Auror 2019-4-22 14:40
我怎樣最近終於找到了頭聲。自問聲底唔錯，懂得收腹，共鳴也做到，但一直突破唔到，聲音困在口腔。結果，相信好多鍾意唱歌的人，想唱好d的人，都有相似經驗，中音還好，到了高音或假聲，就顯得勉強，就算音到，腔聲也唔好聽。或者未唱完愛情陷阱或莫再悲，就已經聲帶疲勞而走音，相信師兄姐們都見過或試過這種情況。現在用了頭聲，不但唱得完，連續唱多首勁歌都無問題。
這帖純屬發洩，無教學意圖，唔信不喜勿看。
Wukin2 2019-4-23 00:33
我和另外一位ching近排岩岩講緊頭聲，我地得出嘅結論係，無頭聲胸聲混聲之類，就是得真假聲，你現在不是需要找頭聲，而是去學換聲，練習hoo 或hee音，知道如何換聲和假聲後，練gee goo音，練實佢，其實假是因為閉合太差，特別係假聲區對男仔。
Wukin2 2019-4-23 00:38
[quote]原帖由 [i]Wukin2[/i] 於 2019-4-23 12:33 AM 發表 [url=https://www.discuss.com.hk/redirect.php?goto=findpost&pid=498202603&ptid=28173118][img]https://www.discuss.com.hk/images/common/back.gif[/img][/url]
我和另外一位ching近排岩岩講緊頭聲，我地得出嘅結論係，無頭聲胸聲混聲之類，就是得真假聲，你現在不是需要找頭聲，而是去學換聲，練習hoo 或hee音，知道如何換聲和假聲後，練gee goo音，練實佢，其實假是因為閉合太差，特別係假聲區對男仔。 ... [/quote]
我好似會錯意，不過反正說了
Auror 2019-4-23 14:24
[quote]原帖由 [i]Wukin2[/i] 於 2019-4-23 12:33 AM 發表 [url=https://www.discuss.com.hk/redirect.php?goto=findpost&pid=498202603&ptid=28173118][img]https://www.discuss.com.hk/images/common/back.gif[/img][/url]
我和另外一位ching近排岩岩講緊頭聲，我地得出嘅結論係，無頭聲胸聲混聲之類，就是得真假聲，你現在不是需要找頭聲，而是去學換聲，練習hoo 或hee音，知道如何換聲和假聲後，練gee goo音，練實佢，其實假是因為閉合太差，特別係假聲區對男仔。 ... [/quote]
頭聲是有的，因為你感覺到頭顱在共鳴。你建議的練習也好，但我不知什麼是換聲
Auror 2019-4-23 14:30
我都跟過老師，聽聞他唱敢愛敢做同阿lam一樣勁，應該有料的。上堂時他派張簡譜，跟住唱下，評下d音準拍子咁，揀d歌又唔會好難，唱下唱下又一堂。佢教腹式呼吸，攞支指揮棒督人個腹，睇吓學生有沒有用啱力。搞到d女學生都幾尷尬。我最難忘佢話我是收胃唔係收腹，難怪我唔夠氣。可能呢樣係學咗兩年唯一收到嘅嘢。
pigppp 2019-4-25 00:52
[quote]原帖由 [i]Auror[/i] 於 2019-4-23 02:30 PM 發表 [url=https://www.discuss.com.hk/redirect.php?goto=findpost&pid=498223374&ptid=28173118][img]https://www.discuss.com.hk/images/common/back.gif[/img][/url]
我都跟過老師，聽聞他唱敢愛敢做同阿lam一樣勁，應該有料的。上堂時他派張簡譜，跟住唱下，評下d音準拍子咁，揀d歌又唔會好難，唱下唱下又一堂。佢教腹式呼吸，攞支指揮棒督人個腹，睇吓學生有沒有用啱力。搞到d女學生都幾尷尬。我最難忘佢話我是收胃唔係收腹，難怪我唔夠氣。可能呢樣係學咗兩年唯一收到嘅嘢。 ... [/quote]
好羨慕你有老師督肚 好似我呢啲咩樂團都冇玩嘅人完全冇頭緒咩叫「腹式呼吸」「假音」「頭音」
