查看完整版本 : 中佬口水多過浪之 參觀應該係全廣東最佳球場

十二月田猛臣 2019-3-5 11:10 PM

中佬口水多過浪之 參觀應該係全廣東最佳球場

廢話︰
舊年見證完深圳最後一場逆轉奇蹟上中超一戰之後,今年當然會入場睇返幾場深圳佳兆業嘅比賽,而且今年中超仲揀咗深圳做今年開幕式嘅主場地,咁就要趁星期六上去見識吓!

門票︰
中佬窮X一名,門票通常都係買最平一款,本來深圳隊公布最平係60蚊,但由於呢一場係熱門比賽,所以加價到100。不過當我嚟到售票處之時,100蚊飛無得賣,只有再上一級嘅160蚊飛!嘩!X!搵笨七咩!?唉!肉隨針板上,160就160喇!:')
之後再有行吓搵黃牛,但今晚黃牛唔多,反而仲有黃牛問我有無飛放!
[attach]9400225[/attach]
交通:
今季深圳隊搬去大運會球場,只可呢個場實在太遠,由羅湖出發要成個鐘先到,出咗地鐵站仲要行廿分鐘先到!
而呢一日我為咗可以享受落馬州半價優惠,代價由福田口岸出發就要再用多半個鐘!:@

入場:
同之前去其他中超比賽一樣,本地人就要入埋身份証,同舊年一樣去到檢票之時,中佬show一show張home return card出嚟之後,無人知點攪,最後點咗我去人手檢查通道……結果都係登記唔到下被趕入場!

對賽隊伍:
深圳佳兆業︰今年深圳佳兆業升班之後就不停招兵買馬,除咗本土球員之外,外援保留兩屆中甲神射手,哥倫比亞前鋒普雷西亞多,二月亦買入咗兩位挪威國腳卡馬拉同塞爾納斯,另外再加一位塞內加爾中堅姆本格。

河北華夏幸福︰呢隊波名氣最大嘅當然係阿根廷世界杯國腳馬斯查蘭奴,仲有另一位阿根廷前鋒拿維斯。華人球員之中就有前富力隊長,中佬十分羨慕佢嘅姜至鵬!
但呢隊波舊年下半季開落watt,只係中游份子完成一季。

大運會體育場:
2011年先起好嘅大運會體育場,應該係全中國一個比較新嘅大球場,安檢後入場,通道同示牌亦都好企理……
好快就到自己個位,座位好乾淨,而由座位望向成個球場都好開揚,雖然唔係最貴位,但都唔錯!再加上成個場都有360度上蓋,草面亦十分平滑……中佬只可以講大運體育場係我去過大型體育館之中,呢個場拍得住Toronto Roger Center同Tokyo Dome,至於越秀山同天河,再加上東較場,都係快X啲拆咗佢!:smile_15:
[attach]9400226[/attach]
[attach]9400227[/attach]
[attach]9400228[/attach]
[attach]9400234[/attach]開幕式︰
作為中超今屆開幕式,都係一啲音樂同跳舞加上燈光效果嘅表現,全長大概都只係半個鐘,現場睇大概係表達同深圳呢個城市發展過程有關。今晚表演嘉賓係香港人都識嘅胡彥斌,一曲之後又有其他主禮嘉賓,包括前深圳隊球員李毅同明星Angela Baby,再加個什麼宣誓,開幕式就完成!
[attach]9400229[/attach]
[attach]9400230[/attach]
比賽過程︰
上半場︰陣容公佈之時有少少怪,因為河北唔單止無用盡三個外援名額,而且射手拿維斯無入大名單,好在馬斯查蘭奴仍然係正選.....
河北完全唔理作客,一開波就採取主動,不過無咗拿維斯,似乎就無咗重心,因為無論係16號個黑人前鋒定係其他華人球員,射術都認真麻麻,起腳都係浪射。
而深圳就縮後啲打突擊,靠普雷西亞多去前面沖,果然都搏到一兩個威脅,只可惜未有入波!
大家搶咗十分鐘左右,深圳31號拉傷要換人,感覺之後兩隊都拖慢咗個節奏。拉慢嚟打河北就憑較好嘅組織,再加上馬斯查蘭奴派牌,控球指數完全佔優,不過問題係埋門一腳太渣,喺禁區頂搓嚟搓去好似好有威脅,但實際一起腳就幫深圳解圍。
去到三十七分鐘左右就有突破,河北嘅16號由左邊推入禁區,去到窄位起腳,本來呢啲波只要龍門封好位,無乜機會入,點深圳個龍真係封唔晒位,結果手頂之上入波!
去到補時,正當所有人以為河北會半場領完之時,深圳喺左邊界外攪在一輪,但波突然間傳到禁區頂,挪威國脚塞爾斯納直射龍門右下角入網……就係咁兩隊又打和返入更衣室!

