查看完整版本 : 關於交友想法和騙案分享(有少少關於交友app)(二次修正)

happyking123 2019-2-20 06:36 PM

關於交友想法和騙案分享(有少少關於交友app)(二次修正)

大家好,我叫david,25歲,差幾個月26歲,男性,做銀行保安既(呢度d人可能會問:咁後生做咩做銀行保安?下面跟著會有講),由於工作關係,社交圈子比較細,就諗住係交友app識異性朋友,如果搵到另一半,相伴終生更好,點知好我係tinder,cmb,happn識得5個女仔都是呃人,太子/旺角做marketing,promoter,工作幫教育機構,美容院,醫療保健做推廣,呢d都呃人,各位巴打絲打要注意(點呃法?遲d我會出新post再講,今日最主要不是講呢樣),我想問真心想認識個異性朋友,都係咁難咩😑😑


交友app/交友想法/約會注意事項(個人想法)
1.我建議係whatsapp或其他聯天交友軟件,至少聊一個月後,先好約出黎食飯,最好男方主動約,如果女方主動約男仔出黎,就不是太好,會懷疑係騙案,因為好少女仔主動約男仔,但我都唔排除有d咁主動既女仔,真心想識朋友既。


2.食飯必須AA掣
雖然男方請女士食飯係風度,但第一次見面,男方又唔熟悉女方,點解要請先,萬一係女方呃男咁點先。而且,有d女方要循序漸進式呃人講真,第一次就話要你請食飯,便宜點,當然沒問題,第二次,叫你請食貴過上次少少既飯,第三次就會又話咩生日叫你送飾物俾佢,咁你就墮入騙局了。我想講作為朋友既,食飯每餐都係應AA掣,相識一年,有特別野先去請一餐啦,但如果作為情侶,相識6個月,遇情人節,聖誕節,男方先去請,平時就應該AA掣。這樣就無咁易被人呃。


[color=#ff0000]3.女方和男方認識異性朋友的想法(好多都係個人想法)[/color]


雖然話我遇到交友app  d女仔最終都想呃我,但我覺得她搵另一半既想法係真既。


a.雖然好多女士唔睇男方樣子和富有程度,但起碼要覺得我們男方要有經濟能力,要能力養起她們,先會和我們男方聊天,但其實我想講,大家都係由朋友開始,需唔需要咁快了解對方經濟能力😑😑。如果有幸做左情侶後,相處了4至6個月,先開始慢慢了解對方經濟能力,大家會傾下未來規劃和想法呢,或者男方會為女士轉高薪金的工作。都係果句,我覺得朋友唔需要咁快開始了解對方經濟能力。


b.
呢度我講既野就好多涉及個人想法。我本身IQ比較低,比較蠢,都叫做正常人,所以只能做薪金比較低的銀行保安,我都試過其他類型既工作,但好快都被人解僱了,都試過做過IT technician 半年,但我太大壓力,所以辭職走了,呢份保安就黎做左差唔多2年了,比較穩定。

有d 女人又話男人無上進心,搵唔到好d工作,比好生活既她,無安全感(呢個岩,我都認同,但係都要俾時間我地d男方先得架)。
有d男士,唔係沒上進心,只不過追尋夢想,網上有個例子,有個男人做攝影師助理,仲低人工我地保安,次次和女朋友食飯都AA掣,3年後他做左攝影師老闆,仲要請到女朋友去歐洲旅行。呢個我做唔到啦,但係有d男仔會做到,所以女方要俾時間俾d男仔。

另外,以我想法黎講:我本身比較蠢,夾硬去做d高薪金,但不適合自己既工作,成日被人炒,沒錢之餘,仲可能要問返女仔女錢,咁就gg😑😑。倒不如我搵個穩定既低人工工作,自己夠錢使,唔會問女方和家人拿錢就可以了,閒時學下基本水電,其實好過好多廢青。

可能d人又會問:你咁差條件,沒錢沒智慧,學咩人拍拖?但我想講:蠢人都想拍拖,為何睇5起我?我只是想搵個伴,相伴終生而已,都沒諗過生孩子姐織家庭,只會累人累物。還有,如果我有幸和女方拍拖相處耐d,會想將來,都可能會轉d高人工既銀行保安。


[color=#ff0000]c.我既簡介和想識更多香討朋友[/color]

1.樣貌醜過八两金(相片係真,真心覺得自己醜)
2.體型略半
3.興趣:K-POP,韓綜,韓劇,日本動漫,球類運動等等
4.我是香港人
5.工作是銀行保安
6 中五畢業,再讀完IVE IT畢業
7.真心想認識更多朋友,如找到另一半更好。
8.ps:no sp,no 推銷,見一個block一個
9.如果各位絲打(18至28歲)有興趣和我做朋友,可以pm我留whatsapp電話,或者掉返轉你pm我,我pm whatsapp電話俾你都得。至於巴打,只要不是基,不限年齡,都歡迎pm我。不過pm我,就請講你點稱呼,真實年齡和真實性別。

[[i] 本帖最後由 happyking123 於 2019-2-20 10:04 PM 編輯 [/i]]

女無敵手 2019-3-15 01:28 PM

:loveliness:分析得幾好

koikeaya 2019-3-15 02:59 PM

欣賞你承認自己不足,但現今世代,很難了
當然,亦希望你找到伴侣
頁: [1]
查看完整版本: 關於交友想法和騙案分享(有少少關於交友app)(二次修正)