查看完整版本 : 請問有冇人join過法巴影pre wedding?

wanko_lam 2018-11-10 12:54 AM

請問有冇人join過法巴影pre wedding?

舊年婚展join左法巴影pre wedding, 打算出年影左佢。想問下有冇人join過呢間婚攝?想問下個流程係點架?
第1日揀衫?有冇得試埋妝?
第2日影相
第3日係咪有相揀架喇?咁揀完相預佢要一段時間執相,執完覺得唔得有冇得叫佢再執過?同埋排版有冇得過目再決定要唔要佢排?(因為有睇過啲師姐話法巴排版好老土,寧願自己排版)
另外打算4月影,請問台灣4月天氣好唔好?會唔會多雨?
Thanks!!

[[i] 本帖最後由 wanko_lam 於 2018-11-10 12:58 AM 編輯 [/i]]

少一日 2018-11-12 10:30 AM

我都係婚展JOIN呢間,如果你係JOIN個間係台北中山北路**更正返個地址,之前寫錯。(因為我見新竹有間同名)
由於我未影所以講唔到影完之後的流程,
但影之前我都可以答到你,因為我仲有幾星期出發,事前工作都做晒。
特別3-4月有櫻花,好多人會提前一年定左個期,所以要留意。
而台灣雨季一般係5月開始,4月還好。

首先我會建議你早D決定幾時影,然後買機票或請大假先,確定左自己時間得唔得再通知佢地。因為如果定好期,係2個月前要改已經要俾錢。
而我係9個月前通知個邊定期,我問星期日可唔可以試衫,佢地係營業的。
8日遊時間表 - 星期日飛,即日下午揀衫傾行程 > 星期一 影相 > 星期二揀相 >之後玩玩玩。
[不過如果你有打算影博物館之類,就唔好揀中星期一影,因為台灣大多數係星期一休息] 我係全郊景就無所謂
可以分享埋我朋友3個月前通知的時間,我地係同日出發,個人覺得咁安排好難去玩而且係影相之前仲要戒口,變左無夜市生活...
7日遊時間表  - 星期日飛 > 星期一揀衫 > 星期二玩 > 星期三 影相 > 星期四揀相 > 玩多日半。
**我地估計係要就攝影師,而有咁安排,但佢講得好好聽話揀完衫要休息一日再影會靚D,信唔信就見仁見智。

[[i] 本帖最後由 少一日 於 2018-12-20 04:56 PM 編輯 [/i]]

少一日 2018-11-12 10:41 AM

雖然我未影,但我可以好肯定答你係無得試妝。
我係婚展都有問過佢地,佢地答我唔會試妝。所以化得好唔好就睇你運氣...安排個手殘的話,凶多吉少:smile_39:
你唯一可以做到的事,準備功課做足,等佢地知道你地想要D咩。
好多時D人話差,其實可能係無做過功課,攝影師同造型師唔知D人想要什麼,只能估估下....結果咪出現問題(當然唔排除真係有D唔太好)

如果你地諗住4月,開始定做功課都差唔多了....唔係個個聯絡人都會提你做功課,我朋友就無提到(係我講起做好份功課,佢地問返我轉頭要做D咩,先知佢地完全唔知有件咁嘅事)
功課 - 兩份POWER POINT(一份係攝影風格,一份係造型禮服)
如果你想知功課詳細,可以PM俾EMAIL我,我SEND我份俾你參考下。

[[i] 本帖最後由 少一日 於 2018-11-12 10:45 AM 編輯 [/i]]

Viqueenie 2018-11-14 11:40 AM

朋友係舊年影,最後加左兩萬幾蚊相錢,衫又UPGRADE 咁,最後都貴埋單。

wanko_lam 2018-11-14 10:18 PM

[quote]原帖由 [i]Viqueenie[/i] 於 2018-11-14 11:40 AM 發表 [url=https://www.discuss.com.hk/redirect.php?goto=findpost&pid=490516812&ptid=27840268][img]https://www.discuss.com.hk/images/common/back.gif[/img][/url]
朋友係舊年影,最後加左兩萬幾蚊相錢,衫又UPGRADE 咁,最後都貴埋單。 [/quote]

但影出黎效果o唔ok? 同埋知唔知佢用邊個攝影師同化妝師?

wanko_lam 2018-11-14 10:26 PM

[quote]原帖由 [i]少一日[/i] 於 2018-11-12 10:30 AM 發表 [url=https://www.discuss.com.hk/redirect.php?goto=findpost&pid=490413758&ptid=27840268][img]https://www.discuss.com.hk/images/common/back.gif[/img][/url]
我都係婚展JOIN呢間,如果你係JOIN個間係台北中正路。(因為我見新竹有間同名)
由於我未影所以講唔到影完之後的流程,
但影之前我都可以答到你,因為我仲有幾星期出發,事前工作都做晒。
特別3-4月有櫻花,好多人會提前一年定左個期,所以要留意。
而台灣雨季一般係5月開始,4月還好。

首先我會建議你早D決定幾時影,然後買機票或請大假先,確定左自己時間得唔得再通知佢地。因為如果定好期,係 ... [/quote]

太好喇,thanks師姐!
有同名嘅?我果間唔係新竹,亦都唔係中正路,係中山北路。
你同你啲朋友揀左邊個攝影師同化妝師?同埋你地會唔去攝影基地影呀?

wanko_lam 2018-11-14 10:29 PM

[quote]原帖由 [i]少一日[/i] 於 2018-11-12 10:41 AM 發表 [url=https://www.discuss.com.hk/redirect.php?goto=findpost&pid=490414279&ptid=27840268][img]https://www.discuss.com.hk/images/common/back.gif[/img][/url]
雖然我未影,但我可以好肯定答你係無得試妝。
我係婚展都有問過佢地,佢地答我唔會試妝。所以化得好唔好就睇你運氣...安排個手殘的話,凶多吉少:smile_39:
你唯一可以做到的事,準備功課做足,等佢地知道你地想要D咩。
好多時D人話差,其實可能係無做過功課,攝影師同造型師唔知D人想要什麼,只能估估下....結果咪出現問題(當然唔排除真係有D唔太好)

如果你地諗住4月,開始定做功課都差唔 ... [/quote]

