查看完整版本 : 2019情人節 最後一睇 拍拖好去處

hanabi221 2019-2-14 10:52 AM

2019情人節 最後一睇 拍拖好去處

1)期間限定活動

【新】天際100:「愛在天際 幸福宣言」預訂服務
[img=402,244]https://s3-ap-northeast-1.amazonaws.com/cgblogassets/wp-content/uploads/sites/3/2019/02/11184148/100.jpg[/img]

情人節當然要同深愛的人,大聲表達自己的愛意,「就咁講,有啲行」,可以預訂天際100「愛在天際 幸福宣言」的服務,讓你在393米高空「愛在天際」光影匯演播放時,投射出你心中愛的宣言,與另一半留下甜蜜的美好回憶。然而,天際100每晚只會預留 5 個時段提供「愛在天際 幸福宣言」服務供網上預訂,並於「愛在天際」光影匯演播放之際在指定時段把留言投放出來。
「幸福宣言」共有 5 個預設的動畫留言,包括“I Love You”, “Will You Marry Me”及“Happy Anniversary”等等,只需登入天際 100 官方網頁,並於「愛在天際 幸福宣言」專頁訂購所屬套票,即可選擇於指定日期及時間,於天際 100 觀景台長達 9 米的巨型玻璃屏幕投射出有您及摯愛名字的動畫留言。
地址:香港九龍柯士甸道西一號
日期:2月13日起至另行通知
收費:HK$998

【新】D·PARK:情侶和服約會
[img=265,187]https://s3-ap-northeast-1.amazonaws.com/cgblogassets/wp-content/uploads/sites/3/2019/02/12100412/%E7%89%B9%E8%A3%BD%E9%B3%A5%E5%B1%85%E5%8D%A1%E5%AF%AB%E4%B8%8B%E7%B9%BE%E7%B6%A3%E6%83%85%E8%A9%B1-2-1.jpg[/img]
情人節這樣浪漫的一天,留影才能記低甜密一刻,如果你同另一半都熱愛日本文化,不妨到D·PARK參加和服體驗,HK$180可試穿30分鐘,如果你係DP Club會員更可享有優惠價$160,穿着和服在D·PARK的新年祭場景之中游走,猶如置身日本的街角,營造浪漫美好的回憶。場地內更有不同的日本場景打卡位及活動,包你整個晚上都樂而忘返。
地址:D・PAR愉景新城月L1
日期:即日起至2月17日
收費:$180/套(30分鐘);$420/套 (120分鐘);$400/套(按金)

【新】愉景灣:情約二月
[img=376,291]https://s3-ap-northeast-1.amazonaws.com/cgblogassets/wp-content/uploads/sites/3/2019/01/17113327/%E6%84%89%E6%99%AF%E7%81%A3-%E6%83%85%E4%BA%BA%E7%AF%80%E5%A5%BD%E5%8E%BB%E8%99%95.jpg[/img]
情人節好多人外出慶祝,但又覺得市區好多人,不如遠離煩囂的愉景灣,只需在中環乘45分鐘便可,或者在東涌乘巴士皆可。然而在情人節時,愉景灣將舉辦「繾綣月下.情約二月」,在情人節當天,愉景灣的海邊將有限定的心形蠟燭,一個又一個的心形在海邊排列,在海邊的餐廳享受晚餐,情人們靜靜談心,享受浪漫的氛圍。另外,在2月9日至10及14日,都可以在愉景北商場換領愛情鎖,在心鎖長廊與情人們留下愛的承諾。
地址:愉景灣
日期:2019年2月9日至10日及14日

