查看完整版本 : 40歲人,人緣差,一事無成

WLPU 2018-12-26 01:21 PM

40歲人,人緣差,一事無成

唔係想刻意發放負能量, 但現實生活中真係唔知同邊個傾訴, 唯有係呢度講下自己既經歷



呢個月剛好踏入40歲, 但呢40年黎, 我自問真係冇乜值得開心同令自己驕傲既事情………我細個身體好差有哮喘, 基本上個個月都要睇醫生, 所以阿媽好緊張我既生活, 莫講話出國去旅行, 小學去旅行或者同朋友去球場打波都唔比, 可以飲汽水食凍野都要去到12-3歲個陣醫生確認哮喘斷尾後先開始!!而當年既父母對我管教講得好聽D係嚴, 講得唔好聽係呼呼呎喝喝, 自細除左返學之外都係留係屋企, 所以由細個已經習慣左一個人邊度都唔去既自閉性格, 比較好彩既係, 我讀書唔係太差, 大學畢業(唔係三大)同埋後來都有進修讀MASTER, 但到而家40歲人工只係勉強叫做有30k



人緣差係我既一大問題, 我個樣都唔係算差, 自問亦都以禮待人, 但多數人都好似唔鐘意我, 以而家份工為例, 有個同事對其他人都好聲好氣有講有笑, 但唯獨對我就黑口黑面, 我主動同佢講早晨佢都好似唔想應我, 而我D表兄弟姐妹對我都冇乜兩句但佢地坐埋一枱食飯就好多野講, 甚至佢地有個whatsapp group 但就冇預我 (呢樣野係姑媽同我阿爸講再話返比我知), 亦都係因為人緣差埋唔到堆試過有D工係比人玩走(當時上司話其實我工作能力OK但冇法個D賤人太勁玩走D比佢地做野既人), 所以由我2002年畢業以來我冇乜工係做得好長, 最長個份都係做左4年半, 其餘多數兩年半左右



而我而家都係單身仲同屋企人住, 買樓同識女仔已經唔會諗, 只求份工可以長做就心滿意足, 放假基本上都係留係屋企訓覺休息 屋企人都叫我出街行下啦, 我就會去下附近公園或者沙灘坐, 再唔係坐巴士去第二區跟住返屋企, 而我最怕一D節日尤其係過年, 我已經好多年冇去團拜費時比人話幾廿歲人仲走黎呃利是, 同埋D表兄弟姐妹都結晒婚有小朋友, 我一個人去到會好好面阻阻



朋友方面, 我都叫有幾個當中亦有一個識左超過20年同比較傾得埋, 但好可惜我自己覺得同佢既距離越來越遠, 一來佢事業好好, 人際關係好, 當然佢搵既錢多我好多, 有車有樓有家室, 佢去旅行就好似我去公園坐咁普通, 所以都覺得同佢開始冇乜野講, 有時同佢講唔開心D野, 佢只係會講唔好諗咁灰, 積極D就得等我覺得係好表面既野



我既生活都離唔開返工放工訓覺去公園坐, 咁大個人嚴格黎講係未去過旅行, 演唱會未試過睇, 海洋公園同迪士尼都未去過, 所以我同其他人係冇乜野好講, 而相對人地都覺得我係一個好悶甚至係有問題既人



當然我都唔會怪屋企或其他人, 自己而家既情況好大程度上都係自己問題, 但好多唔開心既野只有自己知, 例如做野比人玩走而轉工我都冇同任何人包括父母講, 好多野都係自己去面對, 所以大部分日子情緒都好低落, 尤其呢一兩年為甚, 明明好眼訓都訓唔到同埋好多負面思想, 更甚係對好多野都開始失去興趣, 同埋好似 ‘唔如意’ 已經成為生活一部分, 開心唔開心都好似冇乜感覺