我冇pm功能呀 😢
你影完介唔介意上黎再分享呀~
我想睇下揀完相仲可以執幾多round

少一日 2018-11-14 10:50 PM

[quote]原帖由 [i]wanko_lam[/i] 於 2018-11-14 10:29 PM 發表 [url=https://ladies.discuss.com.hk/redirect.php?goto=findpost&pid=490548697&ptid=27840268][img]https://ladies.discuss.com.hk/images/common/back.gif[/img][/url]


我冇pm功能呀 😢
你影完介唔介意上黎再分享呀~
我想睇下揀完相仲可以執幾多round [/quote]


當然可以分享返D經驗,你無PM功能咁就無計啦-口-"
因為我好多資料都係網上搵出黎,唔可以太光明正大咁POST出黎,只能私下做為參考之用。
聽朋友講一般可以執兩次,我到時會再問問。
同埋女仔可以上佢個官方網睇法泥D禮服相,睇到鍾意就儲入檔案夾內,做PPT個陣用得著。(記得揀定一D唔鍾意的款式,係PPT都要講佢知)
同朋友傾過,佢係之前影完有講服務唔錯,攝影師同造型師都唔差,係揀相個陣比較煩人。
你到時定左日子,可以問佢派左邊個攝影師俾你,同埋叫佢俾作品你睇下。
而且攝影師風格都好重要,睇過我個個攝影師主打型格風,而我喜歡自然風,所以就好自然覺得佢影得一般。好睇個人喜好

[[i] 本帖最後由 少一日 於 2018-11-15 10:13 AM 編輯 [/i]]

wanko_lam 2018-11-15 04:05 PM

[quote]原帖由 [i]少一日[/i] 於 2018-11-14 10:50 PM 發表 [url=https://www.discuss.com.hk/redirect.php?goto=findpost&pid=490549843&ptid=27840268][img]https://www.discuss.com.hk/images/common/back.gif[/img][/url]



當然可以分享返D經驗,你無PM功能咁就無計啦-口-"
因為我好多資料都係網上搵出黎,唔可以太光明正大咁POST出黎,只能私下做為參考之用。
聽朋友講一般可以執兩次,我到時會再問問。
同埋女仔可以上佢個官方網睇法泥D禮服相,睇到鍾意就儲入檔案夾內,做PPT個陣用得著。(記得揀定一D唔鍾意的款式,係PPT都要講佢知)
同朋友傾過,佢係之前影完有講服務唔錯,攝影師同造型師都唔差,係揀 ... [/quote]

好呀,你幾號返黎呀?

少一日 2018-11-16 10:25 AM

[quote]原帖由 [i]wanko_lam[/i] 於 2018-11-15 04:05 PM 發表 [url=https://ladies.discuss.com.hk/redirect.php?goto=findpost&pid=490581702&ptid=27840268][img]https://ladies.discuss.com.hk/images/common/back.gif[/img][/url]


好呀,你幾號返黎呀? [/quote]

下個月中返黎,
係影前真係好多野擔心。特別係費用方面問題...
你可以定時間後,EMAIL問佢一D詳細資料,到時去到台灣發現有出入都有得講。
我睇過自己張單,有D位無清楚說明,要自己去問。
例如:
1.男包煲呔(蝴蝶結),但領帶唔包。
2.男一黑一白禮服,想轉其他色要加錢。(一般好少男會有白色皮鞋或全白鞋,佢話禮服公司包埋白色鞋,收據係無寫,而且佢會叫你帶鞋)
好似我地咁,男士無白皮鞋而佢會提供,我地就唔洗特登買一對著,而且著完一次就唔再著好浪費。
3.佢寫俾首席攝影同造型你,但其實無得指定,指定要另外收錢。
4.佢講出外景會有一攝影師同一助手跟車,但要留意助手唔係造型師,如果要造型師記得定日子個陣講埋。而呢個位係需要收費
(我朋友以為助手就係造型師,無要求到....中晒招。佢而家擔心到時安排唔到造型師跟車,因為太遲講)

wanko_lam 2018-11-17 01:16 AM

[quote]原帖由 [i]少一日[/i] 於 2018-11-16 10:25 AM 發表 [url=https://www.discuss.com.hk/redirect.php?goto=findpost&pid=490615503&ptid=27840268][img]https://www.discuss.com.hk/images/common/back.gif[/img][/url]


下個月中返黎,
係影前真係好多野擔心。特別係費用方面問題...
你可以定時間後,EMAIL問佢一D詳細資料,到時去到台灣發現有出入都有得講。
我睇過自己張單,有D位無清楚說明,要自己去問。
例如:
1.男包煲呔(蝴蝶結),但領帶唔包。
2.男一黑一白禮服,想轉其他色要加錢。(一般好少男會有白色皮鞋或全白鞋,佢話禮服公司包埋白色鞋,收據係無寫,而且佢會叫你帶鞋)
好似我地咁,男 ... [/quote]

你咁樣講完之後,我發覺婚展當日佢用張白紙上寫嘅野,有啲item冇寫喺張收據到。例如佢喺draft到話可自選攝影師,但收據冇寫到,我驚到時佢會反口😥
另外想問下外跟係咪即係造型師?因為佢同我解釋外跟即係幫你抹汗,擺裙尾,執頭執尾。都唔似講緊造型師,重點係外跟要另外收費,所以我考慮緊有冇加外跟嘅需要。然後睇完其他post,又諗緊外跟係咪即係造型師?如果我係包5款造型,即係要換妝換髮型,咁即係一定要外跟(?)造型師啦🤔

少一日 2018-11-19 10:19 AM

[quote]原帖由 [i]wanko_lam[/i] 於 2018-11-17 01:16 AM 發表 [url=https://ladies.discuss.com.hk/redirect.php?goto=findpost&pid=490654226&ptid=27840268][img]https://ladies.discuss.com.hk/images/common/back.gif[/img][/url]


你咁樣講完之後,我發覺婚展當日佢用張白紙上寫嘅野,有啲item冇寫喺張收據到。例如佢喺draft到話可自選攝影師,但收據冇寫到,我驚到時佢會反口😥
另外想問下外跟係咪即係造型師?因為佢同我解釋外跟即係幫你抹汗,擺裙尾,執頭執尾。都唔似講緊造型師,重點係外跟要另外收費,所以我考慮緊有冇加外跟嘅需要。然後睇完其他post,又諗緊外跟係咪即係造型師?如果我係包5款造型,即係要換妝換髮型,咁即係 ... [/quote]

