查看完整版本 : 建盞收藏-品茶神器

[attach]9508369[/attach]


建盞 系一個絕對會令人著迷的茶器。近幾年，更有極多茶友認同飲茶系必須要用紫砂茶壺配以建盞，令茶味更為提升。言而建盞除左可以作為茶器之外，更系一種極佳的文玩收藏。小弟自問對品茶只系初哥，但對建盞收藏略有心得，特此開帖分享個人經驗，望與盞友交流，分享心得喜樂。

在此，先貼上玩盞秘笈一篇，大家笑下開心一下

「玩盞秘笈」
寶貝唔怕多 最怕係老婆
舊玩與新藏 入境要提防
左手藍麒麟 右手火鳳凰
名稱一大堆 款款都要追
今日添新盞 回家有排玩
球賽睇精華 賞盞泡杯茶
零晨食杯麵 上網搵多件
清單鬼咁長 月尾等出糧
早買早享受 遲買貴幾舊
滿屋都精品 收藏講緣份
老婆唔識睇 千其唔好提
買要買真品 莫上淘寶搵
亂找入門盞 多買嘥銀彈
若然只貪平 好易會撞板
首選有名氣 唔好買阿四
李達孫建興 還有陳大鵬
師傅有性格 次品全都砸
大師盞過萬 絶品無上限
柴燒或電燒 靚就搶住要
押窯危敏捷 開片並非裂
看似乞衣兜 原來貴到嘔
曜變陸金喜 正價二萬尾
買隻沖普洱 珍藏放屋企
民間有大師 名為卓立旗
黑底銀油滴 水母靚到痺
彩金裴春源 禪定有版權
情迷黑牡丹 闕盞確超班
黃金油滴盞 坐等升過萬
影條分享片 唔好講幾錢
齊齊跳入坑 新貨都要爭
慢人一兩秒 好野已冇了
朋友曬珍藏 定必要讚讚
列陣排排睇 飲杯慢慢歎

[[i] 本帖最後由 翡翠長空 於 2019-4-3 10:51 PM 編輯 [/i]]

[quote]原帖由 [i]翡翠長空[/i] 於 2019-4-3 09:48 PM 發表 [url=https://www.discuss.com.hk/redirect.php?goto=findpost&pid=497231646&ptid=28135180][img]https://www.discuss.com.hk/images/common/back.gif[/img][/url]
建盞 系一個絕對會令人著迷的茶器。近幾年，更有極多茶友認同飲茶系必須要用紫砂茶壺配以建盞，令茶味更為提升。言而建盞除左可以作為茶器之外，更系一種極佳的文玩收藏。小弟自問對品茶只系初哥，但對建盞收藏略有心得，特此開帖分享個人經驗，望與盞友交流，分享心得喜樂。

在此，先貼上玩盞秘笈一篇，大家笑下開心一下

「玩盞秘笈」
寶貝唔怕多 最怕係老婆
舊玩與新藏 入境要提防
左手藍麒麟 右手火鳳凰
名稱一大 ... [/quote]

[attach]9508129[/attach]
[attach]9508130[/attach]先為大家介紹這套入門級建盞，這是金長有師傅的六色小口建盞套裝，價錢平，系非常之好的入坑神器，一套六隻，而包括兩隻傳統款色及四隻現代款色，非常精美，絕對超值。小弟都系因為買左呢套咁野，就開始入左呢個建盞坑，自此越玩越開心，收下一隻，收下又一隻。😆

[attach]9508186[/attach]
[attach]9508187[/attach]
先介紹六色套第一隻藍麒麟盞，藍麒麟盞當今以翁書杰大師的最為出名，而呢隻金長有版藍麒麟系一隻小口盞，小而精，不失藍麒麟精髓，色彩鮮豔奪目，光澤亮麗，系一套六隻入面最為搶眼的一隻🥰

[attach]9508259[/attach]
[attach]9508260[/attach]
第二隻為大家介紹既系金長有六色套入面的黑底銀油滴盞。黑底銀油滴，故名思意就系在黑色底釉上浮有一片片銀色金屬質的油滴斑紋，呢d斑紋當然更唔系畫上去的啦，系透過建窯建盞的特殊含鐵質的配方釉水，再用1300度高溫，經燒制的過程而自然生成的天然斑紋。呢d斑紋可大可小，可聚可散。可以話，建盞系用金、木、水、火、土、再加上人的配合，而生成的天然斑紋，非常獨特。詳情資料讓小弟先賣個關子，以後再慢慢解釋。🥰

