查看完整版本 : 有無參加過永安歐洲團既靚仔靚女

FishFish0503 2019-2-11 01:30 PM

有無參加過永安歐洲團既靚仔靚女

我想參加11日團去歐洲。同父母,有啲擔心,想請問跟過永安的你地啲問題

嗰啲見人報團就話自由行有幾free有幾慳有幾舒服嗰啲可以禁聲,我不才,無本事帶住兩個老人家自由行。

我報既係11日7國
意大利羅馬奥地利瑞士法國英國

1/我見每個地方都要三四個鐘車程,中間有洗手間停嗎
2/歐洲咪要去廁所收錢,復習嗎?我爸一個去男厠,唔識英法西文,剩係識廣東話:)
3/食既野ok麻?我皇上皇后,徧好中餐,嗰11日,會唔會餓親。
4/如果團餐唔ok,帶定蝦籽面去煮。歐洲酒店係咪無水煲?
5/我呢個團去florence但行程無話去斜塔,會唔會有時間可自費去,我知,有段距離。
6/ 法國有兩日自由活動。係咪就係自費行程去羅浮宮凡耳塞宮?值得去?
7/晚上紅磨坊表現睇乜架?老少咸宜?同父母唔睇咸濕野,自己去先睇:e

有乜需要注意?

話晒都長途野,希望大家俾多啲貼士

SEW960I 2019-2-12 07:10 AM

*** 作者被禁止或刪除 內容自動屏蔽 ***

wongsocow 2019-2-12 10:44 AM

長程旅行。一定自带旅行水煲。晚上冲凉茶。酒店水煲驚烏漕。欧洲要買樽装水。

有時带埋旅行煑食煲

[[i] 本帖最後由 wongsocow 於 2019-2-12 10:45 AM 編輯 [/i]]

公子小白 2019-2-12 01:23 PM

歐州行程,因為歐盟有工時限制,日間會花唔少時間趕車程,中間會有洗手間時間。可以放心。
歐州九成地方都係去廁所要收錢,佢地做野好hea,最好預定coins俾洗手間錢,去洗手間通常係入錢落閘機攞飛,用飛入閘。如果冇coins就要幫襯鋪頭買野,用收據去廁所。部份收據可以用幾次,部分唔得,到時執生或同其它團友夾。
食物,你跟永安,唔會太差。但口味個個不同,穩陣就帶定杯麵同水煲。唯一注意係佢地嘅毛巾未必百分百乾淨,小弟喺東歐抹臉就中咗招。
至於地方,去法國唔去凡爾賽,唔通齋購物?如果擔心,可以出發前喺茶會或同領隊溝通吓,最緊要老人家高興同舒服。

wongsocow 2019-2-12 02:25 PM

去厕所。袋定散纸。5毫。7毫半。一欧羅
有D有人坐係度收錢。有D放隻碟自己放錢。有D入錢開闸。到時导游会講
有些餐厅買下野食就比你免费用厕所
總之袋定散纸無錯

记得好多年前倫敦去厕所已收一英鎊

[[i] 本帖最後由 wongsocow 於 2019-2-12 02:39 PM 編輯 [/i]]

wongsocow 2019-2-12 02:32 PM

其实行程表都有講明有幾多餐中餐。
跟得團。多数跟大隊。导游話自费去邊食乜。跟大隊。

FishFish0503 2019-2-12 02:40 PM

[quote]原帖由 [i]公子小白[/i] 於 2019-2-12 01:23 PM 發表 [url=https://www.discuss.com.hk/redirect.php?goto=findpost&pid=494759504&ptid=28027975][img]https://www.discuss.com.hk/images/common/back.gif[/img][/url]
歐州行程,因為歐盟有工時限制,日間會花唔少時間趕車程,中間會有洗手間時間。可以放心。
歐州九成地方都係去廁所要收錢,佢地做野好hea,最好預定coins俾洗手間錢,去洗手間通常係入錢落閘機攞飛,用飛入閘。如果冇coins就要幫襯鋪頭買野,用收據去廁所。部份收據可以用幾次,部分唔得,到時執生或同其它團友夾。
食物,你跟永安,唔會太差。但口味個個不同,穩陣就帶定杯麵同水煲。唯一注意係佢地嘅毛巾未必百分 ... [/quote]


係呀。最重要老人家高興。你嗰次毛巾奶左咩?

