查看完整版本 : [港版無限流][長篇] 恐怖輪迴(舊帖話我權限唔夠, 更新唔到, 所以索性重開過一個新帖)

[港版無限流][長篇] 恐怖輪迴
(舊帖話我權限唔夠, 更新唔到, 所以索性重開過一個新帖)

會努力更新 請多多支持
如果鐘意本小說，請到fb page 俾個like


[港版無限流][長篇]
凌天，平凡上班族，在吃早餐途中，卻無故被拉進一個又一個任務中亡命掙紮。




新手任務∼茶餐廳

平凡的一天，在猛烈的陽光照耀下，凌天打着呵欠走進一間茶餐廳，當他坐下時便如往常一樣對着大媽侍應來一句

「豬扒麵，腸仔炒蛋，多士，凍奶茶。」

大媽侍應也如往常一樣在紙上寫下價錢，撕開手寫紙並放在凌天的桌上，然後便轉身走開。

凌天看着手錶，時間為早上7點12分，心想

「頂！又要娜娜聲食曬份早餐，個死肥佬好揀唔揀，偏要8點前交份報告俾佢。」

大媽侍應此時拿着一杯熱水過來放在桌上，凌天慣性地拿起叉子放進熱水清潔。他瞥了一眼手寫紙上的價錢，不禁為物價上漲帶來的經濟壓力慨嘆了數秒鐘。

餐廳人流漸多，上班族急速吃早餐是香城的常見文化，只見身邊左右已有5至6桌人。有些正在閒聊，有些正在收看餐廳裡電視播放的新聞報道，但更多的是在看手機。凌天也不例外，感到無聊時手機是打發時間的最好方法。

當凌天拿出手機準備繼續追看昨晚還沒看完的小說時，突然一道女聲在她耳邊響起

「請問呢到有冇人？」

「冇人。」凌天隨意地回應着，當他抬起頭看向對方時，眼前一亮，心道「今日咁幸運，未返工就見到靚女，爽！」見到美女自然心情好，立刻微笑補一句

「隨便坐。」

「唔該。」美女小聲地回了句便在凌天對面位置坐下。

凌天趁着對方美女點菜的時候，猥瑣地對對方進行視姦。

「個天黑曬，好似隨時想落雨喎。」

「天氣報告越嚟越唔準，好彩有帶到遮。」

兩位大媽侍應的對話吸引了凌天的注意，轉過頭看向餐廳玻璃牆外的街道，天色的確陰暗了很多，而且較平常不同的是街上完全沒有路人經過。這使凌天感有些奇怪，數分鍾前還陽光普照，這麼短暫的時間便陰暗起來。

「喂！新聞播播下突然冇聲嘅，壞鬼咗？」其中一位中年食客叫道。餐廳裡眾人的注意力也轉移到電視機上。一名餐廳廚師走出來看了看回應道「唔會掛，今日我仲要靠佢嚟睇跑馬架。」

電視機沒有理會他的哀求，畫面上更開始出現雪花，而且一發不可收拾，整個電視畫面完全陷入雪花中。

「撞鬼，今日個天肯定係叫我唔好賭。」廚師搖了搖頭說了一句便返回廚房。其中一位大媽侍應見狀，便拿着手機道

「唉，嘈咩呀，部嘢好似未過保養㗎，揾人嚟整好過啦。」過了一會兒她便皺著眉頭道「奇怪，冇訊號嘅。」「吾係掛，我試下…咦？！我都冇喎。」另一大媽侍應也皺眉道。

眾人聽到此話均查看各自的手機，發現全都沒有訊號。而餐廳外亦下起大雨，雷也打起來。

凌天心中開始感到有些不安，看向對面的美女，發現對方仍然皺著眉查看手機。「到門壞咗？開唔到嘅？」一位男食客站在玻璃門前向大媽侍應問。

「唔係咁邪嘛…」大媽侍應唯有無奈地走去檢查，隨後某些食客也跟着過去幫忙。只見幾人嘗試合力推開那玻璃門，但門仍然紋絲不動。

此時餐廳的清潔工也走出來道「後門都唔知點解鎖死咗。」聽罷眾人也感到有問題了，他們已經無故地被困。

「新手任務現在開始。任務一，請各位試煉者60秒內找到椅子坐下，否則將會被抹殺。」一道機械聲音從電視機內發出，與此同時電視畫面也由一片雪花轉成背景空白，中間顯示著黑色數字60，並開始倒數60……59……

[[i] 本帖最後由 venson8789 於 2020-1-19 11:28 AM 編輯 [/i]]

新手任務～抹殺
「攪乜撚嘢呀？好好玩呀宜家？頂你個肺！」門口邊的其中一位男食客憤怒地向電視機大叫。餐廳內其他人也開始朝着電視機怒罵。但那道機械聲卻沒有回應。

……46……45……44……43……

「都痴痴地嘅，唔知邊條友咁大整蠱，大家試下撞開到門，我去睇下後門咩事。」之前那位餐廳廚師對眾人說完便向後門方向走。

凌天此時心中不安的感覺越來越重，覺得自己等人好像落入某種陷阱一樣。他環顧四周，接近一半食客都不願從座位離開。門前仍然只有之前的幾人推門，有一兩位甚至合力搬起餐桌撞向玻璃門，但仍然徒勞無功。

「呢到絕對有問題。」凌天對面的美女臉色難看地說著。

「哦？」凌天也知道有問題，但他想了解美女的看法。

「好簡單，普通玻璃門點可能咁堅固，而且條街上面一條友都冇。」美女看着淩天低聲地說 「仲有你唔覺得越嚟越熱咩？」

聽罷，凌天也感覺到四周的温度比之前高。

「電視講嘅嘢可能係真。」之前走向後門的廚師突然走向凌天旁邊坐下並說「成間餐廳周圍環境都好詭異，我同其他夥記撞後門，撞極都撞唔開。」

……24……23……22……

「咁如果電視講嘅係真，抹殺咪啫係……」凌天臉色也難看起來，而且這還只是任務一。

「唔單只咁，啲櫈根本就唔夠全餐廳㗎人坐。呢到一共有32人，但就只有30張櫈，如果要講抹殺就至少會有2人被殺。」廚師感嘆道。凌天與美女聽後，頓時緊張地看向門口邊努力撞門的幾人，因為他們最有可能被抹殺。

……15……14……13……12……

門口邊的幾人也感覺到不對勁，當中兩名年輕男子快速跑向餐廳內尋找座位，其中一位走到凌天幾人這邊，坐在廚師對面的位置。

「呵…呵…呵…好在本少醒目叫你哋撞門，如果唔係肯定唔夠你地爭。」對面男子聽後立刻怒目而視

凌天心中恍然，廚師站在廚房工作，全餐廳中本來只有他與椅子距離最遠，於是他故意叫其他人撞門，然後又以檢查後門做借口，使其他人放下戒心。當眾人的注意力都被玻璃門吸引時，便靜悄悄走回來椅子坐。「好一個扮豬食老虎，個樣傻傻更更，但心思咁猥瑣。」凌天心中暗罵。

……8……7……6……

門邊還有三人站着，一名中年男食客，兩名大媽侍應，但場內椅子只有一個，餐廳左邊的牆角位。

中年男子開始跑向左側牆角位，但其中一位大媽拉扯着對方。中年男子行動受阻，二話不說揮拳相向把兩名大媽打倒在地上，然後跑向那座位。

那男子坐下座位時，兩名大媽隨之以來把他從座位拉下來。中年男子跌落地上，大叫一聲，把大媽打得頭破血流。當他轉過身爬向座位時。

「任務一結束，將於5分鐘後發佈任務二的任務內容。任務一失敗者將被抹殺。」機械聲音再次響起。

「噗……噗……噗……」只見中年男子與兩位大媽侍應的身體同時爆開，整個餐廳頓時佈滿了血紅色。

餐廳陷入了短暫的沉默……頓時尖叫聲四起，餐廳裡的女性均尖叫痛哭。男士們均臉色難看，一方面是嚇傻了，另一方面也證明了電視宣佈的任務是真實存在的。

新手任務～雨夜屠夫
「……將於5分鐘後發佈任務二內容……。」

看着佈滿血醬的餐廳，只見被抹殺的三人只遺留一灘血液，連疑似內臟或骨頭都沒有。凌天頓時感到有些反胃，幾欲作嘔但都被強忍著。但餐廳裡其他人已紛紛把之前吃下的早餐吐出來。

「真係核特，既然電視條友咁勁，殺人嗰陣將佢地三個傳送走咪仲好。」廚師抹了一把汗對著凌天幾人乾笑道。

「你好似攪錯咗重點，而家我哋係俾某條變態佬迫住玩變態遊戲。而最重要係我哋同外界隔絕。」美女有些不滿地盯着廚師道。

「你講漏咗樣，佢係一個神通廣大架變態佬。由佢顯示出嚟㗎手段而得出嘅結論，我哋應該重點考慮咗點樣避免被殺先，而唔係諗辦法向外界求助。」廚師搖了搖頭道。

「你意思係？」之前曾幫忙推門的年輕男子臉色青白地向廚師問。

「呵，好簡單，咁詭異架殺人手段，就算係美國政府都未必做到，況且全餐廳入面啲人大多都係基層人士，冇咩著數可以俾人利用。」廚師微微壓低身子看向那年輕男子繼續說「我懷疑我哋已經唔再在地球到。」

「邊有可能？簡直荒謬…」年輕男子嗤笑了聲，樣子顯得有些無法接受。但凌天聽他的聲量，知道他並不排除這個結果。

幾人一時間冷場，凌天便環顧四周。

餐廳裡還有29人，當中女性有4名女中學生仍然痛哭，1位女清潔工及2名上班族女士坐在一桌渾身發抖，最後便是對面的美女。男性則有20名，當中近一半是地盤工人的裝束，其餘的便是類似自己的上班族。

轉頭看向玻璃牆外的景色，街道與之前一樣下著大雨，唯一分別便是天色較之前更陰暗幾分。

感到氣氛有些壓抑，凌天不由說道「大家既然難得聚在一起，不如介紹下自己，一起諗下辦法完成個變態任務啦。我叫凌天，普通白領打工仔。」

「董佳，OL一名。」美女冷冷說了一句。

「呵呵呵，李文，廚房佬一個。」廚師微微一笑地介紹。

「朱海，貨車司機。」年輕男子心不在然地回了句。

「大家都被迫坐埋一條船，有冇咩睇法？」凌天隨意問了一句，認真地看著董佳與李文。

「仲有咩睇法？等條友宣佈任務囉。」朱海譏笑地回應。

「白癡！」凌天心中罵了一句。但凌天沒有任何表示，仍然靜心等待。

「各自行動，河水不犯井水。」董佳沉思了一會說了句。聽後凌天理解的點頭，然後看向李文。

「呵，跟靚女的。」李文笑了笑回應。「咁我明白了。」凌天心中放下一口氣。

朱海見三人無視他，自顧自地互相搭話，不由感到有些憤怒，但並沒有因此發作。

凌天見狀心中冷笑「睇怕朱海唔方長命，鬼叫你坐埋我哋呢張枱到，希望你唔好俾李文玩得太慘。」然後看了看董佳，皺眉想著「反而董佳隱藏得夠深，如果唔係李文用說話激佢，我都睇唔出破綻。」

等了半响，時間終於到，那機械聲音正式響起：「任務二"雨夜屠夫"正式開始，餐廳封鎖將於10秒後解開，試煉者需要堅持生存24小時。

任務提示：各試煉者的手提電話均可以偵測到其他試煉者及雨夜屠夫的位置。」

眾人聽罷立刻拿出自己的手機觀看，凌天只見手機內有1個綠色圓點，旁邊有28個黑色圓點在綠點旁邊。

「睇嚟綠點代表自己，黑點代表其他人，簡單易明。」董佳抬頭對凌天幾人道。

「的確唔難分辨。」凌天與李文同時附和著。

「既然係咁……我哋側邊有個紅點代表咩？」朱海弱弱地問。

其餘三人立刻低頭看向手機，凌天發現手機顯示綠點左邊正正有一個紅色圓點。

突然一道閃電在餐廳外的天空劃過，凌天眼角看到玻璃牆外陰暗的街道因閃光多了一道人影。而這道人影正正在凌天左側的牆外。

新手任務～屠殺與逃亡
李文開始微微移動身體，笑着說道「天哥，屠夫先生好似幾冧你，全程都含情蜜蜜咁望你。」

「何止含情蜜蜜，直程飢餓異常，小文子，係你獻上菊花㗎時候喇。」凌天一邊回應著李文，一邊在桌下伸出左手慢慢握緊餐刀。

這個凌天沒有誇張，屠夫的眼神確實充滿飢餓，好像看到美食一般盯着他。

「頂！屠夫君明明全程望住你，你睇！仲流埋口水。仲有事先聲明，老夫唔攪基！我保留咗接近30年㗎貞操係唔會俾變態殺人狂的。」李文不滿反駁，但凌天已經見到其小腿開始繃緊。

「爭咩鬼？你地兩個㗎菊花一起獻上，然後玩三人行，上演一場人肉三文治咪皆大歡喜。」董佳突然來一句覇氣的建議。

「其心可誅呀！董大美女，陰陽交合乃自然之道，勿被腐勢力侵佔呀。」李文痛心疾首地哀道。

「夠喇！你哋仲有心情講笑……宜家知吾知知咩環境呀。」朱海終於再忍不住，對三人大罵起來。

凌天聽了朱海的話後，閉上眼睛，心道「開始逃亡喇。」

隨即凌天雙腿發力向後退，與此同時李文董佳也做著同一樣動作。

下一刻白光閃過，玻璃牆，碎。餐桌，毀。

朱海目瞪口呆，不知所措地呆坐。

「碰…」有東西從朱海身上跌落地上，他茫然地向下看，是一隻手臂，是他自己的手臂。

「呀……」朱海跪在地上哀嚎。

「呀……雨夜屠夫呀……」餐廳裡的女中學生開始尖叫。

由任務提示開始到女學生尖叫只是短短三十秒。

凌天三人此時已退到廚房。李文突然對眾人大叫「我哋人多勢眾，一起做低佢。」

餐廳所有男士由最初的驚慌轉為憤怒，逐漸有幾人站起來圍著屠夫。

而屠夫也走進餐廳。他上身穿白色短袖衣服，下身黑色短褲，雙手持有牛肉刀，相機繫著吊帶掛在頸中，流著唾液環顧眾人，透露著說不出的詭異。

*******

當凌天三人從後門走出餐廳時，李文立刻搬著幾個木箱擋著後門道：「希望入面班人可以捱耐啲，拖延多啲時間。」

之後三人沿著公路跑，其間凌天回憶著屠夫劈出的白光，此時仍感到心有餘悸，暗道「好快㗎刀，如果唔係避得快，斷嘅就係我條頸。果然任務唔會咁簡單，屠夫實力勁到痴線，唔怪得剩係叫我哋堅持生存24個鐘就當完成任務。」

當大家跑到地鐵站時「就喺呢度分開啦。」董佳停下腳步說。

「呵呵，就按之前講好咁樣吧。」李文點了點頭。

凌天心道「河水不犯井水，我哋三個都信唔過對方，分開係最好。」突然三人的手機震動。

凌天查看手機時，見到茶餐廳位置的黑點正在不斷減少，最後只剩下8個黑點與1個紅點。

*******

茶餐廳已佈滿鮮血，遍地屍骸。

「嗚……嗚……」內裡的廚房傳來一陣又一陣的哭叫聲。

進內細看，廚房中央有一對男女正在進行健康的活塞帶氧運動。那男子拿著相機對著身下的伴侶不斷拍照，而他的腰部也正在賣力擺動。

身下的女士全身赤裸，一陣又一陣的哭叫聲正是由她口中發出，很明顯她並不享受。更令人慘不忍睹的是，女士雙眼一片空洞，因為她的眼珠已被人活生生挖出。

朱海正躺在他們身旁不遠處的地板上，他的四肢已被斬斷，舌頭被拔走，只能無聲地觀看這變態的活春宮。

男子開始達到快感的頂點，大力地挺起腰部，然後趴在女士無力的身軀上大力喘息。

過了數分鐘，屠夫穿回衣服，看了看腳下的裸體，再向廚房深處看看幾具女性裸體，然後走出下着大雨的街道，緩緩伸出左手揮了揮。

地上的雨水與血水開始起泡沫並緩緩升高，翻滾，凝固，成形……最後竟演變成一輛紅色的香城計程車。

屠夫再走回屍骸中找了找，從中拿走一部手機，然後乘上計程車，查看手中的試煉者手機。只見螢幕上在距離地鐵站三個不同方位各顯示著一個黑點。

他滿足地笑了笑，然後發動車子沿著公路行駛。

新手任務～唯有一戰
[按此打開]
凌天在地鐵站分手後，便隨意地選了個方向奔跑。跑步有助他思考，一邊跑著一邊思考今天發生的事。

「由茶餐廳出走到宜家，一個路人都冇，喺香城係冇可能㗎事，所以可以肯定呢到唔係現實。」

「電視條友可以無聲無色咁將全餐廳㗎人轉移，仲要擁有隨意殺人㗎能力，佢應該係一個或一班掌握遠超地球科技架人，或者係……神。」

此時凌天已跑到山腳下，他想了想，便從山上一條小路跑向山頂方向。

「任務入面㗎雨夜屠夫應該係以香城那位雨夜屠夫為背景，如果真係咁，餐廳啲女仔應該會好淒慘吧。」

「李文，陰陰濕濕，十足一隻笑面虎，但佢㗎身手應該有番咁上下，心機又深，行事方式同以前交過手㗎黑幫精英有幾分相似。」

「董佳……難捉摸㗎女人，演技派。如果唔係從佢喺任務一完結時，反駁李文㗎話語中感到唔同尋常架冷靜，真係會俾佢呃倒。」「冷靜……演技派……好身手……觀察力強……美女……綜觀咁多因素，佢應該係一位………殺手。」