[attach]9508291[/attach]
[attach]9508292[/attach]
兔毫盞，兔毫系建盞的傳統款色。一講到傳統，又姐系幾多年呢？大家有所不知，建盞並唔系新野，系由唐末至宋朝已有生產，至宋朝最為高峰，到元朝開始末落。中間經過斷代近800年，至1970年代，由國家組開發小組重新研究復燒，讓幾近失傳的中國瓷器顛峰得以重見天日，回到民間。圖中呢隻系金長有六色套裝的一隻現代版兔毫小口盞，毫即毛，意思是斑紋如兔毛，一條條一絲絲，非常細膩有緻。而呢隻現代版亦做出金屬光澤的毫絲，上手非常閃耀迷人。

[attach]9508359[/attach]
[attach]9508360[/attach]
鷓鴣盞，鷓鴣盞系建窯建盞的傳統款色，取其紋飾似鷓鴣身上的羽毛斑紋而命名。這款鷓鴣盞以仿古工藝，並無強裂金屬光澤及濃艷色彩，相反更為古樸典雅，斑紋清晰細緻，形似神在，是傳統款色的精髓重現。手執鷓鴣盞品茶，就好像能感受得到宋人品茶的氣派，這就是中華文化。

[attach]9508398[/attach]
[attach]9508399[/attach]
藍龍鱗盞，此為現代新研發燒製之紋飾，斑紋色彩鮮藍悅目，與藍麒麟最大分別為其斑紋呈片片鱗片狀，金屬光澤，反光強烈，閃爍迷人。此為金長有六色套裝內另一迷人款色，可惜既系，原來並非每一套金長有六色套裝都必定有此款色，大家如果去淘既時候就真系要小心問清楚！當然如果佢果批貨系搭另一款的話，都未必唔好既，可能更靚都說不定。

[attach]9508435[/attach]
[attach]9508436[/attach]
今日最後一隻要為大家介紹既系金長有六色入門套裝的最後一款 - 鐵鏽花盞。鐵鏽色故名思意就系紅色，呢個亦都系黑瓷由黑色變化到繽紛色彩的轉淚點。大家可以留意呢隻盞既中心系黑色的，是否中央冇上釉呢？結果當然是否定的，黑色的就系釉色，釉水經高溫燒成黑瓷。黑釉由於經過高溫和氧化燒，令釉水中的鐵質分子產生氧化而燒出鐵鏽紅色，而盞中心因為溫度低少少而未完全氧化而保留了黑色。透過改變窯溫，及改變窯內的紛圍，即可燒出繽紛多變的盞色。所以建盞又稱為「入窯一色，出窯萬變」，系中國瓷藝的最神秘，亦都最為迷人的瓷器藝術。

[[i] 本帖最後由 翡翠長空 於 2019-4-3 11:20 PM 編輯 [/i]]

點解回覆唔到

[quote]原帖由 [i]翡翠長空[/i] 於 2019-4-3 11:10 PM 發表 [url=https://www.discuss.com.hk/redirect.php?goto=findpost&pid=497236628&ptid=28135180][img]https://www.discuss.com.hk/images/common/back.gif[/img][/url]

今日最後一隻要為大家介紹既系金長有六色入門套裝的最後一款 - 鐵鏽花盞。鐵鏽色故名思意就系紅色，呢個亦都系黑瓷由黑色變化到繽紛色彩的轉淚點。大家可以留意呢隻盞既中心系黑色的，是否中央冇上釉呢？結果當然是否定的，黑色的就系釉色，釉水經高溫燒成黑瓷。黑釉由於經過高溫和氧化燒，令釉水中的鐵質分子產生氧化而燒出鐵鏽紅色，而盞中心因為溫度低少少而未完全氧化而保留了黑色。透過改變窯溫，及改變窯內的紛圍，即可 ... [/quote]
好帖好圖文！

建盞朋友，您的私家盞貼幾盞來啦⋯⋯我想在此賞味學習，多謝🙏

*****
此帖轉過「聚水凝香」子版，再繼續討論！

[quote]原帖由 [i]普陀山[/i] 於 2019-4-4 12:16 AM 發表 [url=https://www.discuss.com.hk/redirect.php?goto=findpost&pid=497239807&ptid=28135180][img]https://www.discuss.com.hk/images/common/back.gif[/img][/url]
點解回覆唔到 [/quote]
Ok. No problem.

