查看完整版本 : 應該以阿仔開心為主定真係要向社會現實低頭

shanx2wong 2019-3-15 11:07 AM

應該以阿仔開心為主定真係要向社會現實低頭

我仔今年升小一,讀幼稚園嘅時候都係以開心方向令佢學習,我冇話特別操佢啲乜但係有比佢自己選擇上下跳舞呀畫畫音樂班等等
,升到小一發現功課學習同同學之間嗰個競爭好勁,佢默書長期唔合格,平時
明明係屋企溫默書係識而且用比較多嘅時間去溫,返到學校默出嚟就完全唔識我都唔知點好,又而日坐唔定,做功課又係教到我一頭煙。

但係佢係音樂上好有天份,一埋部琴仔到,就會坐定定成粒鐘自己彈,個段時間我就最放鬆。

口講就唔想競爭,你開心就得但係而家小學一年班嘅成績老師話感覺上都要留班,有時候唔係唔想個仔開心學習而係要符合到香港呢個制度根本就要狂操。:')

我依家真係兩難局面到底我繼續以我個仔開心為主啊,俾佢主力音樂,唔好迫佢,默書啊功課盡力就好,定係開始要操佢達到學校嗰個學習標準呢?:smile_42::smile_42:

appchan1003 2019-3-15 11:09 AM

幼稚園啱啱升上小一係兩個世界,真係會比較難適應,你又無好似其他人咁細細個就操佢,遲起步啦,你主力供佢學音樂啦。

littlebigmac 2019-3-15 11:10 AM

點樣知佢音樂有天份,你之前比去學鋼琴係正式學過興趣班?定係佢係亂彈個種?

keithkk2 2019-3-15 11:11 AM

喺香港一定要好有競爭力,其實學音樂唔係壞事,依家開始培養佢音樂條路都仲係好早姐,但小心變左係催谷音樂

shanx2wong 2019-3-15 11:13 AM

其實由細個有去珀c嗰個小小莫扎特教室玩,因為好得意嘅佢係用公仔講故事咁教音樂,個時就覺得阿仔好有天份。

kkleesmile 2019-3-15 11:14 AM

你有冇俾佢真係正式去學下鋼琴先你俾佢學一排睇下點先啦,因為可能正式跟老師又另一回事,我個仔就學左2年柏c,都係由小小莫扎特玩上去,到依家正式學琴,係好好多。

anniech1234 2019-3-15 11:15 AM

我自己就唔贊成父母太過催催谷嗰個成績啦,我以前就係,搞到自己情緒病,依家放開左,反而成個家庭重開心

levistse222 2019-3-15 11:17 AM

其實做得阿媽預辛苦,點解唔兩邊一齊谷,你就平幫佢補下公文式,操多d ,平時睇youtube英文,放假時候就催谷佢音樂,始終你應付唔到小學升班點係未來繼續讀書啊,無得放棄主要ge中英數學習囉

shanx2wong 2019-3-15 11:18 AM

[quote]原帖由 [i]kkleesmile[/i] 於 2019-3-15 11:14 AM 發表 [url=https://ladies.discuss.com.hk/redirect.php?goto=findpost&pid=496267843&ptid=28094872][img]https://ladies.discuss.com.hk/images/common/back.gif[/img][/url]
你有冇俾佢真係正式去學下鋼琴先你俾佢學一排睇下點先啦,因為可能正式跟老師又另一回事,我個仔就學左2年柏c,都係由小小莫扎特玩上去,到依家正式學琴,係好好多。 ... [/quote]


想問你仔仔幾歲?都係翻柏c學?有無試過其他地方學?我未正式帶過佢學過

edmondlee1818 2019-3-15 11:19 AM

我都想問你地俾2,3歲上音樂playgroup 係邊種,會點玩?

kkleesmile 2019-3-15 11:20 AM

[quote]原帖由 [i]shanx2wong[/i] 於 2019-3-15 11:18 AM 發表 [url=https://ladies.discuss.com.hk/redirect.php?goto=findpost&pid=496268015&ptid=28094872][img]https://ladies.discuss.com.hk/images/common/back.gif[/img][/url]



想問你仔仔幾歲?都係翻柏c學?有無試過其他地方學?我未正式帶過佢學過 [/quote]

