查看完整版本 : 恐怖唐樓 12已更新(含粗口暴力慎入)

大醒水 2019-3-21 08:10 AM

恐怖唐樓 12已更新(含粗口暴力慎入)

超自然小說系列 ~恐怖唐樓

積善仔在初出茅廬時,一次跟同事們午飯,席間如常談天說地,突然席間一位男性中年高層痛哭起來,眾人驚訝並紛紛關心高層起來。話說如此,高層一家五口剛搬進紅磡新居,但怪事頻生,老掉牙的故事是半夜有怪聲聲,物件突然跌落地,而最詭異的是兩歲小男孩經常望著天花板痛哭,最相信大家都估到什麼事,據男孩子所述,是有長髮妖魔從天花板緩緩降落並伸出長舌戲弄!同事間聽到無不膽顫心驚,突然感到一陣寒意,有位輩份高的師奶高層便好言安慰,說找師父去捉邪治鬼便可。席間有一同事叫丙強,自告奮勇要去幫手捉鬼,因丙強在三個月前投入了道教某門下,自恃天資極高而初生之犢不畏虎之勇。故在即晚丙強與積善也到了男高層的家,為什麼積善要去?是大老板說:「積善你去睇住,以防丙強治治下鬼飛左落街。」,積善唯唯諾諾說好,但心想若落街是我便大鑊,於是一行三人便在收工後出發紅磡。

高層家住紅磡唐三樓,貪其地方夠大,三個小孩有足夠空間玩耍,在一路上樓梯,發現到丙強的手很震,聽他說是師父到的特徵,積善也不甘示弱,手脚都震,因為驚到抽筋,很害怕會見到那長髮妖魔,當年貞子電影的恐怖一直影響很多人。一路行樓梯,一面感覺到很寒冷,很驚。。。

欲知後事如何,請收看下一集

恐怖唐樓~2

男高層一馬當先走在我倆前面,自信的丙強則唸唸有辭,可能佢已經嚇到傻左,平時喺公司沒地位既佢而家扮演緊救世主,而積善仔我兩手拿著沉重開壇用的東西,變身做了書僮,心内在暗罵著丙強的不智。這唐樓很殘舊,有陣臭晦氣,相信有幾十年歷史,老實說,話有疆屍喺道我都信,我一路一級踏步向上,壓力大得透不過氣來,好想食口煙。

很快,來到了唐三樓,門口貼了不知名符咒,應該是男高層貼上求平安吧,男高層跟丙強說:「嗯,阿丙,我可以唔入去嗎?今日通勝話沖牛。。。」,我立即急回應說:「對,我今日都沖沖地,不如我落去叫兩枝大生力等你。。。」,丙強義正詞嚴說:「屌你唔得呀,幾多人來,幾多人走呀!」,拉拉扯扯一番之後,高層不情願地開了門,暗黑中亮了燈,嘩!原來是裝修精緻的家,一行三人你推我讓地入到屋内,性急的丙強立即把香爐,金錢劍,符和一大抽不知名東西拿出來在大廳佈陣,而男高層在卻默不作聲,站在一旁像太監小季子一樣,平時開會則句句問候老媽。而積善仔我站著望著大廳,瞳孔放大,咬著嘴唇,在牛仔褲袋拿出純沙龍,焦油是八毫克,心跳超過每分鐘一百三十下,我為了令場面更加煙霧迷漫而劉華地點煙一抽。「喂x街積善仔,唔好喺度食煙,要食去廚房。。。」男高層語未畢,突然飄來女人的歌聲。。。很憂怨。。。
「同是過路,同做過夢
本應是一對
人在少年,夢中不覺
醒後要歸去~~~]
[嘩呀呀媽呀!!!!」男高層掩耳跪下大叫,我也給嚇得目定口呆,手上那沙龍以每秒100次地劇震,「哇。。。呀!」我終於破了入定而大叫了出來,「唉呀!對唔住呀!係我電話響,唔巧意思!」丙強面帶歉意並在牛仔褲袋中拿出新潮 的Nec db2000手機關掉。「頂你個肺!差D比你嚇到瀨屎呀!死x街!」憤怒的男高層握著拳頭向丙強怒吼著!,「sorry呀 ! Paul哥!」一面無奈的丙強死狗地道歉。忽然,我發現 Paul哥頭項上,有些黑色布慢慢地吊下來,不是布料!是頭髮來的!接著我的左耳同時劇烈嗚叫!「bee!!!!!!!! 」的聲音在我耳邊響起!我突然驚覺猛然醒起是恐怖野出沒了!媽呀如來佛祖!唉呀!我全身不能動,這一刻時間像停頓了一樣!眼望著那黑頭髮緩緩地吊下來 ......


超自然小說系列 ~恐怖唐樓 3

雨點般的冷汗在我面頰旁流過,身體仍然無法動彈,我眼澄澄看著那把烏黑長頭髮緩緩地「嘞嘞」聲落在 Paul哥的光秃頭頂上,「嗯?」戇居居的 Paul哥終於發現光頭上有異,正想朝上面看個究竟之際;「何方妖孽!竟敢在此撒野!」勇猛的丙強大喝並使勁把精鋼香爐擲過去詭異黑長頭髮那方,"啪"一大聲!「唉呀!!!!」可憐的Paul哥嗚咽慘叫而倒地不起,原來如子彈般的精鋼香爐正正打中在他額上!這一刻我突然感到丙強是故意報復的,實在聰明之極!