[quote]原帖由 [i]R.Man[/i] 於 2019-4-4 10:14 AM 發表 [url=https://www.discuss.com.hk/redirect.php?goto=findpost&pid=497252026&ptid=28135180][img]https://www.discuss.com.hk/images/common/back.gif[/img][/url]

Ok. No problem. [/quote]
上唔到圖片

[quote]原帖由 [i]翡翠長空[/i] 於 2019-4-3 09:48 PM 發表 [url=https://www.discuss.com.hk/redirect.php?goto=findpost&pid=497231646&ptid=28135180][img]https://www.discuss.com.hk/images/common/back.gif[/img][/url]



建盞 系一個絕對會令人著迷的茶器。近幾年，更有極多茶友認同飲茶系必須要用紫砂茶壺配以建盞，令茶味更為提升。言而建盞除左可以作為茶器之外，更系一種極佳的文玩收藏。小弟自問對品茶只系初哥，但對建盞收藏略有心得，特此開帖分享個人經驗，望與盞友交流，分享心得喜樂。

在此，先貼上玩盞秘笈一篇，大家笑下開心一下

「玩盞秘笈」
寶貝唔怕多 最怕係老婆
舊玩與新藏 入境要提防
左手藍麒麟 右手火鳳凰
名 ... [/quote]

[attach]9509461[/attach]
[attach]9509462[/attach]
我跟一只支持C兄

[quote]原帖由 [i]普陀山[/i] 於 2019-4-4 10:50 AM 發表 [url=https://www.discuss.com.hk/redirect.php?goto=findpost&pid=497253931&ptid=28135180][img]https://www.discuss.com.hk/images/common/back.gif[/img][/url]



我跟一只支持C兄 [/quote]
欽敬欽敬！估唔到一出帖就引到大蛇出洞，呢個帖睇黎一定會火。

[quote]原帖由 [i]翡翠長空[/i] 於 2019-4-4 12:39 PM 發表 [url=https://www.discuss.com.hk/redirect.php?goto=findpost&pid=497259557&ptid=28135180][img]https://www.discuss.com.hk/images/common/back.gif[/img][/url]

欽敬欽敬！估唔到一出帖就引到大蛇出洞，呢個帖睇黎一定會火。 [/quote]
小弟十幾年前剛巧朋友無事去玩手作柴燒天目
所以就俾面買了些玩玩。見笑
以前我有個貼上左些圖片。但是因故無法打開。
現在有兄介紹講解甚好
我又可溫故知新了

[quote]原帖由 [i]普陀山[/i] 於 2019-4-4 12:51 PM 發表 [url=https://www.discuss.com.hk/redirect.php?goto=findpost&pid=497260216&ptid=28135180][img]https://www.discuss.com.hk/images/common/back.gif[/img][/url]

小弟十幾年前剛巧朋友無事去玩手作柴燒天目
所以就俾面買了些玩玩。見笑
以前我有個貼上左些圖片。但是因故無法打開。
現在有兄介紹講解甚好
我又可溫故知新了 ... [/quote]
小弟呢個系長篇入坑帖黎，會慢慢講慢慢講，目的都系想幫手推動一下我地寶貴既飲茶文化，同建盞呢d咁好既瓷器。所以師兄都請你唔使咁心急住，慢慢聽小弟分享，小弟將有好狠多野會講

[quote]原帖由 [i]普陀山[/i] 於 2019-4-4 12:51 PM 發表 [url=https://www.discuss.com.hk/redirect.php?goto=findpost&pid=497260216&ptid=28135180][img]https://www.discuss.com.hk/images/common/back.gif[/img][/url]

