查看完整版本 : 純粹分享,求簽其實好準

joils 2019-3-13 03:52 PM

純粹分享,求簽其實好準

事緣上年八九月男朋友同我話因工作關係話要分開下,當時我好信佢,從來冇諗過有其他原因,大家冇嘈交冇特別嘢發生不和好地地,仲諗住俾時間佢處理。自己唔開心又想知同佢會點,於是開始問塔羅黃大仙天后觀音,總之上網見人話好靈的廟就會去,四五個月來都問過不下十幾次,當中都有同時問工作等等,我發現,喺感情姻緣問題上,可能我真係太想知答案,好誠心,開頭出來的簽兩次都係下下,之後一路求到的八成都話佢已有第二個,叫我唔洗諗佢,我地點分手佢用咩借口大家相處情況等等都講到出黎,之後問我自己自身感情,出來的答案也九成相似,以下係黃大仙求出來的:


黃大仙靈簽: 


第七十五簽:下下籤 倫文敘戲妻
婚姻豈可厭家貧、文敘夫妻兩拆分、
一旦首登龍虎榜、戲妻樓墜自身亡。


第六十一簽:下下籤 十二金牌召岳飛
十二金牌速召回、奸雄設計幾時灰、
可憐一旦功勞散、老少扶車不斷哀。


第七十三簽:上上籤 孫霖中狀元
夾道花香襯馬蹄、藍袍改換錦衣歸、
滿街紅粉皆爭羨、翹首芳名雁塔題。


第十四簽:中吉簽 陶淵明(蘇東坡)醉酒

為愛幽閒多種竹:買春賞雨在茅屋:
醉時臥倒杏花邊:怕聽鶯兒驚夢熟。


第六十簽:中平簽 李白醉和番書
和番醉筆似雲煙、日在長安酒店眠、
倘遇唐皇頒令召、重呼不上木蘭船。


簽 七簽:中吉簽 仁貴歸家
秋來征雁向南歸:紅葉紛紛滿院飛:
砧搗城頭聲切耳:江楓如火在漁磯。


其他在洪聖爺廟天后觀音等的簽,就咁睇字看似好好,例如:

喜事重重有 皆從春後來 

雲中一貴客 携手上天台 




其實都明示已有另一個,所以有時見forum有人話大仙或者其他廟求簽唔準,其實好睇解嗰個點捉簽文意思,我覺得自己問得巳經太過份,各位神明一而再再而三俾答案我都仲要問,結果答案次次係一樣,講到尾,只要你誠心,神明一定好肯俾指引你。我而家巳唔會再問同佢發展如何了,我講出來係提自己唔好再執迷,問卜求簽真係有其事

淳雅 2019-3-13 04:11 PM

多謝你分享簽文。
希望你能重新出發:loveliness:

明天會更好的 2019-4-8 10:12 PM

順奇自然
頁: [1]
查看完整版本: 純粹分享,求簽其實好準