[可惡!」丙強立即飛三道黄符去黑頭髮那方,當黄符觸到黑頭髮後,黑頭髮竟在燃燒,發出陣嘔心的燒焦味道,當黑髮在燃燒向上成灰時,背後竟呈現一個令人心寒的恐怖人頭,配合單眼皮的血紅雙眼在盯著丙強,其面色極蒼白,極個怪頭飄在大廳上方,牠突然微笑並咧開其血盤大口,伸出三呎長紫色長舌,像眼鏡蛇蛇一樣向丙強擺舞著!「媽的!難怪小孩子嚇個半死,真的不當場失禁已經很勇敢了!」我心忖。突然那恐怖魔頭慢慢轉過來看著我,並慢慢向我飄過來!

[救命呀!!」我嚇得急叫出來,但身體仍然不能動,雙指夾著的型格沙龍在奢侈地燃燒著,而可憐的Paul哥則倒在地上繼續昏死過去。悲憤莫名的丙強望著戰傷倒地的悲慘同胞,感到憤怒起來了,手中結印,而口中唸急咒並左脚大力踏地:「師公請助我!」,突然間,我看到平時宅到爆炸的十九丙強身體發出耀眼的白色光芒,像天兵降臨一樣威武!而同時那恐怖妖魔頭也嘞嘞聲響地,在頸下慢慢生長出了鮮紅衣服的身體。

[[i] 本帖最後由 大醒水 於 2019-4-14 09:30 PM 編輯 [/i]]

大醒水 2019-3-21 08:11 AM

恐怖唐樓 4

數百年前,英俊不凡的富商在迷戀一位歌妓,這位歌妓擁有一雙漆黑清澈的大眼睛,柔軟飽滿的紅唇,嬌俏玲瓏的小瑤鼻秀秀氣氣地生在她那美麗清純、文靜典雅的絕色嬌靨上,再加上她那線條優美細滑的香腮,吹彈得破的粉臉,活脫脫一個國色天香的絕代美人。

兩人渡過了難捨難離的數個月後,好景不常,東窗事發,富商的妻子發現發了奸情,她絕不是省油的燈,其娘家背景是土豪一族,富商白手起家也是靠其妻娘家之助。「賤女人!賤女人!」瘋了的元配發狂的用鞭向歌妓身上在抽打,「救命呀!我知道錯了!求你放過我吧!嗚!」悲慘的歌妓在哀求。元配一手扯著歌妓的長髮,用脚踩著她的背,在用力扯,「嗚呀呀!!!」元配竟一手頭髮連頭皮也扯掉,很殘忍!「唱歌好聽嘛?人來!!」大漢走向歌妓,粗暴的巨手握向其粉面蛋,「把這賤人的舌剪去!!」失去理智的元配在吼著。「嗚!!!!!」歌妓叫不出來,大漢剪刀閃速合起,鮮血亂噴,嬌舌在地上擺動著。痛苦的歌妓掩著嘴在地上滾動。「哈哈哈!看你這個模樣,一生也不可能跟我爭老公!」元配在狂笑「將她手脚都打斷,掉在茅廁中!讓她天天吃糞飲尿!」」,結果歌妓手脚都給打斷,給掉在茅廁坑中,痛苦地跟糞和穢物在殘存著,過了幾天,終於解脫地離開了。狠心的元配竟命人用缸把屍首封存,再找來法師,將其靈魂囚禁在缸,循環經歷痛苦而不得超生!這缸一直在封存在地底,叫天不應!

數十年後一天晚上,這缸給欲埋藏珠寶的大盗意外挖出,幸運地怨靈得以逃出,不停嚇人害人以吸收人氣,自此怨靈功力日增,數百年後竟去到成妖成精的地部。


鏡頭一轉在大廳,混身白光的丙強口中唸唸,手作掌狀,大喝「妖孽!吃我一記觀音掌!」。這邊紅衣人頭已展示其人型,一把長髮及腰,面上配著沒有瞳孔的紅色眼睛,長舌仍然在擺動,詭異恐怖的微笑正盯著讀者們!

請支持下回恐怖唐樓5

大醒水 2019-3-21 08:13 AM

恐怖唐樓 5

上回提到,丙強打出觀音掌,究竟能否擊退惡鬼呢?

丙強發出觀音掌,其掌力強勁直逼惡鬼,惡鬼咧嘴在笑不避站著,「砰磅」!震耳欲聾一聲,嘩!成功了!惡鬼給掌勁打到無影無蹤。「勁呀!」積善大叫。「yeah! ] 丙強在雀躍。但只開心了兩秒,在天花板又生出許多頭髮,也發出詭異而淒慘的嗚嗚聲,「嗚。。。嗚。。。」剪舌聲的慘叫聲在播放,同時在積善的脚下竟長出頭髮纏繞其脚,緩緩地一直往佢身上生長,「哇!唔關我事架,要搵便搵阿 Paul報仇呀,間屋佢買架,佢同佢老婆名架,我無份架!」積善哀求急嚷道。「啪啪啪!」突然有人這個時候大力拍門,頭髮結界突退去,眼前幻象消失了,積善立即飛奔去門口。一開門,x街了! 係成班差佬!「而家收到投訴有家暴事件,立即開門!」說話的是 Bonnie(詳程見紙皮神算), 只好就範開門,「條友咩事呀?成頭血訓喺度,你兩個殺人呀?立即爬埋牆!」警察喝道。結果 paul哥被直送到醫院,昏迷不醒,而丙強則飽嚐鐵窗風味,因為香爐係丙強擲出重創 Paul哥,所以警方正式落案畜意傷人起訴丙強,積善則給釋放。