我係上完小小莫扎特,好中意隻貝多芬熊仔,就好有興趣鋼琴,今年4歲幾就俾佢直接上柏c個優才鋼琴課程,佢翻到屋企係會自動練習,我仔仔對自己好有要求。

好慘呀 2019-3-15 11:22 AM

呢個家長講咩都無用,你自己想想自己能力先,你要佢細個開心沒問題,但佢大個了怎樣,你除非可以比佢一世衣食無憂,不然答案你自己應該知道的。

jl1008 2019-3-15 02:44 PM

正常來說就算在幼稚園開心教學,都應該會懂A-Z的字母及1-100這些,開心教學的意思不是不做功課不學東西,在於玩的情況下來學習.現剛小一,正常大部份都差不多,可能真的有很多孩子給怪獸家長操了很多才上小一,也不會說因這樣而跑不出來. 小女剛開始小一也差不多,衹是每星期六去金鐘的英國文化協會玩玩英文,上普通話班兩樣而已,其他就順其自然(當然也包括了音樂的鋼琴),一年級也維持中上,二年班就普通話改私人上門後,成績便突如其來去了前列位置,之後到現在上了中一平步青雲. 所以不用那麼快就怕, 或許衹是孩子小一未遇到合適的伯樂,既然音樂很有天份,或許去那些直資音樂小學也不錯(好像在黃大仙),專注發展音樂方向,做一個音樂專材都可以!(當然支出也會多很多,因是直資學校)

[[i] 本帖最後由 jl1008 於 2019-3-15 02:48 PM 編輯 [/i]]

黃金工程 2019-3-15 05:16 PM

[quote]原帖由 [i]shanx2wong[/i] 於 2019-3-15 11:07 AM 發表 [url=https://www.discuss.com.hk/redirect.php?goto=findpost&pid=496267539&ptid=28094872][img]https://www.discuss.com.hk/images/common/back.gif[/img][/url]
我仔今年升小一,讀幼稚園嘅時候都係以開心方向令佢學習,我冇話特別操佢啲乜但係有比佢自己選擇上下跳舞呀畫畫音樂班等等
,升到小一發現功課學習同同學之間嗰個競爭好勁,佢默書長期唔合格,平時
明明係屋企溫默書係識而且用比較多嘅時間去溫,返到學校默出嚟就完全唔識我都唔知點好,又而日坐唔定,做功課又係教到我一頭煙。

但係佢係音樂上好有天份,一埋部琴仔到,就會坐定定成粒鐘自己彈,個段時間我就最放鬆。 ... [/quote]

同競爭無關,就默書來睇,默書並非一種能競爭的事情。


照咁睇黎, 至少都要及格多10分,即七十一分以上,如果唔係,一係轉間無須識字的,一係就由疊埋心水學詐喎囉,如果唔夠實力,千祈唔好照升,以免夾硬升二年級,更深更難讀不來架喎!


免費教育就唔珍貴?覺得學習是不快樂?
都係基於學校上堂時是否出現"接收困難",坐太遠,聽不清楚,看不清楚,或者要去驗下有沒有讀寫困難,
再向學校確認是不是沒有教過他怎樣溫習默書。

黃金工程 2019-3-15 05:28 PM

[quote]原帖由 [i]好慘呀[/i] 於 2019-3-15 11:22 AM 發表 [url=https://www.discuss.com.hk/redirect.php?goto=findpost&pid=496268252&ptid=28094872][img]https://www.discuss.com.hk/images/common/back.gif[/img][/url]
呢個家長講咩都無用,你自己想想自己能力先,你要佢細個開心沒問題,但佢大個了怎樣,你除非可以比佢一世衣食無憂,不然答案你自己應該知道的。 ... [/quote]

無錯,細個開心,代不代表長大都開心? 好命的人就可以囉!
細個有玩開音樂,大個從事音樂就開心,其實,讀書真係很影響他彈音樂的時間,可能需要轉移去專門讀音樂的院校,先至可以盡情投入音樂的懷抱,免除一般學校的功課、遠離默書、謝絕考試壓力。

jl1008 2019-3-16 09:29 AM

[quote]原帖由 [i]黃金工程[/i] 於 2019-3-15 05:28 PM 發表 [url=https://ladies.discuss.com.hk/redirect.php?goto=findpost&pid=496284637&ptid=28094872][img]https://ladies.discuss.com.hk/images/common/back.gif[/img][/url]


