…點解可以咁忍心告訴我?你用同樣嘅方式去撫摸佢嘅身軀,去得到佢,而我仍然痛,你願意讓我知道,讓我痛,你願意保護佢,唔捨得叫佢食藥… 如果仍然有尊嚴,仍然仲有憐憫,請放過一個遍體鱗傷嘅我,愛一個人應該去祝福你,我做到…

你話我係你最難忘嘅人,我希望我係你最愛嘅人,不過我知道你最愛嘅只有係佢,而我只是一個臨時演員,我唔知佢有幾愛你,但第一次演出又點會冇…… 你說你沒有感覺,只喜歡和我演,每一次都不會忘記,希望佢係真心愛你,希望佢唔係呃你,其實佢就算係呃你都因為佢緊張你,想你愛佢多啲。佢做到,你真係好信任好愛佢,我個心真係好痛…上年你仍記得某些日子,今年已經完全忘記,知道你哋真心相愛就好,祝福永遠白頭到老…

好想你知道我其實好掛住三年前嘅你
你現在真正愛嘅係佢

我仿佛哭泣的聲音都比較硬朗吧
你喜歡的她就是嬌小的弱者嗎
我苦苦支撐無從被你偉大憐憫吧

很堅強很堅強很堅強很堅強
使我們的愛情不正常
而我都可以為你亂性哭崩一場

我幾多委屈的東西都可以面對吧
你偏心的她就是不可傷害一下
我很想哭得洪潮暴漲你便憐憫吧
脆弱不起我為何很可怕

為何我落淚 好比鋼鐵流眼淚
我的堅壯太另類 一親你變成尖錐
其實都很想軟弱 伸手抱你撤退
一腔苦水 慰問我又是誰

很堅強很堅強很堅強很堅強
當我們相處時都太強
難怪緊張你令這份愛死不安詳
怎可能裝溫柔為贏取被戀上
耍不來假可憐技倆 這種人怎可能飼養

沒有想過人生裡面,會遇上你這一種人

由一開始的熱烈追求
無微不至的照料與細心
甚至替我們規劃好的將來
還有你那純真的笑容、可憐的眼淚
所有的甜言蜜語和叫人全然相信你的堅定眼神
讓我真心相信你的單純、專一和真心

但原來一切都是你自編自導自演的戲碼
每個笑容 每滴眼淚 每句甜言蜜語
只不過是精密的計算與精湛的演技
你早就計劃好要我跌進你的圈套
由此至終我也不是唯一

你讓我的美夢完全破滅
你將我對你的心意當作玩具
你摧毁了我對愛情的憧憬
只因你從來都沒有愛過我
原來你是個自私得令人心寒的人……
言語已不能表達我的悲傷
痛哭亦無法排解我的痛楚

也許你的計劃不完全是天衣無縫
只是我不爭氣地愛昏了頭
才成就了你這完美騙局

真係好傻好傻……有咩人會傻到被你欺騙完一次又一次,再去相信你?以為你會真心為我?會幫我?點解傻到又再相信你?點解仲信你嘅甜言密語?點解你可以咁講大話,其實真的只需要睇你為我做嘅,講到天花龍鳯亦無用、如果你知道我有事,唔會仲有百般籍囗,如果你真心緊張我,唔會係咁,你話你唔係為咗演出……
你愛嘅係佢,你關心嘅係佢,而我只是一個臨時演員,只是一個玩具……

其實我好想話你知,只要你一句想我留低,我就唔會去,不過你上次叫我去,其實我都知道你好想我離開,如果換了係佢,你會捨得嗎?
我好想你依舊會緊張我,不過我知道你已經變了,已經不會再像從前般了,你已經用好多籍囗去推去幫我,我聽完真係都想笑,笑你其實唔需要用籍口,我已經知道自己嘅地位,心真係好痛好痛,我知道你唔喜歡小孩子,你放心,我永遠都唔比你知道,永遠都唔會打擾你同佢,因為你只係當我係演員,因為你愛,緊張嘅係佢…

到咗呢一刻,你仲唔清楚你只係一個後備?你以為佢會掛住愛你個人?其實唔會㗎,唔係後備都唔會,佢永遠只會當你係玩具,佢愛嘅只係你嘅表演,佢愛嘅永遠只有佢

[[i] 本帖最後由 wmysterious 於 2019-4-15 05:09 AM 編輯 [/i]]