你可以同時搵當初同你係婚展傾個個whatsapp問&email去跟你的個位台灣人問,但有機會佢會講收據無寫就即係無。
我唔太清楚外跟,但如果係要加錢個位就應該係造型師。
其實造型師係幫你set好頭補左妝後,然後就主要留意新娘新郎妝容同禮服有冇問題,例如:新娘臉有出臉,佢要即時幫你抹同補粉。婚紗拖尾款係好重身的,一般都會係造型師幫手拎住行,而且外景換衫個陣造型師都會幫手。但擺尾應該係攝影助手做:smile_44:
我包左五套禮服,而且全大自然外景,所以需要有造型師跟車,唔係上到山風一吹亂無人執樣就會悲劇。但如果你地係市區影,例如:公司室內棚景2套+市景(日景2+夜景1),而且近婚紗公司可以考慮唔需要,棚景影完再換埋衫先出去,都係返去2次換衫,唔會太趕。但缺點係不能去超過30分鐘車程的景點拍攝,一來一回一個鐘仲要換衫換妝...都要時間。
有時我都覺得換5套衫真係玩死自己,個陣就覺得愈多愈好...而家做左好多功課後就覺得太多了:smile_45::smile_45:

[[i] 本帖最後由 少一日 於 2018-11-19 10:22 AM 編輯 [/i]]

yuuri 2018-11-22 02:55 PM

我係17年4月復活節之後嗰個星期五六日過去~
咁嗰幾日台灣天氣其實唔係好好~連續幾日都係落大雨
而我地影嗰日一直keep住都有雨~係中午嗰時出左一陣太陽
所以如果你心儀嘅係樹林/海邊呢啲大自然景多啲嘅
咁你就要諗定啲後備景點for落雨
不過呢其實落雨影都唔太大~因為後期係可以執嘅~
但係4月台灣落住雨~都真係堅凍~所以你最好攞定啲暖包過去

出發法巴嗰邊會sd份check list俾你提你有咩要帶
如果你有咩小道具都可以帶埋過去~不過佢唔係個個攝影師都會接受你用~
咁有幾樣嘢建議留意嘅

1. 唔好帶束衣束褲~帶nubra
台灣嗰邊嘅婚紗同禮服基本上都已經車左骨係上面~姐係本身已經自帶左束衣嘅功能
~另外佢好多款都係透明紗款~著左束衣同束褲其實係會睇到~所以最好嘅就係用nubra~而且正確使用nubra可以為你夾出超深事業線!!!!

2. 先自購安瓶精華
安瓶精華基本上係所有台灣新娘化妝師都會叫你用嘅嘢~佢買俾你係NT250一支~但你自己去買嘅就係NT990/盒(5支)~一般一買會說你買2支~一人用一支~主要作用係幫你上粉同定妝~至於會唔會勁sell你就睇下你個化妝啦~我當日嗰個就無sell~但我個fd嗰個就明知佢買左都sell佢買埋另外一款~話要2支夾埋用先work

3 馬夾~腰封~呔
法巴本身係無男裝嘅~所以當日嘅男禮你係要去另一間鋪頭到揀~而可以揀嘅只有5款~3黑2白都係一啲平實款~包最基本嘅外套~西褲~領呔~同一對白皮鞋~想要其他配件就要加錢~所以如果男士想要馬夾~腰封~或者相用蝴蝶呔或者嗰啲好花俏嘅領結嘅話就最好自己買定帶過去~當然佢鋪頭仲有好多唔款式~你係可以補差價轉款~

4 準備多啲現全~
有啲item係只收現金嘅~例如入場費, 化妝師跟出外景嘅附加費, 當日租車嘅費等等~

5 會唔會留多幾日~自己攞返張油畫走
如果你可以留多一兩日嘅~其實法巴可以趕左張油畫俾你先~我無記錯嘅法巴係寄空郵速遞(到付)~我記得嗰到都收左我差唔多800(我住偏遠地區)~我個fd就自己攞油畫返嚟~咁就收500左右~所以你時間許可嘅~可以考慮下

yuuri 2018-11-22 03:44 PM

至於流程其實好簡單
你確定左日子之後就通知法巴~
通常就係第一日試衫~第二日影~第三/四日揀相~
至於邊個幫你化妝邊個幫你影你係要去影當日先知嘅
所以你係唔會有得試妝嘅~
就咁佢公司嘅攝影師同化妝師嘅質素都幾差次
我同我朋友出嚟嘅效果係差天共地~所以你要有心理準備

第一日 試衫~
試衫當日首先你要去返佢中正路嘅鋪頭~都幾易搵~出左地鐵站一條直路就到
搵返跟你個sales佢會同你簡單講下呢幾日嘅流程~就帶你上5樓揀衫
咁當日你最好攞埋nubra去~度身嗰啲會準啲~
(我嗰日就係無帶~結果全程我上身都係真空咁試>///<)
法巴揀衫其實幾舒服~全程會有專人陪住你~當你揀完第一輪~
佢了解到你基本要求之後仲會俾推薦你~
試衫係無時限~無限件數~我嗰日淨係婚紗都試左7到8套~
而且佢分晒顏色擺~所以揀都幾易~
揀好5套之後~佢就會即場同你度身同改~改完再試~改到啱先俾你走~
揀完女裝就到男裝~sales會俾一個信封你叫對面街前幾個鋪位揀西裝
咁其實個信封都張卡仔~上面有晒5套西裝嗰樣~都係基本款~
去到都係話佢知你要邊套黑邊套白~之後簡單試下再同你度埋身~
最後試埋對白皮鞋(無款揀)~咁就OK~
揀好晒衫就返去法巴鋪頭~sales就會同你confirm你想去咩景點~
當日你要唔要化妝師跟出外景~租車係經佢地租定你自己租
化妝師方面你如果唔係係返法巴附近影嘅~我建議你都係俾個5000好啲
唔係你每換一套衫都要返一返去轉裝轉頭其實都幾煩~
至於車我都係建議你經佢地租~話晒合作開嘅司機比較熟路
唔會浪費時間係搵路上面~同經佢地租價錢都唔係好貴
2000/首4小時~之後每小時400~咁一般拍攝時間係8至10個鐘~