[積善,你一定要幫我搵最好既律師打官師呀!」鐵窗中的丙強說,「丙強你放心,誤殺最多坐廿三十年。十八年後又一條檬撚,到時你出來便可以攞生果金,安享晚年了。」積善說罷便轉身離去,悲傷的一顆淚滴流在丙強的面頰。

積善走到街上,心中忐忑不安,恐怖鬼魅影象在心中揮之不去,走到廟街,突然在街見到一個檔口,有一把旗幟,上面寫著「驅邪治鬼,占卜星相 --算一手」,在檔口坐著的地中海肥佬,正向著積善招手。

欲知後事如何。還看下回分解!

[[i] 本帖最後由 大醒水 於 2019-3-21 08:19 AM 編輯 [/i]]

大醒水 2019-3-21 08:14 AM

恐怖唐樓 6

廟檔口的地中海肥佬正在向積善招手。

「年輕人,相信你剛剛經歷過九屎一生,過來等師父幫你"算一手"吧,有緣人!」算一手說

積善也順勢坐下來問:「勁!師父!你點知道??」

算一手說:「施主,恕本師直言,你身上有強烈陰煞之氣,恐怕是領諗左野?」

積善即說:「係呀師父!好諗準呀你!典算好呀?」

算一手說:「準就梗,我算一手,紫微斗數子平八字梅花易數九曲飛星八宅風水大六壬奇門遁甲皇極經數六壬神功茅山捉鬼密宗密法他心通天眼通各樣神通施洗約翰神父告解夫婦和合人生課程,上天下海,無一不曉!」算一手一口氣道

「嘩,師父你真係好叻叻呀!」積善說。

[屎乜講,咁樣啦,我先幫你用子平八字開個盤講講一生大運,再包你家宅風水,加埋改運種生雞,見你咁諗靚仔,收你六折價港幣18888 啦,真係平到無 friend架,唔好話比人知。D客人會炸我型架!」算一手說。

[嘩!好抵呀,我而家去返晚舞賺錢,儲夠再黎搵你呀!」積善說罷起身就走。

[喂!喂!年輕人,咪住先!其實 plan lee d野有平有貴既,唔好心急,大家坐低慢慢爹,計唔掂咪分期囉,好方便,為番一日幾十蚊啫,你想用 visa定 master or AE?] 算一手一面攞出碌卡機一面說。

[拿,比面你叫聲你大師,唔好尻 up嘞,見你睇得出我瀨野份上,就同你吹多陣,嗰 d乜鬼算命遠水救唔到近火嘞!而家隻野好猛,d頭髮好恐怖,有無計搞掂佢先?」積善說

[後生仔真係後生仔,都係急 D, 驅魔 lee d野,笨唔係話你話驅就驅,要睇對方咩鬼至同咩方法,例如個頭識360度轉既,曉爬牆噴鬼口水嗰 d鬼妹,要用西式傳教士體位,即係銀子彈,蒜頭加教宗批準先搞得,一般中國鬼,就用黄符桃木起壇先掂,如果係日本精子,就要用避孕 ... ...] 算一手說

[如果係紅衣長髮嗰庭,應該用中定用西定中西合璧呢?」積善急問

[拿,拿,拿,damn good question, 紅衣呢,就係最狠猛最狠邪的,頭髮呢愈長法力愈勁!」算一手說

[嘩,隻野 d頭髮萬幾呎咁長,咪勁到仆街?」積善說

[嗯等我算一算,3得個3, 6得個6, 係喇,一定無算錯!」算一手大叫

[大師!即係典呀?」積善問

[lee隻野呀,有一千幾百年修為,含怨而屎,又不停殺人,所以法力好高。正確黎講D頭髮有50呎咁長,而家我做緊 promote, 每呎都係收200蚊,包搞到好好睇睇!」算一手說。

[屌,而定捉鬼定做 colour呀!」積善不滿地說

[後生仔你真係有所不知,風水都會斷呎計啦,買樓唔攬係逐呎計咩,d 胸圍大呎碼都收貴 d 啦,而家捉鬼斷頭髮長度有咩好驚奇?」算一手說

[你咁講又好有道理,不過我無成皮野嚮身喎。不如我去㩒比你?」積善說

[我一撚早話你孺子可教非池中物啦,黎我陪你去,順便請我食大排檔,大家研究下單 case點打!」說罷算一手便收檔跟積善離去。

㩒完錢,一去到佐敦大排檔想坐下,積善竟然看見,長髮紅衣女鬼正在坐喺門口,究竟算一手會否出手將佢消滅呢?而算一手係咪神棍呢?

請待下回分解,謝謝收看!

