查看完整版本 : 有沒有人做過上市公司 ❌本 專業護理服務公司?

winsomewinsome 2019-3-10 12:25 AM

有沒有人做過上市公司 ❌本 專業護理服務公司?

我係依間公司做左3年, 如果要講真係有好多辛酸/ 令我覺得無奈既野可以分享比大家知:

1. Boss會親自打曬去部門每個同事到用威逼既語氣Chur數, 唔好以為老闆咁做係親力親為, 其實佢係會當你係狗咁鬧, 鬧到你無曬尊嚴. 當你回應佢既時候, 佢會叫你唔好駁咀.

2. 試過請病假, 佢親自打黎叫我: 你如果知道自己會病就早D同我請假, 唔好將工作同私人野撈埋一齊, 唔好等咁忙既時候先黎請病假. 連病都唔得.

3. Boss永遠覺得所有部門都係廢, 唔係做野既, 除左一直幫佢賺到錢既CS部門. 係入面做既感覺就係就算你好勤力好比心機做, 但係佢點都睇唔到, 仲會不停打擊你.

4. 我係course marketing既部門, 本身每個course都要開一個whatsapp group等D同學有野可以即時問我地, 同埋可以handle課堂安排. 已經有幾10個group. 之後boss仲要開多幾個group, group既作用係要黎鬧你, 佢認為員工必須要每條message都要睇到, 放工要覆whatsapp 要每日匯報工作進度, 所以我每日放工前都要打好大既一段野出黎, 內容打得少佢會話你無野做, 打得多佢會話你呃字數.

5. 我經常都見到HR interview, 每次最少in 10個人. 有一次請左個人做CS, 公司派左依位先生黎我地部門做marketing, 但係佢過往只有CS經驗, 但唔緊要, 咩都可以從頭學起. 有個job係要social media promotion, 點知果位先生話: 我從來都唔執相, 唔玩facebook, 之後收工走左, 結果係我要OT做埋佢果份. 姐係依到係會亂分配工作, 佢唔理你識唔識做.

6. 後來我有同事頂唔順resign, boss見我同我講叫我做埋佢果份, 佢負責既係場地租務… 要每日不停send fax, email, 同埋cold call.

最經典既係我resign之後發生既事….

7. 如果有睇上文Cindy既經歷就會知道我地走係需要留2個月同埋比反bonus出黎, 依2個月係我人生中最漫長既兩個月… 首先我地係要on shift 反工, 更表係由boss直接編, 依2個月我被編排每日反夜更 12:45-23:00, 同幾乎每個星期六都要反工. 反夜要負責鎖曬D門, 熄曬D燈, 仲要做埋姐姐的工作 “倒曬每間房垃圾” . 我唔係最遲收工果個, 因為仲有CS係到, 佢地都on shift. 有時都會諗點解自己要做到咁樣…

8. 之前反工積落D補假, 佢話要佢批先可以放, 但係每次申請佢都唔批, 話有野要跟唔準放. 之前明明係星期六或者有活動要你反, 會補反比你. 但係就變左強制唔比你放.

9. 成日話我地D野做唔到要減我地人工, 遲到要減我地人工 (所講既係佢口頭規定既時間 , 唔係合約上既反工時間), 用減人工威逼我地做野, 勞工處都話僱主係唔可以無故話減人工.

10. 有次boss係group到同一位同事講上課時間表要用新方法做, 方便計糧, 但唔關我事, 點知我做完timetable之後佢話我當佢之前講既野無到, 之後鬧我, 要我做反如果唔係無得收工, 但係佢講果個方法我完全唔知咩黎, 之後佢叫左我另一個同事入去, 叫佢做, 但係話要佢做完我先準走. 用依種方法逼我同我同事.