FishFish0503 2019-2-12 02:41 PM

[quote]原帖由 [i]wongsocow[/i] 於 2019-2-12 02:25 PM 發表 [url=https://www.discuss.com.hk/redirect.php?goto=findpost&pid=494761797&ptid=28027975][img]https://www.discuss.com.hk/images/common/back.gif[/img][/url]
去厕所。袋定散纸。5毫。7毫半。一欧羅
有D有人坐係度收錢。有D放隻碟自己放錢。有D入錢開闸。到時导游会講
有些餐厅買下野食就比你免费用厕所
總之袋定散纸無錯

记得好多年前倫敦去厕所已收一英鎊 ... [/quote]


唔洗講野架河?總之我俾定錢爸爸,條友收左錢就俾佢入。

wongsocow 2019-2-12 03:17 PM

厕所門口寫住幾錢的。如有人坐鎮就会有找贖。吾使講野的。比左錢就入得

加壽姬 2019-2-12 04:03 PM

[quote]原帖由 [i]FishFish0503[/i] 於 2019-2-11 01:30 PM 發表 [url=https://www.discuss.com.hk/redirect.php?goto=findpost&pid=494714675&ptid=28027975][img]https://www.discuss.com.hk/images/common/back.gif[/img][/url]
我想參加11日團去歐洲。同父母,有啲擔心,想請問跟過永安的你地啲問題

嗰啲見人報團就話自由行有幾free有幾慳有幾舒服嗰啲可以禁聲,我不才,無本事帶住兩個老人家自由行。

我報既係11日7國
意大利羅馬奥地利瑞士法國英國

1/我見每個地方都要三四個鐘車程,中間有洗手間停嗎
2/歐洲咪要去廁所收錢,復習嗎?我爸一個去男厠,唔識英法西文,剩係識廣東話:)
3/食既野ok麻?我皇上皇后,徧好中餐,嗰 ... [/quote]

我未跟過永安長線。但有多年參加旅行社長線團經驗。見你有孝心陪父母旅行,又估你未跟過長線團,可以分享吓


1)通常每兩小時會停一停車,如高速公路餐廳,又或者行景點時。鼓勵父母一起床飲水,早餐飲少些水,早餐前去廁所,上車再去一次。車程時少飲水。車上有少許尿意時通知定導遊和領隊,等佢哋盡快安排。
有經驗的導遊和領隊通常會上車前提示嚟緊幾耐車,提大家去定洗手間。
但完全唔飲水又唔健康,每次一兩啖。市區/知道會有廁所的地方可飲多幾啖。多吃水果蔬菜,保持每早大小二便順暢。


2)不用擔心,團中總有男士。尤其是你父親不懂英文,導遊/領隊會多陪留意照顧。大家團友,互相幫忙,你冇coin,人哋(團友/領隊)一定借你,你買生果時,請人哋食吧。一團人一部車,互相照應,一定有偈傾。唔熟/唔想煩人,買支飲料唱散,當然是做女的你去做😉


3)唔會餓親,只怕唔啱食。唔怕行李重,帶多點香港食開的乾糧。我見過有團友帶罐裝八寶粥添😆可以考慮帶夏桑菊沖劑,日日飲杯,冇咁dry (糖尿病者例外)
鼓勵父母好唔好食都食D,見識見識,返香港有得同其他老友記和親戚講吓威吓


4)小心酒店fire alarm響 (講笑)。通常有電熱水煲可煲水,淥個杯麵冇問題。但好多強國人會用水煲煲其他你想像唔到的東西。你用唔用,自己決定。
我?我照用。如果怕的話,洗多幾次,煮滾多幾次熱水,不停煮滾和倒掉後,才用吧!