【新】尖沙咀海港城:《朱古力奇想曲:一觸即發》+自訂KitKat
[img=301,244]https://s3-ap-northeast-1.amazonaws.com/cgblogassets/wp-content/uploads/sites/3/2019/01/17103341/%E6%B5%B7%E6%B8%AF%E5%9F%8E-%E5%B0%96%E6%B2%99%E5%92%80%E5%A5%BD%E5%8E%BB%E8%99%95.jpg[/img]
「街裡愛人一對對,互送鮮花心意千杯不醉…..」情人節點可以淨係送花,梗係又要拍拖拖,最好送一份別具心意的禮物俾對方啦!尖沙咀海港城舉行「情.尋朱古力」活動,全球首間朱古力便利店─《ChoConveni》,引入多款CAN EAT (可食用) 及 CANNOT EAT (不可食用) 的有趣朱古力商品,不但有不同的朱古力裝置,打卡合照,更可觀賞「朱古力過山車」觀看朱古力製作。如果想甜蜜加碼,咁就要參加KIT KAT的「Create Your Own KIT KAT」的pop up store,自訂「KIT KAT MY BREAK」產品,$60購買指定KIT KAT MY BREAK產品,然後即場拍攝個人照片,且設計出具個人化的KIT KAT包裝,送給情人做禮物。不過提提大家,每日名額只有100位。
地址:尖沙咀海港城海洋中心二階207號舖「海港城 • 美術館」
日期:2019年1月17日至2019年2月17日

【新】葵芳新都會:浪漫粉紅花語牆+紫色花海
[img=456,266]https://s3-ap-northeast-1.amazonaws.com/cgblogassets/wp-content/uploads/sites/3/2019/01/16180502/%E8%91%B5%E8%8A%B3%E6%96%B0%E9%83%BD%E6%9C%83-%E6%83%85%E4%BA%BA%E7%AF%80%E6%8B%8D%E6%8B%96%E5%A5%BD%E5%8E%BB%E8%99%95.jpg[/img]
情人節買花送俾另一半,會好貴? 又或者訂唔到花? 唔緊要! 葵芳新都會在4萬呎的戶外露天廣場打造「粉紅花言蜜園」,園內會有逾11呎高的「花語屋」、「花語牆」等浪漫影相位,打卡無難道,兩人被花海圍繞着,浪漫升級!打卡仲未喉?可以參加埋逾千呎「日本有機士多啤梨園」導賞團,於1月26日或2月23日參加「士多啤梨即摘即食」導賞團邊摘邊食!另外,2月14日當天,場地更特設「甜蜜糖果吧」,內有12種代表不同月份的甜點,包括馬卡龍、蛋白糖霜脆餅等,大家可挑選喜愛的甜點放進特製水晶球,製成一份獨一無二的情人節禮物。
地址:葵芳新都會廣場
日期:2019年1月18日至2019年2月24日

中環浪漫夜:閃躍維港燈影節
[img=300,200]https://s3-ap-northeast-1.amazonaws.com/cgblogassets/wp-content/uploads/sites/3/2019/02/01174634/Pink-Light-Tunnel-3-300x200.jpg[/img]
閃耀維港燈影節回來了,國際光影裝置藝術展位於中環碼頭至添馬公園舉行,有來自香港、比利時、法國、匈牙利、印度、以色列、義大利、日本、荷蘭、新加坡及美國等地藝術家,點亮維港兩岸。大家可以跟展品拍照之餘,更可與展品進行互動,情侶們定必樂在其中。
今年國際光影裝置藝術展有19個展品展出。不少展品都結合了燈光和音效,以及與大家互動的方式展示。19個展品中其中2個展品位於中環碼頭附近,而其餘17個展品位於添馬公園。
地址:中環海濱
時間:即日起至2019年2月24日