無錯,細個開心,代不代表長大都開心? 好命的人就可以囉!
細個有玩開音樂,大個從事音樂就開心,其實,讀書真係很影響他彈音樂的時間,可能需要轉移去專門讀音樂的院校,先至可以盡情投入音樂的懷抱,免除一般學校的功課、遠離默書、謝絕考試壓力。 ... [/quote]

沒錯,既然音樂最合適孩子,便去那些專門音樂的學校. 體育適合便去專門體育,不用做太多學校的功課、遠離默書、謝絕考試壓力。這就可更發揮孩子獨有的能力,從而做一個專材的人!

orz_orz 2019-3-16 02:37 PM

[quote]原帖由 [i]shanx2wong[/i] 於 2019-3-15 11:07 AM 發表 [url=https://www.discuss.com.hk/redirect.php?goto=findpost&pid=496267539&ptid=28094872][img]https://www.discuss.com.hk/images/common/back.gif[/img][/url]
我仔今年升小一,讀幼稚園嘅時候都係以開心方向令佢學習,我冇話特別操佢啲乜但係有比佢自己選擇上下跳舞呀畫畫音樂班等等
,升到小一發現功課學習同同學之間嗰個競爭好勁,佢默書長期唔合格,平時
明明係屋企溫默書係識而且用比較多嘅時間去溫,返到學校默出嚟就完全唔識我都唔知點好,又而日坐唔定,做功課又係教到我一頭煙。

但係佢係音樂上好有天份,一埋部琴仔到,就會坐定定成粒鐘自己彈,個段時間我就最放鬆。 ... [/quote]

有無考慮過不在hk 讀書...

魚仔曲其 2019-3-16 11:57 PM

其實好多人。就算讀到四大大學。只要你五系精英中即精英。出來做也。都系好低工資。。。所以我即子女。都系順其自然。 爭取過就算。五會太上心。。。做精英有幾多個?

swbc 2019-3-17 07:57 AM

最緊要搵到適合小朋友的學習方法,學習效果就會事半功倍,到時主科和音樂就可以和平共存。否則就算日日狂操主科,都唔會有好成績。

yipb2002 2019-3-17 11:46 AM

[quote]原帖由 [i]shanx2wong[/i] 於 2019-3-15 11:07 發表 [url=https://www.discuss.com.hk/redirect.php?goto=findpost&pid=496267539&ptid=28094872][img]https://www.discuss.com.hk/images/common/back.gif[/img][/url]
我仔今年升小一,讀幼稚園嘅時候都係以開心方向令佢學習,我冇話特別操佢啲乜但係有比佢自己選擇上下跳舞呀畫畫音樂班等等
,升到小一發現功課學習同同學之間嗰個競爭好勁,佢默書長期唔合格,平時
明明係屋企溫默書係識而且用比較多嘅時間去溫,返到學校默出嚟就完全唔識我都唔知點好,又而日坐唔定,做功課又係教到我一頭煙。

但係佢係音樂上好有天份,一埋部琴仔到,就會坐定定成粒鐘自己彈,個段時間我就最放鬆。 ... [/quote]

點解要附和社會制肘
仔女得定唔得由天定
越迫只會搞得反效果
因壓力而自尋短見比比皆是

勸君莫催谷子女,成績欠佳但開心快樂未嘗不可

wsp 2019-3-17 07:04 PM

[quote]原帖由 [i]shanx2wong[/i] 於 2019-3-15 11:07 AM 發表 [url=https://www.discuss.com.hk/redirect.php?goto=findpost&pid=496267539&ptid=28094872][img]https://www.discuss.com.hk/images/common/back.gif[/img][/url]
我仔今年升小一,讀幼稚園嘅時候都係以開心方向令佢學習,我冇話特別操佢啲乜但係有比佢自己選擇上下跳舞呀畫畫音樂班等等
,升到小一發現功課學習同同學之間嗰個競爭好勁,佢默書長期唔合格,平時
明明係屋企溫默書係識而且用比較多嘅時間去溫,返到學校默出嚟就完全唔識我都唔知點好,又而日坐唔定,做功課又係教到我一頭煙。

但係佢係音樂上好有天份,一埋部琴仔到,就會坐定定成粒鐘自己彈,個段時間我就最放鬆。 ... [/quote]