「朱海，可憐蟲一個，咁唔好彩揀同全餐廳最強㗎幾條友一起坐。」

「雨夜屠夫…呀！唔係，係電視條友先啱……作為任務發佈者，佢無論任務係咩，肯定一開始就會對最強嗰幾位下手。因為我地幾個係最有可能生還，從而可以對其他人示警，增加任務生存度。如果一開波就死曬就對佢嚟講會變得冇咩意思，或者叫冇咩趣味。」

「不過李文條友臨走前都要叫其他人送死嚟引開屠夫注意力，又真係幾仆街。」

凌天抬頭看向天空，已經進入夜深。再看著手錶道「而家係4點09分，任務開始係7點18分，24個鐘，仲要捱多3個領鐘。餐廳啲人宜家應該死得七七八八，屠夫應該會追殺我哋三個，睇下邊個唔好彩啦。」

說罷，凌天拿出手機查看，半响……「我屌！！！」

*******

「哈哈哈……天哥，我都話屠夫君鐘意你㗎啦，連上山都要追住你。鬼叫你係我哋三個入面最強咩。」李文此時正在茶餐廳外面拿着手機大笑。

沒錯，在地鐵站分手後，李文繞了一大圈回到餐廳。

「天哥實力最強，董佳應該同我差唔多，但以屠夫鐘意女人㗎個性，我暫時係最安全。」李文摸著額頭道「不過雨夜屠夫係怪物，天哥你要頂住呀，起碼拖耐啲，唔好死得咁快。」說著便踏入茶餐廳內，邊走邊說

「真係重口味，玩女人都有性格個人。」

「唉，雖然以前撈偏門時訓慣龍床，食開龍肉，唔鐘意呢啲市井地方，但既然被迫收山，喺呢到又打左7、8年工，都有啲感情……」

「咦……咩嚟架？……朱海，你咁都死唔去，真係大命呀。既然你唔死得，幫我做啲野啦………唔好用咁怨毒架眼神望我啦，入面啲女斷曬氣，揾唔倒人先揾你喳。」

*******

凌天在山路中站了近3分鐘。

原因很簡單，一輛計程車停泊在他的正前方，而司機微笑地向他揮著手。

屠夫下車，雙手持刀，緩慢地走向凌天。儘管心中一萬個草泥馬，但凌天仍強迫自己平穩呼吸，慢慢進入以前在戰場上的狀態。

「雖然安穩咗6、7年，的確冇以前咁好打。但我應承過佢，無論點樣，都要努力生存落去。」凌天喃喃自語「所以，既然避無可避，就唯有一戰！」

話語剛落，凌天全身肌肉繃緊，握緊餐刀，快速沖向屠夫。

而屠夫也開始跑向凌天。

雙方互相距離只有5步時，二人同時向對方揮刀，白光閃現……

新手任務～一線生機
二人擦身而過，凌天耳角裂開流血。屠夫頸部噴血，一道血線浮現，頭顱落地。

凌天大口喘著氣「身手果然冇以前咁好...」

要知道剛剛一剎那只有一秒不夠，但在這段時間內雨夜屠夫便對著凌天連揮3刀，若果不是凌天有著以前的經驗，可以通過動作來預判其行動，戰鬥將會出現另一結果。

不過凌天也發揮了極限，在一秒內對著屠夫連揮兩刀，雖然效果很好，但對手臂的負擔也極大，結束戰鬥後其握刀的手臂仍然不斷擅抖。

終於身體不由自主地跪了下來，口中不斷吐血。

腦海中突然響起熟悉的機械音

「試煉者成功擊殺雨夜屠夫，將勵2500冥幣，任務二提前結束。」

「任務三開啓，雨夜屠夫將增加至三名，試煉者需要在其追殺下存活1小時，任務完成後將返回空間並獎勵2000冥幣。」

「由於試煉者成功越級挑戰擊殺雨夜屠夫，使其戾氣及體內怨魂全面釋放，成功演化為魔化雨夜屠夫，任務難度提升，任務完成獎勵改為4000冥幣。」

「冥幣？……空間？……啫係返去現實？」凌天心中充滿疑問，但時間容不得他思考，因為地上屠夫的頭顱正對著他微笑，黑色的眼珠已轉變為血紅色。

四周的雨水也演變成鮮紅的血雨，温度也較之前更高。

「死完可以復活，你玩撚曬啦，咁茅，唔同你玩喇！」二話不說，凌天立刻抱頭向山坡滾下去。

自己的狀態凌天最清楚，別說戰鬥，逃跑都成問題，若果沿著屠夫相反方向的山路逃走，以屠夫的變態速度，他必死無疑。現在只有兵行險著，滾下山坡，趁還有體力時逃走，這才方有一線生機。

當凌天雙腳落地，回頭向山上觀看時，頓時瞳孔收縮。

盡入眼簾的是，一輛紅色計程車正在山坡中高速向這邊行駛。坐在司機位置的屠夫，以無頭身軀坐在座位，左手抱著掉下的頭顱，眼睛正在猙獰地看向這邊。

凌天立刻高速狂奔，但當他看到前方是懸崖時，眼中也不禁露出絕望的神色。

「點解會咁……我唔甘心呀，我應承過佢要努力生存，我唔可以死！！！」凌天雙手緊握拳頭大叫著。

凌天已跑到懸崖邊，而計程車也已駛近50米的距離。他停下腳步，轉過身看向計程車。

計程車也停下來，屠夫左手抱著頭顱，右手拿著刀下車。

「你好嘢，屌你！」凌天話畢，二人同時舉起右手。

凌天舉起右手，豎起中指，然後身體向後，往懸崖跳下去。

魔化屠夫舉起右手，揮出牛肉刀，把它以極快速度飛向凌天方向。

凌天向後跳下的瞬間，白光一閃，牛肉刀插進他左肩，強大的衝力使他整個人半空向後移動幾米。

「夠狠！」凌天暗罵了一句，然後陷入昏迷，身體也墮進縣崖深淵。

*******

「試煉者成功擊殺雨夜屠夫，任務二提前結束………」

董佳與李文腦海中都收到任務發佈，但他們卻沒有收到凌天擊殺雨夜屠夫的獎勵提示。

「天哥不愧天哥，連怪物都殺得死，雖然知道你好勁，但真係估唔倒你咁勁。」李文坐在茶餐廳的椅子上看著手機「但殺死屠夫會增加難度，呢個認真難攪，希望條橋行得通啦。」

躺在地上的朱海聽到李文的話後，憤怒地大叫，但奈何舌頭已斷，眾多的咒罵也不能表達，眼角慢慢泛出淚光。

新手任務～真的想快些再見到他
「你咿伊哦哦做乜鬼，試諗下，你係咪都就死，臨死前貢獻吓都好呀，最多每年清明燒多啲嘢俾你喇。」李文不耐煩地對朱海罵著。

「不過話時話，返回空間係咩意思，冥幣又係咩嚟？聽落似死人㗎貨幣，電視條友當咗我哋係鬼，定係我哋本身已經死咗做咗鬼？」李文站起來在餐廳裡來回踱步地思考，突然手機震動

「只有紅點，黑點消失，莫非天哥佢……」

*******

董佳正在一個購物商場裡閒逛，感覺手機震動

「估唔到連佢都死，之前仲以為佢生存機會係最大嗰個添。」董佳感歎著。她走上商場天台，找了個涼亭坐下。

董佳知道她很有可能成為下一個目標，但她也只能盡力而為，否則她也只能以自殺的方式來免受侵犯。

坦白說，她內心已經感到有些害怕了，她不怕死，但害怕被折磨致死。

原本她提出與凌天他們分開行動，是因為當時在她眼中，凌天與李文比屠夫更為危險。屠夫只是心思單純的殺人狂，但凌天與李文則滿肚子陰謀，她害怕自己背後被他們陷害，特別是自己還擁有頗為出眾的外貌。

但董佳沒想到凌天會死，她感覺到自己與凌天的差距，若果自己與他交手，自己估計最多只能捱3分鐘。當然董佳有自信可以全身而退，這是她對自己的驕傲。

但他竟然死了。

可想而知屠夫有多強大。

突然商場內所有燈光瞬間熄滅，血雨驟降，温度緩緩升高。

董佳拿起手機，看著螢幕，見到綠點後面多了一個紅點。

*******

「冥幣，冥幣……金獅紙算唔算冥幣一種？」李文仍然在菜餐廳裡來回踱步「如果我去紙紮舖拎走一億金獅紙係咪等於有一億冥幣？」

「呀……連呢個任務都未攪掂，咁快諗其他嘢把鬼。」他一臉苦惱地坐在地上「如果董美女可以過嚟幫手就好，起碼條橋成功嘅機會大啲，去唔去揾佢好呢？」

李文又搖了搖頭「手機打唔到電話，都唔知咩手機嚟，最重要係……我唔知佢幾多號電話。」

*******

董佳現時狀況相當糟糕，遍體鱗傷，血一直在逃跑時流下來。

從天台遭到襲擊開始，她便一直避免與屠夫正面交戰，她不像凌天那樣可以短時間內控制自己身體來爆發出極限能量，所以她只能不斷迴避。

她沒有硬碰的資本。

此時她已跑到地下大堂，商場出口就在前方。

「碰！」

外牆被撞毀，紅色計程車衝進商場內，車身把出口分隔到另一邊。

魔化屠夫左手拿著腦袋下車，緩步走向董佳。

董佳冷汗微出，而背後追擊她的兩名雨夜屠夫也趕到現場，她已被包圍。

臉上流露出一絲苦澀與不甘。

她不想死！

「點解個天要玩鳩我？」董佳抬頭向上方大聲說了一句。

握緊由廚房用具店拿走的菜刀，眼睛漸漸冒上一層水氣，快速地跑向魔化屠夫。

這一刻她腦海裡浮現出整段人生的影像，

一位亞裔女孩自幼就生於歐洲的孤兒院……

某天，她被一位叔叔領養回家……

叔叔帶她到了一個海島……

在海島上，她學習各種戰鬥技巧和不同的國家語言……

女孩長大了，協助叔叔完成了一次又一次的暗殺任務，直到見到某位男生……

男生既帥氣又温柔，女孩很憧景與他一起生活……

男生也喜歡她，還與女孩約定在香城重聚……

為了他，她願意拋棄一切，隱姓埋名，而叔叔也因為她找到自己幸福而感到欣慰……

她查到男生在香城的地址了，決定給他一個驚喜，立刻訂了前往香城的機票……

女孩一大清早起床，化妝更衣，在鏡子前照了幾遍……

心中雖然很緊張，想快些見到愛郎，但還是決定先到附近茶餐廳吃個早餐來放鬆心情……

真的想快些再見到他。

新手任務～魔化？魔法
「我竟然輸咗……曾經㗎王牌僱佣兵，被譽為未嘗過一敗㗎男人……竟然會輸……」

凌天意識開始恢復，全身劇痛隨之而來，他的左肩仍然插著一把牛肉刀。

當他右手嘗試拔出牛肉刀時，一道機械音在腦海中出現

「魔化雨夜屠夫之刀：可升級，此武器可吸收敵人血液來恢複使用者體力，可透過殺害敵人來吸取靈魂以達致升級之用

(殺一人為罪，殺百人為狂，殺萬人為雄，殺戳吧少年！)。」

收到提示訊息後，凌天感到有些無語「連裝備都有，玩緊虛擬遊戲？如果係㗎話，未免太過逼真喇呱。」

無奈地站起來，發現自己在一個沙灘上。原來懸崖底部是一處急流，河流的力量卸下了凌天墮進縣崖的衝力，並把他漂流到此處。

凌天咬了咬牙，大力拔出牛肉刀，一道血柱從左肩噴射而出。

拿出手機，發現因機身入水的關係，已經不能使用。看了看手錶，自語道

「任務仲有30分鐘就完結，唔知其餘兩條友攪成點。」說罷便坐在沙灘上看著海邊的風景，等待時間流逝。

*******

紅色計程車在茶餐廳的門口處停下。

魔化屠夫左手拿著自身腦袋站在門口前。

他左手把腦袋湊近右手拿著的試煉者手機，手機正顯示著兩個圓點，一紅兩黑，紅點在茶餐廳門口，兩個黑點則在茶餐廳裡。

腦袋臉上展現了猙獰的笑容，無頭身軀向前走了一步，又回頭走到計程車那邊。坐在計程車後座的兩名屠夫也下了車，其中一名出來時拿著一個球體。

那是人的頭顱。

那是董佳的頭顱！

董佳的表情一臉扭曲，可以想像她死前遭受到多大的折磨。

那名屠夫吻了一下董佳的臉，再把董佳湊近魔化屠夫的腦袋，讓它們來個濕吻。

其後三名屠夫同時走進餐廳。

等待他們的是一名穿著校裙的女子被綁在餐桌上，她臉部被蓋上一條毛巾，不時發出一陣悽慘的哭叫聲，顯得楚楚可憐。

三名屠夫立刻獸性大發，走上前撕開女子的衣服。但當衣服被撕開後，三人卻停了手腳。

他們發現這名女子上身既沒有女性應有的胸部大小，下身也沒有女性應有的陰道。

躺在餐桌上的竟是一名男性。

餐桌上旁擺放了兩部試煉者手機。

毛巾在拉扯掉了下來，朱海的臉容暴露在三人眼前。

屠夫們憤怒地向朱海揮刀亂劈，慘叫聲響遍整個餐廳。

過了兩分鐘，慘叫聲開始慢慢低沉，一切又再次回復平靜。

隨即火光閃現，整個餐廳被炸毀。

遠離餐廳約一百米的公路上停泊了一輛貨車，而李文正在貨車旁邊，拿著望遠鏡觀察著餐廳的情況。

「果然冇估錯，偵測試煉者位置果然只係靠手機嚟定位，只要扔走部手機，屠夫就揾唔到我哋。」計策成功使李文臉上忍不住露出笑容。

他放下望遠鏡感歎道「朱海兄，你唔好怪我，人不為己天誅地滅，我都係身不由己。」

原來李文把朱海綁在餐桌上後，便在餐廳四周收集屍體的四肢拼湊在朱海身上，之後再在之前已死的女中學生當中拿走她們的校服，讓朱海穿上。

放下自己和朱海的手機在餐桌上，

在餐廳裡放滿汽油桶，並在四周倒滿汽油，再讓汽油沿著公路方向由餐廳倒至李文的貨車旁。

當聽到朱海慘叫時，意味著屠夫們發現中計。

當慘叫結束時，意味著屠夫虐殺朱海完畢，李文便會用打火機點燃身旁的汽油。

茶餐廳便順其自然地發生爆炸。

李文等了又等，看了看手錶「仲有8分鐘就任務完成，但點解仲未有提示話我殺死屠夫？唔通……」

餐廳再一次發生爆炸，三道身影慢慢從火災中浮現。

「嘩屌！防護罩都有，你係魔化屠夫定魔法屠夫呀？」李文難以置信地罵了一句。

只見屠夫三人被一層由血水組成的血環保護著，魔化屠夫右手指著李文的位置大叫起來。

新手任務～試煉空間
李文立刻坐上貨車，發動引擎，愴惶逃走。

魔化屠夫立刻坐上紅色計程車追趕，另外兩名屠夫則揮了揮手，兩輛分別為綠色與藍色的計程車從雨水中出現。

「頂，好在煩事都留條後路，事先喺朱海身上攞定條貨車鎖匙，如果唔係而家就仆硬街。」李文在餐廳任職了8年，他熟知附近的所有停車位置，在住宅區域內全日也只會有2至3輛貨車卸貨，而早上便只有朱海那一輛。