AIA友邦歐陸嘉年華 2018
[img=500,281]https://s3-ap-northeast-1.amazonaws.com/cgblogassets/wp-content/uploads/sites/3/2018/10/31155621/20181029181502_0_20171017191431_4_12698352_1753062948259504_3473546035959239442_o-1024x576.jpg[/img]
AIA友邦歐陸嘉年華 又返嚟喇!今年繼續有英國歐陸雜技團一連串雜技演出,包括雜技人被卡車壓過等驚心動魄的身體技能表演,週二至週日每天開放2-4場。除此以外,當然不少得攤位遊戲,毛公仔有來自侏羅紀世界、迷你兵團、銀河護衛隊等角色,絕對值得期待!現場還有各種機動遊戲、音樂會、街舞表演及美食等,即刻約定男女朋友、一班好友盡情狂歡吧![url=https://www.facebook.com/AIACarnival/][u]詳情[/u][/url]
預先訂票:即日起至12月14日中午12點可於經[url=https://tgec.asia/][u]官網[/u][/url]預先購票
成人 – HK$120入場券(包10個代幣)
兒童 – HK$85入場券(包7個代幣)
VIP門票 – HK$400(包括入場券、20個代幣及於貴賓室享用2杯飲料)
代幣套餐 – HK$300(包括入場券及30個代幣)
開幕後門票價格:
成人 – HK$130入場券(包10代幣)或HK$50入場券
兒童 – HK$90入場券(包7個代幣)或HK$50入場券
歐陸雜技團門票售價:由HK$150至HK$400不等(另加$10服務費)
日期:2018年12月14日至2019年2月17日
時間:早上11時至晚上11時
地點:中環海濱活動空間

荔枝角 D2 Place 新戲院:韓迷必去
[img=450,327]https://s3-ap-northeast-1.amazonaws.com/cgblogassets/wp-content/uploads/sites/3/2018/09/11150309/cgv-d2-place-two-k-star-hk-2_leopc3hk-compressed-1024x744.jpg[/img]
韓國戲院品牌CGV Cinemas進駐荔枝角 D2 Place二期,場地設計成五、六十年代美國百老匯電影院,設有4個主題影院,包括全港首個270度投影技術的ScreenX影院、K Star 韓星主題電影館「孔劉館」、SweetBox及HSBC Film。
四個主題影院都各有特色,ScreenX影廳配備270度三屏全景放映、孔劉館顧名思義是以韓星作主題、Sweetbox影廳更設有情侶椅,而HSBC Film則設有設有伸縮的小桌,方便放置小食。

中環街頭塗鴉藝術團
[img=333,255]https://s3-ap-northeast-1.amazonaws.com/cgblogassets/wp-content/uploads/sites/3/2018/04/17141753/Capture3-300x224.jpg[/img]
中環SOHO區大街小巷嘅牆上都有着有趣嘅塗鴉,但不說不知,佢地隨時係價值連城嘅藝術品,撞正星期日都無地方去,不如同另一半參加由「撞藝術」舉辦的中環街頭塗鴉藝術團,聽住導賞員講故事,邊同伴侶係塗鴉前打張卡,了解香港街頭文化外,仲可以呃like添。
日期:每週日
時間:早上11:00至中午12:00(英文團) / 早上11:30至下午12:30(普通話團)
收費:$165
人數限制:1人成團,12人滿團
網站:[url=http://accidentalart.co/zh/]http://accidentalart.co/zh/[/url] (撞藝術)

2)享受戶外樂趣
流星雨下見證愛情!
[img=300,200]https://s3-ap-northeast-1.amazonaws.com/cgblogassets/wp-content/uploads/sites/3/2018/07/01141915/%E6%B5%81%E6%98%9F.jpeg[/img]
唔知大家有無觀賞流星雨的習慣?在流星雨下和另一半一起許願是一件非常浪漫的事。在下半年,將會迎來兩次流星雨群的高峰期。
在12月14日晚上9時半至翌日凌晨,望向東北方,最高峰時每小時最高有120粒流星掠過。記得帶埋你的另一半一齊去體驗一下!
流星雨群詳情可參看下圖或[url=https://www.lcsd.gov.hk/CE/Museum/Space//zh_TW/web/spm/starshine/astroevent/meteorshower.html]按此[/url]!
[img=300,290]https://s3-ap-northeast-1.amazonaws.com/cgblogassets/wp-content/uploads/sites/3/2018/07/01141343/Screen-Shot-2018-08-01-at-12.38.33-PM-300x290.png[/img]
建議觀看地點:
大坳門,萬宜水庫東壩,西貢天文公園,大帽山,西貢鹹田灣營地,大嶼山南部和石澳等等。