[[i] 本帖最後由 大醒水 於 2019-3-21 08:23 AM 編輯 [/i]]

大醒水 2019-3-21 08:16 AM

恐怖唐樓 7

上回提到,積善與算一手去到大排檔,竟然見到長髮女鬼坐喺道!

[嘩!黎料呀,師父!!」積善懼怕大叫。

[邊道邊道?阿彌陀佛!」算一手不停兩頭張望

長髮女鬼一手撥開長髮陰,屌,原來唔係鬼,原來係個大美人,仲要係成個張曦雯咁,正呀!

[嘩!索呀!」積善大叫

[係好得播!」算一手流口著水說

接著坐低叫餸睇女食飯,小店中有幾台客在食,食下食下,突然有古惑仔在嘔吐,身後那對情侶也在吐,最後連面前個靚女都嘔出來,發生什麼事?嘩,不得了,吐出黎嗰 d全部都係頭髮黎架!

[師父,大件事喇!」積善慌張地大叫

[定 d黎定 d黎,一陣我地都扮嘔,屈間舖幾千蚊都好!」算一手低聲說

[你老味!成碗粉都係頭髮黎架,你當我雄霸流架?」古惑仔在怒喝侍應

[我都唔知架!你問廚房啦!」侍應說

[姑姑你有無事呀?」一手摸著女方臉的是情侶男方Eric

[過兒,姑姑無事。。。」楚楚可憐的女方當然是 PY啦

眾人聽到,立即再嘔一次。

[大家唔駛緊張,我係得道高人"算一手",根據我既推算,好肯定同大家講,大家撞左邪。你地睇下地下嗰幾斤頭髮有無可能係偶然?仲多撚過你碗雲吞麵呀!」算一手說

眾人大驚,連侍應都驚埋一份,「好在唔關我事啫。」侍應說,「你以為啦,你睇下你個鼻!」,侍應個鼻原來生了兩呎鼻毛出來,笑到大家反曬艇!

[呀大師,快 d幫我地搞搞啦!」雄霸說

[金輪法王,求你賜解藥比我姑姑!」楊過 Eric眼泛淚光地對算一手說

[過兒,唔得,要醫醫你先,否則姑姑也不想獨活了!」PY說

[姑姑。。。。嗚嗚」Eric跟 PY相擁而哭

[似乎佢兩個比撞邪仲大鑊 D] 積善對紅衣靚女說說「阿靚女你無事嘛?你叫咩名呀?」

[我叫小龍女呀!」

眾人聽到,再大嘔一次!

[唔得呀!lee個名配唔上你個樣呀,D讀者會聯想唔到架!改個第二個名啦!」積善一面吐一面說

[嗯,咁呀,咁我叫冰冰好唔好?」美女嬌嗲地說

眾人聽到,又再大嘔一次!一地穢物!

[大佬呀,張曦雯呀,唔好玩啦,你叫 hotcha啦!無得選擇呀!」積善說

[哦,知道」hotcha諾諾道

[我叫國師,唔係,我係積善,侍應你叫咩名?」積善說

[我叫西門吹雪,你班友記得刷乾淨地下先好走呀!」西門吹雪說

[我叫雄霸,佐敦 d麥當勞我睇曬架!」雄霸得意地說。

[姑姑,我地講唔講比班凡人知好?」楊過 Eric情深地望著 PY說。

[屌那媽個星!你兩個神經俠侶呀嗎,得喇得喇!唔好浪費時間,而家咁我發現隻惡鬼既法力好強,連粗麵都變埋頭髮,睇黎大家七日内必有生命危險!」算一手一面望著 hotcha長腿流口水一面說。

[咁大鑊!」雄霸跟侍應西門同時說

[人地唔想死住哦」hotcha說

[我願意同過兒你同生共死!」PY

[姑姑。。。」Eric

[除左粗口,我無野想講」積善說

[拿,本大師而家大發慈悲,位位9888蚊,小一蚊都會撞鬼跳樓而死,接下來七晚都要喺 lee道聚集,不見不散,唔黎後果自負呀!而家派道平安符比大家頂住先!」算一手說。眾人唯有死死氣磅水!

究竟一行七人可唔可以憑大師算一手去破解怨咒呢?請看下回分解!

[[i] 本帖最後由 大醒水 於 2019-3-28 11:31 AM 編輯 [/i]]

大醒水 2019-3-21 08:17 AM

恐怖唐樓 8

驅鬼Whatsapp group:

[hotcha: 大家好,我剛剛沖完涼,發現地下d有長頭髮,唔知係咪有鬼呢?

雄霸:你個身有無頭髮,快 d影相 share

西門吹雪:對,快 d影全身照

算一手:肯定係,你屋企地址喺邊我而家過黎救你

Eric: 姑姑我好想你

Py: 過兒。。。」

積善看著這些垃圾 message 並放下手機,望著天花板,心内害怕得發毛,整晚在胡思亂想,睡不著。

第二天積善上班,給大老板問話:「叫你睇住丙強,你就搞到一個昏迷不醒,一個坐監,你搞乜野呀積善?!我仲諗住我第時退休比個位你坐,但係你真係令我好失望,點解昏迷嗰個唔係你係阿 paul呢? 」積善在房内被罵足一小時。一出房門,同事們都擁過來關心,究竟丙強今次借辟邪意圖殺 paul係公事恩怨定搞人老婆在先,擾擾攘攘一輪,積善講番琴晚大排檔嘔髮事件,一眾同事立即集體向大老板要求請辭,結果老板英明決定,以停薪留職的方式對待我,直到另行通知為止。媽的,無糧出。