「講片車，呀叔我話曬曾經玩轉成個東南亞㗎賽車場，發起顛上嚟，手車辣到你唔撚信呀！……嘩屌！又開外掛？！」李文看著倒後鏡大叫著，只見紅色計程車正緊隨其後，魔化屠夫的右手伸長約20米並抓著貨車車尾。

藍色計程車突然出現在貨車右側，車上的屠夫立刻對貨車車輪來一記飛刀，車胎爆裂。

整個貨車的速度立刻慢下來，綠色計程車也隨之出現，飛出牛肉刀，把貨車的左側車輪打破。

李文心感不妙，立刻打開車門，跳出車外並狂奔起來。

但白光一閃，一記飛刀橫掃而過，李文雙腿頓時斷開。

「仲爭一分鐘，捱多陣就可以㗎喇！」失去雙腿的李文正伏在地上歇斯底里地說著。

白光閃現，又一記飛刀插進李文左手手掌，把他固定在地上。

李文臉上滿是冷汗，強忍著疼痛，不發出任何聲音。

魔化屠夫走上前，拔出剛剛插進李文手掌的牛肉刀，對著李文作出準備揮刀的動作。

李文閉上眼睛，心道：「天要亡我！」

但腦海中突然響起一道使他驚喜萬分的話語。

「任務三結束，試煉者請選擇逗留三天再返回空間還是立刻返回。」

「立刻返回！」

*******

凌天只記得自己選了立刻返回後，便開始意識模糊，當回過神來，便發現自己身處於一個大廣場。

「哈哈哈，我死唔去，我係打不死的，哈哈哈……」李文的大笑聲傳進他耳邊。凌天見李文失去雙腿的位置被白光包圍著，慢慢長出新的下股。自己也一樣，左肩傷口處正被白光治療著。

「歡迎嚟到試煉空間，恭喜你哋完成新手任務先，唔洗咁急問嘢住，呢到嘅一切我會慢慢同你哋解釋。」一男兩女在廣場的另一邊走過來。

「好，你講。」凌天點了點頭，李文也冷靜下來，安靜凌聽。

那男子繼續道：「我叫林默，佢哋係喬欣同王儀。以下我所講㗎野希望你哋可以冷靜咁聽曬先插咀。」

「首先，我哋呢批人喺現實嗰邊已經死咗，冥主會幫我哋安排好理由，例如死於車禍，死於船難等，唔洗懷疑，我哋以前有人試過返去現實世界嗰邊求證過。」

「啊，冥主啫係上面嗰層烏雲，佢負責發放冥幣，主宰一切，所以咁叫佢。」林默指了指上方，凌天他們跟着抬頭，廣場上方果然有團烏雲，它宛如蛇狀般在廣場上空浮遊著。

「呢到叫試煉空間，係我哋休息同訓練㗎地方，廣場周圍總共有12度門，每位隊員可以擁有一度門去創造自己間房，只要你個腦入面想像一吓，間房就會根據你所諗嘅嘢去改造。」

「冥幣，試煉空間㗎貨幣，可以兌換好多嘢，主要分4類，血統、技能、裝備同埋生活用品，如果有需要就可以向冥主兌換。」

「你哋右手手臂上有一個十字紋身，掂掂佢就會發現佢入面係一個儲物空間，可以放好多雜物入去，作為任務後勤之用。」

「任務會每兩星期執行一次，成個試煉空間一共有15個隊伍，而我哋係第12號隊。每個隊伍都會有一個隊長，隊長可以喺任務執行前5日預先知道任務內容，而我哋12號隊㗎隊長就係我。」

「好！講解完畢，進入問答環節，兩位可以隨意發問。」

殭屍戰爭
[按此打開]
「你話你哋之前有人返過去現實世界？」凌天看著林默問道。

「冇錯，我哋係用冥幣兌換㗎方法返去現實世界，2000冥幣可以兌換返去現實世界1日。」林默平靜地解釋著「嗰時我哋夾咗6000冥幣俾我哋嘅前任隊長返去現實世界3日，佢發現我哋全部人喺現實世界都俾新聞報道話死於意外，無論香城，澳城，台島定華國都係一樣情況。」

「咁有冇永遠離開呢到嘅方法？」李文期待地問道。

「傳聞話儲夠一百萬冥幣就可以撤底離開，但仲未聽過有人成功，可以話係冇乜可能咁滯。因為任務只會越嚟越難，要生存要完成任務，就一定要強化，之後每強化一次，需要㗎冥幣就會越嚟越多。」林默苦笑地搖了搖頭。

「生活如強姦一樣，冇辦法改變就要學識享受。既然返唔到去住，就唯有努力生存。咁可以點樣兌換強化？」凌天也不由苦笑地回了句。

「合埋眼，默念"冥主強化"就可以，之後就全程喺心入面同冥主交流吧。不過新手任務都係得嗰2000冥幣，可以強化嘅嘢唔係好多，所以個人建議你哋買啲補給品同增加身體屬性為主。」

「哦？聽你咁講，唔通所有人嘅新手任務獎勵都係2000冥幣？」李文眼中精光一閃，問了句。

「當然！除非有某啲變態越級挑戰，強行改變任務要求，但機會與風險並存，冇咁大個頭唔好帶咁大頂帽，強行改變任務雖然會有高額獎勵，但任務難度亦都會隨之而然咁大幅提高。」林默語重心長地回答。

聽罷，李文略有深意地看了凌天一眼，凌天也感到有些尷尬。

「慢慢嚟吧，仲有兩日我就會收到任務通知，到時你哋先決定點強化吧。」林默微笑地說。

凌天與李文也覺得有理，便各自選擇一道門進去。

*******

「果然好強大，就咁諗一諗就可以實體化周圍環境。」凌天房間已演變成一片大草原，草原旁有個大湖泊，湖泊的邊源則有一間獨立別墅。

凌天摸了摸手臂上的十字紋身，見到儲物空間中放著一把魔化雨夜屠夫之刀。

*******

「天哥果然係變態，嗰個林默都唔差，應該話佢哋3個都好強，但感覺上天哥唔洗幾耐就可以超越佢哋。」李文在廚房中一邊煮著即食麵，一邊自言自語。

而廚房外卻是一是一座雄偉的古代城牆。

*******

在廣場上

「呢兩個新人絕對唔簡單。」王儀對著另外兩人道。

「的確，一般新人就算完成新手任務都好，一聽到我哋講解嘅內容嗰陣，冇一個好似佢哋咁冷靜。」喬欣點頭同意道。

「仲有我感覺到佢哋兩個應該感受到我哋嘅實力，睇嚟佢哋喺現實世界到都唔係咩普通人。」王儀認真地說。

「可能因為我哋上次任務傷亡慘重嘅關係，冥主特登安排啲有潛力嘅新人去我哋到呢。」林默歎息地說「上場任務5方會戰，我哋俾2號，9號，13號三支隊伍聯手埋伏，10個死剩我哋3個，連吳隊長同黃大哥都犧牲埋。」

聽後，三人也不由自主地沉默，接著便返回各自的房間，廣場回復平靜。

*******

兩天後，眾人在廣場上集合。

林默閉著眼睛，皺著眉頭，其他人靜心地等待。

五分鐘後，林默張開雙眼，對眾人道

「我哋下一場任務叫做"僵屍戰爭"，係一個科技與魔法並存㗎世界。」

強化
「殭屍戰爭，顧名思義係一場關於殭屍㗎戰役。故事背景係位於異世界㗎近代歐洲大陸。」

「故事講述普魯士國王威廉一世喺鐵血宰相卑斯密嘅輔助下，引用東方秘法，建立咗以殭屍為主㗎不死軍團，以此率領普魯士消滅奧地利，擊退法蘭西，統一咗整個日耳曼民族，建立咗德意志聯邦國，並大有統一全歐洲㗎姿態。」

「意大利羅馬教廷深感事態嚴重，教皇以君權神授名義為口號，自稱為光明神嘅使者，聯合全歐洲信奉光明教嘅國家，聯手消滅異端，建立光明聯盟。」

「威廉一世有見及此，亦都隨即與歐洲異教國家聯手，建立不朽聯邦。」

「光明聯盟有意大利，英格蘭，法蘭西，瑞典，蘇維埃。」

「不朽聯邦有德意志，羅馬尼亞，匈牙利，奧圖曼。」

「我哋嘅任務就係揀陣營，唔同陣營會延伸出唔同任務。而今次任務仲要係團戰。」林默說到這裡露出一絲苦笑。

「我哋進入任務世界之後，喺任務時間嘅一個禮拜後，6號隊亦都會進入世界並成為我哋嘅敵對陣營。」

「呵呵，異界版嘅第一次世界大戰，聽落我哋隊伍正處於劣勢啵。」李文笑著道。

「冇錯，6號隊唔係強隊，甚至係偏弱，但我哋隊伍喺上個任務元氣大傷，反而變成最弱嗰隊。由任務時間可以睇得出，越早進入任務世界嘅隊伍實力越弱，因為可以有比較多時間去借勢，爭取劇情人物㗎支持。」林默說完暫停了一會，讓大家消化以上所有信息。

「坦白講，我哋三個除咗新手任務，都只係完成咗兩個正式任務，幫到你哋嘅嘢唔多，我以上講嘅資訊都係以前嘅前輩教落，但我亦都希望我哋可以團結一致，一起完成任務。」林默誠懇地對凌天二人說。

「而家我哋再正式自我介紹一次，我林默，12號隊隊長，近戰武者。」

「喬欣，牧師，負責醫療。」

「王儀，弩手，遠程攻擊。」

「一個近戰、一個遠攻、一個後勤………一個基本嘅5人作戰小隊應該要有至少2名近戰，1名中攻，1名遠攻，1名後勤。咁我都揀近戰強化啦，配合大家。我叫凌天，以前當過兵，後尾收山做咗白領打工仔。」凌天摸著下巴笑了笑道。

「我叫李文，以前撈過偏門，而家收山做咗廚房佬。照天哥咁話法，我啫係迫住要揀中攻啦，不過打東方殭屍其實都係一個強化好揀啫………道士。」李文擺了擺手道。

*******

凌天正在腦海中查閱冥主嘅兌換清單。

「太多選項喇，而且好多都好貴……冥主，有冇啲啱我嘅強化，要近戰類。」

「適合試煉者條件近戰強化搜尋…」機械音回應著

「技能類………」

「小李飛刀(入門級)，李尋歡成名技，此技能需要內力，5000冥幣。」

「血刀刀法(入門級)，血刀老祖專用刀法，此技能需要內力，3000冥幣。」

「柳生劍法(入門級)，柳生家族的驕傲，此技能需要內力或靈力，3000冥幣。」

「血統職業類……」

「鬼武者(低級)，鬼之一族，吸收靈魂而強大的好戰種族，可産生靈力，冥幣3000。」

「血僧(低級)，吐藩佛教分支，以殺戳及鮮血來增加修為的宗教教派，可産生內力，冥幣2000。」

「吸血鬼(低級)，西方地獄勢力延伸種族，可産生魔力，冥幣3000。」

「忍者(低級)，東方道教武術分支，可産生內力或魔力，冥幣2000。」………

「幾個都幾好，技能類……小李飛刀貴得滯，唔揀………血統職業類……吸血鬼又貴又冇啱我嘅技能搭配，唔揀……鬼武者其實幾好，但價錢比較貴，唔要……得返血僧同忍者，揀邊個好呢？」

猶豫了很久，凌天終於兌換強化。

殭屍戰爭～進入任務
隔天早上

林默召集眾人在他的房間開會商討任務。

林默房間是普通家庭的建築模樣，空間不大，但麻雀雖小，卻勝在五臟俱全。

在房間客廳中

「我想問下大家意見，各位認為應該要揀邊個陣營好？」林默坐在梳化上問道。

「我嘅強化應該比較適合喺光明聯盟嗰邊。」喬欣首先表達了意見。

「但照字面咁睇，不朽聯邦應該實力比較強，單以一個德意志已經隱隱擁有橫掃歐洲嘅實力，況且現實版嘅德國亦都將英、法、俄三國打到癱癱腰。」凌天率先反駁道。

「但呢個係異界版嘅世界大戰，冥主為咗遊戲平衡，羅馬教廷嘅實力肯定會被大幅提高。」喬欣搖著頭說。

「其實我哋可唔可以兩線作戰，分開兩隊，一邊爭取光明聯盟支持，一邊投靠不朽聯邦？」李文笑了笑地說。

「以前我哋都有類似經驗，但我哋條隊宜家人手不足，再分隊實力就會太過分散，好容易俾6號隊遂個擊破。」林默擔憂地道。

「我贊成分隊，一來可以爭取兩邊劇情人物支持，二來大家分開，雖然實力係分散咗，但我哋亦都可以以此嚟用迂迴戰術嚟避開6號隊，減少同佢哋交戰嘅可能。」喬欣表態同意。

「我同意。」王儀點頭道。

「附議。」凌天也沒意見。

「附議。」李文微笑地說。

「好吧，少數服從多數。」林默深感無奈「既然係咁，你哋各自想揀邊一個勢力？」

「我同喬欣都揀光明吧，我同佢合作開。」王儀暗地向林默眼神示意。

「呵呵呵，咁我同天哥去不朽嗰邊吧。」李文仍然以他那副虛假的笑容回應。

「好吧，我都揀去光明，任務就選擇做光明陣營㗎任務，凌天同李文你哋兩個就喺敵方暗中策應。」林默也只好表態。

「附議……」其餘4人一致回應。

*******

當走出林默房間時，王儀與喬欣都各自回到自己房間內。

廣場上只剩下凌天與李文兩人。

「天哥，難得下一場任務我哋兩個又再度合作，希望請你多多關照呀。」李文一臉奉承地笑著。

「唉，既然你叫得我大哥，咁我就唔客氣叫你聲細佬。賢弟，其實大家都係聰明人，有咩嘢我哋可以坦承啲咁講出嚟。」凌天一臉誠懇地回應，心中卻暗罵「好一個唔知醜嘅笑面虎。」

「天哥乜說話呀，咁我就照直講，林隊長雖然實力唔錯，但未夠魄力，反而我睇好你。」李文也嚴肅起來，卻心道「比我更加面皮厚，佩服佩服。」

「哦？！言下之意，我就夠魄力？」凌天皮笑肉不笑地問。

「哈哈哈，有啲嘢唔洗講到咁明白，大家心裡有數，我李文只交好兩種人，一種係強者，另一種就係有恩於我嘅人，而天哥你係前一種。」李文回復之前的笑臉。

「呵呵，咁多謝賢弟嘅肯定，喺咁危機四伏㗎環境下可以得到李賢弟幫助，簡直就係喺沙漠中遇到綠洲呀。」凌天一臉真誠地說。

「天哥唔好咁講，你直程係我李文嘅苦海明燈添，我哋黑道嘅人最講義氣，無論上刀山，落油鍋，我都願意陪你去闖。」李文也一臉感動回應。

說罷，二人緊握對方雙手

「得賢弟於此，此生無憾！」

「天哥……」

「李弟……」

「天哥……」

兩大賤人就在廣場上一邊互相奉承，一邊暗罵對方不要臉。

*******

4日後

眾隊員聚集在廣場上。

林默交給凌天二人各自一個圓形耳塞道「呢個係我哋隊嘅通訊設備，㩒住佢講嘢，只要大家仲身處喺同一個空間，就可以無視距離咁通話。」

「哦？幾好咁喎，呢舊嘢幾錢個呀？」李文問著。

「哈哈，貴嘢嚟㗎，100冥幣一個。」林默笑著回應。

說罷，白光照射，眾人的身影慢慢消失。

殭屍戰爭～任務選擇
12號隊眾人出現在一個公園內，公園很小，只有一個噴泉和幾張長椅。

「任務"殭屍戰爭"現在開始。」

「任務一，選擇陣營，請試煉者在三天內選擇加入光明聯盟或不朽聯邦，任何試煉隊伍均只可以加入一個陣營。任務失敗將被抹殺。」

「加入光明聯盟的隊伍，需要前往任意一間教堂受洗，並加入聖光預備軍。」

「加入不朽聯邦的隊伍，需要前往任意一個不朽聯軍軍營參軍，從而成為國防後備軍。」

「任務二將於之後一星期，6號隊伍進入任務世界後發放。」冥主的提示在眾人腦海中回響。

「呢到應該係兩大勢力嘅重點交戰區，咁係為咗方便我哋可以喺短時間內揀好陣營。」林默對著眾人說。

「冇錯，既然係重點交戰區，不外乎三個邊境區域，阿爾薩斯—洛林，第里斯雅特同埋巴爾幹半島。」喬欣點了點頭道。

「我哋暫時仲未知係邊個區域，周圍查探吓有冇教堂先啦。」林默提議道。

眾人聽後便走出公園，只見街道外一片荒涼，人煙稀少，雜物四散在地上，充份體現出戰爭的氣氛。

「號外，教皇庇護九世，英女皇維多利亞與法皇拿破崙三世喺梵諦岡共同商議出兵，決定一共出動60萬大軍兵發阿爾薩斯—洛林。」一名金髮少年騎著載有大量報紙的自行車向四周大叫。