拍拖輕鬆行山景點:無敵夜景嘉頓山
[img=325,307]https://s3-ap-northeast-1.amazonaws.com/cgblogassets/wp-content/uploads/sites/3/2017/05/29141824/.jpg[/img]
一講到行山,平時冇咩做運動嘅另一半實會耍手擰頭,但其實香港有座山,唔使行一個鐘就可以到達山頂,仲飽覽九龍夜景,呢座山叫嘉頓山!而且,交通十分方便,只需喺深水埗港鐵站行10分鐘就到山腳。
建議路線:首先搭港鐵到深水埗站D出口,再向石峽尾方向行10分鐘左右,你就會見到嘉頓麵包廠,之後你會望到美荷樓旁邊有座山。沿住樓梯一路向上行幾個字已經有得小休同睇景,想睇到更全面嘅九龍全景就要行多幾個字,好快就會去到山頂,適合比較少做運動嘅情侶。

世外桃源:英式山頂花園 拍拖野餐勝地
[img=600,316]https://s3-ap-northeast-1.amazonaws.com/cgblogassets/wp-content/uploads/sites/3/2017/07/05182340/Peak-garden-1024x539.jpg[/img]
唔好再話去歐洲先有靚地方Chill喇!_比較鮮為人知嘅前港督別墅「後花園」就好似世外桃源,令你樂而忘返。擁有濃烈英式風格、古老維多利亞式建築嘅山頂公園,景觀十分開揚,入面有大草坪、維多利亞式涼亭、小山丘、水池,寧靜宜人嘅環境好適合情侶拍拖。鋪張野餐布、拎住本書、曬下陽光,寫意嘅生活有時就係簡簡單單。
建議路線:由山頂凌霄閣出發,沿著柯士甸山道(山頂餐廳旁)往上行,中途見到柯士甸遊樂場,繼續一直走就會見到藍白色守衛室,再行前多幾步,就到呢個世外桃源!

都市塵世美:金鐘添馬公園  
[img=600,341]https://s3-ap-northeast-1.amazonaws.com/cgblogassets/wp-content/uploads/sites/3/2018/07/18144750/01586a-692x393.jpg[/img]去野餐一定要去郊外,好多怕麻煩的小情侶都唔想去咁遠,但又覺得喺城市好難找到草地,才不是呢! 在城市中找野_地點必定有金鐘添馬公園,地點便利,公園內一大片的綠悠悠草地,坐在草地上閒聊,看看書,也可以看到海,過悠閒寧靜的一天,也是另類的浪漫。
建議路線:港鐵金鐘站A出口,步行約7分鐘。

放狗放閃無問題:數碼港海濱長廊
[img=600,322]https://s3-ap-northeast-1.amazonaws.com/cgblogassets/wp-content/uploads/sites/3/2018/07/18144900/large_1461945674-1000x536.jpg[/img]
好多伴侶都會一齊養小動物,假期去拍拖時都想帶埋「小成員」一齊去玩!  數碼港海濱長廊就不二之選,因為那裡準許放狗,與伴侶就可以坐在草地上看海,一齊坐草地吃小食,也可以看着「小成員」在草地上奔跑!就是無比寫意!
建議路線:搭港鐵到堅尼地城,轉小巴58M入數碼港。/ 到旺角山東街轉乘巴士970,直達數碼港。