準備中 2018-11-7 08:31 PM

😭😭:lDD_010:

wmysterious 2018-12-5 03:28 AM

琴日知道你又會係聖誕節同佢去旅行,你好似以為我個心係用鐵做,唔會痛,我個心其實真係好痛好痛… 我都好想你可以同樣地做我嘅暖男,都好想你只係為我…
由我第一次意外地知道你原來已經拍緊拖,你仲可以講大話呃我話兩年都無拍拖,只掛住我,我個心痛到無法去形容,我無諗過你會製造咁多大話,無諗過你為咗演出可以呃我…
記得暑假係外地撞到你同佢,我痛到喊左好耐,我見到你同佢,好幸福,我係害怕到逃跑,不停喊不停喊…
演出中,食飯中,你已經唔再係以前,你會不停覆電話,禁電話,其實我應該一早要清醒,一個咁愛演出嘅你又點會苦等我…
世界上根本冇楊過小龍女,沒有一生一世嘅愛…
你嘅回憶已經唔包括我…你嘅生活從來沒有我,你嘅人生已經唔會係我可以去陪同你過…
而我依然期盼聖誕節,我最喜歡嘅節日,你會陪我,三年嘅生日禮物,聖誕禮物,情人節禮物,我都唔可以當日親手送比你,三年你都無陪我渡過所有嘅節日,你話你去完三日26,27 號先得閒,原來我只係一位大後備…
好想知道三年前啱啱拍拖嘅聖誕,你無出嚟,你話你太攰瞓著咗,我自己係度等,其實你當時係咪已經有另一個佢,係我傻,相信你…你可能已經唔記得我最愛嘅節日係聖誕節,不過你選擇咗同佢渡過… 你同現在嘅佢一年嘅感情,已經可以令你忘記我嘅生日,我地嘅紀念日,我地嘅一切,其實你早已經把我忘記,由你用同樣嘅方式去認識佢嘅嗰刻,從你同佢一齊表演嘅一刻,你就已經忘記咗我,你忘記唔到只係表演,又或者呢d只係籍口,你最愛只係一個肯為你這樣演出嘅人,我真係要為咗要討好你,要你施捨愛而放低底線?放下自尊?
有時我會覺得你真係愛佢嗎?你真係愛佢就唔會背住佢搵我,你真係愛佢就唔會呃我去演出,你愛嘅只係你自己,你愛嘅佢只係我嘅替身,因為你從佢身上找到我,我之前一路掛念嘅你已經唔存在,而你真係令我太失望…
原來你一路唔放手都會令我覺得好痛…都會覺得好無底線,好無尊嚴,而我卻怪自己,而家先了解你,爲你做嘅嘢你又知道嗎?你又會感動嗎?你不會亦不想知道。

等我飲醉酒
你要解釋等我飲醉酒
我也許不會深究
隨時重獲你自由
不要牽我手
大局已經沒權利左右
沒意見沉默地退後
誰願意證實有沒有
寧願在黑暗中顫抖
難道要乞討的愛分點給我知不知醜
如果愛你要放下自尊
不必了我沒埋怨
明日我如常過沒想起你丁點
如多了我會變混亂
不打搞了我知分寸
離別你無限遙遠
即將一切訊號都中斷
走了不要追
我最怕輸別胡亂得罪
全怪我全部是血淚
誰料你跌入往事裡
仍然在守那幅廢墟
然後我嘔心瀝血傾出所有多此一舉
如果愛你要放下自尊
不必了我沒埋怨
明日我如常過沒想起你丁點
如多了我會變混亂
不打搞了我知分寸
離別你無限遙遠
即將一切訊號都中斷
平靜到接近無痛
平靜到只想放空
無奈我心中颳風
念舊時不怎樣出眾
平靜卻這樣沉重
如果愛你要放下自尊
不必了我沒埋怨
明日你成為我舊記憶那污點
如多了我會變混亂
不必給我這些溫暖
離別你無限遙遠
今生今世我們都不見