「劇情人物同我哋嘅對話，冥主會自動幫我哋翻譯，不過文字就唔會。」林默見凌天2人一臉驚訝，便為其解釋道。

「一早就應該嚟啦，趕走班德國佬！」

「但打仗就實死人，佢哋會唔會強迫我哋當兵？」

「光明神在上，希望祢保佑我哋一家平安，將嗰啲異教徒趕出去。」

「我宜家都諗住準備離開，好在之前一早就拜託咗啲親戚幫手送老婆仔女去曬巴黎。」……

眾隊員沿著街道走，四周的路人都在討論戰事，但大多市民都較為擁戴光明聯盟。

「阿爾薩斯—洛林，聽啲市民講，宜家應該係德意志控制緊呢到。如果跟返現實世界嘅歷史去睇，宜家應該大概係1870年呢段時間。」喬欣一邊行走，一邊分析著。

「現實世界嘅歷史唔可以盡信，如果唔係我哋就麻煩喇。」路上較沉默的王儀膽憂地說。

「的確，現實歷史入面，英國同意大利冇出兵支援法國，法國私下出兵諗住先發制人，結果俾德國打到返去巴黎，拿破崙三世仲要做埋人哋俘虜，德皇喺凡爾賽宮加冕同頒佈法蘭克福條約，正式確定德國全面統一。」凌天心中暗道「如果跟足現實歷史，喺呢到加入光明軍，就意味住好可能要面對至少40幾萬㗎德軍追殺。」

當他們走到街道盡頭，便看到一間白色小教堂。

教堂內，一大群信眾正在坐著祈禱，畢竟戰爭時期，民眾大多感到傍徨，需要尋找寄託。

凌天走進教堂的一刻，便突然感少許不舒服。凌天知道這是他的血僧強化對附帶光明能量的地方本能地感到反感。

「……願主保佑，阿門。」當神父念完誦文，教堂內的信眾便陸續散去，最後只剩下凌天幾人。

神父見到他們沒有離去，便走過來問道：「孩子，係咪有咩疑惑想告解？」

「神父，我哋希望為主分憂。」喬欣走上前道。

「哦？你哋想點為主分憂？」神父眼神一亮，心中驚訝於眼前這位女孩體內的光明能量。

「參加聖光軍團，趕絕異教徒，讓天下盡歸我主！」喬欣肯定地道。

殭屍戰爭～聖水
「呵呵，志氣可嘉，願主嘅光輝與你哋同在。」神父欣慰地笑著「雖然宜家阿爾薩斯—洛林暫時俾德國佬控制住，但我可以私底下幫你哋引薦俾聖光軍，但記住唔好四圍張揚。」

「呢層我哋明白。」喬欣點了點頭答應道。

「有你呢句就得，近年卑斯密不斷打壓光明教，意圖趕絕我哋嘅信徒，今時今日難得仲有你哋呢批年輕人願意捨身為主，起碼令我對呢場持久戰挽回唔少信心。」神父感慨地說「好喇，你哋應該仲未接受洗禮，跟我嚟吧。」

眾人跟著神父走向教堂的後院，見到庭院的中央有一個噴泉，噴泉前方有一個洗手盆。

神父拿著一個木碗在噴泉內盛著泉水倒進洗手盆內。

「飲過聖水，你哋就係光明教嘅成員，記住，光明神永遠與你哋同在。」

眾人逐一喝過聖水，神父各自為他們念了一遍誦文。當淩天接觸到聖水時，腦海便傳來提示音：「聖水，能夠對黑暗屬性生物造成一定傷害，能夠對光明屬性生物進行治療及力量加持，對其他屬性生物起到治療作用，此物不能帶出本任務世界。」

洗禮儀式完畢後，神父便邀請他們在教堂留宿。

「等陣我會寫一封電報去梵諦岡，大概明日晏晝就會有人帶你哋去軍營受訓，今晚你哋就喺到休息吧。」

說罷便帶他們幾人到各自的房間休息。

凌天在喝聖水時，便一直強忍著聖水帶來的刺痛，而當他進到房間獨自一人時，便再也忍不住，急忙到廁所嘔吐起來。

*******

深夜，教堂燈光逐漸熄滅，大多神職人員都已經入睡。

12號隊眾人聚集在林默的房間內。

「今次任務提示已經好清楚，如無意外，明日聖光軍嘅人一接我哋去軍營之後，我哋就要參加呢場戰役。」林默向眾人道。

「其實我最擔心嘅係我哋會俾佢哋當炮灰咁用，畢竟聖光軍如果要保留主力部隊，肯定會揾啲新兵墊屍底。」王儀略為擔憂地說。

「無妨，推上前線嗰陣，我同李文就可以趁機混入敵軍，同時引開注意力，為你哋撤退做掩護。」凌天不在乎地說。

「哈哈，跟天哥嘅，不過臨上戰場前，兩位美女可唔可以幫幫手，破咗我個處佢呀？」李文賤賤地說完後便被王儀踢下並滾在地上。

「你哋兩個作為新人真係非常優秀，如果唔係見住你哋完成新手任務入嚟，真係會以為你哋係資深者。」喬欣露出一絲不可思議的神色說。

「好啦，咁大方向就係咁多，凌天李文兩個就喺交戰嗰陣，乘機混入敵軍吧。夜喇，大家去休息吧。」林默眾人說。

*******

當大家走出林默的房間後，便各自分開回去休息。

「儀姐，睇佢哋兩個都唔似有問題呀，仲主動提出引開敵軍添，雖然李文有時唔係好正經。」喬欣對著王儀。

「我都唔知咩事，但總覺得佢哋兩個好危險，而林默又心腸太軟，未必壓得住佢哋。」王儀搖了搖頭道。

「就算係咁，仲有我哋幫林大哥嘛。」喬欣不在乎地笑了笑。

「你就算把啦，唔令我頭痛已經好好喇。」王儀也被喬欣的開朗感染，暫時忘記凌天二人的事。

與此同時，凌天和李文分別在後院相遇。

「天哥果然係我嘅知己，連諗法都同我一樣。」李文仍然維持著他的淫賤笑容。

「李弟果然慧眼如炬，連哥哥嘅諗法都一清二楚。」凌天也露出賤笑，心中卻已經大罵對方的家中女性，皆因他們都同時想得到庭院中的聖水

殭屍戰爭～打仗

「呵呵，既然我哋兩個都想要，平均分咗佢啦，天哥。」李文微笑帶有少許忌憚。

「好，但冇理由做大嘅要同細嘅爭食，李弟你攞咗你要嗰啲先，之後我先再攞，唔好話我做哥哥做得唔厚道。」凌天一副大方地說。

「咁我就多謝天哥喇。」李文欣喜地說著，心中卻暗罵「頂！人唔要面真係天下無敵，你宜家企响到咪已經同我爭緊囉，而且仲擺好姿勢睇死我唔會攞多，因為唔值得為咗啲聖水得罪你。」

當李文拿著一個木碗盛走泉水，向凌天再一次淫笑地感謝後，便匆匆離開走回到房間。

凌天確定李文走後，慢慢地走向噴泉，從儲物空間拿出魔化雨夜屠夫之刀，並把它丟進噴泉內。

******

第二天中午

神父召集眾人於教堂門口集合，門口外還有一輛馬車和一名馬夫。

「呢位係總參謀長勒布夫的助手，斯蒂諾先生，佢會帶你哋去軍營到受訓。」神父指著馬夫為大家介紹道。

馬夫向眾人點了點頭，說「梵諦岡已經同靳布夫公爵通報過，正式宣佈各位成為聖光預備軍，並進入旗下嘅第5師團。而好榮幸各位有機會參與即將來臨㗎大戰。」

「任務一完成。任務二將於之後一星期，6號隊伍進入任務世界後發放。」任務提示音在此時進入12號隊眾人腦海。

「事不宜遲，請各位儘快上車，要快啲返去軍營報道。」斯蒂諾催促著眾人。

「願主祝福你哋，希望你哋旗開得勝。」神父對眾人道。

「多謝你尋晚嘅照顧。」喬欣向神父感謝道。

「呵呵，只要你哋默默為主出力，就係對我最好嘅回禮。」神父微笑地道。

神父目送著眾人乘著馬車遠離教堂。

此時一名神職人員匆忙地走過來大叫「神父大件事喇。」

「冷靜啲，小小事就騰曬雞咁，成何體統呀。」

「後院嘅聖水噴泉唔知點解冇曬聖水呀。」

「咩話？！！！」

*******

在馬車中

「果然係揾我哋做炮灰，連基本訓練都冇就要我哋參戰，真係屌佢老母。」李文不滿地罵著。

「留返啖氣去預備點打場仗好過啦。」王儀略為不滿地說。

「根據以往前輩的經驗，冥主係唔會安排必死嘅任務俾我哋，但唔代表任務本身唔危險。」林默說道「所以我認為今次打仗只係冥主俾我嘅優惠。」

「叫我哋做炮灰算咩優惠？」喬欣不解地問道。

「名為炮灰，但我哋嘅實力唔係炮灰，所以今次上戰場係冥主俾機會我哋建功立業，從而拉攏劇情人物，建立自己勢力。」王儀為其解釋道。

馬車停下，車門被打開，斯蒂諾對眾人道「已到聖光軍軍營………薩爾布呂肯。」

*******

12號隊眾人到聖光預備軍第5師團報到，然後便被安排在一處帳蓬休息。

「呵呵，呢個世界嘅軍隊竟然俾男女同房訓，唔怕會影響軍隊嘅紀律咩？」李文淫笑地問。

「頭先我都私底下問咗斯蒂諾，佢話光明教並唔反對，只要做足避孕措施就可以。反而認為有異性或愛人喺身邊嗰陣，士兵會作戰得更英勇。」凌天為其解釋道。

「哈哈，既然係咁就請兩位美女幫下手，令我作戰得更英勇吧。」李文立刻興奮地說著。

正當喬欣與王儀準備暴揍李文時，軍營突然響起警鐘，一名傳令兵揭開帳蓬對他們大聲地說「公爵有令，全軍緊急集合。」

眾人聽後均感到鄂然，隨後凌天心中一沉，心道「雖然有啲唔同，但一切都同現實歷史好相似，聖光軍必敗。」

殭屍戰爭～埋伏

聖光預備軍全軍5個師團均被召集在軍營裡的廣場上。

廣場上方有一個講臺，一名身穿藍色軍裝的男子走上講臺並對全軍大聲地說：「德意志大舉侵犯我教山河，並妖言惑眾辱我光明神教，故此教皇下令，全軍出動，夜襲法蘭克福，願光明神嘅光輝與你哋同在。」

說罷，又一身穿藍色軍裝男走來，對第5師團眾人介紹道「我就係第5師團嘅團長，弗洛上將，好榮幸有機會帶領你哋參戰，希望我哋大家都可以見到明天嘅太陽。」

「宜家係下晝5點，原地休息兩個鐘，趁時間攞齊裝備，食飽飯同寫遺書，之後就即刻出發。」

當弗洛上將離開後，第5師團各個士兵都竊竊私語著。

「宜家直程講明我哋係炮灰。」王儀不禁苦笑著。

「王美女放心，到時有咩危險，我會即刻衝出嚟保護妳，只要妳畀一個濕吻我就可以。」李文仍然淫笑地說。

回應李文的是一記拳頭。

「呢到有5把火槍，軍隊嘅基本裝備，算係聊勝於無喇。」林默雙手抱著5把火槍走來。

「可惜空間入面啲物理防禦太貴，如果唔係我哋一人一個防護罩就已經無敵。」喬欣嘆了口氣地說。

「咪抱怨喇，起碼我有信心憑我哋嘅強化可以令大家冇生命危險。」王儀輕輕安慰道。

凌天聽後，心道「真係冇生命危險？」

兩小時的時間很快過去

5個師團合共2萬餘人已整裝待發，弗洛上將騎馬上前向眾人施了一個軍禮並大喊

「出發！」

聖光預備軍作為聖光軍的先鋒，率先從阿薩爾布呂肯出發，拉開兩大勢力交鋒的序幕。

*******

法蘭克福

有一所陰暗的大宅被士兵嚴密守護著，大宅上層的一個房間更被守護得密不透風。

房間裏坐著3名身穿黑色軍服的男子。

「毛奇，收到情報話聖光軍已經由阿薩爾布呂肯出兵，相信兩日後就會過到嚟呢到。」其中一名男子問道。

「陛下請放心，我軍已準備充足，步兵團，騎兵團同炮兵連都各就各位，我敢擔保佢哋派幾多人嚟都註定葬身此地。」名為毛奇的男子自信地回應。

「陛下，法皇拿破崙三世只係跳樑小丑，微不足道，反而羅馬嗰邊已經喺第里雅斯特召集咗接近80萬正規軍，我哋應該小心為上呀。」另一男子對他們的陛下勸說道。

「哼，我緊係知道庇護九世點諗，諗住用拿破崙條廢柴拖死我，實行調虎離山。所以我先同意卑斯密你嘅外交策略，重金收買不列顛嗰條八婆，令佢名義答應出兵，實際按兵不動。」

「之後我只要動用12萬後備軍就可以攪死法蘭西，直接攻入巴黎。」被稱為陛下，亦即現時如日中天的威簾一世冷笑道

「到時我再帶住30萬正規軍同10萬不死軍團出現喺第里斯雅特，同羅馬教廷嘅嫡系部隊一決雌雄。」

*******

聖光預備軍已經到達法蘭克福500哩外。

「天哥，睇個款，到時我哋呢邊肯定慘敗收場，但我哋兩個唔好話混入去敵軍，連命仔都有啲危喎。」李文一臉凝重地問道。

「冇辦法，自己執生啦，但如果林默講嘅冇錯，我估今次面對嘅德軍應該唔會有不死軍團，否則我哋實死無生。」凌天也一臉無奈。

「碰……！！！」後方運送糧食的馬車突然發生爆炸。

「有埋伏！！」不知是誰大聲喊道。但話語剛落，隨即四方八面也響起爆炸聲。

「碰……！！」「碰……！！」「碰……！！」「碰……！！」「碰…！！」

數十秒內，聖光預備軍已死傷大半，前方的第1師團全軍覆沒。

「嘩！……雖然話慘敗收場，但未免輸得太快太難睇喇呱……」李文伏在地上大叫著。

殭屍戰爭～要檢討
「大家冇事嘛？」林默大叫著

「死唔去。」

「爭啲就死。」

「閻王唔收處男…」

「冇事。」凌天也回應道。

聖光預備軍已經完全被打散，四周不時響起零星的槍炮聲。

凌天心中慢慢開始激動起來，他熟悉這種感覺，這是上戰埸的感覺。

大地開始輕微震動，整齊劃一的腳踏聲慢慢從遠方傳來。

「德意志嘅大部隊過緊嚟，我哋邊打邊退，儘快離開呢到。」急速地低聲說道。

眾人點頭附議，沒辦法，聖光預備軍較想像中更加不堪，他們只有儘快離開戰場。

當12號隊眾人退入附近叢林時，終於遇到德意志的士兵。對方是一支為數50人的部隊，隊伍中唯一騎著馬的長官看到凌天幾人時，立刻大叫道「發現敵軍，包圍佢哋！」

凌天幾人立刻逃跑，但隨着對方長官的叫喊，追趕他們的敵軍數目越來越多，已由當初的50人增加至300多人。

「我去打出一個缺口，你哋幾個到時即刻趁機逃走。」林默看見形勢不妙，急忙說道。

「咁你小心。」王儀點了點頭。

話畢林默的身影以幾倍的速度瞬移到一個德意志士兵面前，在那名士兵還來不及反應時便給了他一掌，那名士兵當即吐血而亡。

林默以同樣的手段實施數次，在包圍圈中打出一個細小的空隙。

德意志長官見狀，大聲喝令道「係教廷㗎騎士，唔好俾佢哋走，殺咗佢哋包保大家升官發財。」

當凌天幾人剛剛衝出包圍圈時，便聽到後方的軍官喊道「瞄準………開火！！！」

林默立刻走上前，擋著眾人的身影，大聲道「金剛勁！」

林默的身軀發出一陣金光，射擊過來的子彈均被這層金光擋下。

「果然係教廷騎士，繼續射擊，叫炮兵過嚟預備。」那名德意志軍官興奮地大叫著。

林默身上的金光在無間斷的槍擊下漸漸暗淡起來。王儀皺了皺眉頭，從儲物空間中取出一把黑色大連弩並對著那德意志軍官連環掃射。

那軍官大腿中箭，氣急敗壞地道「炮兵快手啲，同我炸死佢哋！」

王儀聽到此話，便發現他們已被一個黑色大圓筒瞄準著，心中頓時大急，二話不說，立刻從儲物空間拿出一枝深紅色的羽箭，大聲道「爆裂箭！」

只見一記火光從連弩中射出，那黑色大炮台便瞬間爆炸起來，附近的士兵均陷入一片火海中，痛苦地哀嚎著。

林默身上的金光也在此時消失，口中吐血，身子跪了下來，陷入昏迷。喬欣急忙為其治療，引出一片柔和的綠光籠罩他全身。

「照計劃進行，你同喬欣帶住林隊長撤退，我同李文就留喺到引開敵軍注意。」凌天對著王儀說道。

「傻咗呀，宜家仲走去諗去引開敵人注意，你哋一定死緊。」喬欣對其大罵道。

「呵呵，宜家去引開，最多得兩個人死，但如果唔引開，就好可能會5個人死，仲有唔好唔記得女人落喺敵軍手到會受到咩對待。」一旁的李文也勸說道，但勸說時也不忘賤賤地淫笑。