踩單車:大埔吐露港單車徑近科學園
[img=500,356]https://s3-ap-northeast-1.amazonaws.com/cgblogassets/wp-content/uploads/sites/3/2018/07/18161747/2_cycling_tolo_harbour.jpg[/img]
野餐可能有啲悶,都想郁動下,但又唔想行山咁辛苦,咁踩單車也是不錯選擇,由大埔租單車,慢慢一條直路踩入科學園,到科學園後又可以在園內餐廳,歎番個Afternoon Tea,再慢慢踩番大埔,沿途欣賞日落好風光。
建議路線:港鐵大埔站A出口,轉乘K17或71S總站,步行5分鐘到大埔海濱公園。/ 港鐵大埔站A出口,轉乘K18到廣福村,步行5分鐘至大埔海濱公園。

秘密日落觀賞點:石仔灣碼頭
[img=510,343]https://s3-ap-northeast-1.amazonaws.com/cgblogassets/wp-content/uploads/sites/3/2014/10/07022445/12513651_1017828678309270_1855141116129591992_o-1024x683.jpg[/img]_
「石仔灣」位於馬灣旁邊,係香港僅存嘅舊式漁村,嗰度有一連串嘅漁排及木橋碼頭,可一覽屯門公路以及西面海岸,係完美嘅日落觀賞點!喺度睇日落仲有另一個好處,就係可以遠離煩囂,靜靜咁同另一半享受難得嘅二人世界。
建議路線:由中環或荃灣碼頭乘搭渡輪至珀麗灣碼頭,再步行前往。

盡覽270度維港景︰海港城觀景台
[img=600,262]https://s3-ap-northeast-1.amazonaws.com/cgblogassets/wp-content/uploads/sites/3/2017/10/30115829/abc-1024x447.png[/img]
海港城花近5年時間建造的全新觀景台「海運觀點」最近落成,10月23日開始已經免費開放予公眾參觀,觀景台可以飽覽270度維港景觀,亦設有兩個6,500平方呎的活動平台,其中一個更是天然草坪,另一邊則是石地,情侶可以盡情影相「打卡」。
開放時間︰早上7:00至晚上12:00
地點︰海港城大廈末端(鄰近郵輪碼頭)
費用︰免費入場
詳情︰[url=http://www.harbourcity.com.hk/tw/]海港城官方網站[/url]
[url=https://www.moneyhero.com.hk/blog/zh/%E9%A6%99%E6%B8%AF%E5%B9%B3%E9%9D%9A%E6%AD%A3%E6%8B%8D%E6%8B%96%E5%A5%BD%E5%8E%BB%E8%99%95#index]回到目錄[/url]

3)觀塘工廈一日遊
好多情侶閒時都會一齊行下商場、買下嘢。但你最近係咪覺得商場來來去去都差唔多,行到厭晒?咁不如試下去工廠大廈尋寶吧!
各區工廠大廈都有好多特色小店,好多時都係東一間、西一間咁散落喺唔同地方,而觀塘嘅「怡生工業中心」E座和G座就打通咗一樓全層,盡攬各式店舖,包括露營用品、護膚品、精品雜貨、美甲、樂器、波鞋、韓國貨等,應有盡有,地下仲有特賣場添,加上嗰頭又有好多平靚正餐廳,消磨一日半日時間絕對唔成問題!

4)齊齊潮做文青
最近大熱嘅「文青」風氣直捲香港,想嘗試過一日文青生活,不妨試下帶埋男/女朋友一齊試下坊間手作仔!當中以Art Jamming、整皮工作坊、押花班、咖啡拉花班等等最為受歡迎。如果想搵啲比較價錢合宜嘅班,可以搵下係工廈開嘅班,當中好多都係年青人創業嘅生意仔。講到小編都好想今個周末即刻去Join!