11. 我離職後 被分配到Reception, 但係我個位仲係房, D私人野都仲係枱同抽屜. 之後有一日我反工前同事whatsapp我叫我唔好入房 唔想我難堪….因為boss同曬所有人講改左新pw, 唔比我入去房, 但係大佬, 我D野全部係房, 電腦都有我既文件. 點知我同事話佢已經搵人將我抽屜枱面既野全部用膠袋pack好曬, 係完全無通知我既情況下…

12. 每日過左收工時間唔比我走, 每日都會諗新招玩我, 係依種環境之下, 真係會得抑鬱病. 有次佢又唔比我收工, 係咁同我嘈話唔比reference letter我, 唔會接受我提早走. 我打去勞工處, 勞工處話唔洗理佢, 公司唔通話叫個員工3日做枝火箭出黎, 員工點會做到, 唔通做唔到又唔比收工. 叫我唔洗理佢, 即刻走啦! 果次我深深覺得勞工處好有用, 因為有好多打工仔真係好多法例既野唔知, 又唔知點搵答案, 因而比僱主欺壓.

13. 最後Reference Letter唔比都算, 但係連在職證明依D基本文件HR都懶得比我, 同我講話: 係咁嫁喇, 係無嫁喇~

希望以上既資料可以比大家作為參考, 對我黎講就算董事點變動都好, 如果boss繼續用依種方法develop公司, 一樣係會有人受害. 但係我覺得boss的情況是一種病態/ 心理問題, 因為我都知道公司有時係會採取D非常手法, 但係此boss既心理真係有問題… 如果你係入面做過, 你會明白我講咩…

P.S. 如果你係想磨練自己成為工作上既 鐵人/ 被虐狂 的話, 你係可以試下應徵, 但係其實依個世界仲有好多選擇, 無需要比一間公司/ 一個boss 磨滅你對工作既熱情.

Thank you for your time to read my experience🙃🙃

198004 2019-3-10 12:29 AM

百本?

winsomewinsome 2019-3-10 12:31 AM

[quote]原帖由 [i]198004[/i] 於 2019-3-10 12:29 AM 發表 [url=https://www.discuss.com.hk/redirect.php?goto=findpost&pid=496002126&ptid=28083677][img]https://www.discuss.com.hk/images/common/back.gif[/img][/url]
百本? [/quote]

百❌ 專業護理服務 成日請人

winsomewinsome 2019-3-10 12:36 AM

[quote]原帖由 [i]198004[/i] 於 2019-3-10 12:29 AM 發表 [url=https://www.discuss.com.hk/redirect.php?goto=findpost&pid=496002126&ptid=28083677][img]https://www.discuss.com.hk/images/common/back.gif[/img][/url]
百本? [/quote]

佢地都有今日。當初我岩岩grad入去做,日日ot到11點55分,因為要趕搭尾班車先走。未過probat就見證走左60幾人

1. 星期一至五是但請一日假,個個星期六日會變左無薪休息日,換言之,請一日假扣三日錢!

2. 西小姐口口聲聲話佢4x歲,一日未嫁都要叫佢小姐,唔準叫女士!投訴合作機構既website叫佢女士,逼人改返做小姐

3. 日日人格侮辱,講到你地底泥!話自己咁高質,d員工咁低質先幫人打工!

4. 話要員工夾返電費,因為員工廢要ot搞到電費貴!

5. 要員工屈d姑娘食case,仲意圖要員工做假證供!

6. 小額錢債d官次次都鬧代為上庭d員工: 又係你地公司?連磋商時間,d法庭主任都會提醒姑娘唔係一定要接受和解的!因為根本告到最後會撤銷!西小姐目的係要以法庭信令d姑娘驚,然後主動比錢和解!如有姑娘唔肯和解,到最後都係會撤銷,然後等西小姐發落,睇下幾時再翻告!

7. 因有業主叫佢系小姐,佢就逼員工打去比業主講粗口!

8. 之前搬左office,話叫d同事幫手吸甲醛!

9. 一遞信就即刻出warning letter比你,逼你一係調去其他dept,一係即走,即走就會比返封好簡短既工作證明比你,唔即走就以後有人ref check都會寫到你勁衰!

10. 親眼見證營運經理謝x婷填舊同事銀行寄黎的ref check,謝妙x剔哂最差,然後話邊個叫對方當初resign!

可能你地會問點解#1無人報勞工處,垃圾勞工處話條例白木無問題,令百本更肆無忌憚!

