查看完整版本 : 想用盡時間去陪佢,但又想過返自己既生活,我應該點做?

fdccysclh04 2019-1-22 10:47 PM

想用盡時間去陪佢,但又想過返自己既生活,我應該點做?

大家好,我有一個問題想問下大家,有點長,多謝你地睇曬佢丫。
我既成長未至於係個破碎既家庭,但都係缺乏家庭溫暖既家庭,“家”呢個字對我黎講只係一個無意思既名詞。所以我成日都唔想返屋企,我係寧願工作做得晏啲都唔想錦快返屋企,甚至寧願出去做多份兼職都唔想留係屋企既人黎。屋企對我黎講從來就唔算係啲咩,但我既屋企入面都住左一個我呢生最愛既人,就係我丫麻。
我自出娘胎,就係我丫麻照顧我既起居飲食,佢擔當左3分之2個媽媽既角色,從我細細個,我既生活就係佢同一齊過,而家大左個,更加想佢開心幸福。我屋企有幾嚴重既婆媳糾紛,我不忍心我丫麻成日都要唔開心,我好想可以快啲有錢搬出黎同佢住,等佢同我都一齊離開呢個唔開心既地方。
入正題吧,我係一個23歲既女仔,正值一個有理想有好多想做想學既階段,我有個家姐,但佢都快要出嫁了,換言之,我將會成為呢個屋企唯一可以陪我丫麻既人,但係其實我有好多野想學,我想去下旅行,想放工之後做下運動,學下興趣班錦,想去進修又想打多份工賺錢,但係我知道如果連我都成日唔係度,我丫麻會好悶好寂寞,每日得返佢自己一個,對住四塊牆,我知道佢最開心就係我地返黎同佢一齊睇電視,傾下計錦,但係若果我要做自己野既話,我就更加陪唔到佢了,我唔知應該點做。問過好多人都話,唔好比其他人局限住你既生活。我有諗過不如等佢過左身先做自己野啦,但係我又唔知呢一日幾時先到,當然我想佢長命百歲,若果佢好長命,錦我又唔通等到三十幾歲先黎讀書,先去開始自己既人生咩? 我好想可以陪佢,我唔忍心見到佢寂寞孤獨,但我好想快啲賺到錢同佢出去住唔洗係度受苦。但我想過啲充實啲既人生,想襯重年輕去學多啲野去趟一趟,但我唔想掉低佢,唔想成日唔係屋企,佢連最後既寄託都無埋丫。我應該點做丫?
講真果句,我為左我丫麻都做左好多野犧牲左好多野,但我從來都無介意過,我只係想佢開心,但係我真係想有自己既生活啦,想令自己既人生唔係淨係得返工放工,我覺得我係做唔到雙贏既局面,但有無方法可以令成件事對雙方都好呢? 謝謝

moon2004girl 2019-1-27 12:50 PM

[quote]原帖由 [i]fdccysclh04[/i] 於 2019-1-22 10:47 PM 發表 [url=https://www.discuss.com.hk/redirect.php?goto=findpost&pid=493819928&ptid=27990173][img]https://www.discuss.com.hk/images/common/back.gif[/img][/url]
大家好,我有一個問題想問下大家,有點長,多謝你地睇曬佢丫。
我既成長未至於係個破碎既家庭,但都係缺乏家庭溫暖既家庭,“家”呢個字對我黎講只係一個無意思既名詞。所以我成日都唔想返屋企,我係寧願工作做得晏啲都唔想錦快返屋企,甚至寧願出去做多份兼職都唔想留係屋企既人黎。屋企對我黎講從來就唔算係啲咩,但我既屋企入面都住左一個我呢生最愛既人,就係我丫麻。
我自出娘胎,就係我丫麻照 ... [/quote]


無。我係過來人,我選擇陪伴。
始終對方既日子係倒數中。能相處時間好短。如果你覺得佢對你來說係重要,就會選擇陪伴。

和重視的人一起過時間是不會覺得不開心。除非你不是真心想陪對方。才會覺得辛苦。
當然人能力有限,我也要做自己事,休息。但比例上我會減少很多。

朱樓瑾 2019-1-29 10:53 AM

請個後生印傭照顧你地起居及陪嫲嫲。老人家當佢孫女咁同佢傾偈就唔悶啦。千其唔好請老seafood, 怕唔聽教,懒有經驗咁會頂咀。
頁: [1]
查看完整版本: 想用盡時間去陪佢,但又想過返自己既生活,我應該點做?