查看完整版本 : 【常公子近代史】第199回

常公子2 2019-3-15 11:50 AM

【常公子近代史】第199回

[attach]9437324[/attach]

【常威近代史】(一百九十九回)
袁世凱平反系列

義和團暴動爆發,八國聯軍登陸大清,真正八國咁亂。呢個時候,袁世凱接到出兵指示去對付八國聯軍,但係佢睬你都傻,決定按兵不動,留響山東。佢嘅理由係自己嘅軍隊尚不足防衛山東,邊有餘力出精?但為咗敷衍上頭,佢答應派遣3000人入北京防衛,但講還講,最後呢3000人都以訓練不足為藉口冇出發到。

袁世凱係聰明人,佢睇通曬當時嘅政治形勢。佢明白義和團之亂,只係保守派向豆斗奪權所引發嘅一場超級政治災難;而且佢心知肚明,就算自己嘅新軍點勁都好,要面對八國聯軍,就祇有死路一條。結果由榮祿揸Fit嗰支「武衛軍」硬砌入京嘅八國聯軍,最後果然全軍覆沒。唯一留低嘅,就係袁世凱喺山東按兵不動嗰支20000人嘅「武衛右軍」(亦即係新軍)。

響山東期間,袁世凱並無執行到上頭「盡殺洋人」嘅指示,而且積極保護各國領事同埋傳教士,盡殺中國人義和團就有,洋人係愛嚟保護嘅。亦係依個原因,之後各國洋人對袁世凱嘅印象非常之好,覺得佢係大清帝國國內一個有理性嘅正常官員(因為其他人實在太唔正常太冇理性),為佢日後飛黃騰達之路打下深厚基礎。

1900年8月15號,八國聯軍入京,慈禧太后著草去西安,東南互保生效,大清帝國政權接近玩完狀態。由於東南互保,南方置身其外;留低嘅北方,剩低可以話事嘅人就變咗唯一擁有強大武裝力量嘅袁世凱。於是袁世凱同八國聯軍配合,一齊維持清帝國北方嘅基本秩序。袁世凱亦都返天津坐鎮,喺呢段時間,甚至打開咗天津邁向西方現代化城市之路。

我有理由相信,袁世凱一直嘅動作,背後都有豆斗暗中支持同指示,如果冇,佢實在太聰明太smart,一個咁聰明咁smart嘅人,如果畀佢做皇帝,其實係中國人嘅福氣。以當時嘅情況,以袁世凱嘅軍事力量,如果佢肯傾佢肯搞,響北方取代清帝國皇權自己話事,割地建立一個軍政府,其實話都冇咁易。

但係我講過,袁世凱基本上係一個有情有義、真心擁抱中國文化仁義道德嘅大人物,絕對唔係孫中山蔣介石毛澤東之流。喺慈禧流亡期間,袁世凱都冇放棄過佢,而且一直忠於大清國,我哋叫呢種人叫有始有終。慈禧喺西安嘅時候,袁世凱一直送錢送兵過去,全力保住大清皇權。之後1902年慈禧太后從西安返回北京重新執政,袁世凱更派出軍隊護駕、迎駕。從此以後,袁世凱就成為慈禧太后嘅心腹大將。

1901年,李鴻章死,1902年5月,袁世凱做咗咁多嘢,終於有回報,一登龍門,昇價十倍。佢被慈禧太后任命為直隸總督兼北洋大臣,取代榮祿原本嘅位置,大佬榮祿退位讓賢,做返戶部尚書,繼續拍住上,左右門神護住慈禧,執行大清現代化新政。

補充一個史料,同年榮祿先生將佢個女,嫁咗畀光緒皇帝嘅細佬載灃,之後生咗個細路仔,叫末代皇帝溥儀。榮祿先生亦係1903年歸天去見勞爾哈赤。

有人話,袁世凱機心好重,係一個終極擦鞋仔,用盡各種手段取得慈禧太后嘅信任。講呢啲嘢嘅人,個大腦生喺屎忽度,用第三隻眼屎眼看事物。槍桿子出政權,當時袁世凱有兵在手、20000名擁有符合西方標準戰鬥力嘅新軍在手。其實佢想點玩都得,擁護慈禧又得,自己稱帝都得,得咗!佢冇自立為王,其實就係忠誠嘅表現,亦係愛國嘅表現,咁樣做仲要俾人抹黑成為擦鞋仔?中國人嘅思想方法的確係好撚奇怪,怪唔知得之後嘅大量災難,其實係自己攞嚟,與人無尤。

呢個世界最慘嘅就係,身邊信得過嘅人你唔信,偏偏去信一啲只會講漂亮說話嘅老千同埋騙子,最後俾人呃曬成副身家,仆街杏加橙,叫自作孽!

#常威💀 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前的第一次改革開放》電子書
[url]https://play.google.com/store/books/details?id=_6KMDwAAQBAJ[/url]

[attach]9437325[/attach]

【常威近代史】第一部《大清亡國關慈禧蛋牛治》電子書
[url]https://play.google.com/store/books/details?id=C3hjDwAAQBAJ[/url]

【常威近代史】第一部《大清亡國關慈禧蛋牛治》實體購買
[url]https://www.382now.com/product?id=87[/url]
頁: [1]
查看完整版本: 【常公子近代史】第199回