[[i] 本帖最後由 wmysterious 於 2018-12-5 08:56 AM 編輯 [/i]]

wmysterious 2018-12-5 05:06 AM

即使我啟動了飛行模式
即使把你封鎖
不會再因為你回不回覆而不開心
不會再因為你為咗佢而告訴我你很忙或上不到網所以不能陪我或幫我而心痛
不會再因為你所有籍口而難過
找不到不代表永遠不存在

你現在幸福快樂就好 …

[[i] 本帖最後由 wmysterious 於 2018-12-5 09:13 AM 編輯 [/i]]

wmysterious 2018-12-15 11:57 PM

你記得同佢所有嘅紀念日
卻忘記所有我同你嘅一切
你地嘅紀念
你地嘅回憶
已經蓋過我

sunnylogoodappl 2018-12-18 12:55 AM

樓主重愛緊他?

wmysterious 2018-12-23 05:02 PM

生活好忙好忙,但某些事總會讓我記起你,你同佢,澳門嘅廣告令我諗起你應該同佢係澳門拍緊拖開心緊,經過蛋糕店又會諗起你地慶祝生日,仲有好多好多,越係想忘記,越難忘記

wmysterious 2018-12-24 03:41 AM

如果真係天意,無意中都會見到好友對你地既祝福,祝福你地甜甜密密…
飛行模式前,我亦短訊給你祝福的話,你說你不喜歡這些話,你唔係好愛佢嗎,你唔係打算同佢白頭到老嗎?
我知道我唔會再解封,亦唔會再同你一齊,因為實在太多太多既傷害,上天真的好好,讓我知道你是一個點様既人…
唔好再諗起你對我嘅承諾,唔好再想起你嘅大話…

[[i] 本帖最後由 wmysterious 於 2018-12-24 03:54 AM 編輯 [/i]]

wmysterious 2018-12-26 09:18 PM

第四個聖誕節,卻沒有一次一起渡過…望住個鎖依然會諗起你,依然想寫你個名,你記得我最喜歡嘅燈海?你係澳門,有冇一刻諗起我…

[[i] 本帖最後由 wmysterious 於 2018-12-26 09:29 PM 編輯 [/i]]

wmysterious 2018-12-28 09:28 AM

我終於知道你愛嘅佢係一個點嘅人,真心希望你哋幸福快樂,白頭到老,我都要努力學習放下,去忘記…希望我都可以忘記你嘅生日…我哋每一個紀念日…你嘅承諾…
偶然再經過你同我去買餅嘅街…都忍唔住痛,其實一切已經過去…

[[i] 本帖最後由 wmysterious 於 2018-12-28 09:57 AM 編輯 [/i]]

利害小子 2018-12-28 03:36 PM

嘩好長細,多謝分享

wmysterious 2019-1-10 11:57 AM

盡力去把你變為普通的一位朋友,亦師亦友,而你仍是口花花,我寧願見返當初情長老實的你

wmysterious 2019-1-11 12:25 AM

已經感覺唔到在乎,又何必再去想念,點解仲唔放下

wmysterious 2019-1-15 06:19 AM

早晨,已經唔係我地早上第一句説話;老公,亦唔係我對你嘅稱呼。究竟自己係找個理由去搵你,去試探因為掛住你?去面對你對我仲有幾多在乎?
三變一,一次比一次敷衍,甚至忘記要我提,這幾天你幫我,我本來應該開心,但點解個心仍然咁痛?點解仲要去計較多定少?定自己明白我自己係邊個。另一邊普通嘅朋友同一件事,會立即幫,好努力幫,究竟係普通朋友比較手腳快定有責任感,還是我在你心中只有表演價值…
因為我感覺到你已經唔在乎,言語間,文字裡所謂關心,都已經不再,你只記得表演中嘅我…