5)難D,因始終係團,要全團人同意,又要順路車程啱。(我唔知道你參加咩團,其實你報名時可以問吓旅行社counter職員。可能資料較準確。尤其如果那counter職員帶過那團種)
通常自費表內已列明可供選擇的自費行程。又旅行社總會有一些👍🏻最建議的選擇(最值得 最賺錢 又順路 啱時間)。如果真係冇,你放棄呢個想法吧。下次有機會再去歐洲時再去。
參加團經常要趕車程。行程時要等大家去廁所,又要等大家集合時齊人。基本上,每個景點逗留時間都唔長,45分鐘~1個半鐘內


6)我當年跟Jetour在法國都有一日自由活動時間。全團團友,不包括我,都去了凡爾賽。佢哋話好靚,行吓公園。
而我當天,自己搭巴士 搭地鐵,在巴黎玩了一整天,包括聖心堂、歌劇院,行當地街市等。晚上搭車去紅磨坊同其他團友會合看表演+食飯


7)其實上網已大約睇到表演什麼,有文字,有影片。我淨記得食物一般,又坐到好遠好後,座位好迫。近表演台的,應該都是強國人吧。


預祝你們玩得開心,平安暢快!

加壽姬 2019-2-12 04:09 PM

首要是注意安全,同埋保管好荷包證件。留意時間,要調較好手表。留心領隊導遊提示。
多多體諒年長父母。

公子小白 2019-2-12 06:15 PM

[quote]原帖由 [i]加壽姬[/i] 於 2019-2-12 04:03 PM 發表 [url=https://www.discuss.com.hk/redirect.php?goto=findpost&pid=494765816&ptid=28027975][img]https://www.discuss.com.hk/images/common/back.gif[/img][/url]


我未跟過永安長線。但有多年參加旅行社長線團經驗。見你有孝心陪父母旅行,又估你未跟過長線團,可以分享吓


1)通常每兩小時會停一停車,如高速公路餐廳,又或者行景點時。鼓勵父母一起床飲水,早餐飲少些水,早餐前去廁所,上車再去一次。車程時少飲水。車上有少許尿意時通知定導遊和領隊,等佢哋盡快安排。
有經驗的導遊和領隊通常會上車前提示嚟緊幾耐車,提大家去定洗手間。
但完全唔飲水又唔健康, ... [/quote]


提起八寶粥,超市或759嘅罐裝甜品真係跟團旅行必備。尤其是八寶粥,食完一罐真係飽哂。

老人家可能會覺西餐冇飯氣唔慣,如果真係要食飯,韓仔即食飯都可以考慮。

另外歐州多扒手,就算你十幾廿人照扒。買定啲旅行銀包俾佢地係必須。歐羅除咗去廁所或街邊小吃會用到,大部分地方碌卡就得。所以冇必要唱太多。

仲有長途機長途車,買定個舒服嘅頸衴或者旅行用品。就算貴都值得。

公子小白 2019-2-12 06:15 PM

[quote]原帖由 [i]FishFish0503[/i] 於 2019-2-12 02:40 PM 發表 [url=https://www.discuss.com.hk/redirect.php?goto=findpost&pid=494762420&ptid=28027975][img]https://www.discuss.com.hk/images/common/back.gif[/img][/url]



係呀。最重要老人家高興。你嗰次毛巾奶左咩? [/quote]


皮膚病,第二日已開始紅同甩皮。

wongsocow 2019-2-12 07:17 PM

[quote]原帖由 [i]FishFish0503[/i] 於 2019-2-11 01:30 PM 發表 [url=https://www.discuss.com.hk/redirect.php?goto=findpost&pid=494714675&ptid=28027975][img]https://www.discuss.com.hk/images/common/back.gif[/img][/url]
我想參加11日團去歐洲。同父母,有啲擔心,想請問跟過永安的你地啲問題

嗰啲見人報團就話自由行有幾free有幾慳有幾舒服嗰啲可以禁聲,我不才,無本事帶住兩個老人家自由行。

我報既係11日7國
意大利羅馬奥地利瑞士法國英國

1/我見每個地方都要三四個鐘車程,中間有洗手間停嗎
2/歐洲咪要去廁所收錢,復習嗎?我爸一個去男厠,唔識英法西文,剩係識廣東話:)
3/食既野ok麻?我皇上皇后,徧好中餐,嗰 ... [/quote]