小弟十幾年前剛巧朋友無事去玩手作柴燒天目
所以就俾面買了些玩玩。見笑
以前我有個貼上左些圖片。但是因故無法打開。
現在有兄介紹講解甚好
我又可溫故知新了 ... [/quote]
玩家是大陸多人數，最精品的在日本，不爭的事實。

[quote]原帖由 [i]普陀山[/i] 於 2019-4-4 12:51 PM 發表 [url=https://www.discuss.com.hk/redirect.php?goto=findpost&pid=497260216&ptid=28135180][img]https://www.discuss.com.hk/images/common/back.gif[/img][/url]

小弟十幾年前剛巧朋友無事去玩手作柴燒天目
所以就俾面買了些玩玩。見笑
以前我有個貼上左些圖片。但是因故無法打開。
現在有兄介紹講解甚好
我又可溫故知新了 ... [/quote]
給條link我睇睇得唔得？普陀山大哥:smile_38:

[quote]原帖由 [i]R.Man[/i] 於 2019-4-4 02:06 PM 發表 [url=https://www.discuss.com.hk/redirect.php?goto=findpost&pid=497263426&ptid=28135180][img]https://www.discuss.com.hk/images/common/back.gif[/img][/url]

給條link我睇睇得唔得？普陀山大哥:smile_38: [/quote]
封左！

[quote]原帖由 [i]翡翠長空[/i] 於 2019-4-4 01:08 PM 發表 [url=https://www.discuss.com.hk/redirect.php?goto=findpost&pid=497261068&ptid=28135180][img]https://www.discuss.com.hk/images/common/back.gif[/img][/url]

小弟呢個系長篇入坑帖黎，會慢慢講慢慢講，目的都系想幫手推動一下我地寶貴既飲茶文化，同建盞呢d咁好既瓷器。所以師兄都請你唔使咁心急住，慢慢聽小弟分享，小弟將有好狠多野會講 ... [/quote]
長空兄是名人我當然要好好聽課

昨天為大家介紹的金長有六色套, 都只係餐前的花生黎姐, 仲未去到頭盤. 今日要為大家介紹真正的頭盤, 基本上係入坑必奶, 系人都like的藍麒麟盞.
 
在講藍麒麟前, 先要講講建盞的器型, 建盞係宋代茶杯, 有其獨特器型, 主要分為4大類, 束口、斂口、撇口、敞口. 有關各款器型的詳細資料, 小弟我又先賣個關子, 容後再詳談, 或者大家心急既, 上網都好易可以搵到相關資訊. 現在先講呎寸, 現今大路盞型都以95尊杯為主要制作呎寸, 意即圓口徑大約為9cm, 高度為5cm, 亦有「九五之尊」的意思, 也是中華文化的體現. 一杯容量大約百多毫升, 一至兩口可喝完一杯. 呎寸比現今的茶杯大一點點, 略帶霸氣, 所以亦叫做「主人杯」. 昨天介紹的金長有六色入門套裝只係小口盞, 口徑為6cm, 屬非正式器型, 但如果用黎招呼一下親朋戚友, 又係一個非常好的選擇, 又靚又骨子又有特色又夠體面, 重點係唔貴, 萬一唔小心打爛都只係落地開花, 唔使咁肉赤.
 
吹完一輪器型, 入番正題「藍麒麟盞」. 藍麒麟領銜大師公認係 翁書杰大師, 翁書杰大師被封為「建窯四杰」既其中一員, 另外三位大師就之後先再逐一講啦, 真係一匹布咁長. 翁書杰大師所燒製既藍麒麟盞, 特色係色深色鮮似藍寶石, 盞內藍光閃曜, 麒麟紋為藍色伴以金黃色邊界, 錯落有緻, 精細無比, 非常迷幻動人, 斑紋感覺給人好似看見真麒麟皮一樣, 形神俱備, 相當有趣. 此盞最為吸引新朋友入坑之處, 在於其鮮濃之寶石藍色及其細緻花紋. 眾所周知, 紅綠藍三原色都係寶石之中最為經典的顏色, 一隻建盞, 能夠完美呈現鮮濃之寶石藍, 實為燒製技術的一大特破.
 