[[i] 本帖最後由 wmysterious 於 2019-1-15 06:26 AM 編輯 [/i]]

wmysterious 2019-1-15 10:17 PM

好想你知道今晚我真係過得好辛苦,好痛,好難過,不過你好忙,在線上,卻一直唔係回覆我,如果你嘅佢同樣好唔開心,你會立刻…

[[i] 本帖最後由 wmysterious 於 2019-1-15 10:22 PM 編輯 [/i]]

wmysterious 2019-1-16 09:14 AM

早晨,除咗表演,我哋之間已經冇乜其他話題,今次我已經覺得好攰唔想繼續落去,你嘅佢一路當你係專一有教養嘅暖男,而我係已經清楚?害怕?唔甘心?你變成咁?我其實唔了解你,定害怕了解真實嘅你,一切原來已經返唔到轉頭,感覺原來一早唔一樣,你話你仍然係四年前嘅你,係嘅,一樣只喜歡表演,現在你生命裏最重要只有佢,而唔係我…
如果你已經不愛我,為什麼仍然瞞著佢搵我仲要一齊表演?

wmysterious 2019-1-23 04:54 PM

愛一個唔愛自己嘅人真係好攰,好辛苦。明明知道你只當我係一個臨時演員,明明知道你hea覆,明明知道你已經唔同左,點解仲渴望你會再一次戀上自己??點解仲咁傻?

[[i] 本帖最後由 wmysterious 於 2019-1-23 04:57 PM 編輯 [/i]]

wmysterious 2019-1-30 02:51 PM

仍然要相信愛情嗎?所有前度找前度都係為左表演嗎?點解咁傻會相信你單純為了愛?

[[i] 本帖最後由 wmysterious 於 2019-1-30 02:56 PM 編輯 [/i]]

wmysterious 2019-1-31 10:03 AM

早晨♡
我都有問過自己好多次,係咪真係可以過自己嘅底線?我都嘗試努力過,爭扎過,一清醒,就會希望自己唔好做超越自己底線嘅事。可以再同你傾,感覺已經不一様,你話自己無變過。分開後,你可以不停同其他人表演,你愛上左佢,你會同佢表演,甚至忘記我,而我仲係沉醉係你我嘅日子,仍然每日諗起你。
我只係一件玩具,臨時演員,我知道你唔再愛我,而希望最後一次同你説早晨,以後都不要再見,你幸福快樂就好。

wmysterious 2019-2-4 10:17 AM

年廿八洗邋遢,今年沒有時間去清理屋企,一路都忙,不過我卻下定決心要將唔好嘅回憶去清理…
記得個年我地一齊行年宵嗎?你行行下突然話要返屋企,我本來諗住可以一齊食團年飯…
太多嘅禮物,每一件代表對你嘅思念,不過唔應該再寄比你,應該由佢比你,我已經唔係你邊個,而佢亦引用得好啱,如果你係愛我嘅,其實一早已經追返我,唔會兩年後先搵返我。前度搵返自己,只會為左表演,食自助餐。你只係暫時未揾到更適合嘅演員,你只會為左表演先搵我,點解我完全感覺唔到被愛?係你嘅演技差左?定我清醒左?
我都好想以為你仍然情深愛我,掛住我,話你想見我?因為愛?因為表演?
但我地嘅通話,你嘅文字,回覆,令我知道我並唔重要,你成日話唔可以block, 但如果我冇block 我就會心軟,我會等你覆我,好啦,就算等到你覆,就係一兩個表情符號,之前唔知道你已經有佢,當知道後呢一年,每晚都瞓唔好,你已經有咗佢,你已經有另一個佢,你話你無變,其實你嘅心一早已經變左。
我唔想要去搵籍口去試一試你會唔會仲關心我,仲緊張我,如果冇,我又會好難受,唔想過底線。
知道你終於可以放底我,同佢一齊,去做所有嘢,我個心真係好痛。
你要嘅只係一個演員,一傾表演就會覆,而我要嘅愛,你已經比左佢。
年廿八你攞到嘅禮物係我比你最後嘅祝福,曾經你比我好多美好回億讓我一一記下,曾經以為你亦會為我日日記下,不過情長不是你,亦讓我知道你已經洗左我們嘅回憶。希望你好好珍惜身邊嘅佢。