欧洲。港纸20元飲支水。再比十元八塊去厕所

加壽姬 2019-2-13 12:18 AM

[quote]原帖由 [i]公子小白[/i] 於 2019-2-12 06:15 PM 發表 [url=https://www.discuss.com.hk/redirect.php?goto=findpost&pid=494771004&ptid=28027975][img]https://www.discuss.com.hk/images/common/back.gif[/img][/url]



提起八寶粥,超市或759嘅罐裝甜品真係跟團旅行必備。尤其是八寶粥,食完一罐真係飽哂。

老人家可能會覺西餐冇飯氣唔慣,如果真係要食飯,韓仔即食飯都可以考慮。

另外歐州多扒手,就算你十幾廿人照扒。買定啲旅行銀包俾佢地係必須。歐羅除咗去廁所或街邊小吃會用到,大部分地方碌卡就得。所以冇必要唱太多。

仲有長途機長途車,買定個舒服嘅頸衴或者旅行用品。就算貴都值得。 ... [/quote]

冇錯,小心扒手。所以建議你父母把手袋孭袋在前面,盡量少用背囊 (長者取物不便)。最好用一個用慣的袋,比較清楚每一格習慣放什麼,一找東西便可找到,不用左摷右摷。又或者全部由你幫他們保管,他們只袋少許零用金。


除了頸枕,建議有一對舒適好鞋,不要穿全新的鞋,以免太新太硬,容易扭傷。輕便又暖的外套,不要穿得太臃腫 (雖然唔知你哋打算幾時出發),手腳會靈活點。車上放個袋,放簡單日用品,如:保溫水壺 (但裡面水不要太燙,以免燙傷)、紙巾、防曬用品、傘/帽、潤膚膏 潤唇膏、零食、喉糖、乾糧、環保袋…


記得帶必須要服的長期藥物和平安藥 (如一般感冒止痛退燒藥、腸胃藥等)


歐洲旅遊巴車身較高,上落車小心 (如果你父母有膝關節有痛症/退化更加要留意)。又如長途車,坐得耐,腳痺痺;起身時提醒他們站一站,留意他們有冇頭暈先落車 (多觀察/細細聲問,不要大聲問,怕佢哋唔鍾意啊😉)。一般領隊見有長者,通常會安排你們一家坐車廂較前位置。


可以講的實在太多,希望唔會嚇怕你😂 (你責任重大啊)。總之第一次跟團歐遊,可以的話,一定要出席茶會。一來帶父母見識什麼是茶會 (原來冇咩食😂)。二來可以即場問想問的 (出席茶會前,準備好要問的問題。有需要的話,帶紙筆記下) (茶會後有唔明,都隨時可以再去分行問)。三來可以睇睇其他團友係咩人😆


不要嫌我太長氣😅有機會同父母外遊是福氣👍🏻😃

FishFish0503 2019-2-13 02:17 PM

嘩!!!!堅多謝大家既寶貴時間。好長好有心既回覆。

係架。。。同皇上皇后去旅行,是幸福的。所以想佢地食得飽坐得舒服!

是的,有聽過嗰邊自安唔係咁好,都係俾少少錢佢地袋住就算。

關於食。我今曰聽聞,原來帶個蝦籽面過去都唔得?!咁剩係帶啲罐頭?!帶豆工鯪魚得唔得架?係喎,帶韓仔飯都好。  :)

公子小白 2019-2-13 06:50 PM

[quote]原帖由 [i]FishFish0503[/i] 於 2019-2-13 02:17 PM 發表 [url=https://www.discuss.com.hk/redirect.php?goto=findpost&pid=494808042&ptid=28027975][img]https://www.discuss.com.hk/images/common/back.gif[/img][/url]
嘩!!!!堅多謝大家既寶貴時間。好長好有心既回覆。

係架。。。同皇上皇后去旅行,是幸福的。所以想佢地食得飽坐得舒服!