晚上又到了,又要去大排檔聚集。去到見到雄霸同西門吹雪圍著低胸 hotcha吹水,而神雕俠侶則欠左隻"雕"咁坐在一旁,肥佬算一手條吹水粉皮仲未到。

[積善哥,你黎喇,我叫左個小炒王同兩枝生力諗住同你 share... ...] 電力十足的 hotcha單著眼對積善說,真係差 d比佢電瓜。

[典解我生鈎鈎坐嚮你隔離,你唔同我 share呢同條 seven head share 呢?」雄霸指著我而不滿說

[係呀!唔同雄霸share我絕對明,但係無理由唔記得我西門吹雪架嘛!」西門吹雪一路講一路在撥弄成廿日都未洗個既死人油頭

[share你老味呀?請你番黎食野架?」大步走入舖係"炒蟹報喜"老板--"大佬 B",個惡死樣九成九似古惑仔大佬 B

[阿腦細對唔住我出去落單先。。。」西門粒水地閃出

[而家邊樹有鬼呀?乜野頭髮呀?食飯想唔比錢,就話我間舖有鬼!」大佬 B在罵

[阿 B哥,琴晚我地喺度食麵,食食下變曬頭髮呀,嘔到仆街,我地無報食環已經好比面喇。」雄霸說

[你個塞豆窿夠膽咁樣同我講野?」大佬 B在說

[B哥哥,真係好恐怖架,D頭髮成呎長架,仲頂到人地喉嚨錠,搞到人地嘔添。」hotcha又發電

[嘩,原來有靚女,仆街西門!攞半打生力同兩隻避風塘炒蟹過黎 ... ...] 大佬 B心花怒放說

同時,地中海肥佬大師算一手趕到

[拿,大家黎曬就好,我呢琴晚喺壇前就問師公啦,知道隻野黎緊會出招架啦,不過大家放心,我已經度定一系列計劃,一定可以保大家平平安安 ... ...] 算一手說

[算一手,係你?」大佬 B說

[細佬 B ,係你?」算一手說

[好兄弟,乜你就係今次捉鬼既大師?」大佬 B同算一手攬頭攬頸

[好多年無見你仍然靚仔呀 B] 算一手激動說

積善已和 Hotcha玩緊十五二十互有勝負,雄霸在睇緊電視播夜馬,神雕俠侶 照舊對白,西門則在扮忙走來走去。

[喂喂喂,叫你地黎係傾捉鬼架,你地以為黎開 party咩?」算一手說

[係呀,捉鬼 lee d野我大佬 B都成日捉,嗰 d鬼頭仔(25仔), 比我捉到一定質佢食屎!」大佬 B在憤恨地自說自話。

[有咩你快 d講啦,得番七日命唔夠咋,十!十呀!」積善一直跟 Hotcha激玩卻沒望過去。

[如果我要死,我會衝去快活谷攬住莫雷拉一齊死!屌佢又跑第二!」雄霸說

[過兒。。。」「姑姑。。。」神雕俠侶。

啪的一聲!!!算一手大力拍在枱上,眾人都立即靜起來,睇睇大師又搞邊科。

[Everybody, 今晚我地就抽簽,抽到死簽嗰兩件友,就攞我法器殺入鬼屋!隊冧隻野!」算一手講野既樣子突然變得十分奸險恐佈,小那爸!

[喂!浩南你比人劈?我即刻 call馬救你。。。」大佬 B立即扮曬蟹講電話逃離現場

全員靜曬,大家都望著算一手喺褲浪道淫褻地洶出幾枝簽。。。

但第一個要抽的,竟然是我,媽呀!!

欲知後事如何,請看下回分解!

[[i] 本帖最後由 大醒水 於 2019-3-28 11:32 AM 編輯 [/i]]

大醒水 2019-3-21 08:19 AM

恐怖唐樓 9

上回提到抽生死簽,抽到死簽,要殺上紅磡鬼屋,因為積善係第一個抽,驚險非常。

眾人靜曬,等待積善抽簽,積善正在滴汗猶疑之際。。。

「喂,係喎,阿大師,點解係要兩個人上去而唔係你上去呢?」積善問

[係喎,比左成皮野你。點解我地要上去呀?」雄霸說

[咪係囉,九兩菜呀!」西門說

[大家稍安無燥,lee個安排,絕對係大師呢我,採用左奇門遁甲計算既,兩人一組出擊,係最有機會成功捉鬼!否則九屎一生!」算一手認真地說,雖然個樣流到爆。

積善無奈,唯有抽簽!一抽!好野!生簽!接住個個都要抽包括算一手。結果,中簽的兩位幸運兒就係雄霸同埋西門吹雪。

[屌那星,泥菩薩批我 “金鱗豈是池中物,一遇風雲便化龍”, 終於到我揚名天下。」雄霸驕傲地說

[寒如冰,冷如雪,吾乃劍客西門吹雪!」西門吹雪一面撥髮一面說

[得喇得喇,你兩個"不世人才"真係世間小有,多多幾個香港陸沉都似,拿,雄霸你攞我 lee把神器,金鋼鐵鉤,相傳當年係某位將軍既兵器,可辟邪魔外道。西門吹雪,lee把紙扇乃道教法門之寶,你兩個蛋散即刻過去滅魔,積善仔你帶 lee 兩條友過去。」算一手說