第二日影相~
都無咩好講~都係一早去到化妝~跟住就按第一日傾好嘅行程咁出去影相~
至於攝影師好唔好~化妝師好唔好你就真係自求多褔啦~
因為你無事前指定嘅話~攝影師同化妝師都係隨機派俾你~
(我知攝影師可以指定~但化妝師就唔清楚)

第三/四日 揀相
我就唔係好清楚台灣嗰邊揀相嘅情況~因為我係返到嚟係香港法巴揀嘅
不過聽我個fd講~應該同係香港揀差唔多~
唯一分別就係佢嗰邊嘅sales就會sell相sell得勁啲~
法巴佢有個自己個system俾你揀相嘅~但係佢呢個system係好可愛嘅
佢會將當日所有相打亂~所以唔小心啲嘅真係有可能會揀左2張差唔多嘅相
我嗰時揀相就係先快睇一次~係呢次所有第一眼望落去唔順眼嘅全刪
第二次睇仔細啲~姐係啲有無反白眼呀~啲表情好唔好呀咁
再刪一批唔滿意嘅~
其實經過呢2輪基本上你基本上都刪左3份2架啦~
咁我真係好唔建議買相~
第1 其實一本相簿大約有30幾張相已經好夠~
不過佢地好鍾意同你講本相簿無返五六十張相係唔夠厚唔體面嘅
但係嗰本相簿出到嚟會成本黃頁咁厚囉....
你試諗下一本24"厚卡紙印嘅黃頁....真係重到連個sales都要2隻手先攞得起!
第2 佢加相嘅錢都唔平~分分鐘貴過個package~
咁當然佢地對唔同人會有唔同offer~我個fd對啲相一臉不滿
當日都俾人說買相~話平俾佢地HKD17000~60張~真係影多攝都夠啦啦隊!

所以如果你本身個package包相有大約50到60張其實都已經好夠~
唔需要再係佢到加相~如果你想有多啲相show嘅~我真心建議你影多攝好過
而家香港有好多幾千蚊就可以同你影~
咁執相同印攞上淘寶就可以超低價攪掂

yuuri 2018-11-22 04:31 PM

咁我唔係好記得係揀相前同揀相後~
法巴會問你啲想要點執~會有份表俾你填
咁佢都會有啲修圖前修圖後嘅對比相俾你睇~
按佢地講多數人都會揀第2級嘅程度
(個人覺得第二級都已經執得好勁~第三級直頭係美圖秀秀達人級別)
我個人就揀左第一級~輕輕執~

咁你揀好相之後佢就會按你填嘅呢份表幫你執~
執好佢會EMAIL俾條LINK你自己去睇~有咩唔滿意你就經EMAIL同佢講返
同時佢會俾多一張FORM你~嗰張就係你要揀返邊張相做油畫~邊張做座枱相啲
咁相佢會執到你滿意先攞去印~
送之前運輸公司會打俾你~報返運費同同你再確認一次地址~

另外你JOIN法巴佢通常都會話你可以用600蚊係佢香港鋪租一套白紗
我真心建議你唔好用~因為可以俾你揀嘅款唔多~而且款式都係比較一般嘅
仲有啲係殘殘地架添.....

SKAWilliam 2018-11-23 11:41 AM

前兩日影完,祝你好運
1. 溝通:
唔知佢地係做到挖晒瓦,定係同淡水莊園有分佣,根本冇心聽你想影乜野!
我話想影大自然,影台灣風景,結果有半日喺淡水莊園渡過。
我地提出左6個陽明山景點,結果都係得個吉。例如我地話想去黑森林,結果只帶我地去陽明山公園影。我地話想影吊橋,結果問都冇問,影完芒草就直接落山,我發現落緊山去淡水果時,問攝影師其他景點點算,佢就話公園果度同黑森林好似,幫我地skip咗...吓???
吊橋就起霧,唔影...吓???
乜都唔駛同我地講?我黎台灣係為左影你個淡水莊園?
真心建議你企硬講明邊啲一定要影!
返到去揀相,同接待講返問題,佢哦完就算,叫我地繼續揀相!


2. 錢:
呢個冇乜好講,條款寫齊,但你要識諗有咩問題。埋單兩萬四,六十張相,揀相先係最食你錢,不過質素係咪值兩萬四呢?下面講!


3. 質素:
先講衫,婚紗款少,亦唔見得靚。男士白色果套係逼你skip,加6000台幣換多套。


攝影:Pose黎黎去去都係果幾個,自己睇相都睇到悶。
攝影角度,我舉個例,上山影芒草果時,係同其他組排隊等同一個位影,簡單講即係罐頭位置。
影出黎效果平庸,基本上你話有冇鍾意既相?有,但唔超過十張。
我係為左砌本相薄先要買相,揀相原則係揀冇犯錯既相,而唔係揀靚相!


有得再揀,我寧願留返喺香港影算!

wanko_lam 2018-11-26 04:42 AM

[quote]原帖由 [i]yuuri[/i] 於 2018-11-22 04:31 PM 發表 [url=https://www.discuss.com.hk/redirect.php?goto=findpost&pid=490928659&ptid=27840268][img]https://www.discuss.com.hk/images/common/back.gif[/img][/url]
咁我唔係好記得係揀相前同揀相後~
法巴會問你啲想要點執~會有份表俾你填
咁佢都會有啲修圖前修圖後嘅對比相俾你睇~
按佢地講多數人都會揀第2級嘅程度
(個人覺得第二級都已經執得好勁~第三級直頭係美圖秀秀達人級別)
我個人就揀左第一級~輕輕執~

咁你揀好相之後佢就會按你填嘅呢份表幫你執~
執好佢會EMAIL俾條LINK你自己去睇~有咩唔滿意你就經EMAIL同佢講返
同時佢會俾多一張 ... [/quote]

多謝你詳細嘅分享呀!好好心機打咁多字,真係超級詳細呀!!不過我仲有下面嘅問題呀…

會唔會留多幾日~自己攞返張油畫走
張油畫係咪就係最大嗰張相?如果係自己拎,會唔會好容易整皺整花架?