半場中佬去個洗手間之餘,都睇吓有咩睇,最多人圍住係青島啤個檔口,不過睇唔到幾多錢一杯,我入場之時見到有兩個女仔穿住青島啤制服,以為呢度學Tokyo Dome有啤酒妹賣酒,原來呢兩氣啤酒妹都只係縮返喺檔口入面賣酒。
另外都有汽水賣,不過比起越秀山就真係貴好多,一杯可樂15蚊人仔!
[attach]9400231[/attach]
下半場︰開波之後,維持返上半場20~30分鐘時嘅節奏,只係由馬斯查蘭奴控制嘅中場,佔有比上半場更大嘅控球權,本身深圳中場組織力已經唔夠,想做球上去,去到半場已經俾馬斯查蘭奴破壞,再組織反擊,於是深圳又唔敢壓太上,但另一邊河北只係贏形勢,前面幾個前鋒包括入波嘅16號都係廢廢地,最後形成膠著惡性循環!
去到80分鐘左右,當大家都以為今場波會打和完場之時,河北就撳掣希望摶三分,換多個黑人前鋒入嚟,果然一入嚟就嚟深圳禁區做成險象,不過河北實在太大意,上晒去攻之後俾深圳一個突擊,個波大腳吊上前面,過咗馬斯查蘭奴頭,由普雷西亞多「單挑」河北兩個後衛,普雷西亞多攞到波之餘仲擺脫咗兩個後衛,跟住就要証明佢兩屆中甲神射手嘅實力,禁區頂起腳,個波右上角掛網而入!
全場立即陷入瘋狂狀態,以中佬嚟講,呢一球係世界波,但以本地深圳球迷呢一球好有機會帶來7年以來首場中超勝仗!
本來打和都唔收貨,依家輸埋河北更加要谷晒上去,結果又俾深圳打突擊,今次就係禁區犯規,河北個4號仲兩黃一紅出埋場!而深圳亦唔客氣,同河北釘埋「最後一支棺材釘」,塞爾納斯罰球直射彈楣底入,3:1!
跟住都已經係垃圾時間,河北再有一兩腳射門,但都唔係太大威脅!最後球証吹場雞,深圳佳兆業亦都為現場球迷送上最佳開季禮物!
[attach]9400232[/attach]
[attach]9400233[/attach]
全場最佳球員︰入兩粒嘅塞爾納斯!