咪再羊入虎口!抵制呢間垃圾公司!

lazysonic 2019-3-10 10:54 AM

[quote]原帖由 [i]winsomewinsome[/i] 於 2019-3-10 12:25 AM 發表 [url=https://www.discuss.com.hk/redirect.php?goto=findpost&pid=496001941&ptid=28083677][img]https://www.discuss.com.hk/images/common/back.gif[/img][/url]
我係依間公司做左3年, 如果要講真係有好多辛酸/ 令我覺得無奈既野可以分享比大家知:

1. Boss會親自打曬去部門每個同事到用威逼既語氣Chur數, 唔好以為老闆咁做係親力親為, 其實佢係會當你係狗咁鬧, 鬧到你無曬尊嚴. 當你回應佢既時候, 佢會叫你唔好駁咀.

2. 試過請病假, 佢親自打黎叫我: 你如果知道自己會病就早D同我請假, 唔好將工作同私人野撈埋一齊, 唔好等咁忙既時候先 ... [/quote]
有做過呢間野(我指加盟既護士/pca)
都知呢間野有幾垃圾,管理系統差到無倫
又成日做陰質野

估唔到佢對員工可以差到咁
早走早著

祝你重新展開,加油

winsomewinsome 2019-3-10 12:47 PM

[quote]原帖由 [i]lazysonic[/i] 於 2019-3-10 10:54 AM 發表 [url=https://www.discuss.com.hk/redirect.php?goto=findpost&pid=496012909&ptid=28083677][img]https://www.discuss.com.hk/images/common/back.gif[/img][/url]

有做過呢間野(我指加盟既護士/pca)
都知呢間野有幾垃圾,管理系統差到無倫
又成日做陰質野

估唔到佢對員工可以差到咁
早走早著

祝你重新展開,加油 ... [/quote]

什麼陰質野可以分享一下?

is_franco 2019-3-13 10:06 AM

[quote]原帖由 [i]lazysonic[/i] 於 2019-3-10 10:54 AM 發表 [url=https://www.discuss.com.hk/redirect.php?goto=findpost&pid=496012909&ptid=28083677][img]https://www.discuss.com.hk/images/common/back.gif[/img][/url]

有做過呢間野(我指加盟既護士/pca)
都知呢間野有幾垃圾,管理系統差到無倫
又成日做陰質野

估唔到佢對員工可以差到咁
早走早著

祝你重新展開,加油 ... [/quote]
我朋友係護士
都這這間好差


冇做了
只懂賺錢
冇良心

winsomewinsome 2019-3-13 12:20 PM

[quote]原帖由 [i]is_franco[/i] 於 2019-3-13 10:06 AM 發表 [url=https://www.discuss.com.hk/redirect.php?goto=findpost&pid=496166401&ptid=28083677][img]https://www.discuss.com.hk/images/common/back.gif[/img][/url]

我朋友係護士
都這這間好差


冇做了
只懂賺錢
冇良心 [/quote]

CEO 血汗工廠

milktmn 2019-3-15 10:55 PM

謝謝分享,十年前做過,好快轉左卓X果邊…

winsomewinsome 2019-3-15 11:00 PM

[quote]原帖由 [i]is_franco[/i] 於 2019-3-13 10:06 AM 發表 [url=https://www.discuss.com.hk/redirect.php?goto=findpost&pid=496166401&ptid=28083677][img]https://www.discuss.com.hk/images/common/back.gif[/img][/url]

我朋友係護士
都這這間好差


冇做了
只懂賺錢
冇良心 [/quote]

我試下中立講件事, 我講返一兩年前個情況 
你一入去間公司就會要你簽份約話唔知你一兩年內都唔走得, 如果走既話就要陪一舊幾大既錢 
唔係話你提早一個月通知就 ok 個隻 bor, 係個段時間內 quit 你點都要俾 
間公司本身管理得幾差, 好多好多政治野, 個方向根本係做到人好唔舒服 
佢主要既業務係做 d 醫療既中介, 比如話老人服務既中介, 同網上補習中介個種差唔多, 但係 d 條款幾痌刻 
所以做佢 CS 係成日都會有好多好難搞既野, 同埋成日要幫公司告 d 護理員要佢地賠錢  