D港燦網友可能又會問, 隻色咁Q藍, 會唔會係化學毒釉盞黎呢? 我可以好安心咁同大家講, 大家作為港燦實在太過落後, 如果你去淘寶花果十幾廿蚊買隻七彩盞, 我當然唔敢大聲講係咪冇毒, 但現實係呢D被封為大師級的業內頂尖工藝師, 佢地D盞當然有番咁上下身價, 但就絕對安全可靠, 一定冇毒. 建盞行業發展如雨後春筍, 發展得好快, 大家為爭大師頭銜, 或為保住大師頭銜, 都唔敢行差踏錯. 萬一比同行知你用化學毒釉黎燒盞, 你個大師朵可以話係馬上名譽掃地, 身敗名裂, 以後都唔使再撈, 番鄉下執牛屎去吧. 而且家陣國內專業化驗所多的是, 攞隻盞去用電子槍掃一掃, 所有成份一目了然, 乜野鉛呀砷呀鎘呀有毒物質無所遁形, 問你仲點使做大師. 所以港燦都唔該要update一下, 雖則小弟都係港燦一名, 都有曾經懷疑過.
 
藍麒麟盞因為經典, 除左翁書杰, 坊間當然都有好多二線師傅仿傚燒制藍麒麟, 不過經小弟研究所得結論係, 果d通通唔多掂. 所以話, 橫掂都係收, 就不如一步到位, 收就收最好的正牌翁書杰藍麒麟, 唔使苦海浮沈, 無間輪迴. 你若收隻二線, 雖則係平一半以上, 但成品到手, 硬係到喉唔到肺, 色又差d紋又差d, 最後又係心思思想買番一哥的, 又係晒氣. 錢使多左, 卻又誅途同歸, 又何必多使冤枉錢呢. 二線藍麒麟盞小弟都有兩隻, 以前唔識, 現在引以為戒, 一係唔買, 一買就要買正品最好的.
 
最後上圖

[attach]9511633[/attach]
[attach]9511634[/attach]
[attach]9511635[/attach]



[video=https://1253590913.vod2.myqcloud.com/30b3dda5vodgzp1253590913/5cd439875285890787302602226/5285890787302602227.jpg]https://1253590913.vod2.myqcloud.com/30b3dda5vodgzp1253590913/5cd439875285890787302602226/V5qRhZalzmUA.mov?videoid=5285890787302602226[/video]

純鐡發色？

[quote]原帖由 [i]普陀山[/i] 於 2019-4-5 02:21 PM 發表 [url=https://www.discuss.com.hk/redirect.php?goto=findpost&pid=497307917&ptid=28135180][img]https://www.discuss.com.hk/images/common/back.gif[/img][/url]
純鐡發色？ [/quote]
化學分析我就未真系去做過，但呢d咁鮮既藍，段估都系鐵同鈷致色，網上都可以找到類似資料

[attach]9515543[/attach]
[attach]9515544[/attach]
[attach]9515545[/attach]
[attach]9515546[/attach]
[attach]9515547[/attach]朿口同大盞
我用呢啲好了

[attach]9515548[/attach]
[attach]9515549[/attach]
[attach]9515550[/attach]
[attach]9515551[/attach]

今天清明節，約左一眾盞友茶聚，各自帶幾隻靚盞出黎分享欣賞切磋交流一下。

[attach]9515554[/attach]


哇哇哇，數一數，都有21隻美盞，甚為壯觀！
茶葉抹，木葉，銀油滴，柴燒兔毫，窯變，彩曜變，火鳳凰，藍麒麟，銀兔毫，彩金，粉油滴，藍鑽，黑牡丹...真多花款

大夥兒3點玩到6點半，再去晚飯，真系開心。

今日要為大家介紹一下建窯四杰的第二位大師 廖銘, 廖銘大師在建盞界很有名氣, 佢既招牌作品有觀星, 油滴同兔毫盞等等, 小弟我就特別欣賞佢既觀星盞.
 
[attach]9515682[/attach]


觀星盞的特色是在藍色的底釉上, 佈滿有如銀河繁星般的大大小小的星星, 恍如夜幕下的星空. 全盞底色為鮮艷亮麗的鋼藍色, 金屬般的光澤, 有如宇宙. 在底釉上, 玫瑰金色的星點疏密有緻, 大小覺異, 正如天上繁星, 雖不盡相同, 但又有其共通性. 星點在光的反射下, 一閃一閃的, 有如夜幕低垂繁星閃亮, 詩情畫意. 盞外卻與盞內不盡相同, 盞外以多而密的玫瑰金油滴斑紋為主, 至令盞外主要呈玫瑰金色, 整體而言是內藍外金, 十分特色.
 