[[i] 本帖最後由 wmysterious 於 2019-2-4 10:57 AM 編輯 [/i]]

wmysterious 2019-2-26 11:22 AM

重播月滿軒尼斯,一班朋友睇住湯唯,劇情去到張學友同湯唯嘅男友講,「我會令佢開心,哈哈大笑,而你,可以嗎?」
我諗起你因為佢嘅傻事而不停大笑取笑佢,佢亦會因爲你不停取笑佢而生氣,其實連我呢個外人係另一邊都感覺得到你倆嘅快樂,幸福,好溫馨,原來你亦已經比唔到呢種簡單嘅開心我,我亦唔可以過自己嘅底線去令你開心。
的確,佢可以令你不停大笑,你哋好似劇中嘅一對,有共同興趣,共同話題~衰人,笑夠未吖,而可以想像你棒腹大笑嘅樣,而我,從來冇見過你咁樣大笑,我比你嘅唔會係呢種快樂,你講嘅笑話都唔會再令到我可以笑…亦冇人再可以令我笑…
睇住由濃轉淡,你其實已經忘記左我…你亦唔需要再話掛住我,其實你一早已經忘記左我,請你好好對待一個可以令你開心大笑嘅佢!

[[i] 本帖最後由 wmysterious 於 2019-2-26 12:09 PM 編輯 [/i]]

wmysterious 2019-2-27 06:26 AM

你已經忘記左我嘅生日,你已經忘記左我地嘅紀念日,這些日子,不是為了送禮物,不是為了吃一餐去慶祝,卻是一份情意,一份紀念,回憶我地之間嘅相識相遇,我哋曾經嘅缘份……
你説你忘不了我,仲記得所有細節,清楚知道,其實唔係… 你已經忘記左我,亦都忘記我係有感受,你已經不會再關心我或我嘅家人,你只會關心表演,又再一次將我變成演員…

[[i] 本帖最後由 wmysterious 於 2019-2-27 06:32 AM 編輯 [/i]]

wmysterious 2019-2-27 05:26 PM

望住你嘅對話,我終於感覺到你唔係真係掛住我,我終於睇得出你只係想搵我表演,仲要係超級臨時…
你話我知你唔舒服,我會擔心你,會好想你快啲好返,不過我知道我已經唔係你邊個,亦記得你之前都試過為左同我表演而唔舒服,今次你又為左邊一個人而唔舒服?你點解下午先搵我?我知道你只係當我係一件玩具,我真心希望個愛你嘅女朋友可以令你安定,希望你哋幸福。如果我唔係知道真相,可能我已經立即去陪你睇醫生,煮粥你食…或者其實你冇唔舒服,只係約了另外第三,四個佢…
前兩日,我好唔開心,喊左好耐,不過你好唔緊張,愛一個人會係咁嗎?

[[i] 本帖最後由 wmysterious 於 2019-2-27 05:33 PM 編輯 [/i]]

wmysterious 2019-2-28 04:50 AM

你叫我陪你睇醫生,叫我唔好走。你話無人照顧你,係傻瓜先信你定傻瓜先會比自己一個藉口?
我明明講左唔會嚟,要有底線,但心軟,最終仍然放厎一切,趕回家給你煮粥,去你屋企附近,whatsapp你,沒有回覆,等左一個鐘,我知道應該有人照顧緊你…
原來心已經無再痛…反而慶幸你無覆我,我可以清醒…要清醒…返到屋企望住碗粥,原來自己仍然可以為左一個咁嘅你,放下一切工作,跑回家煮粥,病到暈嘅我堅持返工,但為左你,我會放下所有去陪你,原來回家一路工作,一路都會諗起你…
我會好好醫好我個心,祈盼你永遠都要身體健康…

mmtwater 2019-3-17 05:55 PM

*** 作者被禁止或刪除 內容自動屏蔽 ***

wmysterious 2019-3-18 03:08 PM

你話你同佢表演嘅時候無feel , 每次都只會幻想跟我表演緊,幾時開始你同佢嘅表演已經無feel ? 你要我同你表演,你話咁樣同我表演又同時愛佢係無抵觸,你只係當我係一個演員。
為左表演,你可以再叫我老婆仔,其實我真係會感動,不過我知道如果我堅持唔同你表演,你就唔會幫我或去關心我,你要我去了解你嘅另類表演世界,越了解越明白你點解會咁… 世界本來就係好亂,情,慾,而你想要嘅,我真係比唔到,之前你話未拍拖,我以為什你仍然好愛我,我先可以同你去表演,而家,你根本冇愛我,一次又一次可以讓你去證明你愛我,你都唔會去做,你令我又再一次知道我只係一個演員,又令我諗返初衷。