是的,有聽過嗰邊自安唔係咁好,都係俾少少錢佢地袋住就算。

關於食。我今曰聽聞,原來帶個蝦籽面過去都唔得?!咁剩係帶啲罐頭?!帶豆工鯪魚得唔得架?係喎,帶韓仔飯都好。  :) ... [/quote]


其實唔駛或唔建議帶咁多罐頭,除非你好有經驗知道長老係100%傳統中國人。否則帶太多一來重二來另佢地覺得我仲有五香肉丁做餸,結果餐餐都話難食。咁同國內同胞去外國旅行餐餐都要大魚大肉有乜分別?

要指出帶杯麵唔係因為唔啱食,係因為唔夠飽,上年去東歐,晚餐係炸豬扒餐,個主菜得塊薄薄的吉列豬扒,點夠飽?

當然一家唔知一家事,果次東歐之旅,有團友直頭帶埋出前一丁,米同煲加洗潔精,晚晚返房煮麵煲粥。真係唔知講乜好。

加壽姬 2019-2-13 07:47 PM

豆豉鯪魚、蝦子麵?😂 真心建議不要!
看來你家皇上皇后要被貶為平民了😂


基本上,入境歐洲國家是不能帶肉類、蛋類、蜜糖、奶類製品… 雖然海關很少會檢查團隊行李,但萬一咁唔好彩被檢查到時,小則要你即時棄掉,或再加罰款。大則將你件行李翻箱倒籠,再請你入房傾幾粒鐘,之後…
話晒係參加團,一入境就畀人捉就唔好了,難為了領隊和其他團友。
(你去到當地唐人街買就好地地。英國有D酒樓,蝦餃比香港好食呢)
尤其在歐洲人眼中,我們是黃皮膚黑頭髮。依家有不少歐洲人對亞洲人都冇好感呢 (這話題不便多說了🙊)


如果想知道入境歐洲須知有關資料,可以在各大旅行社網站,如 egl「旅遊錦囊>目的地資料」,又或者 康泰「旅遊資訊>旅遊需知」等等 中找到


過移民局,如果由意大利入,你急佢唔急,好耐先過到關。由英國、德國入,查得好嚴… 等吓行李。萬一再在海關畀人查一查,分分鐘粒幾兩粒鐘都出唔到去
都係嗰句:人哋見是團隊,通常唔會特別查。唔查是大家好彩。要查,就唔好玩了。(又行程中國家去國家是坐旅遊巴,但如果人哋黐起條筋要抽檢行李,就不是一件好玩事了) 
再舉其他例子,如澳紐加,佢哋對自己國家農牧漁業都好保護:八寶粥(豆),米飯,雙黃蓮容月… 都唔入得境
美國,簡單如士多啤梨果醬、蛋黃醬等都唔畀遊客帶入境
例子太多… 始終規矩點好,好過到時提心吊膽,嚇怕兩位主上和領隊,連累其他團友
至於話梅、烏梅、豬肉牛肉乾等 零食口立濕之類,都唔好了


你報名未?報名時同counter單聲你家主上口味偏中餐、要米飯,佢哋會盡量安排。臨出發前,強烈建議你去開茶會。出發時,同領隊講聲你家皇上皇后的飲食口味,等佢去到當地為你們預先張羅。
其實你不用擔心太多,老人家口味好難講,話唔定佢哋會忽然西化😂 又話唔定佢哋會明白你苦心,不再為難你😂 真係唔啱口味,就日日氹佢哋,就快返香港飲茶 食絲苗 白切雞油菜蒸魚…😂