手執觀星盞, 盤於雙掌之間, 微微轉動一圈, 一幅天然的夜空星象, 立時在腦海裏浮現出來. 這是廖銘大師用其匠心工藝, 將藝術溶入建盞, 賦與觀星盞靈魂, 是陶瓷技藝的昇華. 居住在香港這個人煙稠密光害嚴重的大都市, 晚上能夠觀星似乎是一個現實的無奈. 吃過晚飯, 在櫃內淘出觀星盞, 卻很能回味兒時每晚都能看到的滿布星星的寧靜夜空.

[attach]9515683[/attach]
[attach]9515684[/attach]
[attach]9515685[/attach]
[attach]9515686[/attach]
[attach]9515687[/attach]

 

[video=https://1253590913.vod2.myqcloud.com/30b3dda5vodgzp1253590913/95fd4c975285890787290343558/5285890787290343559.jpg]https://1253590913.vod2.myqcloud.com/30b3dda5vodgzp1253590913/95fd4c975285890787290343558/4GaKj5RzhCoA.mov?videoid=5285890787290343558[/video]

[quote]原帖由 [i]翡翠長空[/i] 於 2019-4-5 11:23 PM 發表 [url=https://www.discuss.com.hk/redirect.php?goto=findpost&pid=497330040&ptid=28135180][img]https://www.discuss.com.hk/images/common/back.gif[/img][/url]
今天清明節，約左一眾盞友茶聚，各自帶幾隻靚盞出黎分享欣賞切磋交流一下。




哇哇哇，數一數，都有21隻美盞，甚為壯觀！
茶葉抹，木葉，銀油滴，柴燒兔毫，窯變，彩曜變，火鳳凰，藍麒麟，銀兔毫，彩金，粉油滴，藍鑽，黑牡丹...真多花款

大夥兒3點玩到6點半，再去晚飯，真系開心。 ... [/quote]
今日茶聚雖然都真系好鬼開心，但當中都發生左一件不愉快事件。就系有位好朋友，開心得濟，隻手一滑，鱔左我隻盞落去，亨左落幾隻盞到:fst_012:！

結果，我隻盞就冇事，我另一友人果隻火鳳凰盞就被打崩左一小個缺口，真系大那鑊！咁點算呢？

好在呢隻火鳳凰都唔系咩咩咩絕品或孤品級，都仲可以再買番，真系比佢嚇壞，標晒汗呀頂佢！

小弟在此亦提醒各位盞友，欣賞靚盞真系要小心小心，萬一你打爛果隻系乜乜孤品級或絕品級，都真系唔知要點賠償先叫合理，除時真系朋友都冇得做呀！大家請小心。

建盞款多顏色靚,真係好吸引
今時今日有淘佬,入門當然容易,但想買到出自名家之手既正品/辨別真偽就有D困難,希望長空師兄可以係呢方面賜教一下:smile_o12:

[attach]9520123[/attach]


今日先暫停介紹建窯四杰的另外兩位大師, 打尖跳一跳去介紹 陳國文大師. 陳國文大師是國家非物質文化遺產建窯建盞燒制技藝代表性傳承人國家陶瓷高級技師, 一聽呢個水蛇春咁長的响朵就知呢位大師一定係堅料黎既. 佢亦都係福建省南平市工藝美術師銀毫建盞代表性領軍人物, 可以話
「玩建盞必知兔毫,
知兔毫必知銀毫,
買銀毫必買國文」.
 
陳國文大師的銀毫盞, 毫絲銀光閃亮, 每條銀絲都長而有勁, 清晰可數. 再細心觀看, 就能看到毫絲並不是單純的銀白色, 而是在邊界上帶有七彩的折射及反射光, 如鐳射唱片, 非常精美, 閃曜動人. 而銀毫條子細長有緻, 並向生長而從不交疊, 有序天成, 這亦是精美兔毫盞的先決條件. 用手觸摸毫絲, 能感覺其立體存在, 並不呆板, 十分精緻細膩, 很難想像這麼精美的紋飾是由單一釉水, 經高溫就能燒製而成的, 十分神奇.
 