入場人數︰下半場中段場館宣佈,入場人數為349XX人,
[attach]9400235[/attach]
總結︰
無可否認當中佬知道呢一場波,由原本預算100蚊變成要俾160蚊,真係有啲肉赤,不過當睇完之後又覺得真係值,食少三餐早餐補數!除咗因為深圳隊贏波,再加上一個咁有水準嘅球場之外,另外就係因為可以親眼睇到馬斯查蘭奴嘅演出!:lol

我並唔係阿根廷或馬斯查蘭奴嘅fans,而且無可否認,佢老哥已經唔再喺當年踢巴塞時嘅水平,不過佢今時今日就完全係「以柔制剛」,「四兩撥千斤」嘅踢法,將深圳嘅組織打亂,如果唔係最後10分鐘貪勝不知輸,深圳都幾難贏波。
今日見到馬斯查蘭奴,再唔係後生之時「幾X茅」嘅馬斯查蘭奴,反而係一個年老高手去到次一級聯賽,踢波唔再靠蠻力,而係用腦去睇穿對手想做乜,每一吓快對方少少去「打荷包」,真係令中佬今次大開眼界!:smile_47:

不過除咗馬斯查蘭奴,河北華夏幸福整體實力都係麻麻,無埋拿華斯,前面唔係浪射就係浪射,真正有威脅真係唔多。後防件4號中堅今場已經見紅,佢在場之時亦係定時炸彈,對住速度型前鋒,走甩一次已經夠輸!

最後,本星期日大運會球場再見!

garyguard 2019-3-6 10:09 PM

我直頭是2011年深圳世界大學生運動會時去過這個場,當時是一個田徑競賽場地。


很大﹑超級大。而且個建築很新穎,所以當時都影了很多相留念!

-碌柚 2019-3-8 08:32 PM

球場係靚,但綜合場氣氛始終差d...

十二月田猛臣 2019-3-9 01:28 PM

其他國家新建大型體育館嘅功能,潮流同以前都唔同︰

1. 以前興起一啲「綜合式」大型體育館,好似美國當年起一些Dome球場,足球、棒球、美式足球,撈埋同一個場度打,主目係將場館用盡,但依就反而興「專門功能式」體育館,好似FC Toronto同美式足球Toronto Argonauts就搬咗去長方型的BMO Fields。 Seattle甚至把原來的Kingdome拆咗,棒球/美式足球各自起一個新球場!

2. 以前大型體育館唔少係起喺市郊,貪地價平可以有多啲泊車位,但自從Toronto Roger Center之後,好多球場又起返去市中心,唔再提供大量車位,改為以公共交通代替。一度係全美國最大型同完善嘅體育館Pontiac Silverdome,依家已經成為一個廢墟!:smile_27:


[quote]原帖由 [i]-碌柚[/i] 於 2019-3-8 08:32 PM 發表 [url=https://www.discuss.com.hk/redirect.php?goto=findpost&pid=495944559&ptid=28074948][img]https://www.discuss.com.hk/images/common/back.gif[/img][/url]
球場係靚,但綜合場氣氛始終差d... [/quote]

[[i] 本帖最後由 十二月田猛臣 於 2019-3-9 01:31 PM 編輯 [/i]]

震十方 2019-3-10 11:54 PM

[quote]原帖由 [i]十二月田猛臣[/i] 於 2019-3-5 11:10 PM 發表 [url=https://www.discuss.com.hk/redirect.php?goto=findpost&pid=495794559&ptid=28074948][img]https://www.discuss.com.hk/images/common/back.gif[/img][/url]
廢話︰
舊年見證完深圳最後一場逆轉奇蹟上中超一戰之後,今年當然會入場睇返幾場深圳佳兆業嘅比賽,而且今年中超仲揀咗深圳做今年開幕式嘅主場地,咁就要趁星期六上去見識吓!

門票︰
中佬窮X一名,門票通常都係買最平一款,本來深圳隊公布最平係60蚊,但由於呢一場係熱門比賽,所以加價到100。不過當我嚟到售票處之時,100蚊飛無得賣,只有再上一級嘅160蚊飛!嘩!X!搵笨七咩!?唉!肉隨針板上,16 ... [/quote]
多謝樓主用心分享!今日應該仲激情澎湃,90分鐘還落後1-0  竟然加時5分鐘裡連追兩粒 反勝!我估計現場氣氛一定好好!