袋中大樓主 2018-12-27 11:51 AM

[quote]原帖由 [i]WLPU[/i] 於 2018-12-26 01:21 PM 發表 [url=https://www.discuss.com.hk/redirect.php?goto=findpost&pid=492489668&ptid=27933341][img]https://www.discuss.com.hk/images/common/back.gif[/img][/url]
唔係想刻意發放負能量, 但現實生活中真係唔知同邊個傾訴, 唯有係呢度講下自己既經歷



呢個月剛好踏入40歲, 但呢40年黎, 我自問真係冇乜值得開心同令自己驕傲既事情………我細個身體好差有哮喘, 基本上個個月都要睇醫生, 所以阿媽好緊張我既生活, 莫講話出國去旅行, 小學去旅行或者同朋友去球場打波都唔比, 可以飲汽水食凍野都要去到12-3歲個陣醫生確認 ... [/quote]
樓主唔好諗到人生咁灰先,可能有好多人比你更慘或更寂莫,有一個可以維持到20年嘅朋友都算好啦!有d人可能只得二,三年之後都揾唔到一個朋友同自己傾訴,還有在工作上,咩人都會有,睇你會預到咩人唧,呢d只係每個人都會經歷嘅過程,所以比d心機揾份好工,自己增值自己,自己不能看小自己,明白嗎?加油💪🏻

anonymous9999 2018-12-27 04:53 PM

我下年都40歲,都係一個內向的人,都係單身(今時今日喺香港經濟壓力咁大,單身同家人一齊住係好普通的事),大部份時間放喺工作同休息,但我唔覺得係怪問題,工作忙碌疲倦,在家休息係平常事。  我朋友不多,只有幾個中學時期認識的同學,但我反而覺得好好了,因為有兩三個真正的朋友已經足夠。這世界好多人表面好似好多朋友,揾好多錢,好富裕,但可能成功背後係內心好空虛好唔開心。 我五年前自己第一次自己一個去外國旅行,而家每年都一個人去旅行,訓練自己獨立思考。已經去了五六個亞洲國家,甚至舊年遊覽倫敦。你可以先開始嘗試去澳門旅行兩日作第一個挑戰。 只要不和其他人比較,盡量想起一些好的事(例如有一份穩定工作,健康身體,唔使住劏房,等等)。同埋我覺得你父母只係緊張關心你,佢哋年紀老了,你一定要好好孝順佢哋。 努力加油,共勉之!

anonymous9999 2018-12-27 05:45 PM

忘記了問樓主你有兄弟姐妹嗎?

至於工作方面,嚴格來講,你拿人工係要努力做嘢,如果做唔到朋友,咪做同事囉。喺工作上係好難建立深入的友誼(唏噓的事實),你點知係咪你能力強,令人妒忌?

我哋大家網友其實可以開個Whatsapp group,交流一下,互相鼓勵。

BankWest 2018-12-28 03:29 AM

其實玩下運動例如行山或打籃球都好過去公園坐啦,而且呢d運動又可以一個人做,去公園坐可以等到你退休做阿伯時大把時間坐啦

另一個天堂 2018-12-30 10:53 AM

識多d壞朋友改變下

someonethinks 2018-12-30 01:40 PM

人比人比死人,自己活得快樂很重要。

kinwai2727 2018-12-30 04:32 PM

嘗試下返教會你會找到價值與及愛☺️

股市係我提款機 2018-12-30 08:39 PM

你並不孤單,其實香港大部分人都係遇到類似問題,賤人周街係比人玩死係家常便飯,唔好諗咁多個人會開心些

timchan1984 2018-12-31 01:11 AM

我細個情況同你差唔多,屋企都管得嚴,無乜機會出街,留喺屋企,可能令自己產生左內向沉默既性格,呢一點我好明白你。
你人工有30k,好理想,好多人都無,你有條件,可以做好多唔同野,諗下你嗜好係乜?參加興趣班,學下野。
人生未來既野無人知,試下由今日開始逐少改變,係唔容易,我都係努力嘗試緊。