Auror 2019-4-25 15:02
[quote]原帖由 [i]pigppp[/i] 於 2019-4-25 12:52 AM 發表 [url=https://www.discuss.com.hk/redirect.php?goto=findpost&pid=498305898&ptid=28173118][img]https://www.discuss.com.hk/images/common/back.gif[/img][/url]
好羨慕你有老師督肚 好似我呢啲咩樂團都冇玩嘅人完全冇頭緒咩叫「腹式呼吸」「假音」「頭音」 [/quote]
謝謝你的反饋。其實腹式幾難教的。老師總不能𢲡起衫示範，也不能看你的肚。你可以試一下按低腰褲鈕位置在唱歌時有沒有收緊，用力和硬起來。假音咪好似陳奕信你當我是浮誇吧咁囉。頭音經典莫如呂方的你令我快樂過裏面，如水的眼波⋯⋯三十年來，都無人敢翻唱。
為音樂而生 2019-4-26 00:26
成日叫既人自然都會識混聲同頭聲
香港既音樂作品需要多啲甘既表達手法
Auror 2019-4-26 12:36
[quote]原帖由 [i]為音樂而生[/i] 於 2019-4-26 12:26 AM 發表 [url=https://www.discuss.com.hk/redirect.php?goto=findpost&pid=498355204&ptid=28173118][img]https://www.discuss.com.hk/images/common/back.gif[/img][/url]
成日叫既人自然都會識混聲同頭聲
香港既音樂作品需要多啲甘既表達手法 [/quote]
不如話成日叫都唔好似mag咁失聲的應該都懂頭聲了。以前好多教書的都失聲。但叫不等於頭聲，呂方唱如水的眼波時不是叫，他表達了既溫柔又洶湧的愛。不過師兄／姊說得好，香港樂壇需要多點人唱真聲。最近開左apple music，聽下d新人，發覺個個把聲一樣，分唔開，高音就上假聲，假聲的使用簡直泛濫。B哥話過，歌手要有自己的voice。唔係點會紅？要知道假聲可做裝飾音，如周華健的明天我要嫁給你啦，最後一個音。它沒有質感，如果成句都唱假聲，如張敬軒櫻花樹下，半首歌都假聲，眷戀也許走不過拆卸的街⋯其實很做作，是表達不到感情的。對上一個唱真聲走紅的，可能是側田，他在命硬唱出極有感染力的控訴，歷刧還是在一起……於是一砲而紅。而家新人紅不起來，是什麼原因？假聲是否容易autotune，所以咁流行？
為音樂而生 2019-4-26 15:06
[quote]原帖由 [i]Auror[/i] 於 2019-4-26 12:36 PM 發表 [url=https://www.discuss.com.hk/redirect.php?goto=findpost&pid=498373366&ptid=28173118][img]https://www.discuss.com.hk/images/common/back.gif[/img][/url]
不如話成日叫都唔好似mag咁失聲的應該都懂頭聲了。以前好多教書的都失聲。但叫不等於頭聲，呂方唱如水的眼波時不是叫，他表達了既溫柔又洶湧的愛。不過師兄／姊說得好，香港樂壇需要多點人唱真聲。最近開左apple music，聽下d新人，發覺個個把聲一樣，分唔開，高音就上假聲，假聲的使用簡直泛濫。B哥話過，歌手要有自己的voice。唔係點會紅？要知道假聲可做裝飾音，如周華健的明天我要嫁給你啦，最後一個音 ... [/quote]
的確，學好頭聲好講彩數同領悟力，特別系自學
香港既樂壇系好難救
有消費能力既人唔鐘意啲新歌，無資金提供於創作嘗試，新作品越黎越唔作出新嘗試，只求穩定
甘既環境下好難打破局面
Auror 2019-4-27 15:12