兩個英雄浩浩蕩蕩出發去紅磡,而積善也要帶 lee兩條盲毛去鬼屋。

[你兩條仆街行咁快做乜呀,趕住投胎咩!」積善說

[三分歸元氣!衝呀!」雄霸一路揮動鐵鉤一路跑

[西門飛雪!飛呀!」西門吹雪狂奔中

[兩條友睇個款都死九成,屌,無你兩個咁好氣,食口煙先!」積善停下來,在口袋搵沙龍

[鬼鬼鼠鼠喺道做乜呀?身份證!」警察在喝積善

[Madam, 係你?」積善驚訝說

原來是 女警Bonnie, 楊怡 Oh yeah!baby!

[又係你?又去想打人?」Bonnie在諷刺說

[豈敢豈敢,上次係一場誤會,我其實唔係壞人黎,今晚我係為左捉鬼而來,隻野成日變 d頭髮落人碗麵道。。。」積善解釋道

[喂前面跑緊兩條友你識唔識架?」Bonnie問

[哦,係我 d client 黎既,我 lee排做義工,專陪 d弱智人士散步。。。」積善說

[喂!條友攞住個鉤當街係咁舞喎?咪走呀!!」說罷Bonnie立即追上,積善當然也配合陀槍師姐去追,望著在 Bonnie的背影,總有種熟悉的感覺。

兩件弱智人士想也不想衝左上唐樓,Bonnie同我追到唐樓樓下。。。

[阿陀槍師姐,請等等!」積善說

[咩事?」Bonnie

[隻女鬼真係黎左料,成棟唐樓都陰氣密集之餘,外牆仲有 d鬼頭髮湧出來。」積善說

[別。。。別亂說!」Bonnie緊張說

接下來我兩個也步入梯間,行了幾級樓梯,發現唔對路,條樓梯變了木樓梯,而行喺我前面的 Bonnie的軍裝衣著竟然變了作紅色旗袍,而且裙係超短,我頭腦也明顯混沌起來,有種迷幻感覺,難道?難道這就是鬼結界???

究竟積善同 Bonnie既情況會點呢?雄霸同西門吹雪又衝左入屋定衝左上天台飛左落街呢?請留待下回分解!

[[i] 本帖最後由 大醒水 於 2019-3-30 11:36 AM 編輯 [/i]]

大醒水 2019-3-21 08:23 AM

恐怖唐樓 10

我叫西門,今年廿二歲,家住天水圍,出生於問題家庭,好細個時候,老豆已經係病態賭徒,經常去地下大檔賭錢,輸曬就番屋企打我媽,打我同細妹,自己其貌不揚讀書唔叻,運動又差,經常比同學恰,拍拖?更加唔敢諗,試過中五寫情信向女神表白,結果被公開情信全校都知,差 D要記大過。中五會考之後就出黎做企堂幫補家計,個爛賭老豆喺我18歲時就就跳樓死左,屋企日日有人上黎追債,心驚膽跳,直到今年,先還清 d數。阿媽做洗碗,好辛苦,我個人一事無成,無大志,無銀用,但最重視我阿媽,好想比好生活佢過,我個妹生得好靚,頂唔順屋企環境太惡劣,學壞左,跟 d古惑仔走左。阿媽好傷心,自此我跟媽媽就相依為命。

我唯一興趣係上網睇小說,最喜歡古龍的《陸小鳳傳奇》,當中個劍神西門吹雪好型,所以好希望成為佢。近來加入左個FB群組,其實我有鬼錢炒股咩,不過諗住感受下人氣,同 d人吹下水,好過現實世界中無朋友,日日比大佬 B屌,個群組裡面有條傻佬叫國師,佢寫 d小說幾有趣,最鐘意嗰個楊菲,好型,同西門吹雪一樣殺人不眨眼,仲要係靚女,爽。

今晚抽到死簽我絕不意外,一生人都黑仔到爆,如果真係見到鬼,我會叫佢賜我神奇力量改變人生。

鏡頭返到來唐樓,身型鋼條,體格強壯的雄霸一馬當先攞住個鐵鉤直奔二樓,可憐的西門吹雪上氣不接下氣,先慢慢行上第一級,隱若聽到有人叫"咪走", 但聽老人家講夜晚聽到人地叫你,千萬唔好應佢,應左就會三魂唔見左七魄。所以無理直上樓梯,走了幾級,眼前一黑,唔通跑得劇烈所以頭暈?搖一搖頭,醒一醒,眼前竟是個密室,很昏暗,有一個長髮的美女則手脚被綁,坐在密室的中央。