陳國文大師的銀毫器型厚重, 手感滿而足, 感覺不是那些崇尚薄胎茶杯的玩家所能夠明瞭體會的. 所以小弟在此只能說, 當你迷上建盞, 你自自然然就會覺得薄胎茶杯過於單薄, 手工精緻但欠缺貴氣, 外表雖美但手感差勁. (以上純屬個人意見, 不強要你認同, 但這帖是我主場, 名位大大, 不喜敬請勿噴.)
 
手執銀毫盞, 盤於雙掌之間, 微微轉動一圈, 那種感覺完全有別於之前所提及的盞. 它沒有別家的艷麗色彩, 換來的, 是更為踏實而高貴華麗的感覺. 誰人不知, 顏色的盡頭就是看到黑與白. 當你深深地愛上帶有深海之藍的盞後, 你可能會與我一樣, 被他那莊嚴高貴的銀色帶來另一個巨大的衝擊.
 

[attach]9520124[/attach]


[attach]9520125[/attach]


[attach]9520126[/attach]


[attach]9520127[/attach]


[attach]9520128[/attach]



[video=https://1253590913.vod2.myqcloud.com/30b3dda5vodgzp1253590913/5cd6efcb5285890787302607090/5285890787302607091.jpg]https://1253590913.vod2.myqcloud.com/30b3dda5vodgzp1253590913/5cd6efcb5285890787302607090/7A9OViZRyJUA.mov?videoid=5285890787302607090[/video]

[quote]原帖由 [i]神速傳說[/i] 於 2019-4-7 12:30 AM 發表 [url=https://www.discuss.com.hk/redirect.php?goto=findpost&pid=497382511&ptid=28135180][img]https://www.discuss.com.hk/images/common/back.gif[/img][/url]
建盞款多顏色靚,真係好吸引
今時今日有淘佬,入門當然容易,但想買到出自名家之手既正品/辨別真偽就有D困難,希望長空師兄可以係呢方面賜教一下:smile_o12: ... [/quote]
正如我一開始既秘笈內已經明確提示左，如果要買大師盞，都系去一d專做建盞的商家會比較穩陣好多。淘寶除左價格實惠之外，真系睇唔到有咩特別的優勢。

玩開建盞都知，真正的靚盞，都必需要有門路，先有機會買到。同一位大師同一窯的出品，上天下地，都可以相差十萬八千里。就以建盞國家級大師既作品計，頂級既可以靚到無淪，而最差既，可能賣相只系一般般不過不失。如果新手入坑唔知門路，仲要系二世祖人傻錢多，咁小弟只可以說一句恭喜，你連大師盞靚响邊都唔知就花廿萬，真系配服到五體投地。

知識就系財富，玩必先要學，邊學邊玩，搵多幾個志同道合的朋友交流，正所謂三人行必我師，只會系有所得著，一定唔會蝕底的。而小弟都只系學習當中，在此所分享的知識，未必全對，但小弟都系拋磚引玉，希望都能從各方好友身上吸收到多少寶貴的經驗。

淘寶，本身個性質就系撞客，上面既貨色，只要系刻有大師名的，兼打正大師名廣告的，小弟見過的都是真貨，絕少有假。但差別就是這些貨好大幾會是一些賣剩的貨尾。玩家可知道，同一窯出品，真正絕品級的，可能只有一兩件，而其他的，只是普品或次品，品質是以幾何級數第減的。無錯都系真大師手筆，但品質就可能有點距離，識玩同唔識玩既分別就响呢處。

專做建盞的商家，你要响佢手上買到好野，都要打關係的，人家手上幾百個客，大把土豪大茄，有絕品好盞又做乜要留比你？咁呢個就要講關係了。小弟建議新手玩家，搵定一個良好盞商，一心一意同佢買多d，咁人家記得你，有好野自然都必先留比你，呢個系小弟的少少經驗分享。

[[i] 本帖最後由 翡翠長空 於 2019-4-7 04:09 AM 編輯 [/i]]