查看完整版本 : 鋼琴彈奏原創:一生所愛(大話西遊主題曲),怎樣有效提高鋼琴演奏水平?

Rachelpiano 2019-2-20 02:52 AM

鋼琴彈奏原創:一生所愛(大話西游主題曲),怎樣有效提高鋼琴演奏水平?

[url=https://www.youtube.com/watch?v=6QUuoIuD7Vw]https://www.youtube.com/watch?v=6QUuoIuD7Vw[/url]

每天鋼琴彈1.5個小時左右,但每次Festival只能是Second Class,感覺到了瓶頸Bottleneck,怎樣練習才能有效的提高水平呢?1. 增加練習時間 2.增加Technical的練習比重 3.多參加Festival 4.在YOUTUBE上學習別人怎麼彈?哪一個會更好一些?

路人123321 2019-2-20 07:41 AM

或者不要參加比賽,不要計較贏輸,開心點彈琴,可能就會有突破。出面要贏比賽,好多X師X校的訓練,不是一般學生受得到,但我覺得對小朋友學習音樂,沒有太大幫忙,所以若不是好有天份或立志將來不做醫生律師工程師等而要做演奏家的話,根本不必要常常贏獎項。你知不知好多家長為了小朋友要贏獎,付出多少金錢交學費?你又知不知小朋友又要付出幾多倍 1.5 hours x N 的時間來練琴?好多時大人和小朋友贏了都只是為滿足自己一種優越感,並不是真的在欣賞音樂。而且現在贏獎的都是在鬥資源多,時間多,不一定是贏的人真的很有天份,只是他們有很多資源去進行特訓,比別人準備更多而已。所以你有 second class 可能都不錯了。不要太計較。比賽有好多因素影響成績。

symphonicdance 2019-2-20 07:47 AM

樓主喺片中女孩?她的老師或家長?

標提寫原創,但此譜有些疑似 Copy ?!

小卡梅 2019-2-20 08:56 PM

個人覺得:唔知係唔係尾指力度不足或用死力,旋律唔夠突出,音量/層次感唔夠穩定。

Rachelpiano 2019-2-22 04:10 AM

Got it. Thank you.

Rachelpiano 2019-2-22 04:10 AM

Got it. Thank you.

yifeifei2 2019-2-23 02:00 PM

你好,我係一個喜歡比阿仔去參加比賽嘅家長。

如果你想女兒提升技巧,你可以先同老師溝通一下,睇下現時有咩問題,搵唔搵到問題係邊,如何改善。

至於比賽方面,你可以先同阿女溝通下,睇下佢自己對參加比賽會唔會好抗拒?會唔會嘗試下參加多啲比賽?

其實參加比賽唔係咩洪水猛獸,亦都唔係只為要威要名譽先參加。其實家長都要自己都要調整心態,因為輸比賽其實真係一件好平常好平常嘅事,絕對無必要唔開心同失望。(我當然明,輸嗰一刻唔開心係一定有,因為當自己好努力付出,但仍然輸係一定會唔高興:smile_35:,但只限嗰一刻,瞓醒就唔應該記住)
同時比賽有好多好多好處、經驗,係琴房裡面學唔到。
為咗準備好比賽,有咗一個明確目標,練琴自然有股動力(主動又好,被動都好),進步自然會比較快。
同時你要有心理準備,練琴係會辛苦咗,所以愉快學習定係參加比賽適合你,我唔敢講,但我覺得 no pain no gain!

因為壓力一定會有:因為佢自己想贏、驚自己做得唔好、來自老師嘅壓力、來自家長嘅壓力。點樣教佢面對壓力,呢樣就要家長幫手。死迫難迫無用,只會越迫越壞。

透過比賽,可以睇到其他小朋友彈成點,水平去到邊,比賽進行中未到你或者你彈完之後,其實你都應該聽其他人彈成點,並唔係唔關你事。(實會有人講你自己都唔識,點知人地彈得好唔好?係無錯,但由你阿女起歌到比賽,首歌你阿女起碼彈咗幾百次,我相信你都應該要聽返幾百x n 咁多次,仲未計你自己去搵一啲鋼琴家嘅演奏版本,你個女比賽並唔只係佢自己嘅事,而係你一家都一齊參與嘅事,其實學琴根本係咁),還有你阿女都有份聽呢。(知己知彼嘛)

仲有一樣係比賽先有嘅機會可以係幾十人甚至幾百人面前彈琴。係比賽嗰一刻個舞台係屬於佢,所有人都聆聽緊佢嘅演出。(克服緊張感、怯場,對音樂之外都有用,呢項能力係齋吹無用,係要靠佢自己感受領略)
呢個機會到咗成年人就唔會再有。(當然有人講成年人都可以去比賽,我同意但機會應該不多)

最後我都同意嘅係輸贏結果真係唔重要,重要嘅係你準備嘅過程,同賽後嘅檢討(睇評語、翻睇比賽錄影去檢討係非常重要,當然有時候啲評語係流流地,但一個有內容有價值嘅評語係好有用),當然比賽「目標」係想贏,但其實透過比賽係可以達到好多其他「目的」,係一個快速有效去提升水平嘅一個途徑,而唔係贏唔到比賽就無用。

[[i] 本帖最後由 yifeifei2 於 2019-2-23 02:13 PM 編輯 [/i]]
頁: [1]
查看完整版本: 鋼琴彈奏原創:一生所愛(大話西遊主題曲),怎樣有效提高鋼琴演奏水平?