十二月田猛臣 2019-3-11 02:35 PM

多謝 震兄 誇獎,噚日中佬都有入場,詳情就俾少少時間我,本星期內會有新post!
:smile_30:
[quote]原帖由 [i]震十方[/i] 於 2019-3-10 11:54 PM 發表 [url=https://www.discuss.com.hk/redirect.php?goto=findpost&pid=496050809&ptid=28074948][img]https://www.discuss.com.hk/images/common/back.gif[/img][/url]

多謝樓主用心分享!今日應該仲激情澎湃,90分鐘還落後1-0  竟然加時5分鐘裡連追兩粒 反勝!我估計現場氣氛一定好好! [/quote]

fb1074066 2019-3-26 12:10 AM

加油

hhl103 2019-3-30 01:05 AM

想睇下個周未, 山東對深圳, 唔知現場即時買飛仲有冇飛買.

十二月田猛臣 2019-3-30 10:44 PM

應該有,其實第二場入座率已經少好多,連第一場一半都無,即使有費蘭尼加強咗號召力,要爆一個6萬人的場,好難!

如果你真係去,之前上定佢官網睇一吓安排,上一場安排得好好,上午10點已經開售票處,我13:30左右去到,好快就買到票。

留意今場比賽係屬於熱門比賽,票價比較貴!
[quote]原帖由 [i]hhl103[/i] 於 2019-3-30 01:05 AM 發表 [url=https://www.discuss.com.hk/redirect.php?goto=findpost&pid=496992268&ptid=28074948][img]https://www.discuss.com.hk/images/common/back.gif[/img][/url]
想睇下個周未, 山東對深圳, 唔知現場即時買飛仲有冇飛買. [/quote]

-碌柚 2019-4-1 12:12 AM

拜完山直落去睇岩岩好。。
係咪答地鐵最方便啦?
仲有7點半開波,完場都9點半,羅湖趕過關有d敏水

十二月田猛臣 2019-4-1 07:43 PM

放心,佳兆業有接駁巴士出市區,上次去到大劇院只係40分鐘

如果都係唔放心,好似第一次咁,我哋22:30先到大運站,去到羅湖都係23:30左右,時間充裕

去程建議方法︰
1. 羅湖-->老街-->大運
2. 福田口岸-->少年宮-->大運
3. 深圳北-->布吉-->大運

:smile_38:
[quote]原帖由 [i]-碌柚[/i] 於 2019-4-1 12:12 AM 發表 [url=https://www.discuss.com.hk/redirect.php?goto=findpost&pid=497088332&ptid=28074948][img]https://www.discuss.com.hk/images/common/back.gif[/img][/url]
拜完山直落去睇岩岩好。。
係咪答地鐵最方便啦?
仲有7點半開波,完場都9點半,羅湖趕過關有d敏水 [/quote]

-碌柚 2019-4-8 02:39 PM

大運地鐵站落車之後,可以行大約1.5公里到球場,腳程大概20分鐘左右。
如果吾想行,就可以到地鐵站旁既巴士站上446,318線巴士,答4個站到大運中心,車費每位2蚊人仔。
今賽季深圳主場大多數係開19:35,如果有時間而吾想咁頻樸,可以係龍崗過一晚夜,附近有個超大型既龍地萬科里綜合廣場同深圳書城,值得一遊。

核心小水樽 2019-4-8 11:24 PM

ok wor

Undone 2019-4-8 11:35 PM

[quote]原帖由 [i]-碌柚[/i] 於 2019-4-8 02:39 PM 發表 [url=https://www.discuss.com.hk/redirect.php?goto=findpost&pid=497456837&ptid=28074948][img]https://www.discuss.com.hk/images/common/back.gif[/img][/url]
大運地鐵站落車之後,可以行大約1.5公里到球場,腳程大概20分鐘左右。
如果吾想行,就可以到地鐵站旁既巴士站上446,318線巴士,答4個站到大運中心,車費每位2蚊人仔。
今賽季深圳主場大多數係開19:35,如果有時間而吾想咁頻樸,可以係龍崗過一晚夜,附近有個超大型既龍地萬科里綜合廣場同深圳書城,值得一遊。 ... [/quote]