攝影師&化妝師
因為我有得自選攝影師同化妝師,見你話你同你朋友出嚟嘅效果差天共地,可唔可以透露下效果出嚟好嗰位攝影師同化妝師係邊位?😂

揀相
其實我想喺香港揀相呀,係咪同台灣方面直接要求係香港揀相就ok?同埋如果我喺香港揀相,咁張油畫嘛冇得喺台灣自己拎返嚟囉?! 🤔 另外因為我package只包30張相,睇以前啲post有師姐話每頁一定要放3張相,即係本相簿只可以做到5頁。其實5頁一本相簿出嚟個效果會唔會好肉酸架?因為加相真係好貴呀,我寧願喺香港影多輯好過😭😭😭

wanko_lam 2018-11-26 04:50 AM

[quote]原帖由 [i]SKAWilliam[/i] 於 2018-11-23 11:41 AM 發表 [url=https://www.discuss.com.hk/redirect.php?goto=findpost&pid=490961126&ptid=27840268][img]https://www.discuss.com.hk/images/common/back.gif[/img][/url]
前兩日影完,祝你好運
1. 溝通:
唔知佢地係做到挖晒瓦,定係同淡水莊園有分佣,根本冇心聽你想影乜野!
我話想影大自然,影台灣風景,結果有半日喺淡水莊園渡過。
我地提出左6個陽明山景點,結果都係得個吉。例如我地話想去黑森林,結果只帶我地去陽明山公園影。我地話想影吊橋,結果問都冇問,影完芒草就直接落山,我發現落緊山去淡水果時,問攝影師其他景點點算,佢就話公園果度同黑森林好似,幫我地skip咗 ... [/quote]

多謝你嘅分享呀!睇嚟我真係要好好準備定!!
我想問下你個化妝師同攝影師o唔ok㗎? 因為個景已經咗,天氣又預料唔到,所以我想喺化妝師同攝影師嗰方面搜集多啲資料😀

yuuri 2018-11-26 10:08 AM

[quote]原帖由 [i]wanko_lam[/i] 於 2018-11-26 04:42 AM 發表 [url=https://ladies.discuss.com.hk/redirect.php?goto=findpost&pid=491089169&ptid=27840268][img]https://ladies.discuss.com.hk/images/common/back.gif[/img][/url]


多謝你詳細嘅分享呀!好好心機打咁多字,真係超級詳細呀!!不過我仲有下面嘅問題呀…

會唔會留多幾日~自己攞返張油畫走
張油畫係咪就係最大嗰張相?如果係自己拎,會唔會好容易整皺整花架?

攝影師&化妝師
因為我有得自選攝影師同化妝師,見你話你同你朋友出嚟嘅效果差天共地,可唔可以透露下效果出嚟好嗰位攝影師同化妝師係邊位?😂

揀相
其實我想喺香港揀相呀,係咪同台 ... [/quote]

攞相
就係最大張嗰張相~其實你自己攞係寄倉~佢地運俾你都係寄倉所以無咩分別~同埋佢地都包得幾穩陣~張相係用勁厚嘅bubble紙包住出面再用厚紙皮箱入~所以你可以放心

攝影師
咁其實我就唔係自己主動要求指定攝影師嘅~係當日個經理話安排一個好啲嘅俾我~
咁一開始係話指定元sir俾我~因為佢嘅風格比較符合我嘅要求(我要影大自然)~
不過臨出發前幾日台灣嗰邊就通知我~話我影嗰日元sir就唔到期~
所以換另一位呀joe俾我~咁我出發前都有求助下谷哥大神~睇下呢搵唔搵到佢地嘅資料嘅~
不過網上講法巴攝影師嘅post真係好少~而呀joe搵到嘅post係俾元sir多~

講下呀joe啦~佢外型企企理理咁~係我面前無食煙嗰啲(但中間我換衫嗰啲好似有食)~
識講少少廣東話~份人都幾風趣嘅~不過會講下咸濕下~但都係可接受範圍內嘅~
好似佢嗰日就成手叫我老公"望波波呀~~"~咁影出嚟啲相係部相機睇已經好唔錯~
但係我契媽就話啲相好standard無咩新鮮感

化妝師
拿~我就真係唔知化妝師有無得指定~你最好就同跟你個sales問一問先~
我當日個化妝師叫孟宮~都係法巴嗰邊安排俾我~佢個名我都係返到嚟香港自己search先知XD~
呢位孟宮老師應該都係法巴最top嗰一位嚟~網上一致好評~我自己都覺得佢化得好好~而且好細心好有心機~
我當日5套衫佢真係同我轉左5次頭~仲要唔係細攪~係次次都打散重建!!
而且一開波就已經主動問我有無私伙嘢想用~有嘅就攞晒出嚟等佢幫我諗點襯點整~
而我呢個懶人當然係無~所以當日影相所有頭飾同首飾都係佢提供俾我~
每一套衫換一次髮型、頭飾、首飾~咁妝都會有少少變化~同全程佢都好照顧我~
永遠呀joe一收機佢就沖埋嚟俾件外套我著幫我擔遮~
(因為我影嗰日真係好凍...同最凍嗰時我係著住一件全透明嘅薄紗婚紗:smile_o08:)

揀相
我建議你而家就同台灣嗰邊講~因為我係係婚展到佢話我可以係香港揀相我先落單嘅~
同埋唔係我主動提出~係當時同我傾嗰個經理主動offer俾我~
咁你返到香港揀相都無話唔可以自己攞相嘅~我無記錯佢印刷大約要3個月時間
你其實係可以自己再飛過去或者你嗰期有朋友過開去都可以自己攞嘅~
不過無咁就肯定係空郵俾你架啦~
至於頁數方面呢~我除左法巴呢輯~我係香港都仲影左一輯
咁香港呢輯都係32張相一本相簿~連埋編輯~咁平均每2頁2至3幅相咁
出嚟個效果我覺得好好~有一定厚度~唔太重~可以攞上手慢慢睇~
同我本身香港呢輯有2本~法巴呢到又1本~共3本相簿~同香港輯相係JPG全回相底
所以當法巴係咁話本相簿太薄唔好睇呀~你唔整佢落相簿都可以攞酒嗰時攞出嚟播嗰時
我真係一啲心動都無~因為我個人真係唔鍾意相簿太重太厚~
咁最後我36張相係造細左一個size嘅相簿(本身24")~同埋無編輯~就咁一頁一張相放~
你唔想買相又唔想本相簿太薄都可以用呢個方法

yuuri 2018-11-26 10:59 AM

[quote]原帖由 [i]wanko_lam[/i] 於 2018-11-26 04:50 AM 發表 [url=https://ladies.discuss.com.hk/redirect.php?goto=findpost&pid=491089200&ptid=27840268][img]https://ladies.discuss.com.hk/images/common/back.gif[/img][/url]