wmysterious 2019-3-19 10:42 PM

記得第一次上香討係18年既1月,17年既10月,你搵返我,兩年啦,足足兩年啦,由15年11月3日我哋一齊,之後分開…兩年你都無搵過我…
兩年後,突然你話你好掛住我,我真係信係真,以為你仍然一個,我地去返第一次見面既地方,之後我地又去左一次小島,嗰一次表演後,我無意中先知道你原來你有拍拖,我記得當時我真係好痛好痛好痛,我之後再問你,你先承認,點解要咁,點解你啱啱拍拖仲要搵我?因為你知道我仲愛你?因為你知道我真係咁無用?因為你知道我會心軟?點解要講咁多大話?
你知唔知道你今晚講既大話,我都唔想拆全你,其實你邊有不停上去睇我有冇上,不過唔需要再執著,兩年前我最需要你既時候,你不在。
今日你已經有佢,你既hea 覆,關心,幫忙只係為左表演。我知道你已經一早忘記左這份情…
你話你記得我地所有事情,其實你已經忘記,我點解仲要傻…

[[i] 本帖最後由 wmysterious 於 2019-3-19 10:55 PM 編輯 [/i]]

wmysterious 2019-3-25 05:02 AM

可惜你唔係宇文護…

我真拿妳一點兒辦法也沒有,
妳就仗著我愛妳…
我這輩子,
也沒法抗拒妳…

可惜你唔係佢,冇佢嘅情深 ,一生一世愛著般若…
當我知道你有佢,我一次一次拒絕,你一次又一次翻起漣漪,不過宇文護只有一個般若…而你眼中只有佢,只有表演,情深緣淺…

只有默默祝福你同佢,我知道最好的是唔好再相見…
咁你先可以忘記,先可以投入表演

wmysterious 2019-4-2 10:56 PM

睇住你同佢嘅一切一切,我終於相信你真係已經拍左拖。你真係已經變左,你真係已經唔再屬於我,而我只係一個演員…你真係唔會再愛我,你地真係好幸福。
感謝你曾經令我有返信心去愛…
依家,我真確相信佢比到幸福你…
我個心好痛好痛好痛,下午到依家,喊咗好多次…
我其實係乜?只係你表演嘅演員。
你講過你會帶我去你嘅新居,你嘅承諾曾經令我有一線希望,覺得你係上天比我嘅天使…今日想問你,你唔提我亦唔會問,不過曾經真心愛過你,甚至呢一交刻都亦愛你,我只會希望你幸福,不用擔心我知道…
你知唔知道,最震撼最痛係知道你同佢居然去咗我同你僅有嘅回憶街道,點解你要選擇最重要嘅一日同佢去我地專屬嘅街?點解我仲可以咁痛?
呢條街有我地唯一回憶,擁吻,點解你同佢有千萬個回憶,仍然要選擇去佔據去洗去我同你之間最美好嘅街道,點解要咁殘忍?點解連一點點回憶都唔可以留比我?
分開後,你知唔知道我用咗幾耐先夠膽踏入返呢條街,最初,每次都要避過,而分開後第一次踏上,我都忍唔住喊,心好痛…
原來只有我仍然相信你仍然係愛我…

[[i] 本帖最後由 wmysterious 於 2019-4-3 08:02 PM 編輯 [/i]]

wmysterious 2019-4-4 04:07 PM

大傻瓜
大傻瓜
大傻瓜
如果你要令我傷痛到無法再起身,你真係已經做到 … 徹徹㡳底將我個心分烈…真係好痛好痛,而我仲會因爲你一次又一次呃我而喊而心痛…
你曾經話你仲未拍拖
你曾經話你地十畫未有一
你曾經話你仲未同佢表演
你曾經話你忘記唔到我
你曾經話你同佢已經表演
不過表演既時候冇feel

祝福祝福再加上祝福…
祝福你同佢白頭到老…
請永遠將你從我記憶中拎走
你終於搵到對既人
你幸福快樂就好…

[[i] 本帖最後由 wmysterious 於 2019-4-4 05:05 PM 編輯 [/i]]
頁: [1] 2
查看完整版本: 縱使相見已是路人茫茫