「趁敵人尚未重整陣形前，快啲離開吧。」凌天坦然道。

「好吧，你哋兩個小心。」王儀一臉複雜地看著凌天，但她也知道不是矯情的時候，只能帶著少許內疚感地答應。

凌天二人看著王儀他們向叢林深處方向逃離。

「天哥，雖然有一剎那我都俾你感動咗，但理智話俾我聽，你咁做係有其他原因嘅。」李文仍然嬉皮笑臉地道。

此時敵軍已重整隊形，向著這裡發動衝鋒。

「真係乜都俾你睇穿，冇錯，留喺到主要有兩個目的，混入敵軍係其次……」

凌天此時手中血光一閃，走到他附近的兩名德意志士兵便因此頭顱分家。

「最主要係想試驗下自己強化咗之後嘅實力。」

「哈哈，痛快！」李文手中不知何時多了一把拂塵「其實最主要係咁嘅程度根本攪唔死我哋兩個，林默佢哋三個做咗3場任務都仲係咁嘅死樣，真係要好好檢討吓。」

殭屍戰爭～血林
此時在凌天手中死去的德意志士兵已不下10名。德意志軍官見狀，急道「即刻叫支援過嚟，呢兩個可能係教廷嘅聖騎士。」

傳令兵聽後立刻吹響號角。

凌天手中拿著牛肉刀，看著刀上的提示「聖魔刃：受到聖水加持嘅魔化武器，可斬殺邪物，可吸收敵人血液來補充使用者體力，可吸收敵人靈魂以作升級之用。」

「估唔到裝備可以合成，咁起碼有件武器可以殺到殭屍。」凌天心道。

此時求援訊號發出後，大量德意志士兵四方八面衝過來。

凌天看了看不遠處的李文，只見他戰鬥時也不忘發揮他猥瑣本色，手執拂塵，靈活地穿梭於敵軍之中，稍不留意便會被他那由拂塵幻化成的長槍刺中下體。

「瞄準………開火！！！」

凌天聽後立刻爆發極限速度躲避。

子彈橫飛，凌天身影穿插於叢林間，士兵們還來不及再次瞄準，便被凌天欺身而上，血光再現，數顆頭顱掉了下來。

凌天靠著血僧強化帶來的內力及聖魔刃吸收血液補充體力的能力，猶如虎入羊群，不斷控制身體爆發極限，體能一次又一次地被消耗，一次又一次地被補充，不斷來回循環，同時他也感受到體內的內力越發強大。

「魔……魔鬼，快啲，步兵退後，炮兵瞄準！！！」德意志軍官看到凌天與李文二人已殺近百人，前方的草地已被鮮血染紅，強烈的視覺衝擊使他開始驚慌起來。

「天哥果然夠生猛，仲好似越殺越爽，咁睇落我哋真係可能有機會殺出重圍。」李文也一臉驚訝於凌天的戰績。

凌天看著敵軍微笑起來，舉起聖魔刃，把全身內力注入刀身。

「炮兵！！……瞄準……」軍官心中的不安感覺越來越強，急忙喊道。

一門新的黑色大炮台緩緩對準凌天。

血光一閃，聖魔刃從凌天手中飛出，直接插入炮台上。

半响過後……沒有任何動靜。

「嚇死，炮兵仲企喺到做乜，快啲開火！！」軍官見沒有動靜，不由鬆一口氣，不滿地叫著。

但沒有任何回應。

那門大炮台突然碎裂。

「噗……」旁邊的一名炮兵人頭落地，血花四濺。

「噗……」「噗……」「噗……」「噗……」

炮台附近的數十名士兵也接二連三地腦袋分家。

德意志士兵的血液曬遍大地。

那名軍官終於崩潰，帶著餘下的士兵愴惶地逃亡而去。

而凌天此時腦海中響起熟悉的提示音

「試煉者自行研發新技能，請為技能命名。」

「哦？！咁不如就叫血林。」凌天微笑著。

*******

林默迷迷糊糊地醒來，發現自己正躺在一輛馬車上。

「林大哥，你醒喇。」坐在他身旁的喬欣高興地說。

「我訓咗幾耐？」林默急忙問道。

「兩日喇，法軍為首嘅60幾萬嘅聖光軍全軍覆沒，德意志已經圍攻緊巴黎，法皇宜家坐困愁城。」坐在林默對面的王儀回答道。

「咁我哋宜家喺邊？凌天同李文呢？」林默不解地問道。

「佢哋兩個留咗喺戰場到幫我哋離開，暫時下落不明，但冇收到佢哋兩個死亡嘅提示，應該已經成功混入咗敵軍到。」王儀想了想回應道「而我哋脫離戰場嗰陣，撞到個馬夫，俾咗啲金幣佢，拜託佢載我哋去梵諦岡。」

「慚愧呀，竟然要新人打救。」林默嘆了口氣道。

「不過戰鬥得最慘烈嘅反而係第里斯雅特嗰邊，教廷出動咗過百萬大軍攻打德意志，但遭到匈牙利嘅狼騎兵同德意志嘅不死軍團迎頭痛擊，結果教廷傷亡接近50萬，而不朽嗰邊死傷都超過30幾萬。」王儀凝重地説道。

「我哋會唔會揀錯陣營？」喬欣擔憂地問道。

「未必，不朽宜家看似佔優，但佢哋輸唔起，反而光明教統治歐洲接近成千年，根深蒂固，教廷將會有源源不絕嘅兵源補充。」王儀頓了一頓道「況且我哋有人喺不朽嗰邊，無論邊一方處於劣勢，我哋都留有一手。」

殭屍戰爭～臥底
德意志 柏林20里外

菠茨坦宮

皇宮內的議事大廳中坐著數個國家領導人，細看之下他們全是不朽聯邦的成員國代表。

「哈哈哈，好耐未試過好似今次咁打得咁爽，殺到嗰批光明豬唔敢再出嚟。」一名健碩的黑髮男子喝著伏特加大笑道。

「的確，弗茨朗殿下嘅狼騎兵蓋世無雙，殺到教廷嘅聖騎士雞飛走狗，此戰你哋佔咗大功勞呀。」威簾一世恭維地說。

「既然西面嘅戰役已經開始，咁東面嘅戰役亦都差唔多就快開打。蘇維埃冇樣叻，但出名人多，佢哋已經喺巴爾幹半島進駐咗接近百萬大軍，加上教廷嘅部隊，合共2百幾萬。」另一名男子臉色凝重地道。

「哧……穆斯林係咪太平太耐，攪到冇曬銳氣，剩係見一班北極熊就嚇到要賴尿。」坐在威簾一世左側的男子陰柔地說。

「卡羅爾，你緊係口響，因為你個豆屎咁大嘅羅馬尼亞根本唔入教廷法眼。」之前那名男子不怒反諷道。

「兩位冷靜啲，哈米德，蘇維埃只係一批烏合之眾，棘手嘅係教廷㗎部隊，不過只要你同卡羅爾一起死守巴爾幹半島幾個月，班北極熊就要返去冬眠。」威簾一世無奈地制止二人嘅爭執。

「我就係怕某啲人唔出力之餘，仲反咬你轉頭。威簾，你知啦，蝙蝠最鐘意偷偷地吸人血。」哈米德暗諷地說。

「如果你唔想再有幾千個木人樁出現就最好收聲！」卡羅爾怒瞪著哈米德道。

「幾百年前祖先嘅恩怨仲嘈嚟做咩，宜家光明教先係我哋嘅大敵呀兩位。」威簾一世頭痛地道，沒辦法，東面戰線要靠他們幫忙牽制。

「呢個冇問題，到時各位會見識到我哋奧圖曼㗎突厥裝甲兵真正嘅實力。」哈米德傲然道。

「我哋羅馬尼亞亦都會派出血咒法師團同血影騎士團參戰。」卡羅爾也點頭道。

「哈哈，我都想教訓蘇維埃好耐，匈牙利會派出5萬狼騎兵壓陣。願偉大嘅長生天保佑我哋消滅光明教。」弗茨朗豪邁地道。

「承你貴言！」威廉一世微笑地說。

*******

阿爾薩斯—洛林

德意志佔領的一處軍營裡，一個軍用帳篷中

「著住死人嘅軍服，感覺怪怪哋。」李文抱怨道。

「冇辦法，如果唔係點混入嚟，不過染成金髮，帶藍色隱形眼鏡，扮鬼佬，的確幾怪雞。」凌天照著鏡子說。

「唉，不過都麻煩啦，已經過咗4日，但我哋連一個大人物都未見到呀。」李文無奈道。

「咁又係，但我哋要見大人物做咩？」凌天平淡問道。

「緊係拉攏佢哋造勢啦。」李文奇怪凌天為何會問這樣基本的問題。

「我哋做咩要造勢？」凌天仍然平淡問道。

「緊係…………幫我哋對付6號隊？！」李文想到了甚麼，語氣遲疑起來。

凌天笑了笑道「諗到喇吧，我哋㨂咗光明陣營，6號隊必定係不朽呢邊。既然係咁，你覺得我哋兩個作為臥底，應該爬到高位，得到大人物重用，引人注目好？定係低低調調收集情報，暗地提升實力，喺6號隊唔留意嗰陣喺佢哋背後插一刀好？」

「天哥果然深謀遠慮，小弟佩服。」李文恍然大悟道。

「彼此彼此。況且我哋兩個嘅強化都係要靠殺戳嚟提升，所以做一個不斷上前線嘅無名小卒係最好。」凌天擺了擺手道。

「唔好爆曬我啲秘密出嚟啦天哥，咁會攪到我越嚟越怕你。」李文有些不自然地笑著。

「呵呵，今次哥哥失禮喇。」凌天微笑地道歉，心道「對住你呢種人，就係要令你知驚先至鎮得住你。」

[b]殭屍戰爭～6號隊[/b]

羅馬 梵諦岡

大教堂中的走廊盡頭，幾人在一到大門前停下。

「你哋幾個等陣見到教皇陛下記得要鞠躬施禮。」神父轉頭對林默三人道。

「我哋明白，請問神父，唔知教皇陛下因咩事召見我哋呢？」喬欣謙卑地問著。

「我都唔係好清楚，估計係想聽下你哋幾個喺戰場上嘅聽聞吧。」神父嘆了口氣說著「畢竟兩日內60萬軍隊全軍覆沒，簡直聞所未聞，就算成千年前嘅十字軍東征都冇咁誇張。」

說罷，推門而進。

一名身穿白袍的老年男子站在房間的窗台上，看著窗外的風景。

「臣，亞爾多德，帶同聖光預備軍第5師團士兵，喬欣、王儀、林默三人謹見陛下。」神父及林默三人同低頭鞠躬施禮。

「平身。」

「謝陛下。」

「亞爾多德退下吧，朕只係想同3位年青勇士傾吓閒計。」教皇庇護九世微笑地道。

「臣造退。」神父走出房間並關上大門。

「我叫你哋3個嚟，只係想問你哋一句，你哋係咪忠誠於主，忠誠於光明神同埋……光明神嘅使者……我。」庇護九世收起了笑容問道。

喬欣沒想到教皇會問得這麼直白，但在林默王儀兩人眼神示意下，急忙道「我哋三人願意效忠陛下。」

「好！咁大家就係自己人，宜家係多事之秋，朕正值用人之際，而你哋3個可以平安冇事咁脫離戰場，都叫有啲本事，朕正式冊封你哋為聖殿騎士，負責守護梵諦岡所有神職人員嘅安全。」庇護九世欣喜地說「等陣你哋帶呢份手諭去聖殿嗰到報到吧，好啦，你哋可以退下喇。」

「多謝陛下，臣告退。」林默三人接過桌上的手諭後，齊聲地說。

當他們走出房間並關上大門時，喬欣鬆了一口氣。

「做咩驚成咁呀？」王儀笑著問道。

「緊係驚啦，我從未見過一個人嘅體內可以蘊含住咁龐大嘅光明能量。」喬欣回應道。

「嗰個教皇？就咁睇落就好似一個普通呀伯喳啵。」林默驚訝地問。

「唔會有錯，佢俾我嘅感覺就好似一個核彈咁，可以隨時毀滅成個梵諦岡。」喬欣搖著頭說「我好肯定如果頭先我哋唔答應效忠佢，我哋就唔會有命行出個門口。」

*******

教皇房間內

在林默3人離開後，便又有2名身穿白袍的老頭從房間的一到暗門中走出。

「西亞特，你真係咁睇好佢哋3個？」庇護九世向其中一位老頭問道。

「陛下，我相信老臣嘅眼光唔會錯，我曾經嘅一個學生喺電報到提起過佢哋，佢哋雖然實力係差啲，但頗有潛質，而且一心效忠光明神，尤其嗰個喬欣，未經過訓練就有唔錯嘅光明能量，只要加以歷練，相信會成為我教嘅未來棟樑。」名叫西亞特的老頭誠懇地說著。

但不知道如果他得悉凌天李文2人偷走整個教堂的聖水後，會有何反應。

「呵呵，你都已經咁講，我仲邊敢唔放心。」庇護九世笑道「彙報吓不朽嗰邊嘅情況吧。」

「係，陛下。現時法蘭西喺危急關頭㗎情況下得到英格蘭大約15萬軍隊支援，暫時保住巴黎。而我軍50萬將士同德意志30萬軍隊喺第里斯雅特到進行對峙」其中一名白袍老頭說道。

「哼！維多利亞個賤人，以為我唔知佢想點咩，佢㗎家族一直都想脫離我教，建立新教。宜家佢控制住巴黎，肯定好開心啦。」庇護九世不滿地說。

「另外，宜家奧圖曼，羅馬尼亞同匈牙利都相繼喺巴爾幹半島增兵，蘇維埃沙皇，亞歷山大二世喺電報到表明，希望我哋可以給予更多支援。」那名老頭繼續道。

「嗯……口頭答應住佢先，實質就拖一拖，畢竟勝負嘅關鍵仍喺第里斯雅特到。順便寫封信叫瑞典嗰班維京人出吓力，幫蘇維埃守住巴爾幹半島。」教皇想了想，吩咐道。

「係，陛下。呀……仲有一樣嘢要稟報。」那名老頭繼續道。

「哦？咩事？」

「據前線嘅騎士回報，話喺亞爾薩斯—洛林一帶，有兩個疑似運用東方秘法嘅德意志高手不斷暗殺我軍軍官，我哋懷疑係德意志嘅秘密部隊。」

「東方秘法秘密部隊？有趣。」教皇笑了笑道。

*******

在柏林的一處餐館上，莫名其妙地多了7名東方男女。

7人沉默了片刻

其中一名女子道「估唔到竟然會做不朽陣營，我唔鐘意殭屍。」

「有咩所為，只係估唔到盛極一時嘅12號隊會弱到要早過我哋入任務時間。」另一男子嘆氣道。

殭屍戰爭～危機
「哈，不出我所料，正所謂盛極而衰，當時12號隊佢哋隊伍內實力極度唔平衡，10個人，得2個強者，8個負累，冇軍師，行事作風過於懷柔，強化方向單一，10個人有6個人係近戰強化，後勤不足。」一個白髮年輕男子冷笑道
「咁嘅隊形，如果係前期就仲可以接受，但一遇到強敵四起嘅大戰，佢哋係最易被淘汰。」