西門發現自己穿著一身黑色西裝,旁邊有兩個黑色西裝的人,相信係同伴吧。黑色甲說:「lee個歌妓真係國色天香,不如我先上,你地後補!」,黑色乙說:「我守尾門,西門仔你排第二。」,西門望著那五花大綁的歌妓面蛋,真的很漂亮呢,好像那個什麼。。?!沈振盈!呀不是!沈振盈是那個財演,是沈卓盈嘛!「請你地放過我吧!」沈卓盈在哀求,黑衣甲步步向前,西門急叫:「不如算啦!放過佢啦!」,黑色乙說:「傻仔,有食唔食罪大惡極!」,黑色甲大力給歌妓一記耳光,「媽的!」西門急了,他回想起小時候爛賭老豆毒打媽媽的情景,胸口一陣痛,立即衝前想救沈卓盈,但黑色乙已迅速捉實西門,「仆街西門仔,未到你,唔好心急!」,黑色乙氣力極大,西門完全動彈不能。「嗚嗚!」沈卓盈在慘叫,黑色甲正在摧花!好不殘忍!西門雖然是一條香港廢青但目下面前慘況也不禁熱淚兩行流。

在這些殘忍場境中,西門想起他媽媽:慈祥的她煮了湯水留給我放工喝,嗯,很好飲,再來一碗。媽知道我在校内受欺凌,會在洗手間偷泣再出來鼓勵我要勇敢面對,媽,我是知道的,知道你錫我。妹妹一頭金髮一身紋身,執行李離開破裂的家,見著你流淚苦勸不果,傷心欲絕。眼前爛賭老豆對你郁手,搶我們的書薄費去賭,你被他打到頭破血流,仍安慰我們說沒事。我個心好撚痛,好恨自己是條廢拉柴,我唔係男人。我無能力去帶你脫離地獄。

痛苦萬分的西門吹雪,仍然給黑色乙在人肉鎖著,眼下見到這殘忍強暴場面,突然醒起有道教神扇在後袋,嗯!果然還在!猛然拿出,道教神扇發出萬呎金光,「臭小子你做什麼?」黑衣乙大驚,「嗚嘩呀!!!!」神扇發出的金光將黑衣男乙逐漸粉碎,同時黑色西裝男甲也發現了金光閃耀轉身大叫:「唔好呀!」。西門吹雪沒理會再把道教神扇完全張開,神光四射!「>><<1!恰女人!記住我個名叫做西門吹雪!」西門帶淚怒吼!使勁向正在摧花的黑衣男甲用全力一撥。。。。。。

究竟西門吹雪的命運如何呢?而積善跟 Bonnie趕到來未有?瘋狂的雄霸佢又走左去邊呢?請留意第11 回恐怖唐樓!!

[[i] 本帖最後由 大醒水 於 2019-4-2 09:26 AM 編輯 [/i]]

ginomarlenwong 2019-3-21 05:00 PM

幾好笑,支持

大醒水 2019-3-22 08:44 AM

[quote]原帖由 [i]ginomarlenwong[/i] 於 2019-3-21 05:00 PM 發表 [url=https://www.discuss.com.hk/redirect.php?goto=findpost&pid=496573349&ptid=28106810][img]https://www.discuss.com.hk/images/common/back.gif[/img][/url]
幾好笑,支持 [/quote]


多謝你

大醒水 2019-3-28 11:32 AM

恐怖唐樓 11

積善,我一步一步踏上梨花木做的樓梯,木樓梯發出木的磨擦聲聲,感覺很古典,我細看我的皮鞋,是很閃亮的尖頭啡色皮鞋,配著兩吋高木底,應該是外國貨吧。一身棕色暗條西裝,是三件頭款式,口袋是大疊銀紙,暗袋是個純金陀表,左胸口袋是白色袋巾,一身古銅水香氣,連頭也立到發亮,難道是阿飛正傳的朝偉嗎?

走在前面玲瓏浮凸穿著紅色旗幟那女子帶領我行上去。走完最後一級樓梯,眼前是間極奢華的酒廊,好像是舊上海輝煌時代的裝修,所有人都穿著十分華麗,是上流社會的社交吧,那帶位女子轉身笑著看我,是一位清秀女子,「德哥,lee邊請。」,原來是個知客,侍應們都一字排開迎接我,「歡迎德哥!」,接著有數個衣著光衣穿金載銀的男人,張開雙手歡迎我,安排我坐最高貴最受注目的皮革沙發上,為我燃點起最貴價的古巴雪茄,吹出劃時代英雄地的迷霧,一杯又一杯的高質 XO在碰杯,不知凡幾的美女投懷送抱,是夢嗎?

[好花不常開 好景不常在

愁堆解笑眉 淚灑相思帶

今宵離別後 何日君再來」

這悦耳動聽的歌聲,是來自台上的女歌手,一身白色絲質的高貴旗袍,上面繡著精緻鮮紅玫瑰,一雙白色打套輕觸咪高風,在台上風情萬種,出眾身材在緊身旗袍下表露無遺,再看看她的面龐,怎會這樣?竟然同沈大師-沈卓盈一模一樣,但我不覺得太驚訝,反而有種熟悉的感覺。我醉了,醉眼看著她,看著她迷人的雙眼,是她的眼在唱,還是她的櫻桃小嘴在唱?沒在意,我只有痴迷地看著,不久她發現到我的注目,卻沒避開我貪婪的目光,更反而盯著我,彼此微笑著,眼神在交流著,有種彷如隔世的感覺,縱使旁人在喧嘩熱鬧,我也聽不見了,整個世界也靜默了,那高吊的水晶射燈,只照耀著我跟她。

背景一轉,是夜,是黄埔灘邊,浪濤拍岸聲在重複,那晚上天氣很冷,下著微雪,是我跟她,我跟她正在熱吻,我微冷的舌滑入她口中,貪婪地攫取著屬於她的氣息,用力地探索過每一個角落。這一瞬間的悸動,使彼此忘記了周圍的一切,我用力的抱緊她單薄的背,她的腰枝,彷彿沒有來生,沒有輪迴,沒有倫常,只有這一刻是真的,她屬於我!