加壽姬 2019-2-13 07:52 PM

罐頭重,重要是味道鹹,對血壓唔好呢

加壽姬 2019-2-13 07:56 PM

不久前,有人帶肉鬆杏仁餅返臺都被罰款呢。有時畀人查起嚟/黑起嚟,真係無嘢講

中年失業 2019-2-14 01:57 AM

1,每車程多過3小時的話,旅遊車會20~30分鐘廁所站,視乎當天行咗幾多時間(法例規定),不用擔心'
2,你所經的廁所站,一站份會收費,有部分是入coins (威尼斯)有站分廁所有人守候。有難安排,有其他团友一齊.
3.你所講的行程(我估)應中西餐各半,自費餐又不多。味道...西餐似香港D快餐
要求不高也可以的
4.西歐通常在英法兩國有機會有水煲,其他國家不一定有,要自己煮麵?可自傋但小心煙霧感應器,一次誤嗚可大可小。到時賠洒店,貴過你吃九大鬼.(帶杯麵啊)
5,這個你不必擔心,比隡會安排。正如巴黎也冇寫名去凡爾賽宮一樣,會安排的
6.非常值得的景點,兩個都是世界级的博物館。人生有幾可看到萝羅丽沙
7.夜總會有少部份無上裝跳舞,但請不要用色情眼光去看,法國人講求美感,節目有歌舞雜技 可當晚上娛樂。

希望资料幫到你

雨中扁扁的救星 2019-2-14 12:19 PM

[quote]原帖由 [i]FishFish0503[/i] 於 2019-2-11 01:30 PM 發表 [url=https://www.discuss.com.hk/redirect.php?goto=findpost&pid=494714675&ptid=28027975][img]https://www.discuss.com.hk/images/common/back.gif[/img][/url]
我想參加11日團去歐洲。同父母,有啲擔心,想請問跟過永安的你地啲問題

嗰啲見人報團就話自由行有幾free有幾慳有幾舒服嗰啲可以禁聲,我不才,無本事帶住兩個老人家自由行。

我報既係11日7國
意大利羅馬奥地利瑞士法國英國

1/我見每個地方都要三四個鐘車程,中間有洗手間停嗎
2/歐洲咪要去廁所收錢,復習嗎?我爸一個去男厠,唔識英法西文,剩係識廣東話:)
3/食既野ok麻?我皇上皇后,徧好中餐,嗰 ... [/quote]


以我記憶中……午、晚餐皆有熱嘢食,應該不成問題。
反而早餐多數是西式,即咖啡、多士、火腿,全皆自助形式,可能較難適應。
至於每日車程例必三至四小時,中途一定會有休息,因為是當地工會規定。
而司機例必停在大休息站,有收費洗手間和大型便利店,因為司機也有需要!使用洗手間完全不用對話,有€就得

FishFish0503 2019-2-14 02:27 PM

明白。謝謝大家。已經明白大概的流程。尤其廁所嗰part謝謝。:fst_002:

雁不留名 2019-2-22 06:24 PM

跟永安,酒店早餐大多豐富的,記得吃飽飽,午和晚餐往中餐館份量都算可吃飽,但到西餐館就薄了,沒有期望。

公子小白 2019-2-23 02:35 PM

其實團餐西餐真係不抱期望,除咗個湯正常,包硬到掟死狗,主菜一個布甸size嘅飯,加塊又細又鞋又冇味嘅扒。之後就啡及茶....永遠都係當食陣風落肚。

上年去東歐,團餐果塊吉列豬扒餐,難食到一個點。反而喺捷克機場員工餐廳,完全係另一層次。

FishFish0503 2019-2-23 09:38 PM

[quote]原帖由 [i]雁不留名[/i] 於 2019-2-22 06:24 PM 發表 [url=https://www.discuss.com.hk/redirect.php?goto=findpost&pid=495250688&ptid=28027975][img]https://www.discuss.com.hk/images/common/back.gif[/img][/url]
跟永安,酒店早餐大多豐富的,記得吃飽飽,午和晚餐往中餐館份量都算可吃飽,但到西餐館就薄了,沒有期望。 [/quote]


咁好。早餐原來係驚喜。我以為包包包包。。。茶茶茶。。。。完。

FishFish0503 2019-2-23 09:39 PM

[quote]原帖由 [i]公子小白[/i] 於 2019-2-23 02:35 PM 發表 [url=https://www.discuss.com.hk/redirect.php?goto=findpost&pid=495285622&ptid=28027975][img]https://www.discuss.com.hk/images/common/back.gif[/img][/url]
其實團餐西餐真係不抱期望,除咗個湯正常,包硬到掟死狗,主菜一個布甸size嘅飯,加塊又細又鞋又冇味嘅扒。之後就啡及茶....永遠都係當食陣風落肚。