「洪定，雖然你入嚟空間得兩個任務嘅時間，但你係我哋當中難得比較有腦嘅人，作為軍師，你點睇呢次任務？」另一男子向白髮男子問道。

「嗯，既然12號隊淪落到早過我哋入嚟，啫係表明佢哋上次任務元氣大傷，起碼最強嗰兩個肯定死咗，如果是但一個喺到，我哋就唔洗玩。」洪定開始低頭分析道。

「而佢哋會揀光明陣營，原因不外乎兩個。第一，佢哋以前嚟過呢個世界，喺到留低大量人脈同資源。第二，佢哋隊員有光明系嘅強化，容易同教廷嘅人接觸。」

「前者可能性好低，因為根據你哋所講，12號隊之前冇乜人會有咁嘅頭腦同魄力去布局。所以我估係後者。」

「而我哋嘅核心任務係殺死光明聯盟嘅任意一個領袖。教皇肯定唔洗諗，作為一個大勢力嘅帶頭人，實力應該唔係我哋可以哽得落。如果我冇估錯，法蘭西宜家應該俾德意志打殘咗，希望法皇冇死到啦。」

「咁12號隊點攪？」那男子繼續問道。

「12號隊不足畏懼，佢哋嘅懷柔作風冇咁快改到。唯一嘅變數係可能會有1至2個幾有潛力嘅新人反傳統，不過話明新人，佢哋嘅實力仲處於成長期，仲未可以改變大局住。」洪定想了想道「所以我認為對方嘅新人反而會最有可能成為我哋嘅威脅。」

「哦？好似有啲矛盾喎，啱啱話完新人實力未夠，宜家又話最有威脅。」另一矮個子女孩說道。

「小芬，俾洪定講埋先。」之前的男子不滿地道。

「知道喇，隊長大人。」女孩低下頭道。

「其實冇矛盾，新人實力不足係指佢哋改變唔到大局，呢場任務我哋可以話係必勝。但如果新人係心狠手辣，城府極深嘅人，反而係最有可能令我哋隊伍出現傷亡嘅存在。」洪定繼續道。

「有咩方法可以避免？」6號隊隊長皺眉問道。

「難講，不過實力不足又心狠手辣，明嘅唔得就玩陰，最好嘅辦法就係喺我哋背後捅背脊，而我哋嘅背後…………」洪定眼中精光一閃「混入不朽陣營。」

*******

「6號隊進入任務世界，任務二正式開始。」

「任務二：試煉者需要在30日內擊殺任意一位不朽聯邦的領袖人物。完成任務將返回空間，獎勵4000冥幣。任務失敗將會被抹殺。」

「團戰模式開啓，擊殺對方隊伍一階成員，隊伍每人將會各自得到2000冥幣，二階會有4000冥幣，三階會有6000冥幣，如此類推。」

「相反，己方隊伍一階成員被殺，隊伍每人將會各自扣除2000冥幣，二階會扣4000冥幣，三階會扣6000冥幣，如此類推。」

同一時間，12號隊眾人也收到冥主提示。

在12號隊的通訊頻道中

「嘩，啫係變相鼓勵殺戳，冥主真係變態。」李文浮誇地說。

「隊長，我想知道一階，二階係咩嚟？」凌天疑惑地問道。

「之前漏咗同你哋講，我哋試煉者嘅實力標準一共劃分為七階，而七階代表最強，而每一階層又分為高、中、低三級。每一階之間嘅差距都代表住一道鴻溝。」林默為其解答道。

「哦？咁隊長你又幾階？對方最強嘅又有幾階？」李文好奇問道。

「哈哈哈，我大概係二階低級。6號隊嘅隊長好似係二階中級倒，不過佢哋本身係弱隊，所以我哋之前已經有好一段時間冇同佢哋交過手。」林默有些尷尬地笑著説。

「咁我點知我係咩階級？」凌天繼續問道。

「如果你哋要進階嘅話，到時冥主會有提示通知。另外再多嘴講句，根據前一任隊長所講，階級只係代表試煉者嘅身體質素同蘊含㗎能量，但唔包括對自身能量嘅熟練程度，所以越級反殺唔係冇可能，不過頂盡係同一階嘅低級反殺高級。」林默回應道。

「好，唔該。」凌天謝了一句便離開聊天頻道，對李文說「我哋有麻煩喇。」

殭屍戰爭 ～陰謀
「唉，今次真係麻煩喇。」李文也退出聊天頻道，無奈地說。

「6號隊隊長有9成以上㗎機會擁有3階㗎實力，實力差距過大，我哋嘅偷襲計劃好難實行。」凌天來回踱步地說著。

「而且宜家我哋嘅處境都唔係幾安全，6號隊既然被設定喺不朽陣營，咁佢哋就好大機會喺德意志境內出現，方便佢哋加入國防後備軍。」李文也認真起來說道

「如果對方蠢就算，但萬一有智者提點，一定會察覺到我哋嘅存在，到時我哋等住俾人爆菊花都得喇。」

「冇錯，唔好期望對手大意，我哋準備儘快離開。」凌天點頭道。

「咁我哋去邊？」李文問了句。

「去完成任務，團戰暫時唔洗諗住，提升實力先，不朽聯邦暫時大規模咁喺巴爾幹半島增兵，境內嘅軍隊會越嚟越分散。」凌天看著帳篷內的地圖說著「德意志有6號隊，唔可以留，咁剩番軍隊被分散得最勁嘅國家係……………匈牙利。」

*******

「啱啱凌天同李文話準備去匈牙利，你哋點睇？」林默向王儀及喬欣問道。

「可行，匈牙利應該暫時係最易下手嘅國家，越早完成任務就越早返去空間，避免同6號隊交手。」王儀贊成道。

「我都咁話，但我哋三個點過去匈牙利？我哋得到教皇重用，但亦都變相被軟禁。」喬欣問道。

「呢個應該問題唔大，我哋請示教皇要求參戰歷練，到時就可以離開。」林默想了想道。

「碰…碰…」突然出現敲門聲

「請進。」喬欣説道。

一名身穿白袍的年輕男子走進來向三人說道「教皇陛下下令，聖騎士喬欣，林默，王儀三人後日一早立即趕去第里斯雅特聖光軍軍營報到。」

林默三人面面相覷

「真係想訓覺就有人送枕頭。」喬欣低聲道。

*******

當白袍男子走出林默房間後，便匆忙走到一處後花園。

那裡有一名東方男子等著他。

那東方男子正是6號隊的洪定。

此時洪定見到白袍男子，立刻擺出笑臉道「多謝神父幫忙，嗰3個係我親戚嚟，佢哋成日喺信到寫話想建功立業，所以就私下拜託你幫手。」

「應該嘅應該嘅，後生仔有志氣係好事，教皇本身就諗住派人上前線，我只係行個順水人情，喺名單到加埋佢哋3個啫，咁係咪應該………」神父笑著伸手問道。

「緊係，識做識做。」洪定連忙從懷裡取出5個金幣並交予神父手中。

「哈哈，祝你同你嘅3個親戚可以早日團聚。」神父收下金幣後，大笑地說著。

當神父離去後，洪定冷笑道「既然你哋派人混入不朽，我一樣可以潛伏於光明，等你哋3個離開梵諦岡嗰陣，就係你哋嘅死期。」

*******

羅馬尼亞

布蘭堡

在城堡的地下深處有一個龐大的地下室，地下室中央有一個血池，血池四周有無數人對其跪拜著。

而當中最靠近血池跪拜的人，正是現任羅馬尼亞國王，卡羅爾一世。

「陛下，時辰已到。」卡羅爾身旁同樣進行跪拜的一名老頭提醒道。

卡羅爾點了點頭，開始大聲道「血月當空，亂世將至，邪教橫行，擾亂民生。」

「我，羅馬尼亞國王，卡羅爾一世，在此起誓，願意遵從祖先嘅遺願，永遠守護羅馬尼亞，並對您誓效忠。現時係您遵守誓約㗎時候，喺亞拉幾瓦，羅馬尼亞呢片土地受到危難嘅時候，成個呢片土地嘅守護神。」

「蘇醒吧，我㗎祖先，我㗎皇，羅馬尼亞守護神，亞拉幾瓦大公，弗拉德三世，德古拉。」

話畢，血池中血水翻滾，泛起陣陣血光，照滿了整個房間。

殭屍戰爭～驚變
一隻手慢慢從血水中伸出，抓著池邊，攀爬著。

一個老頭的身影出現在眾人眼前。

他環視眾人，各人均以狂熱的眼神回應。

因為他是他們的支柱，他們的信仰，是保證狹小的羅馬尼亞可以傲立在歐洲大陸數百年的資本。

「嗯，我感應到你有我嘅血脈，你係我第幾代㗎後人？」德古拉看向卡羅爾問道。

「回稟大公，我係你第十二代㗎後人。」卡羅爾恭敬地說著。

「呵呵，時間真係過得快，訓一覺就過咗幾百年。」德古拉笑了起來，但言談也不禁流露出落寞的神色「好喇，羅馬尼亞又遇到咩難題要我呢個老嘢去解決？」

當卡羅爾把戰爭的始末告知德古拉時，氣氛陷入一陣沉默。

「估唔到普魯士真係統一咗成個日耳曼，我仲記得4百年前，霍亨索倫家族發起呢個宏願時，周邊嘅國家都笑佢哋不自量力，畢竟以前奧地利都幾強吓。」德古拉感慨地道。

「冇錯，雖然教廷不斷抹黑，但喺德意志嘅人民心目中，威簾一世㗎民望的確好高，喺佢任內不顧舊貴族反對，力挺備受爭議㗎卑斯密為宰相，致力對教育同軍事實行全面改革，又海納百川，不顧光明教價值觀影響，接受東方古法，並學以致用於軍隊中。」卡羅爾也由衷地對現任德皇感到敬佩。

「不過可惜佢哋地理位置唔好，四面環敵，我估佢哋宰相不斷收買周邊其他國家都係因為咁。」德古拉點頭道「唔講佢哋喇，羅馬尼亞出兵冇問題，但要小心奧圖曼。話我老人家偏見都好，我信唔過佢哋。」

「大公，奧圖曼自然要小心，但我最怕嘅係教廷呀。」卡羅爾急忙道。

「教廷？！到時我會親自到梵諦岡一趟。」德古拉冷笑道。

*******

「我始終唔鐘意做卒仔。」李文低聲嘀咕道。

「唔做卒仔我哋點混入嚟？」凌天不耐煩地説。

「但我想做長官，然後日日陪大波秘書玩遊戲。」李文說著，不知不覺陷入幻想中。

凌天對其感到無語，說道「兩個選擇，第一，諗辦法立戰功，慢慢升職，從而接近匈皇，亦都一償你做長官同有大波秘書㗎心願。第二，直接殺入皇宮，整死匈牙利皇帝，然後拍拍籮柚走人。」

「咁啫係冇得揀啦，得30日時間，邊有可能夠我哋立戰功同升職。咁你有冇把握殺入皇宮？」李文一臉幽怨地問道。

「冇。」凌天不置可否地道。

「咁你又提？」李文忍不住反白眼道。

「嚟緊兩日後，匈皇會嚟巡視軍營，到時我哋再玩埸暗殺，之後走人，好簡單。」凌天笑著道。

「得唔得㗎，佢身邊啲御林軍都好惡哽吓喎。」李文懷疑地問了句。

「機會與風險並存，冇付出邊會有收穫。」凌天語重心長地勸著。

「洗唔洗等埋隊長佢哋？」李文問道。

「唔洗，趕唔切喇，如果6號隊唔係傻，佢哋一完成任務就會即刻追殺我哋，實力差距太大，風險低回報高嘅嘢點解唔做？」凌天搖頭說。

*******

「唔知點解我有啲不安嘅感覺？」喬欣擔憂道。

「有咩問題？」林默停下腳步，問道。

「唔知，但有種好強烈嘅感覺，我哋一離開梵諦岡就會有危險。」喬欣無奈地回應。

「可能心理作用啦，畢竟假假地一個國王，身邊實有啲高手保護嘅。」王儀安慰道。

此時三人走出住所，見到路旁有一輛馬車及一位馬夫在車上歇息。

林默見狀，便給馬夫兩個金幣，說道「唔該送我哋去第里斯雅特吧，越快越好。」

說罷，三人便上了馬車，而街上也下起雨來。

在馬車車廂中

「個馬夫有啲眼熟，好似邊到見過咁。」林默自語地說著。

「會唔會之前啱啱嚟梵諦岡嗰陣見過面？」王儀笑著道

「或者係啦？」林默也笑著回應。

「真係有啲唔妥，不安㗎感覺越嚟越強，我哋要即刻返去。」喬欣凝重地說。

「好啦，我哋返去先再睇咩事。」聽到喬欣如此反覆強調，林默也認真起來。

「司機，唔該載我哋返去呀。」林默打開車窗，對馬夫說道。

「但啱啱已經離開咗梵諦岡喇喎。」馬夫驚訝回答著。

「你唔洗理，錢我哋會照俾，總之我哋有事要急住返去。」林默語氣中帶有少許不滿道。

「哈哈，如果俾你哋返去，我仲點殺你哋呀。」馬夫突然轉變語氣說道，然後跳下馬車。

馬車車廂頓時爆炸起來。

「哈，計劃果然一切順利進行。」洪定在道路旁的樹林中走出來，站在馬夫身旁。

「嗯，但佢哋仲未死。」馬夫平淡地說道。

果然，馬車上的火焰中漸漸浮現出林默3人的身影。

在馬車爆炸時，林默立刻以金剛勁護身，以自身軀體作掩護，抱著二女跳出車外，三人亦因此而僥倖逃過一劫。

此時林默也終於明白為何會覺得馬夫眼熟。

因為他們曾經見過，在另一任務世界相遇過。

他就是6號隊隊長，秦輝。

殭屍戰爭～犧牲

「原來係你哋，我哋大家冇咩心仇大恨，任務又冇衝突，不如放我哋一條生路吧。」雖然不抱期望，但林默仍試着問道。

「對唔住，身為隊長，我要為隊員負責，我哋6號隊已經弱勢太耐，所以我唔可以放過任何可以提升我隊員實力嘅機會。而你哋對我嚟講，就係一堆移動嘅冥幣。」秦輝搖頭說道。

「哼，講到好似已經食硬我哋咁。」王儀冷笑道，雙手握緊連弩。

「唔係好似，係直程食硬你地。」洪定笑著道。

「自己被包圍都唔知，12號隊未免退步得太快喇呱。」一個矮個子女孩從另一邊樹林出現。

「爆炸完之後，個男嘅好似受咗內傷喎。」另一瘦削男子出現在馬車前方。

「唔係呱，咁剩係隊長都攪得掂啦，我哋洗鬼出場。」一位身材高挑的御姐出現在女孩身旁。

「九成九係個男嘅為咗保護兩個女，結果因為直接承受爆炸㗎衝力而受傷啦，果然係懷柔作風。」一名手握太刀的男子一臉陰沉地站在秦輝身後。

「哈哈哈，洪定個衰仔係有啲腦，雖然有時係臭串咗啲。」一名壯漢此時也在馬車後方出現。

林默3人已被6號隊眾人包圍。

「唔好講咁多，趁佢病攞佢命，唔好俾佢哋有恢復㗎時間，一起上。」洪定大叫道。

「哈，咁我唔客氣喇。」壯漢手中多了一把斧頭，向林默3人衝過來。

「你敢？！」林默大怒，全身再次金光乍現，舉掌迎向壯漢。

兩者接觸的瞬間，一陣爆破衝浪從二人中央處向四周展開。

「你哋兩個快走，走得一個得一個。」林默大叫道。

「林大哥……」喬欣還想說甚麼，但來不及説便被王儀拉走，向林默方向突圍。

四面伺敵，秦輝那邊不用想，單單秦輝1人便可以留下他們3個。

那名馬車前方的瘦削男子，能夠被委任獨自1人守下1個方位，實力應該也不簡單。

另一邊，女孩很弱，但那御姐使人感覺很危險，像是6號隊除了秦輝以外的第二高手。

因此，最有可能突圍的方向，反而是受到林默阻撓的壯漢。

「兩個女嘅諗住向古力嗰邊突圍，唔好俾佢哋走。」洪定見狀，立刻大聲道。

「收到！」6號眾人齊聲道。

秦輝身後的陰沉男子拿著太刀欲刺向喬欣，王儀見狀立刻舉弩相迎。

「爆裂箭！」

「龍刺！」

一紅一黃兩道光束相撞，更激烈的爆破沖浪向四周擴散，煙霧彌漫。

王儀胸口被刺了一個大洞，而那陰沉男子也被炸得沒了下半身。

喬欣立刻發出綠光為王儀治療。

「你快啲走，唔走我哋都會死。」王儀怒罵著。

「我唔走！憑咩次次都係要我被保護？見住對我好嘅人一個又一個犧牲，而我又乜嘢都做唔倒。」喬欣此時已淚流滿臉，不甘地大叫道。

「好簡單，因為實力弱就要面對呢啲情況，唔變強就會被淘汰。」陰沉男子說道，此時他的下半身正被女孩所發出的紅光慢慢修復著。

「冇錯，我同隊長遇過太多呢啲場面，所以深知一落後就要捱打㗎道理。」御姐也感慨地說著，慢慢走過來道「不過放心，大家都係女人，我可以保證你哋有一個痛快㗎死法，唔會受到任何折磨。」