khkg 2019-1-1 01:14 PM

[quote]原帖由 [i]anonymous9999[/i] 於 2018-12-27 04:53 PM 發表 [url=https://www.discuss.com.hk/redirect.php?goto=findpost&pid=492546050&ptid=27933341][img]https://www.discuss.com.hk/images/common/back.gif[/img][/url]
我下年都40歲,都係一個內向的人,都係單身(今時今日喺香港經濟壓力咁大,單身同家人一齊住係好普通的事),大部份時間放喺工作同休息,但我唔覺得係怪問題,工作忙碌疲倦,在家休息係平常事。  我朋友不多,只有幾個中學時期認識的同學,但我反而覺得好好了,因為有兩三個真正的朋友已經足夠。這世界好多人表面好似好多朋友,揾好多錢,好富裕,但可能成功背後係內心好空虛好唔開心。 我五年前自己第一次自己一個去外國旅行 ... [/quote]

Same

情劍 2019-1-1 02:45 PM

四個字解決晒

「笑傲江湖」

alee001 2019-1-6 10:50 PM

寫出心聲都係好嘅舒緩方法,唔係同人比不過要知身邊比你更差嘅人多的是...起碼我係。

bear1324 2019-1-8 11:01 AM

生命滿希望

let_it_deal 2019-1-12 03:03 AM

由去海洋公園做起吧
踏出第一步

WYJIMMY 2019-1-15 05:54 PM

人生態度問題,唔駛養兒養女又有自住樓,三皮嘢都算中產無慾無求,可以考慮發展一下自己興趣。

你既較自閉,可以跟下人行山,或教會聚會(我不是教徒,只是多點見下人),竟你不是很有主見的人,可以隨意一點,聽別人安排,聚會人去你又去,有咩啱去你照夾錢便算,香港應該好多活動你揀。

你最大問題似乎係唔多與人接觸,冇新嘅朋友,我覺得你果個老友仲係珍惜你嘅,不過佢都有自己家庭及事業,或者咁講工作及應對能力佢在你之上,你嘅問題在佢心中可能係覺得好簡單,事實好多問題都係有少少庸人自擾,我都有呢啲問題,有時點解唔在佢角度去想,化繁為簡,大事化小,冇乜所謂咁?又唔係要自己條命。

以前我都慣咗做大,做話事,一個人處理幾個圈子,近年年紀大咗,放鬆番啲,比其他人去處理,自己試下跟下隊,人地話玩乜咪玩乜,個人輕鬆咗好多。你其實都可以發展啲興趣。

LLLAMLLL 2019-1-18 12:31 AM

我先26歲
但情況同你一樣

一放工係床休息玩手機玩到訓教
起床是旦食野就返工
興趣?我都唔知自己興趣係咩
日日躲在家中
返工壓力好大好辛苦
另一半上年出軌
我已經做好單身一世既準備
唔會自殺,但成日都想果日快d到
已經厭倦呢個人生

晚間狂野的神童 2019-1-18 09:33 AM

[quote]原帖由 [i]WLPU[/i] 於 2018-12-26 01:21 PM 發表 [url=https://www.discuss.com.hk/redirect.php?goto=findpost&pid=492489668&ptid=27933341][img]https://www.discuss.com.hk/images/common/back.gif[/img][/url]
唔係想刻意發放負能量, 但現實生活中真係唔知同邊個傾訴, 唯有係呢度講下自己既經歷



呢個月剛好踏入40歲, 但呢40年黎, 我自問真係冇乜值得開心同令自己驕傲既事情………我細個身體好差有哮喘, 基本上個個月都要睇醫生, 所以阿媽好緊張我既生活, 莫講話出國去旅行, 小學去旅行或者同朋友去球場打波都唔比, 可以飲汽水食凍野都要去到12-3歲個陣醫生確認 ... [/quote]
你既背景同大部份香港人差不多~都係慘慘地~但你比人多左個病係再不幸多小小,
(((((((不過呢個唔係阻止你去找幸福的理由.幸福是要爭取的.))))))))
你個人比較悶,講得好聽是比較沉實不花巧,係好男人的基礎,你什至已經悶到會悶親自己的地步,
要改變好簡單,你雖要一場戀愛~
*****自己一個去外地旅行睇下啦~有30%的機會會遇到你的另一半的*****
最後你需要的是小D思考,多D行動!!
你人生的革命將要開始啦,你準備好未?
想改變?一陣去報個旅行先啦~加油!!

