查看完整版本 : 我對tandem同hellotalk嘅理解

無奶咖啡 2019-2-25 04:37 PM

我對tandem同hellotalk嘅理解

相信有好多人都有用過tandem同hellotalk,衣兩種係語言交換軟件黎嘅。我兩者都有用過,我就黎分享一下我對兩個app嘅理解。

1. hellotalk
我先前就用開hellotalk黎學韓文同英文嘅,後來因為以下嘅經歷而冇再用落去。我突然間收到一個自稱鬼佬,住係香港嘅用戶send messenge黎。我初時覺得冇密野就回覆左佢,然後佢不斷send messenge黎講話"我愛你"。我當時就冇應佢,但係佢就不斷send messenge,video call黎講"can you give me your heart?" 我回答佢no,佢就不斷問點解。我懷疑衣個人係想同我約炮。我開始覺得好煩,就冇再覆佢,但佢重係不斷send黎,我最後唯有delete左個account先之可以擺脫倒佢。

hellotalk對於一啲語言進階學習者係一個幾好嘅app,佢地可以利用衣個app用學習嘅語言同native speakers溝通。對於一啲語言初學者黎講,衣個app幫助唔太大。所謂嘅native speaker可能係假鬼佬,佢地download左一幅鬼佬或者鬼妹嘅相就去騙人係外國人,佢到底係唔係鬼佬都無從稽考。

另一方面,hellotalk有"收藏語句"、"幫夥伴修改句子"同"翻譯"等制嘅,透過衣啲功能可以睇到有幾多人搵果個用戶。幫人修改句子越多表示有好多人搵佢,相反,越少就好少人搵佢。另外,衣個app重有個人動態嘅,有好多人會post一啲自己嘅生活點滴上去。hellotalk重有啲付費功能嘅,俾左錢之後就可以學超過一種語言。我就冇俾錢啦。

2. tandem
我而家就用緊tandem黎學語言嘅,我暫時覺得衣個app幾好。tandem一開始就對新用戶有審查機制。其實都係啲好簡單嘅審查黎啫,只要你過14歲同有張有頭像嘅相就基本上過得關。佢會用gps定位你嘅位置,其實咁有啲侵犯個人私隱,因為有啲人唔想比人知佢係邊到。

係tandem到有一欄係叫"評價"嘅,係可以評論該用戶,不過佢唔可以回應。其實用戶所有評論都係好嘅,冇一個係唔好。咁樣就變左評論冇咩用,因為唔能夠反映該用戶真正係好定唔好。我係個app到就見到有個用戶有一百幾個評論,全部係講佢好interesting, 好funny。

另外,都有啲用戶會係個app到搵異性伴侶或"約炮"嘅,其實衣樣野hellotalk都有。我先前就係tandem到見到個用戶就係咁,佢係"理想的語言交換夥伴"到寫話搵girls。而且評論佢嘅人全部都係女性。

重有tandem同hellotalk一樣都有付費功能嘅。俾左錢之後可以睇到邊個睇過你個page,任你translate句子等等。功能會多啲。其實唔俾錢一樣都會享受到語言學習嘅樂趣。

其實學語言最好就去正規嘅語言中心到學,跟老師由基礎學起。始終靠tandem同hellotalk學其實唔係咁好,因為啲用戶唔係正規老師,口音有差異,學左啲唔鹹唔淡嘅語言重唔好。我推薦工聯會嘅課程,師資優良,學費平,有陣時重會有功課要做。apps嘅話我推薦"扇貝單字",佢會有 vocabulary building,完成課程重會有分。

無奶咖啡 2019-2-26 11:25 AM

衣次係我最後一次更新,我將唔會再用衣兩個app。

Tandem有 “家教老師” 衣個制既,不過要俾錢先可以用到,師資點我就唔知,但最好都係搵返語言中心啲老師學啦。

我強烈建議大家唔好裝衣兩個app。如果你要語言交換,最好參加一啲社團既活動。其實Facebook 到都有好多人舉辦一啲語言交換活動,最好就係面對面識人,網上識人有一定既危險性。
頁: [1]
查看完整版本: 我對tandem同hellotalk嘅理解