5)博物館
一聽到去博物館可能好多人都會覺得好悶。但其實而家博物館都唔係咁死板。香港嘅博物館逢星期三免費入場。例如去科學館就可以喚起好多人嘅童年回憶,同你嘅另一半重拾童真,玩下番梘泡、鏡子迷宮,都可以過一個輕鬆嘅週末。而太空館兩個展廳「太空探索展覽廳」和「宇宙展覽廳」早前閉館一年半進行翻新,4月25日終於重開。展品由60多件增至百多件,7成都是互動展品,大家可以當新地方再玩過。

【新】南豐紗廠:活化紗廠成文創新基地
[img=401,223]https://s3-ap-northeast-1.amazonaws.com/cgblogassets/wp-content/uploads/sites/3/2019/01/17115508/46495890_1705592922878325_2873087929931005952_n.png[/img]
南豐紗廠經歷三年的翻新工程,早前終於開放給公眾,建成現時新的文創基地,將多種藝術元素與舊廠房的特色併湊起來,大家可以在不同角度游走南豐紗廠的歷史與創新的空間,不但有多個打卡位,更有不同的悠閒的咖啡店,呷一口咖啡,與情人舒暢地過一個悠閒的週末。
由於是新的文創基地,場地也會定期舉行手作坊,各位文青系的少男少女就唔好錯過!可以在[url=https://www.facebook.com/themillshk/]The Mills 南豐紗廠[/url]留意詳情。
地址:香港荃灣白田壩街45號南豐紗廠
時間:星期一至日 10:00am-10:00pm

饒宗頤文化館.2月至3月遍地開花
[img=335,214]https://s3-ap-northeast-1.amazonaws.com/cgblogassets/wp-content/uploads/sites/3/2019/01/04170128/3.1.1-640x418.jpg[/img]
愛花之人要留意啦!每年的2月或3月都會開滿宮粉羊蹄甲,除了可以拜會饒宗頤先生的國學外(定期也會舉行市集及主題展覽),亦可以賞花。[url=https://www.jtia.hk/]詳情[/url]。
地址:九龍荔枝角青山道800號
時間:星期一至日上午8時至下午10時
查詢:2100 2828

siuroy123 2019-2-14 12:15 PM

[quote]原帖由 [i]hanabi221[/i] 於 2019-2-14 10:52 AM 發表 [url=https://www.discuss.com.hk/redirect.php?goto=findpost&pid=494846724&ptid=28033803][img]https://www.discuss.com.hk/images/common/back.gif[/img][/url]
1)期間限定活動

【新】天際100:「愛在天際 幸福宣言」預訂服務
[img]https://s3-ap-northeast-1.amazonaws.com/cgblogassets/wp-content/uploads/sites/3/2019/02/11184148/100.jpg[/img]

情人節當然要同深愛的人,大聲表達自己的愛意,「就咁講,有啲行」,可以預訂天際100「愛在天際 幸福宣言」的服 ... [/quote]
仆佢個街 天際100 根本唔係第100層!!!

球迷007 2019-2-14 02:07 PM

:smile_43::smile_43::smile_43:

波神憂比 2019-2-14 03:35 PM

多謝

倒錢落海... 2019-2-14 04:12 PM

[quote]原帖由 [i]siuroy123[/i] 於 2019-2-14 12:15 PM 發表 [url=https://www.discuss.com.hk/redirect.php?goto=findpost&pid=494850565&ptid=28033803][img]https://www.discuss.com.hk/images/common/back.gif[/img][/url]

仆佢個街 天際100 根本唔係第100層!!! [/quote]

哈哈哈,貨不對辦,消委會投訴

倒錢落海... 2019-2-14 04:17 PM

有冇地方係仿北極光,突然很想睇。

倒錢落海... 2019-2-14 04:18 PM

香港從來唔會下雪,想看雪

情人1986 2019-2-14 04:37 PM

去爆房最happy!

康承天 2019-2-14 11:09 PM

🤔🤔🤔

酒店扁扁的駱駝 2019-2-14 11:54 PM

Thanks
頁: [1]
查看完整版本: 2019情人節 最後一睇 拍拖好去處