老老實實,上廣州睇恆大,富力時間都仲快過睇深圳

-碌柚 2019-4-9 06:56 PM

[quote]原帖由 [i]Undone[/i] 於 2019-4-8 11:35 PM 發表 [url=https://www.discuss.com.hk/redirect.php?goto=findpost&pid=497480572&ptid=28074948][img]https://www.discuss.com.hk/images/common/back.gif[/img][/url]



老老實實,上廣州睇恆大,富力時間都仲快過睇深圳 [/quote]

除左有d舊,無360天幕,d櫈日曬雨淋搞到污糟邋遢之外,天河凝聚力會比大運強,同聲同氣,個個講廣東話,好有親切感!
天河係正廣州新市中心,地鐵巴士商場食肆樣樣齊,球迷容易聚腳。相反大運係正高等校園同科技創新區,交通接駁無得同天河比,要坐爆6萬人真係幾難。。。

十二月田猛臣 2019-4-11 09:55 AM

其實都係,我有一次搭08:00巴士上天河,10:45已經到天體連飛都買埋!

由於呢排貪落馬州半價,所以由我屋企出門去大運足足要三個鐘......
但我計過,如果搭高鐵去深圳北,再轉地鐵去大運,最多都係快半個鐘,唔知有無師兄試過咁行!?

[quote]原帖由 [i]Undone[/i] 於 2019-4-8 11:35 PM 發表 [url=https://www.discuss.com.hk/redirect.php?goto=findpost&pid=497480572&ptid=28074948][img]https://www.discuss.com.hk/images/common/back.gif[/img][/url]



老老實實,上廣州睇恆大,富力時間都仲快過睇深圳 [/quote]

Undone 2019-4-11 01:11 PM

[quote]原帖由 [i]-碌柚[/i] 於 2019-4-9 06:56 PM 發表 [url=https://www.discuss.com.hk/redirect.php?goto=findpost&pid=497520432&ptid=28074948][img]https://www.discuss.com.hk/images/common/back.gif[/img][/url]


除左有d舊,無360天幕,d櫈日曬雨淋搞到污糟邋遢之外,天河凝聚力會比大運強,同聲同氣,個個講廣東話,好有親切感!
天河係正廣州新市中心,地鐵巴士商場食肆樣樣齊,球迷容易聚腳。相反大運係正高等校園同科技創新區,交通接駁無得同天河比,要坐爆6萬人真係幾難。。。 ... [/quote]


如果深圳主場搬返去舊果個,咁就方便好多。深圳,廣州我都成日去,兩到交通,食飯,娛樂都好多選擇,係大運遠好多咁解。

Undone 2019-4-11 01:13 PM

[quote]原帖由 [i]十二月田猛臣[/i] 於 2019-4-11 09:55 AM 發表 [url=https://www.discuss.com.hk/redirect.php?goto=findpost&pid=497607317&ptid=28074948][img]https://www.discuss.com.hk/images/common/back.gif[/img][/url]
其實都係,我有一次搭08:00巴士上天河,10:45已經到天體連飛都買埋!

由於呢排貪落馬州半價,所以由我屋企出門去大運足足要三個鐘......
但我計過,如果搭高鐵去深圳北,再轉地鐵去大運,最多都係快半個鐘,唔知有無師兄試過咁行!?

... [/quote]


大運我未去過,所以講唔到。但係如果去越秀山,由西九搭去廣州南,再搭地鐵2 號線唔洗轉線就去到紀念堂站,再行一陣就到球場。時間照計快過新界入長州
頁: [1]
查看完整版本: 中佬口水多過浪之 參觀應該係全廣東最佳球場