多謝你嘅分享呀!睇嚟我真係要好好準備定!!
我想問下你個化妝師同攝影師o唔ok㗎? 因為個景已經咗,天氣又預料唔到,所以我想喺化妝師同攝影師嗰方面搜集多啲資料😀 ... [/quote]

溝通問題
其實你事前同佢講咩景都好啦~佢俾埋路線你都好~到去到都可能要改
不過你一定要明確咁表示你嘅要求~我無論係mail定當地~同攝影師定個sales都講得好明~
我香港已經影左城市景~所以我係呢邊一定要影自然景!!! 要堅持嘅地方就語氣強硬啲!!
所以當日雖然我最初定嘅地點只係去左2個(林安泰古厝, 19號咖啡館)~不過其他景點都係按我自然景嘅大方向去轉
最好你就明確咁講埋有邊啲景點你係一定唔想去~我個時都係同佢地講明婚紗基地我一定唔去~
所以sales問左一次之後都無再同我提過~


好認同SKAWilliam嘅講法~其實package, 住宿, 化妝嗰啲都係有限錢~
真正食你錢嘅係說你加相加相簿~佢地會一直同你講~
相簿太少相唔夠大本唔好睇架! 2頁夾埋至少都要2幅相~你咁少相唔夠整架
但我真係真係真係真係唔覺得本相簿成本黃頁咁厚~跟住成個肥BB咁重係一件好事
(真係重到個sales都要札一札馬先攞得起~)
同埋攝影師嘅佣金就係係你買相嗰到抽~所以佢地都會同你打感情牌叫你買相
話你唔買攝影師連個日嘅lunch錢都蝕俾你咁
所以係唔叉使聽佢講~皮幾嘢買幾十張相~真係去多轉日本影都夠


我個人覺得衫係ok~係部份有啲舊同少破損~不過影相睇唔出~婚紗我目測至2, 3行掛係到
(有一行我唔揀得~因為係大碼婚紗唔啱著~)
男士西裝的確係頹嘅~2款白西裝一套係踢死兔~一套係短西裝~
我老公揀左套短嘅~著出嚟個效果都唔差~(可能因為佢本身靚仔:smile_o09:)
如果你唔鍾意嘅其實可以自己帶衫過去~唔使加錢轉~
(但係認真佢嗰間鋪其他嘅男禮真心好睇)
我老公嗰日除左著佢包嗰2套衫之外~仲有一套自己衫
同佢地都會建議你混搭~姐係白西裝外套襯黑西褲, 自己衫再搭佢地嘅西裝咁

post
真係平日你係婚展見嘅婚紗相係點~你個日擺嘅post都差唔多~
話晒佢地係大公司~做嘢少不免係會保守啲~
但最重要都係個攝影師~
我個fd standard post之餘仲要個人好似key上去咁~
咁呀joe除左啲standard post之外都會鼓勵我地自己擺啲玩嘢攪怪post嘅

其實我都可以PM我嗰日影啲相俾你睇下~

[[i] 本帖最後由 yuuri 於 2018-11-26 11:04 AM 編輯 [/i]]

少一日 2018-12-4 12:12 PM

我返黎啦=]:P :P :P
可以分享返我剛剛去完的感受。

第一日去到台灣,下午揀衫。
我們去到,用EMAIL聯絡個位姐姐就會先傾幾句,我就帶住我個兩份影左出黎的功課係身。然後佢會叫人來帶我們上另一層揀衫。

女:我是全場任揀,我先將份禮服功課俾揀衫個個睇,然後全場自己走一次望款同顏色。幫我揀衫個位就帶我先睇最新款式,然後揀大約5-6件就會先去試一試,重覆揀到夠數為止。個位姐姐就係我揀衫個陣睇我份功課了解我喜好,再介紹俾我睇。我其中兩套衫係官網睇中,再用功課指俾佢睇,佢再拎出黎俾我試著。係揀衫區我跟本見唔到有....佢地收起左:lol :lol
揀好後,佢會即場改衫再試上身,改到啱身先走。
我未來老公就坐係度睇我試完,望下俾意見好唔好睇之類。 
試身個陣最好帶埋自己影相著的波鞋去,因為多數係著住舒服D個對鞋影相,你可以帶埋高跟鞋去試。著住鞋先睇到真正效果,例如線條唔夠修長。
我大概用左個半鐘就揀好,因為有份功課唔洗浪費時間佢亂咁俾D款式我試上身。
之後就到男士部分,係去另一間男士禮服店揀。而且聽聞係有幾間合作,唔係個個都同一間公司。因為影相個日造型師都有問到我地係去邊間試男裝。

男: 佢俾左一間"GXX"的男禮公司我們去試,有白、灰、黑三色可以揀,每種色也有大約3-4件不同的西裝外套選擇,亦給了大約十多個不同顏色的蝴蝶領呔去襯。他說大多數人都是選一黑一白,攝影師不太喜歡拍灰色,會讓新郎的腿拍出來很短。
不過最後我們選了一灰一黑,及加了一件灰色背心(1500TWD)可以混搭黑禮服,另外買了一件黑色禮服襯衫(1400TWD)。因為我男人話計返HKD都係四百幾,同香港買一件差唔多價,而且質料好舒服,所以買得過。