林默見狀立刻雙腿發力，衝向御姐那邊。

「碰！」

林默倒地，口中不斷吐血，雙眼漸漸無神。

「唔好怪我，我唔可以再失去任何隊員。」秦輝站在林默身旁，冷冷地道。

「12號隊二階試煉者林默被擊殺，12號隊各人被扣除4000冥幣。」

當聽到冥主的提示後，喬欣整個人頓時陷入崩潰，失聲痛哭起來。

王儀也深知難逃一劫，咬牙一緊，手中拿著幾顆深紅色的水晶衝向女孩及陰沉男子那邊。

「係爆晶石，小心！佢要玩自爆呀。」洪定大叫道。

秦輝大驚，立刻瞬移到女孩那邊。

「碰！……碰！……碰！……」

爆炸威力很大，把地面炸成一個深坑。

「所以話唔好得罪女人，癲起上嚟唔係人咁品。」秦輝大口吐著血道。

「呵呵，隊長先係救咗我，宜家又救咗小芬，你想我哋點報答你？」御姐以曖昧的眼神看向秦輝。

「你哋保護好自己就係最好㗎報答。」秦輝沒好氣地說。

「12號隊一階試煉者王儀身亡。」冥主提示再次出現眾人腦海。

「白白冇咗2000冥幣……」洪定無奈道。

「咁就快啲攪掂埋個女人就可以收工走人。」壯漢古力走向喬欣那邊說道。

但當他走出兩步後便皺著眉頭停了下來。

大地在顫抖。

只見不遠處，教皇庇護九世正帶著數千聖騎士向這邊走過來。

「冇理由，教廷㗎人點解會嚟，仲要咁大隊人馬，佢哋3個冇可能有咁大份量。」洪定皺眉道。

「細路，教廷㗎人唔係為佢哋3個嚟。」

眾人這時才發現他們身旁不知何時坐著一位身穿布衣的老頭。

「請問閣下來自邊一到？」秦輝小心奕奕地問道。不由他不害怕，完全瞞過所有人的感知，很明顯是一位高手，只是不知是敵是友。

老頭笑了笑道「老夫來自羅馬尼亞。」

殭屍戰爭～收利息
「羅馬尼亞……年紀大……實力高強……受到教廷重視…………唔係呱。」洪定已經猜到老頭是誰，不由流下冷汗。

「今年真係行衰運。」庇護九世騎著馬說道「先係奧圖曼㗎穆斯林起義，之後普魯士引入東方異術造反，英格蘭又有新教徒出現喺國會，宜家又有個喺羅馬尼亞訓咗成4百年㗎老鬼離開棺材不特止，仲走入意大利，請問點解呢，德古拉先生。」

「睇你係想要邊個㗎原因喇。如果係問點解今年咁乞仔，我覺得係因為教廷橫行霸道成千年，惡盈滿貫，偷扼拐騙，背信棄義，迂腐不堪等等千年罪行造成嘅惡果。」老頭德古拉慢條斯理地道「如果你係想問點解我會出現喺到，其實只係因為後人唔爭氣而已。」

「呵呵，年青嘛，如果只係咁邊洗勞煩你老人家，我哋教廷可以幫你教育吓佢。」教皇笑著道。

「咁樣唔妥，自己啲子孫係應該自己管好嘅，如果佢可以好似現任霍亨索倫家族繼承人咁，消滅幾十萬甚至過百萬嘅聖光軍，我老人家就唔洗由棺材爬出嚟啦。」德古拉也微笑回應道，但教皇身上的能量波動也隨著他的話而越來越強烈。

喬欣此時也走到聖騎士身後，逃回梵諦岡。

洪定見此也無可奈何，對秦輝道「隊長，撤退吧，宜家呢種級別嘅戰鬥已經唔係我哋可以參與。」

秦輝點了點頭，向6號隊眾人示意一下，然後慢慢撤離戰場。

「哼，你哋幾個應該就係德意志嘅所謂秘密部隊，殺我教聖騎士，咁輕易想走，同我拿下！」教皇怒道。

「係，陛下。」

1隊為數約百人的聖騎士上前追趕，但突然一道血河出現並衝散了他們。

「魔頭！敬酒唔飲，飲罰酒，係要同我教教廷作對，今日就要將你就地正法。聖騎士，列陣！」庇護九世見受到阻撓，再也忍不住心中的怒火，雙手開始發出閃耀的白光。

「哈哈，教廷過咗幾百年都仲係咁嘅死樣，唔認同你哋嘅就係異端，要將佢地殺曬同誅九族先死心，老夫早就忍夠你哋班偽君子，今日我就要血洗梵諦岡。」德古拉說著，他身上的皺紋漸漸消失，從一個老頭演變成一位黑髮的東歐美男，身上的衣服也從布衣變成血紅色的中世紀盔甲。

「係你背叛光明神，背叛教廷，投靠異端，濫殺我教教徒，為禍蒼生，人人得而誅之！」庇護九世憤怒反駁道，手中不知何時多了一把長劍。

「背叛？係邊個背叛邊個，當年我效忠光明教，喺奧圖曼入侵歐洲嗰陣，教皇庇護二世組織十字軍，全歐洲各國互相卸責，無1人應約，係唯獨我，德古拉，帶住瓦拉幾亞㗎子弟兵企喺歐洲最前線。」德古拉也憤怒起來大叫著

「打咗場仗成兩年有多，多次寫信要求教廷派兵支援同補給物資，但兩年間音訊全無，係我德古拉，仍然喺到頑抗，就因為相信光明神，而選擇犧牲無數子弟兵。」

「我將自己同手下嘅老婆仔女送去羅馬避難，結果我哋喺前線博命，庇護二世同佢手下班冚家剷竟然將佢哋姦殺，伊利沙伯因為不甘受辱而跳河自盡，我個仔亦因為教廷想追殺滅口而導致毀容。」

「你話我聽，如果效忠教廷，效忠光明神係得到咁嘅下場，咁我效忠佢有何用？」德古拉的眼珠已撤底紅了起來，氣勢也越來越磅薄，頭上藍白的天空開始烏雲蓋頂，顏色也紅黑起來。

*******

德意志 柏林

威簾一世在議事廳的露台上看著遠方紅黑的天空，沉思著。

「陛下，探子回報，庇護九世喺羅馬到同德古拉對峙，宜家可能已經打起上嚟。」卑斯密恭敬地彙報著。

「哈哈，卡羅爾終於出手。好，宣我號令，召集全軍，兵發梵蒂岡。」德皇開懷大笑道。

*******

匈牙利 布達佩斯

匈牙利國王，弗朗茨—約瑟夫一世正在軍營裡與士兵一起午膳。

弗朗茨較為親民，很喜歡與低層士兵及巿民一起喝酒。

此時在同一軍營中的凌天和李文也剛剛收到冥主提示林默與王儀身亡的消息。

「咁就冇咗4000冥幣，啫係就算完成任務都無乜收穫啦。」李文低聲抱怨道。

「嗯，亦都證明6號隊有能人，竟然諗到反其道而行，混入羅馬玩暗殺。仲要俾佢哋成功。」凌天也低聲說道。

「仲有我收到風，話拿破崙三世尋日喺廁所突然暴弊喎。」李文繼續說。

「尋日殺，啫係6號隊完成任務後，冇返去空間，揀咗留喺度陰我哋，如果冇估錯，佢哋應該會好似新手任務咁，留就要留3日。」凌天皺眉說道。

「哈哈，各位兄弟，又係時候打仗喇，今次會聯同德意志全軍出動，目標係梵諦岡。」弗朗茨突然拿著手中的信對軍營中所有人大笑地説。

「嗯……完成咗任務先，之後即刻逃去梵諦岡。」凌天繼續低聲平淡道。

「去梵諦岡做咩？」李文問了句。

「緊係揾6號隊收返啲利息啦，咁少冥幣，你甘心咩？」凌天鄙視地説。

「天哥，真神人也，小弟佩服。」李文淫笑道。

凌天沒有回應，微笑地看向弗朗茨，暗道「血林，發動。」

殭屍戰爭～反殺
喬欣此時在梵諦岡一間房間內低聲哭泣著。

「任務二結束。請試煉者選擇在任務世界逗留三天再返回空間還是立刻返回。」冥主提示音此時在喬欣腦海中響起。

喬欣想了想，低聲道「逗留三天。」

話畢，按著耳筒道「凌天李文，你哋兩個幫吓我諗計殺死6號隊班人，我要佢哋血債血償………」

*******

在意大利邊境的一處山坡

「隊長，12號隊條女應該係走咗返去梵諦岡，宜家趁教廷㗎人被德古拉拖住，我哋直接殺入去喇。」古力向秦輝建議道。

「冇錯呀隊長，12號隊已經被打殘，比較似樣嗰兩個都已經死埋，得返啲新人，機不可失呀。」陰沉男子同意道。

「我同意。」御姐也表態

秦輝沉思著，向洪定問道「你點睇？」

「睇你隊長想點，其實有利有弊。利就係每人多2000冥幣。弊就係增加唔少變數。」洪定閉著眼道。

「有咩變數？」秦輝繼續追問道。

「講唔清，總之好多，人臨死前㗎反抗係最猛烈嘅，雖然12號隊佢哋做唔到同歸於盡㗎地步，但如果拼死一搏，整死我哋一兩個人都仲係有可能。隊長，你要有呢個心理準備。」洪定張開雙眼，正色看著秦輝道。

「嗯，我哋大家一起走到呢步唔容易，而且我哋都有唔錯嘅收穫，離任務結束仲有1日時間，我認為返去柏林係最好㗎選擇。」秦輝對眾人說道。

「好吧……」眾人雖然有少許不甘，但也沒有異議。

「隊長，有一隊大約百人㗎教廷軍隊向住我哋呢邊過緊嚟。」瘦削男子突然急忙説道。

秦輝皺著眉頭，看向山下。

只見喬欣帶著大約1百名聖光軍，騎著馬對士兵們大聲道「教皇有令，我以聖騎士之名，命你哋拿下山上嘅德意志間諜，眾人賞金幣百枚，賜予男爵爵位。」

重賞之下必有勇夫，聽到有封賞後，1百名聖光軍立刻大叫跑上山。

「哈哈，本來仲諗住放生你，結果你仲走上嚟送死，咁就唔好怪我喇。隊長，我去也。」壯漢古力拿出大斧衝下去，大叫道。

「小心唔好大意，佢夠膽一個人嚟，肯定有所依仗。許晨，你去幫下古力。」秦輝皺眉說著，對古力私自行動有些不滿。

「好！」瘦削男子回應了一句便快步走下山。

「嗯，好似有種俾人算計㗎感覺，真係乞人憎。」洪定低聲說著「究竟係咩呢………條女一個人帶兵過嚟………但1百個普通軍人喺隊長面前又冇咩威脅………而12號隊宜家對我哋最大嘅威脅係………弊！隊長，快啲叫古力佢哋返嚟。」

聽到洪定的話後，秦輝心中一慌，立刻按著耳筒，向山下的古力大叫回來。

但此時古力已開始殺得性起，在他斧下的聖光軍已逾數十人，距離喬欣的位置也近在咫尺。

「古力，唔好再殺喇，隊長叫我哋返去。」許晨對古力說道。

「你傻咗咩，條女就喺前面，仲差小小就可以殺到佢，你宜家叫我走？」古力不滿地說。

「但隊長佢……」許晨還想再說「得啦，你咁驚就自己返去先，我遲吓會同隊長交代。」古力打斷了他的話，自顧自地向前衝殺。

許晨無奈，正想再勸，突然一名聖光軍士兵拿著長槍，欲刺向他。他不耐煩地向那士兵飛了一張卡片，卡片劃過士兵的頸部，人頭掉落。

然而，正當許晨準備走向古力那邊時，發現之前已掉下頭顱的士兵正以無頭的軀體抓住他的左腳，而不遠處的頭顱正對他詭異地笑著。

心知不妙，許晨欲逃回山上，但奈何左腳被死死地抓著，他立刻拿出一張金色卡片並飛向腳邊的無頭屍體，那屍體頓時爆裂起來。

正當許晨重獲自由的時候，耳邊背後不遠處突然出現一道聲音「血林！」

血光閃現，許晨感到全身一輕，慢慢失去知覺。

「6號隊一階試煉者許晨被擊殺，12號隊各人獎勵2000冥幣。」

「總算有番啲進帳，但可憐嘅係我喺戰場到吸收咗咁多怨氣而煉制成㗎陰兵，結果俾條友一張卡片就攪掂咗。」李文騎著馬，手中拿著一個滿載著黑氣的木碗抱怨道。

「煉制咗幾日就有咁嘅成果算唔錯啦。」在李文身旁的喬欣安慰道，她見成功擊殺6號隊成員，心情也因此開朗了少許。

「兩位，我哋準備要騎馬走人喇，對方嘅隊長應該準備發火。」此時凌天也從戰場上回來，喘著氣地說著，使用「血林」後，耗盡了他身上的內力及體力，對其身體造成不少負擔。

「啱，殺得死條友其實係我哋好彩，如果唔係我喺陰兵啲指甲落毒，再加上天哥嘅絕招，條友都未必有咁快死。」李文也點頭說道。

「你哋仲認為我會放你哋走咩？」秦輝突然出現在3人的50米外，憤怒地叫著。

殭屍戰爭～進階
「唔信，不過我哋都會試吓突圍。」凌天手持聖魔刃笑道。

此時古力把最後一名聖光軍殺死後，一臉慚愧地走過來。

「隊長，我…」「唔洗講住，如果覺得內疚嘅，同我一起殺死佢哋3個。」秦輝打斷了他的話，冷冷地說道。

「天哥，情況唔係好對路，攪唔攪得掂呀？」李文乾笑地問著。

「如果我哋3個搏命㗎話，應該唔洗死。」凌天平淡地回應。

「呵呵，你哋唔通仲有底牌？洪定冇講錯，12號隊嘅新人果然係最大威脅。」秦輝冷冷地說著。

「都唔算底牌嘅，不過佢哋應該未嚟住。」凌天說道「喬美女，治療方面拜託你喇。李文，儘量擾亂敵人。而我，去拖住佢哋。」

「唉，天哥，大家宜家都被人逼上梁山咁滯，細佬盡力啦。」李文無奈說著，然後從儲物空間拿出一副木製棺材，把手中木碗裡的黑氣倒向棺材上。

「隊長，唔好俾佢哋任何預備時間。」山上的洪定在耳筒中大叫著。

秦輝聽後立刻衝向李文，但眼角突然出現一道血光，凌天發揮著極限速度欺身而上。

秦輝心中驚訝於凌天區區一名新人，竟然隱隱可以跟得上自己的速度。但他沒有細想，立刻揮拳攻向凌天。

「好快！」凌天心中暗歎，立刻以聖魔刃進行格擋。

「碰！」

凌天被打飛數十米，口中吐血，雙腳強撐著站起來，大笑道「痛快！」

喬欣見狀立刻對其施展治療，凌天回了一個感謝的微笑，便又再次發揮極限速度衝向秦輝。

「各位觀眾，德意志殭屍你哋就聽得多，匈牙利殭屍狼騎未聽過喇呱。千機，起。」李文大叫說道，臉上囂張的模樣真讓人想給他來一巴掌。

「嗷……嗷……」在他身旁的棺材發出野獸般的吼叫。

「碰…」

棺材碎裂，浮現在眾人眼前的是一名散發著死氣的匈牙利狼騎兵。

李文露出一絲狡猾神色，道「小匈子，同我做底山上面嗰班仆街！」

「嗷……」那名匈牙利狼騎立刻跑向山上洪定眾人方向。

「古力，即刻阻止佢。」秦輝見狀急道。

「收到。」古力為了將功贖罪，立刻拿著斧頭向那狼騎狠狠地劈下去。

但那狼騎紋絲不動，一拳把古力打飛數米。

「哈哈哈，唔怪得啲道士咁鐘意煉殭屍啦，一隻普通紫殭就咁好打。不過為咗煉成佢，我喺空間到兌換㗎硃砂，黑狗血，教堂攞嘅聖水同戰場上收集㗎怨氣全部用曬，耗盡成副身家呀。」李文此時賤賤地笑著道「小匈子，同我斬咗個大舊衰中間第3隻腳。」