Shadow@Slash 2019-1-21 03:24 PM

加油。心態改變命運

02.. 2019-2-2 04:24 PM

其實,你都知道自己既問題,
咁不妨改變下生活模式,
未試過既咪試下,如演唱會
無壞既,逐樣試慢慢黎
跟下行山隊、打下波
嘗試下同吾同既人溝通下
擴闊下又無壞既
加油呀!

癲狗理2 2019-2-3 04:16 AM

*** 作者被禁止或刪除 內容自動屏蔽 ***

Evercani 2019-2-6 01:52 PM

我細你少少,情況同你差唔多,放假都係冇咩做留係屋企,或者自己去圖書館,一個人睇下戲咁。。老實講,當一班人仲係讀梗書時,有錢/冇錢既差別唔會咁覺,到出左黎做野,尤其超過10年,人工既差別,有冇結婚等,真係會好自覺,話就話唔好比較,心入面點會唔諗? 真係通常處境差唔多既先會傾得埋

回到初心 2019-2-8 08:33 AM

老實念佛,發願往生西方極樂國,南無阿彌陀佛

天天上向 2019-2-19 11:04 AM

*** 作者被禁止或刪除 內容自動屏蔽 ***

yntse882000 2019-2-21 12:37 AM

做人好難得到人認同,要識做人才可,不用刻意討好別人,或遷就任何人,做回自己便可,做人問心無愧便算。香港做一個有成就的人很難,除非你有很多過人之處,有獨特解,看到,做到,知道一般人不知的事,我認識如此的一個人,我只佩服她,她是我大姐。

千年金蛙 2019-2-23 06:14 PM

樓主:我還比你還差,年紀大你些,樣衰人工1.5k精神異常不合群冇戀愛冇朋友,正是一名恐佈人生份子🙈

千年金蛙 2019-2-23 07:12 PM

樓主:我還比你還差,年紀大你些,樣衰人工1.5k精神異常不合群冇戀愛冇朋友,正是一名恐佈人生份子🙈

dwmf 2019-2-23 07:39 PM

其實做人的成就,可以有好多方面既。冇咩特別意見,我自己就覺得做人諗野積極點、正面點,會開心點。人生幾十年,開開心心就好,唔一定同人比。去陪養下新興趣、運動,自然會有一班志同道合的朋友。🥳🥳

wanwan28 2019-3-17 09:12 AM

到了這個位,咩差都去試下玩(正當),吾中意就吾玩。無咩好諗:smile_o10:

yyymaggie 2019-3-18 06:38 PM

[quote]原帖由 [i]anonymous9999[/i] 於 2018-12-27 05:45 PM 發表 [url=https://www.discuss.com.hk/redirect.php?goto=findpost&pid=492548049&ptid=27933341][img]https://www.discuss.com.hk/images/common/back.gif[/img][/url]
忘記了問樓主你有兄弟姐妹嗎?

至於工作方面,嚴格來講,你拿人工係要努力做嘢,如果做唔到朋友,咪做同事囉。喺工作上係好難建立深入的友誼(唏噓的事實),你點知係咪你能力強,令人妒忌?

我哋大家網友其實可以開個Whatsapp group,交流一下,互相鼓勵。 ... [/quote]
我是女,年紀大過你們,1於約下去行山和做下運動
頁: [1] 2
查看完整版本: 40歲人,人緣差,一事無成