揀好男女之後,就可以返酒店或去食飯了。我地揀衫一共用左3個小時多,比預期用的時間少了。

第二日拍照日

一早8點前要到店內,造型師先幫女生化底妝。如果未食早餐,可以叫男生出去買返黎食。
我一坐底就將兩份功課拎出黎,造型師手上只會有一張我揀的禮服清單。然後我同佢先介紹左我們想影的景點,佢再揀我第一套穿的禮服款式。亦有問我有什麼想法,我就講其中一件是想穿來拍夜景。同埋俾佢睇我份功課想要的造型同妝感,佢再幫我襯落D禮服造型上面。同埋我本身是用耳夾,所以自己帶左幾對去睇下襯唔襯到。最後用左兩對私伙;P ;P

唔知叫幸運定不幸了,我拍照全天都在下雨,而且唔係毛毛雨,係暴雨:'):smile_24: :smile_24:
所以當初出發前,攝影師同法巴經理都有同我男人講不如轉去攝影基地,但因為我本身係EMAIL都有強烈講明我唔鐘意基地影婚照。所以就算落雨只要唔係大到影唔到相,都唔會轉去基地影。
而且,助手同攝影師都有睇過我份拍攝功課,而且攝影師隔唔中都會拎份野出黎再望望,確認一下我想要影的景位,所以影出黎的效果很好,而且影到我們心目中要的效果。但超級辛苦,因為落雨所以我拍攝時係非常冷,而且不停有雨水入眼。
不過造型師只要係我或我男人休息時,就會即時補妝,執樣,幫我加返D外套或者拎遮。
我五套禮服,因為落雨每次都要大執個頭,而且真係轉足五個造型俾我。
我男人話我個妝無花過,保持得非常好。個5000TWD加得值喎:smile_30: :smile_30: :smile_30:
最後我們的路線是陽明山花奔試驗中心>菁山吊橋>冷水坑>沙崙浴場>淡水漁人碼頭(夜景)>攝影棚景。
因為影完冷水坑我地見陽明山在起霧,就取消黑森林直接去沙崙浴場,而攝影棚係因為漁人碼頭影到一半落大雨,加上淋左大半日雨已經好累,所以決定轉去室內暖少少影埋最後一套衫。(我有講不如唔好影最後一套,返酒店....因為我累到個樣唔識笑:smile_13: :smile_13:)
我地最後收工時間係晚上九點半:smile_45: :smile_45:比正常的婚攝影多左兩個鐘..不過無收OT錢,係包車錢貴少少:smile_30:

少一日 2018-12-4 12:49 PM

第三日戲肉來了:smile_30: :smile_30: :smile_30: :smile_30:

約好下午5點去揀相,所以中午去左附近誠品行行。
一坐底,個位姐姐就同我地講攝影師好辛苦,通宵執相,落雨但D相影得好靚....等等.
同埋講原先有幾多張相,攝影師執完仲有幾多張相。
之後,佢開檔案俾我地快睇一次,然後再教我地點揀相。
我地揀相個陣,佢有時會行開下,有時都會坐係度。
當然個選擇權記得一定要拎係自己手上;P ;P ;P唔好俾佢幫你....
然後,第一次揀相,D相片係打亂晒....亂到我有D都唔記得自己揀左D咩相。
但我都清走左一半。然後我清完第一次諗住返轉頭準備清第二次時...姐姐返來了:L
佢即刻話幫我睇下我揀剩幾多,我話我未揀完...佢就話睇左先啦。
佢一望,無左一半相:lol :lol佢就即刻拎返個控制權了...
然後問我地點解清左咁多相走,我就同佢講因為有D表情唔太好,有D動作好硬,個樣好怪。佢無晒聲出,因為佢睇得出真係有少少問題位係度;P ;P我仲話有部份因為太亂所以未清走,但仲有D我唔滿意的相係度。
佢就問我地諗住揀幾多張相,我就答佢最多加到二十張相。(本身包50P)話講左個優惠價俾我地先再揀相。
原來攝影師執完相係要同公司講估計對新人揀幾多張相,佢話原本攝影師預我地揀150P,即係要加100張相。佢加壓力問我地要點同攝影師講我地揀咁少相...
我就一句答佢,不是攝影師問題,是我們表情唔到位,所以揀唔落手:smile_39: :smile_39:
佢只能無奈咁話我要求好高...無話可說。
然後,第二次揀相個陣,因為我不停同佢講太亂,亂到我揀得好辛苦,佢最終順返次序俾我揀相:smile_40::smile_40:(所以記得煩到佢順俾你,一次唔得講多幾次)
佢就坐係度睇我地揀,不停見我刪刪刪....:smile_13: :smile_13:我最壞的地方係,我真係答到出黎張相有咩位唔夠好...佢望完只能說一句你刪吧:loveliness: :loveliness:
最後揀左三回合,先揀好相片。
因為我地無打算再影多次,所以用左佢優惠價買相。(想知道的可PM我)因為我相簿未到手,費事出問題:smile_44: :smile_44:
油畫方面,因為我要求自行拎返香港,佢即時俾我揀埋要邊張做油畫同執相。佢執好再俾我地睇完,確認無問題先拎去整油畫。過程唔夠十分鐘己完成。
可能係因為我地有加相,所以服務態度一直都唔差,揀相框>揀相簿>揀細相架,揀好所有野就走得。

另外,因為揀完相仲有五日留係台灣,所以我要求自行拎油畫返香港,佢三天就起貨給我,再俾埋個細相架帶返香港。
油畫會包泡泡紙,再放紙皮箱。我落機後即時開封睇左無事先走 =] 確保有問題都有保險可以賠俾我
個人建議買長X航空的機票,因為它本身包每位30KG行李,不限件數,只要唔過重就可以。
我們兩人,31吋喼+29吋喼+油畫 = 5X KG,無須加行李寄倉費。慳左幾百蚊空郵費用,又唔怕超重加錢。不過寄個陣一定要同地勤講明係油畫連相框,佢地先會特別處理(走另一條寄倉道)
另外,我們最後一天行程是包車遊+去機場...所以行李同油畫就算去玩都唔麻煩:loveliness:
我男人都讚我行程安排都好好,包車遊連機場都係1000HKD左右。(可能係我相熟的司機大哥,所以給我優惠價)

[[i] 本帖最後由 少一日 於 2018-12-4 02:11 PM 編輯 [/i]]