上年去東歐,團餐果塊吉列豬扒餐,難食到一個點。反而喺捷克機場員工餐廳,完全係另一層次。 ... [/quote]


其實我都覺。even香港嗰啲西餐我都覺。。。。。不過我以為啲包會好吃。

BlueKK 2019-2-24 08:51 AM

[quote]原帖由 [i]FishFish0503[/i] 於 2019-2-23 09:38 PM 發表 [url=https://www.discuss.com.hk/redirect.php?goto=findpost&pid=495301975&ptid=28027975][img]https://www.discuss.com.hk/images/common/back.gif[/img][/url]



咁好。早餐原來係驚喜。我以為包包包包。。。茶茶茶。。。。完。 [/quote]
早餐都會有芝士,煙肉,腸,火腿,煎蛋/烚蛋,烘多士,各款麵包/蛋糕,沙律,生果之類:smile_35:

加壽姬 2019-2-24 12:40 PM

[quote]原帖由 [i]FishFish0503[/i] 於 2019-2-23 09:38 PM 發表 [url=https://www.discuss.com.hk/redirect.php?goto=findpost&pid=495301975&ptid=28027975][img]https://www.discuss.com.hk/images/common/back.gif[/img][/url]



咁好。早餐原來係驚喜。我以為包包包包。。。茶茶茶。。。。完。 [/quote]

唔會,除非是齋英式早餐

加壽姬 2019-2-24 01:25 PM

[quote]原帖由 [i]BlueKK[/i] 於 2019-2-24 08:51 AM 發表 [url=https://www.discuss.com.hk/redirect.php?goto=findpost&pid=495316610&ptid=28027975][img]https://www.discuss.com.hk/images/common/back.gif[/img][/url]

早餐都會有芝士,煙肉,腸,火腿,煎蛋/烚蛋,烘多士,各款麵包/蛋糕,沙律,生果之類:smile_35: [/quote]

係呀,早餐很豐富,麵包 蛋糕一定唔少得,好多款式種類。另外齋是雞蛋都有好多煮法和選擇,如烚 炒 有料omelette 煎(單面太陽蛋 雙面 蛋黃熟唔熟…)
不過冇我最愛的粉麵檔😂

建議樓主父母早上食多d水果,因行程時好少有機會食到水果,除非遇到有超市(不過冇時間畀你入去)和街邊水果攤。水果區旁有yogurt,不建議吃,長途車攬肚痛就麻煩。
由於行程趕,團隊早餐不會預你太多時間 (通常45分鐘),你又要預留時間畀佢哋上車出發前去洗手間 (不能回酒店房間慢慢辦大事了。因為通常領隊會叫你哋落去食早餐前將行李擺門口,早餐前/時佢會來收匙咭辦check out)
你拖著父母,早少少去食早餐。早餐款式多,你父母可能選擇好耐,又攞很多回來,提醒他們要適量。仲有你哋一家三口,到時又會留個人在餐枱睇住隨身行李和留位。所以你可能打點得佢哋,自己已經冇咩時間去攞嘢食。建議你可以先陪皇后出去攞,之後陪皇上。佢哋知個大概後,自己再出去攞就冇問題了。
(洗手間通常設於餐廳旁,又或者大堂櫃檯附近)
仲有如果你家兩位主上有藥要在早上服,想要熱開水。建議早上在房間煮好裝落保溫水壺內。因為除了各式水果汁 牛奶 豆奶 熱紅茶 熱啡 凍開水外,可能你搵唔到熱水,要問餐廳職員取。

[[i] 本帖最後由 加壽姬 於 2019-2-24 08:10 PM 編輯 [/i]]
頁: [1] 2
查看完整版本: 有無參加過永安歐洲團既靚仔靚女