恕我得罪講句
由頭到尾係你自己唔consistent
既然幼稚園你俾佢開心學習不求成績
小學點解要揀名校(同學間功課競爭激烈嘅小學多數係名校吧!)
如果係普通水平嘅平民學校
就算幼稚園基礎麻麻地都唔應該追唔上


其實我個女升小學時我都唔小心犯咗呢個錯誤
不過我揀嗰間小學並非因為佢係名校
而是因為離屋企最近
結果我個女全個小學階段都係全級尾二十名
到升中時用咗好多努力去補救
到現在中五都仲未完全補救得到之前錯誤嘅影響

[[i] 本帖最後由 wsp 於 2019-3-18 08:22 AM 編輯 [/i]]

足金鳩猴 2019-3-18 06:50 AM

千祈唔好埋沒佢天份

工廠男 2019-3-18 06:43 PM

[quote]原帖由 [i]shanx2wong[/i] 於 2019-3-15 11:13 AM 發表 [url=https://www.discuss.com.hk/redirect.php?goto=findpost&pid=496267805&ptid=28094872][img]https://www.discuss.com.hk/images/common/back.gif[/img][/url]
其實由細個有去珀c嗰個小小莫扎特教室玩,因為好得意嘅佢係用公仔講故事咁教音樂,個時就覺得阿仔好有天份。 [/quote]

其實你1時1樣,你先係最大壓力來源。先攪清楚自己諗咩。唔可以想1得2,小朋友會無所適從。

艾美蕭 2019-3-18 07:18 PM

覺得好多家長轉牛角尖,你覺得你小朋友次次唔合格會好開心咩? 仲問,幫佢啦。搵出問題原因,出去補習啦,定間學校唔夠關愛?你不是有80分上唔上90,或95如何考100分。係如何考60分呀。

Bunryuu 2019-3-19 03:35 PM

[quote]原帖由 [i]shanx2wong[/i] 於 2019-3-15 11:07 AM 發表 [url=https://www.discuss.com.hk/redirect.php?goto=findpost&pid=496267539&ptid=28094872][img]https://www.discuss.com.hk/images/common/back.gif[/img][/url]
我仔今年升小一,讀幼稚園嘅時候都係以開心方向令佢學習,我冇話特別操佢啲乜但係有比佢自己選擇上下跳舞呀畫畫音樂班等等
,升到小一發現功課學習同同學之間嗰個競爭好勁,佢默書長期唔合格,平時
明明係屋企溫默書係識而且用比較多嘅時間去溫,返到學校默出嚟就完全唔識我都唔知點好,又而日坐唔定,做功課又係教到我一頭煙。

但係佢係音樂上好有天份,一埋部琴仔到,就會坐定定成粒鐘自己彈,個段時間我就最放鬆。 ... [/quote]

如果阿仔音樂得 就乜L都唔好搞 主攻音樂

做醫生果個都唔會乜都識

到頭來樣樣半桶水

不過香港讀音樂 預左乞食系

再唔係好似我家姐咁 送哂去外國發展

預左唔會返黎香港搵食

鬼佬文化 唔駛搵得多 夠食就得

香港都唔知乜9文化 係都要扮中產

abeesi 2019-3-19 03:55 PM

達到社會標準同愉快成長學習其實無抵觸。做家長保護得小朋友幾耐,人大左始終要面對社會標準,唔通佢大個出來做事,一句快樂工作,就可以無視公司標準?

依家家長太極端,下下話學校要求高、唔合理,一句要小朋友快樂成長就視所有功課評估都係洪水猛獸,投訴、擺做,當正自己教育學家、教育心理專家咁。

我都唔贊成催谷、競爭,但如樓上講,默書其實係睇小朋友識幾多,又有人話默書呢d 死背既係無謂既考核,但適當既抄、寫、背、默,係對腦部既適當訓練。

說到底,你個重點其實唔應該只諗快樂定低頭,而應該係諗下點樣培養小朋友快樂地迎戰挑戰令自己達標。下下只講happy,佢往後人生點渡過?人生本來就不是日日快樂,事事稱心如意,標準亦不可能永遠「我就是標準」

你覺得要逼先令小朋友達到學校標準,咁即係你小朋友間學校水平係高過你小朋友能力,其實我勸你不如轉校,轉返間水平低d 既學校,咁未唔駛逼都達到標。正如你搵份工,明明職責係跑數sales, 你跑唔到,老細有微言,咁得兩個方法者:1. 想辦法令自己跑到數,做到職位要求 2. 轉行轉職,搵返適合自己既工種。兩個都唔想做,唔通要老闆為你拉低條線?