少一日 2018-12-4 01:24 PM

總結整體來講,
我們兩人都滿意法巴,而且覺得加完相之後的價錢都在預算內,當然加相俾錢個下都係非常肉疼啦:lol :lol :lol

溝通上
你可以隨時EMAIL去問。
只要你有唔明或唔理解部分就去問清楚。
另外,個人覺得個兩份功課非常有幫助,因為搵好晒自己想要的景後攝影師真係跟足我的景點拍攝位,除了天氣不合作外,攝影師同造型師做晒我地要求。而且景點位仲有驚喜添....影到雲海的照片:P :P
造型上面,亦無出現我不滿意的妝容同髮型。跟足我要求的去變換

所以做好份功課,對自己的婚照係好有幫助:smile_o12: 佢地睇見你認真時,都唔敢馬虎對待你。而且有圖對照,唔會出現自己講完對方都唔理解的情況。

服裝上
個人覺得女生的禮服有很多選擇,全場任揀的話,目測全場不少於一百件。當然如果本身唔包任選區域的話,就真的自求多福了。
過瘦或過胖的,自然選擇會少一點。男生的話,我估計也是自求多福....看他們給哪一家男禮公司吧。我們那間是滿意的,也沒有加很多錢,而且質料我男人說穿上很舒服。當然我們本來也是打算要一黑一白,沒有要特別的款式。

價錢方面

埋單:套餐(50P)+雜項費(包車、造型師、背心、飯錢等)+加相(70P)=2萬9 HKD (120P)
我們覺得和在香港拍攝要花的費用,差距不是太大。
己計算買相片費用。
不是在小工作室那種,而是較大型的拍攝婚照公司來比較。要平的話,香港找幾千元到影樓也可以拍得到....:smile_13: :smile_13:
而且要看男女的定力和講價能力,在婚展上用低價再加底相數量非常重要。再在買相時,計好自己加相的心理價位,同唔好講佢知你心理價位係邊度,要佢估先會有低價出現:lol :lol :lol
如唔買相一定要用好高定力喔,除非本身就無錢或D相真係差到極點;P ;P ;P


相片上

這方面不能取回所有相片當然就是差一些。就是一個大缺點...
無法和香港的婚攝比較:smile_39: :smile_39:


服務上

個人覺得唔差,每個都會笑。
攝影師亦有同我地商量,例如轉景點都會問我們的決定。如果淡水個度唔係我地要求走,可能要成10點幾先返到台北:smile_27:
造型師每轉一個造型後都有問我滿唔滿意,襯頭飾時亦會給我選擇。


執相


佢話兩星期後有執相可以睇,當然未知是否如期收到貨啦=]
不過揀好相後,佢係有張紙寫明幫你執什麼。
會講明唔包相片新人身後的人,如果你要將相片內一個不相關的人物執走,就要加錢。
但例如遠鏡有些人,你可以要求變朦,係唔洗加錢。
一般包新人五官,身形,皮膚,如果有胎記可以講出來,佢會寫低幫你執走不用加錢。
相片色調係已較好,不能改。如果張相色調唔鐘意,係揀個陣同佢講,佢會叫攝影師幫你執返佢。唔係就無得改

[[i] 本帖最後由 少一日 於 2018-12-4 02:21 PM 編輯 [/i]]

少一日 2018-12-4 01:28 PM

[quote]原帖由 [i]SKAWilliam[/i] 於 2018-11-23 11:41 AM 發表 [url=https://ladies.discuss.com.hk/redirect.php?goto=findpost&pid=490961126&ptid=27840268][img]https://ladies.discuss.com.hk/images/common/back.gif[/img][/url]
前兩日影完,祝你好運
1. 溝通:
唔知佢地係做到挖晒瓦,定係同淡水莊園有分佣,根本冇心聽你想影乜野!
我話想影大自然,影台灣風景,結果有半日喺淡水莊園渡過。
我地提出左6個陽明山景點,結果都係得個吉。例如我地話想去黑森林,結果只帶我地去陽明山公園影。我地話想影吊橋,結果問都冇問,影完芒草就直接落山,我發現落緊山去淡水果時,問攝影師其他景點點算,佢就話公園果度同黑森林好似,幫我地skip咗 ... [/quote]


如果你真係好唔滿意,你可以係揀相個日同佢講要重影喎~
因為佢收據上有講可以重拍....

xoxoxo1234 2018-12-19 06:30 PM

[quote]原帖由 [i]少一日[/i] 於 2018-11-12 10:30 AM 發表 [url=https://www.discuss.com.hk/redirect.php?goto=findpost&pid=490413758&ptid=27840268][img]https://www.discuss.com.hk/images/common/back.gif[/img][/url]
我都係婚展JOIN呢間,如果你係JOIN個間係台北中正路。(因為我見新竹有間同名)
由於我未影所以講唔到影完之後的流程,
但影之前我都可以答到你,因為我仲有幾星期出發,事前工作都做晒。
特別3-4月有櫻花,好多人會提前一年定左個期,所以要留意。
而台灣雨季一般係5月開始,4月還好。

首先我會建議你早D決定幾時影,然後買機票或請大假先,確定左自己時間得唔得再通知佢地。因為如果定好期,係 ... [/quote]


你好呀,小妹 join左一間係花蓮,我見佢 logo同你地講個間一樣,想知係咪同一間呀?🙏

少一日 2018-12-20 04:55 PM

以我所知,
這間在台灣只有台北一間總店,然後分店一間在香港及一間在新加坡。
其他的話,我不太清楚。
你可能要EMAIL問他們一下才清楚了

xoxoxo1234 2018-12-20 06:48 PM

[quote]原帖由 [i]少一日[/i] 於 2018-12-20 04:55 PM 發表 [url=https://www.discuss.com.hk/redirect.php?goto=findpost&pid=492250006&ptid=27840268][img]https://www.discuss.com.hk/images/common/back.gif[/img][/url]
以我所知,
這間在台灣只有台北一間總店,然後分店一間在香港及一間在新加坡。
其他的話,我不太清楚。
你可能要EMAIL問他們一下才清楚了 [/quote]


好的 謝謝你呀🙏
頁: [1]
查看完整版本: 請問有冇人join過法巴影pre wedding?