佢人工一向都出得高, 但係佢入面既野真係唔講得少, 大把人捱唔著陪錢要走 
所以佢年年都會請一班 intern 去做, 而唔洗講又係大把人陪錢走 

ps 勞工法例好似唔俾咁的, 所以佢會有另外一張 agreement 要你簽, 當然你覺得自己做慣 local firm 咩都唔怕既可以照去馬, 同佢玩到最盡

winsomewinsome 2019-4-9 06:30 AM

[quote]原帖由 [i]milktmn[/i] 於 2019-3-15 10:55 PM 發表 [url=https://www.discuss.com.hk/redirect.php?goto=findpost&pid=496298953&ptid=28083677][img]https://www.discuss.com.hk/images/common/back.gif[/img][/url]
謝謝分享,十年前做過,好快轉左卓X果邊… [/quote]
原來可以咁樣就大拿拿追返八萬蚊,你有沒有自己放棄了這個簡單的追討機會,白白讓D PK 老闆魚肉你自己😢😢😢😢

[url=https://wknews.org/node/1932]https://wknews.org/node/1932[/url]

各位打工仔事否會有疑惑,為什麼老世會以「方便出糧」、調職之類的原因,要求自己與另一間公司簽訂合約?而用另一間公司與自己簽訂僱傭合約,會否令自己離職時應有的保障,例如長期服務金等,消失得無影無踪?惟工新聞最近旁聽了一則勞資審裁署的案件,正正就是有僱主嘗試以用另一間公司的名義去避開員工應有的保障。

事主陳小姐,在被解僱時為百本專業護理服務有限公司的市場銷售部經理(Marketing Manager),指百本拖欠其長期服務金約八萬元。陳小姐指,她於2013 年12 月在百本工作,直到2018 年 12月被百本解僱,符合長期服務金的申索要求。而百本一方辯稱,百本與事主並非僱傭關係。百本一方指,百本的確與事主於2013至2014是僱傭關係,但後來則是「香港醫護學會」與事主建立僱傭關係,與百本無關,所以事主沒有追討長期服務金的法律基礎。

然而,這一切都是掩眼法。陳小姐稱,當時百本以「方便出糧」為由,要求陳小姐與「香港醫護學會」簽訂僱傭合約,而之後職位的名銜亦絲毫未變,以「百本」冠名。審裁官亦質疑,若果百本與事主並無僱傭關係,何以所有電郵,甚至連警告信都以「百本」之名發出?

實際上,惟工新聞翻查2017/2018 年度百本的中期報告,發現香港醫護學會(The Hong Kong Health Care Federation Limited)與百本人才培訓學院、百本集團均為奚曉珠(Hai Hiu Chu)實質控制,並且為「關係方」(Related Parties)。加上事主呈交勞資審裁署的資料,有合理懷疑百本是利用巧立明目開設分公司,以規避資方責任。

百本以為此計可以得逞,實情百本此舉似乎徒勞無功。實際上,只要滿足下列兩個條件,年資即以連續計算:

新舊公司為相聯公司

合約訂明的工作性質相同,且:

與事主所簽訂的合約與原有僱傭合約的條件等同 或;

不較原有僱傭合約為差

審裁官指,當初訂立法例時,正正考慮到當年有些酒樓老闆透過不斷「改名」,令僱佣關係在不滿五年就中斷,以避開長期服務金等責任。審裁官甚至指,若果百本與「香港醫護學會」為相聯公司,加上事主的職位一直是冠以「百本」之名,「百本一方勝算不高」。

勞工組譚亮英指出,十年前有一宗有關「相聯公司」的案件比較矚目。當時「海洋皇宮」倒閉時,曾經開記者招待會公開交代,並要求工人申請破欠基已金。然而,不久卻發現同一老闆在另一區開設另一家酒樓,備受爭議。譚亮英指出,同一股東、資本明顯是「相聯公司」,老闆以「相聯公司」去規避勞工福利時而有之。

事實上,百本一直在醫護界當中惡名昭著,除了一方面接醫管局一億外判生意,另一方面委任高永文作獨立非執行董事外,亦善於以不同手段跟員工撇清關係。早前惟工新聞就報導過,百本如何以假自僱來規避基層護理人員的勞工保障。老闆想縮數總有千百個理由,若各位打工仔遇到老闆威嚇,毋須自覺理虧,請即向相關工會查詢。
頁: [1]
查看完整版本: 有沒有人做過上市公司 ❌本 專業護理服務公司?