[[i] 本帖最後由 abeesi 於 2019-3-19 04:03 PM 編輯 [/i]]

abeesi 2019-3-19 04:07 PM

[quote]原帖由 [i]艾美蕭[/i] 於 2019-3-18 07:18 PM 發表 [url=https://www.discuss.com.hk/redirect.php?goto=findpost&pid=496436731&ptid=28094872][img]https://www.discuss.com.hk/images/common/back.gif[/img][/url]
覺得好多家長轉牛角尖,你覺得你小朋友次次唔合格會好開心咩? 仲問,幫佢啦。搵出問題原因,出去補習啦,定間學校唔夠關愛?你不是有80分上唔上90,或95如何考100分。係如何考60分呀。 ... [/quote]


樓主應該係覺得自己小朋友其實唔係差,係個制度問題,標籤左小朋友「唔合格」,所以佢係埋怨緊制度。

艾美蕭 2019-3-19 07:32 PM

[quote]原帖由 [i]abeesi[/i] 於 2019-3-19 04:07 PM 發表 [url=https://www.discuss.com.hk/redirect.php?goto=findpost&pid=496474415&ptid=28094872][img]https://www.discuss.com.hk/images/common/back.gif[/img][/url]



樓主應該係覺得自己小朋友其實唔係差,係個制度問題,標籤左小朋友「唔合格」,所以佢係埋怨緊制度。 [/quote]
點解要二揀一? 樓主小朋友不是因為音樂廢寢忘餐,無溫書。相反是有溫書但成績未如理想。

九龍塘宣道聽講是一間學術又好,學生音樂亦好的學校。好多學生中學入聖喇拔,所以兩者是無衝突。音小都好架。

樓主一係就幫個仔進修,一係就接受他學術是弱。停止介意他默書唔合格,培養他其他成就。

III 2019-3-22 02:40 AM

你想個仔將來做一個咩人??


想佢有張入場卷? 想佢名成利就? 想佢飛黃騰達? 想佢踏踏實實?


我自己就只求佢做好自己唔好做個為害社會既人姐,睇下呢個世界幾多讀好多書但係不停出賣、傷害人既高官豬? 佢地係好多錢,但我唔想我個仔成為一個咁樣既人。


但首要條件係我個仔能夠平安、健康咁長大,如果佢係頂樓跳左落黎,我谷到再勁都無用。唔係谷左一定跳,不過有咁既機會我都唔想有姐。


呢幾十年黎,被催谷既人有幾多人? 其中有幾多%可以飛黃騰達? 而家香港人既快樂指數又有幾多? 有幾多成人唔滿意自己既工作? 催谷佢十幾廿年就係為左要佢大左去做一份佢唔鐘意既工作到死果日? 我知現實係殘酷,(為興趣唔洗食咩?!?!) 咁難道一份普通工作可以令你好滿足同時又能養家? (所以咪要谷佢,做專業人士囉) UM.....你望下醫院果D醫生! 無工作係容易,仲存在既工種都有佢既用處。


唔催谷唔代表你由佢HEA,而係應該提供適當既學習方法比小朋友。點樣為之適當方法就要靠父母既觀察、引導佢去搵人生目標 (咁樣就唔會細個開心大個傷心)。

[[i] 本帖最後由 III 於 2019-3-22 02:42 AM 編輯 [/i]]

cecnl 2019-3-23 10:51 AM

我的經驗是在現實和開心學習中找個平衡. 好多家長認為開心學習就係唔谷=唔返學術班甚至興趣班. 但香港教育實況係幾乎所有本地/傳統學校都係某程度谷的, 分別是大谷、中谷or小谷.


在幼稚園其間就應該搵D興鬆學習的, 不是hea教但又不是催谷回家要做好多功課溫習個種外補班, 使小朋友在外補個過程中都是輕鬆學習的, 咁小朋友就會享受學習的過程和有成功感, 亦使上小學時唔駛追得咁辛苦.
頁: [1] 2
查看完整版本: 應該以阿仔開心為主定真係要向社會現實低頭