精彩故事繼續送上,請留意下集恐怖唐樓12

[[i] 本帖最後由 大醒水 於 2019-4-5 01:22 PM 編輯 [/i]]

大醒水 2019-3-30 11:34 AM

留位

大醒水 2019-3-30 11:36 AM

留位

hcchow 2019-4-1 11:49 PM

好好笑,正

大醒水 2019-4-2 09:27 AM

恐怖唐樓 12 (含粗口慎入,所有角色,均是創作,如有雷同,實屬巧合)

積善,想貪多一秒,我跟她仍然在熱吻中,嗯?怎麼熱了這麼多呢?也沒有風在吹了,我微張開雙眼,發現熱吻的竟然係 Bonnie?! 原來發現一直身處在樓梯,而她在閉著眼在用力熱吻著我,我一時間不知所措,唯有暫時配合咀住先,也無理由叫醒佢,聽阿媽講人地夢遊緊,突然叫醒會三魂不見七魄的,纏綿兩分鐘後,她緩緩張開眼,含情地看著我,眼神像撞邪一樣,我不敢說話,更唔知講乜好,始終佢有把槍喺道,驚我講錯野刺激佢,佢會一槍打爆我個頭。果然,我不愧為神算,15秒後,中到應,是泰拳的前撐踢,踢中我小腹,整個人向後滾了兩滾直落下一層。

Bonnie敬業樂業地繼續向上跑找尋雄霸,頂,佢真係好鐘意做警察,突然聽到Bonnie 大叫「你有無事?」,唔通佢開始關心我?我雖負傷但仍頑強地跟上,再頂 ,原來是西門吹雪條傻西訓左喺樓梯,Bonnie對我說:「積德你睇住佢先,我上去睇睇另一件!」,接著佢又跑上去找鐵鉤狂徒。「積德?奇怪!唔通?!」我說著,西門吹雪雖然昏死但手中緊扼著紙扇,但整把紙扇已經像燒過般熔熔爛爛,西門昏迷但兩行眼淚在流不停。「嗯,可能嚇到 short Q左,陰功!希望佢早登極樂Amen」我搖頭嘆氣。

等了10分鐘,Bonnie先死死氣地跑番落黎,「唐三樓間鬼屋無人喎,即係條友無入到去,我走曬咁多層樓都唔見佢,唔通。。。?」Bonnie 若有所思地望住我說。「無錯,唯一可能,佢飛Q左落街!」我冷靜分析說,同時西門也醒了,一行三人慢慢行落去,想睇下雄霸條屍係咪坐落在唐樓的正門。

行幾級樓梯行成分鐘,頂,鬼影都無隻,莫講話屍,連屎都無舊!由於怪事連連,雄霸又不知所終,我地唯有撤退返大排檔先,臨走時Bonnie突然話要同我交換電話,話保留告我到我終身監禁既權利,之後再啤左我一眼便走了。

一路上,西門在不停的喊,搞到途人都啤實我地,三姑六婆細聲講大聲笑,應該以為我地斷背山在吵大鑊,媽的!真想一掌打死個西門,我也識趣無問佢搞乜鬼,費事一陣再令佢情緒激動,衝出馬路比車撞死。

黄埔步行佐敦,真係戇居,最離奇兩個大男人身上搵個銀刮沙都無,行到脚都軟 Q埋,接近崩潰之際終於來到了大排檔門口,無程程放了「東主有喜,不得内進」既木牌,門口外面則有成幾十張枱擺街,D咁鬼無文化又無厘頭既文字,唔駛問一定係"算一手"個仆街冚家剷作架啦。Sorry讀者們,今晚發生咁多事,又比 Bonnie 恐嚇要告我,我承認我係燥底左 D

一去到舖門口,猛然見到算一手單脚踩在膠櫈上,一面中指指天大叫「九天玄女,八大仙,六合童子,五福臨門,四大護法,三福祿壽,二郎神,一陽指,賜我力量!!!!」

究竟算一指是否召來滿天神佛幫拖呢?雄霸條友去左邊呢?下一 pair又抽到邊個呢?

請留意精彩的下一集。

[[i] 本帖最後由 大醒水 於 2019-4-14 09:30 PM 編輯 [/i]]

大醒水 2019-4-5 01:22 PM

留位

大醒水 2019-4-5 01:50 PM

留位

大醒水 2019-4-5 07:10 PM

留位

大醒水 2019-4-5 08:57 PM

留位

大醒水 2019-4-6 02:23 AM

留位

大醒水 2019-4-7 09:12 PM

留位

ginomarlenwong 2019-4-11 08:00 AM

西門吹水既背景真係好幾灰,不過佢又真係幾搞笑。

大醒水 2019-4-14 09:30 PM

留位

大醒水 2019-4-18 03:40 AM

留位
頁: [1]
查看完整版本: 恐怖唐樓 12已更新(含粗口暴力慎入)