在李文的猥瑣戰術下，匈牙利狼騎揮著戰刀，對著古力的下體不斷施襲，導致古力苦不堪言。

殭屍作為肉盾的存在，本身以肉身為長處，機動性為短板。奈何李文的紫殭是由騎兵演變的，因此機動性問題便不成問題，撤底成為敏捷的殺戳機器，從而導致古力陷入騎虎難下的局面。

另一邊，秦輝有心想幫忙，但眼前的新人像是有無窮無盡的體力和生命力似的，像蟑螂一樣命硬，不斷纏着他。

而且秦輝有種錯覺，對方的攻擊速度好像越來越快。

「好奇妙㗎感覺，血刀刀法其實就係一個字，快。佢就係不斷挑戰極限嚟提升速度，從而達致專攻敵人要害嘅奪命刀法。唔怪得冥主話我適合呢套刀法啦，除咗我，世間仲有幾多人可以隨時進入極限狀態。」凌天心中暗道，手中聖魔刃的攻擊速度越來越快，身旁血光出現的次數越來越多，口中吐血的次數越來越少，體內內力修復身體，完善機能的速度也隨之增加。

「隊長，要儘快速戰速決，條友當緊你做佢嘅練手。」秦輝耳邊響起洪定㗎聲音「而且600米外分別出現德意志同梵諦岡㗎軍隊，兩支軍隊都嚟緊呢個方向。」

「可惡，七傷！」秦輝咬牙怒道，揮拳速度頓時快了無數倍，凌天躲避不及，中了數拳，胸骨碎裂，再次被打飛數十米。

凌天也在中拳前再次發動血林。

秦輝被血林震退數米後，大叫道「古力，即刻撤退，呢個係命令。」

古力如蒙大赦，立刻跑回山上。

喬欣也立刻走到凌天旁邊為其治療。

而此時躺在地上的凌天腦海中則出現冥主的提示

「試煉者突破血刀刀法感悟，血僧修為提升為一級，進化成一階試煉者。」

殭屍戰爭～監牢
見對方撤退，李文也命令殭屍騎兵停止追擊，走到凌天旁邊，疑惑道「我哋剩係叫教廷㗎人嚟啫，點解德意志嘅部隊會過埋嚟？」

「鬼知咩，但好大可能係6號隊嗰位智者準備嘅保命手段，如果唔係德意志陪隊㗎阻攔，教廷㗎部隊一早嚟咗救我哋啦。」凌天虛弱地回應。

「但今次我係拜託咗聖殿騎士㗎人嚟接我哋，佢哋係教廷㗎精英，德意志㗎部隊憑咩令佢哋拖延咁耐？」喬欣也

「有一種軍隊可以。」凌天笑著說。

眾人醒悟「不死軍團。」

*******

「隊長，大家都盡咗力，損失在所難免，況且我哋都有收穫，你就唔好太過怪責自己喇。」御姐勸著沉默了整整兩小時的秦輝。

「洪定，我哋仲有冇得反殺12號隊？」秦輝突然向洪定問道。

「冇，唔夠時間，我哋仲有5個鐘㗎時間就要返去空間。」洪定搖頭道。

「咁之後㗎任務呢？」秦輝不死心地問著。

「唉，隊長，你宜家嘅狀態唔係幾穩定。」洪定嘆著氣說「我長話短説啦，12號隊㗎兩個新人比我預期中更為利害，或者叫更有潛力。他哋㗎潛力喺我眼中大到認為，如果佢哋可以堅持5場任務唔死，就有同空間最強隊伍………1號隊較量㗎資本。」


秦輝聽到此話後又再次陷入沉默。

「洪定，你會唔會誇張得滯，1號隊果批本身係變態嚟，12號隊㗎新人利害極都未至於咁快就可以同佢哋鬥呱。」古力臉色難看地笑道。

「呵呵，難講，我原先已經視佢哋為最大威脅，但都仲係錯估佢哋實力。你哋話，兩個經歷唔夠2場任務㗎新人已經有咁㗎水平，佢哋幾場任務之後㗎實力會有幾高？」洪定笑著反問道。

「咁我哋呢？」秦輝再問道。

「滔光養晦，維持本心。隊長，我哋隊伍嘅發展路線冇錯，唯一缺嘅係時間。信我，過多幾場任務之後，我哋6號隊喺空間頭5強必定佔有一席位置。」洪定堅定地回答。

「好！」秦輝眼中恢複神彩，豪氣地笑道。

*******

匈牙利 布達佩斯

凌天與李文正坐在一個牢房中。

「宜家6號隊應該返咗去空間。」凌天自言自語地説道。

「但點解我哋個處境冇好到嘅。」李文抱怨著。

「計算失誤，冇諗到教廷㗎人會話我哋兩個散發著邪氣，剩係帶走喬美女。更冇諗到嘅係，德意志軍隊會直接將我哋交俾匈牙利。」凌天也無奈地笑道。

「教廷㗎人冇嘢叻，剩係識得觀察異端，我都已經將小匈子收返埋儲物空間到啦，咁都話我有邪氣。」李文不滿道「宜家匈牙利班友話要將我哋斬首，有冇方法逃走？」

「未諗到，返去空間仲要等多兩個鐘，但一個鐘後班友就要郁我哋，佢哋好心急。」凌天搖頭道。

「咁又難怪嘅，我哋大大話話殺咗佢哋國王喎，喬欣嗰邊有冇得幫手？」李文問道。

「佢有心無力啦，教皇同德古拉打得顛過頭，結果德古拉被封印，教皇重傷危殆，德意志又趁機偷襲，佔咗意大利大半江山，教廷宜家已經元氣大傷，唔敢再出兵。」凌天再次搖頭說。

「呵呵，教廷冧檔，政教合一嘅時代正式結束，奧圖曼同羅馬尼亞又被打殘，瑞典事後又俾蘇維埃偷襲而被迫投降，啫係成個歐洲得返德意志，英格蘭同蘇維埃三分天下。」李文接著道。

「嗯，等陣企上斷頭台嗰陣，你就叫你個小匈子打出一條血路，我哋到時乘機逃走。」凌天點頭道。

「但今次唔同上次喎，上次係匈王個傻仔自己唔帶護衛，我哋又低調，而你又一招將軍營啲雜牌軍全部做底，我哋先有時間逃走。但今次唔同，到時一走出去，就會有數以萬計㗎御林軍殺過嚟，我哋未必捱到1個鐘喎。」李文皺眉道。

「到時就賭佢哋會唔會為咗東方秘法救我哋。」凌天笑著說。

「邊個？」

「德意志。」

「佢哋為咩救我哋？」

「因為呢個世界嘅德意志係靠東方秘法起家，而根據三分天下規則，英格蘭同蘇維埃到時應該會聯手對付最強嘅德意志先。」凌天奸笑道「而我哋一直就係用緊所謂嘅東方秘法戰鬥。俾着德意志，會救兩個可能幫到佢哋提升不死軍團實力嘅陌生人，定係繼續俾面實力墮落到連殺國王㗎犯人都睇唔住嘅匈牙利？」

此時獄卒打開牢房大門，一隊士兵拿著火槍，指著凌天二人大喝著。

殭屍戰爭～返回空間

凌天微笑地看著李文，後者白了一眼。

獄卒用黑布袋蓋著二人的頭顱，士兵們推著他們出去。

在走了一段路後，凌天感覺自己被推進一輛馬車上。

「兩位可以除咗個黑布佢，要咁粗暴請兩位嚟真係唔好意思。」一名身穿禮服的老年男子坐在他們對面座位上。

「唔緊要，我估到你哋會嚟，但冇諗到你哋會以咁嘅方式請我哋嚟。」凌天笑著道。

「我都冇諗到兩位東方秘法高手竟然會咁年輕。」老年男子回笑道。

「匈牙利真係陰公豬，自己俾人出賣都唔知。咁我有個問題，既然你哋用得著我兩個，咁仲咩一開波要交我哋俾匈牙利？」李文略有不滿地問著。

「呵呵，好簡單，匈牙利遲早都會納入德意志嘅版圖，為咗日後順利統治佢哋，循例都要對佢哋安撫吓，交代吓，令佢哋接受德意志嘅存在。」老年男子接著道「殺國王㗎兇手我哋都幫手捉埋，佢哋自己無能走失犯人，呢樣就唔關我哋事。」

「真係黑暗，不過我哋兩個都冇資格話人。咁德意志揾我哋兩個有咩吩咐呢，仲有未請教？」凌天繼續笑著問道。

「一個要求啫，幫我哋提升不死軍團㗎實力。要錢，要女人，要領地，任你哋出聲。」老年男子豪氣地說著「你哋可以直接叫我做卑斯麥。」

「宰相先生，如果我哋拒絕呢？」李文笑著問。

「宜家已經進入德意志境內，如果你哋殺我或者逃走，附近嘅2萬不死軍就會慢慢同你哋玩。」卑斯麥笑著回答。

「呵呵，問吓啫，唔洗攪到咁緊張。」李文乾笑說道「我哋有啲嘢想送俾德皇，想拜託宰相幫我哋轉交，可能會有啲刺眼，所以請你閉上眼睛先。」

「呵呵，咁真係令人好奇。」卑斯密照著閉上眼晴笑道。

半响，沒聽到任何回應的卑斯密張開雙眼時，發現馬車上哪裡還有凌天二人的身影。

*******

在試煉空間的廣場上

「哈哈哈，真係想睇下條友發現我哋喺馬車消失後㗎表情。」李文賤賤地大笑道。

「總而言之，我哋都係多得佢先至唔洗面對匈牙利人㗎追殺。」凌天也笑道。

「宜家林大哥死咗，照規矩，要投票選隊長，你哋邊個想做？」喬欣沒好所氣地對他們說著。

「仲洗問，緊係天哥做啦，我對天哥你嘅欽敬，簡直猶如滔滔江水連綿不絕，黃河氾濫一發不可收拾。」李文對著凌天一臉淫笑道。

「嗯，呢番話聽落好似怪怪哋。」凌天皺眉道。

「我冇所謂，冥主，投票選隊長。」喬欣無視李文的馬屁話，對上方叫道。

「12號隊隊長投票現在開始，請各隊員進行投票。」

「投票結果：試煉者凌天當選為12號隊隊長。」

冥主的提示在眾人腦海結束後，喬欣打著呵欠道「任務完成後就抖吓啦，聽日應該就會有新人入嚟。」

「啱，休息足夠先再慢慢諗強化，兩位早抖喇。」李文點頭説。

「嗯，早抖喇。」凌天也點頭道。

說罷，3人各自回到自己的房間。

在房間的浴室內，凌天一邊洗澡，一邊自語道「李文個衰仔好似有啲嘢瞞住我。」

*******

另一邊，在李文的房間內，一個古城牆下放著無數德意志與教廷士兵的屍體。

「大工程呀，但攪得太大陣仗又驚俾天哥搶走。」李文站在古城牆上感歎著。

*******

第二天清晨

凌天3人驟集在廣場上等待今次的新人。

白光閃現，凌天他們不由感到少許驚訝。

因為這次的新人竟然多達9名。

兄弟
9名新人分別3男6女。

「你哋3個就係主謀？你班仆街一定有報應㗎！」其中一名年輕女子指著凌天他們3人大叫道。

「冇錯，對我哋做埋啲咁變態嘅嘢，簡直喪心病狂！」又有一名身穿中學校服的女學生附和著。

「其實呢啲先係大多數新人入嚟空間嘅第一反應，反而你哋兩個初頭咁冷靜先唔正常。」喬欣無奈地對凌天2人說道。

「呵呵，經歷問題，咁麻煩你同佢哋解釋一吓，畢竟美女㗎親和力係強啲。」凌天笑道。

喬欣白了他一眼，走到新人前為他們解釋著。

「有趣，估唔到會有個咁嘅地方，我相信你哋講嘅嘢係真嘅。」其中一名帶著眼鏡的年輕男子笑道。

「哦？點解你會咁快相信？」喬欣感興趣地問，心道「繼凌天同李文，又多一個異常冷靜嘅新人。」

「我嘅手錶有個全球定位嘅通訊裝置，可以隨時同我家族嘅人聯繫，但根據你哋講法，計埋所謂新手任務㗎時間，我已經至少同我家族㗎人失去聯絡48個鐘，我可以斷言地球冇咩勢力可以做倒。」年輕男子回答著。

「家族？」凌天皺眉問著。

「呵，自我介紹一下，我叫林軒，唔知你哋有冇聽過上官林氏？」林軒微笑問道。

「我未。」喬欣搖頭答道。

「上官林氏，唔怪得知啦，傳說中嘅隱閉世家，控制住世俗嘅軍，政，商三界，勢力遍佈華國南部，香城，澳城，台島，東南亞，歐洲東南部同美利堅數個州份。」凌天恍然道。

「我都略知一二，只不過我當時撈偏做生意嗰陣，接過一單生意，係要幫手暗殺一個軍官，當時個老闆就係姓林。聽啲叔父話，佢哋係控制全球勢力嘅五大世家之一。」李文也煞有介事地説著。

「虛名嚟啫，做新手任務之前，我咁啱去到我同父異母嘅哥哥所失蹤㗎地方調查，結果就俾冥主迫住做任務。」林軒客氣地道。

「你嗰位失蹤嘅哥哥係？」喬欣好奇地問。

「佢叫林默。」林軒笑著回答。

凌天三人面面相覷。

「估唔到世事會咁巧合，好可惜佢喺上個任務就已經死咗。」喬欣遺憾地說。

「我都估到啲，佢就係心腸太軟，所以先至因為頂唔順我哋家族㗎權力鬥爭而離家出走。佢頂唔順我哋家族，可以選擇離開，隱姓埋名。但係喺呢到，佢睇嚟冇得揀。」林軒苦笑地說著。

「好奇問一下，你屬於你家族㗎邊一個派系成員？」凌天深深地看著林軒問道。

「哦？知道得幾多喎，我屬於華南派系。你應該係我地隊㗎隊長吧，請問你係咪姓凌？」林軒笑著反問道。

「哈哈，我哋執到寶喇，冇錯，我叫凌天，現任12號隊隊長，好榮幸上官林氏其中一位妖孽人物加入我哋隊。」凌天大笑說著。

「我都好高興可以同傳說中㗎王牌僱傭兵合作。」林軒微笑回應。

「你哋以前識得？」喬欣疑惑地問道。

「以前當兵嗰陣，接到一筆成8000億美金㗎大生意，筆生意係叫我哋去偷上官林氏集團嘅一份文件。結果文件偷唔成之餘，仲要損失慘重，我哋嘅顧主仲要俾人反殺返轉頭。」凌天微笑說道

「後尾我用咗2年時間調查，發現係上官林氏嘅一位年輕核心成員，用計引誘我哋僱主重金發佈任務，之後再透過我哋僱傭兵網絡去揾出僱主嘅位置。」

「好在小弟我有啲身手，如果唔係都差啲死。而嗰位年輕嘅核心成員，好似就係屬於華南派系。」

「呵呵，正所謂不打不相識，我都係因為咁而得知凌隊長㗎大名。」林軒真誠地說著。

「屌！又一個唔知醜㗎猛人出現，聽落呢位㗎智商好似仲高過天哥。希望佢可以大方啲，唔好好似天哥咁，一見到好處就係都要分埋一份」李文此時流著冷汗，心中暗罵著。

「嗯，老規矩，新任務如無意外會喺5日後發佈，到時我會通知大家任務內容，再討論點強化吧。」凌天對著眾人道。

接下來眾人選房間時，新人們在見識到冥主的能力後，便再沒有任何異議。

廣場上再次回歸平靜。

突然其中一個房門被打開，林軒從房間裡走到廣場中央，心道「冥主強化…………嗯，成8000冥幣，點強化好呢？…………冥主，同我篩選出最適合我現狀嘅強化………」