言歸正傳。無再學，也無進步，如是者歌照唱，音照走。直至有天用電話錄來聽番，發覺接受唔到自己把聲，好痛苦！唱緊嘅時候自覺是OK的，邊有理由聽番完全是兩回事！有時候甚至唱高左一個key都唔知。曾經和一些不太熟的朋友唱，唱完他們都拍拍手，原來是多虛偽！曾經放棄過，直至遇上她。一般日本偶像都不會唱歌的，她們只是用雞仔聲大叫自high。但她例外。她不是雞仔聲，不夠五呎，但無論情歌、快歌、rock歌都好聽，還有出名的signature震音。看她唱live，高音時會俯前上身，咁我又試下，點知真係work嘅喎！
Auror 2019-4-28 13:05
[quote]原帖由 [i]Auror[/i] 於 2019-4-27 03:12 PM 發表 [url=https://www.discuss.com.hk/redirect.php?goto=findpost&pid=498428324&ptid=28173118][img]https://www.discuss.com.hk/images/common/back.gif[/img][/url]
言歸正傳。無再學，也無進步，如是者歌照唱，音照走。直至有天用電話錄來聽番，發覺接受唔到自己把聲，好痛苦！唱緊嘅時候自覺是OK的，邊有理由聽番完全是兩回事！有時候甚至唱高左一個key都唔知。曾經和一些不太熟的朋友唱，唱完他們都拍拍手，原來是多虛偽！曾經放棄過，直至遇上她。一般日本偶像都不會唱歌的，她們只是用雞仔聲大叫自high。但她例外。她不是雞仔聲，不夠五呎，但無論情歌、快歌、rock歌都好聽，還 ... [/quote]
俯前上身讓我真正做到小腹用力，於是夠氣左，唱d音長左高左。我也發現可以唱住ah音然後微調顎關節的位置來感受共鳴位的改變。這時只有腹用力，聲帶和口都放鬆，但都會出汗。漸漸共鳴去到耳仔，但我覺得這個共鳴位是錯的，因為唱完耳朵會痛，真怕唱到聾左。
Auror 2019-4-29 16:10
當然，你不常見到歌手是彎身表演的。例如陳慧嫻，她根本是仰望前面遞高枝咪唱的。其實彎身只是讓小腹不被胃腸壓住。如果空腹，基本是可以站直的。所以我見有帖講食飽k buffet再唱，都覺無言，莫非是內功這樣深厚？
同時，我也發現唱歌時開始現頸筋，還有時喉核震得動，這些似乎都是好現象。
不過，還是到了樽頸。例如beyond的歌都係唔到，就算學埋偶像另一招 一 按肚，或者超有力收腹，d聲都唔出，或者時好時壞。這時候，又讓我發現了另一秘訣。
為音樂而生 2019-4-29 18:41
其實更系唔會真系食到好胞啦
Beyond 既歌大部份都要用混聲同頭聲
Auror 2019-4-30 16:56
平時我是坐著跟筆電唱的，即係垂著頭唱。後來我在房裏連了個一百火大喇叭和藍牙擴音機，用apple music在手機揀歌唱，因為好多都有歌詞。咁我就可以站著擧高手機看歌詞來唱。因為我看過大陸歌唱節目，條友唱死了都要愛最高音時，是站著扯直身子仰頭重要彈下彈下的。咁我站著，岳高頭，張大口，顎骨放鬆，d共鳴位又唔同哂。
Auror 2019-5-1 15:41
所以如果你還是看著歌譜或電視練歌的話，就最好反醒一下。唱歌是全身配合再加上對旋律和歌詞的領悟來演繹，這一切都在剎那間發生。如果掛著睇譜，那其他野都做不到了。所以一定要記歌詞。
jojomick 2019-5-2 12:42
好 貼
Auror 2019-5-2 16:02
謝謝回應。來到這裡有時候也出到頭聲了。只是時得時唔得，咁以為自己唔夠力，咁加大力度，反而走火入魔，倒退左。呢個時候，發生左另一件似乎不相關的事，就係我樓下開了健身室。其實d人話唱歌要跑步練氣，咁我都有，跟住沖涼時把聲係響d嘅，但效果很短暫。事關，跑步係練橫隔膜，唔係腹。用橫隔膜唱歌我也試過幾年，對中音有一定好處，但唔幫到高音和假音好多。甚麼是橫隔膜？它是四肢以外最大塊的肌肉，隔開肺同胃，佢擴張個肺就吸氣，收縮就呼氣。
咁有個咁方便嘅健身室我就成日去，練下大隻老鼠仔咁啦，基本上同唱歌無乜關係。點知有一日，發現唱得食力左，跟住想起，原來今天在健身房做過呢樣嘢。
Auror 2019-5-3 17:22
在健身房通常舉重物，這個懸吊提腿架並不起眼，我去了幾個月才試它，做完個肚腩都係咁大。誰知，它正是訓練唱歌時用力個舊肌肉，就係下腹。就算你做sit up，都只係練到上腹。此時我記得個日本偶像有條片，影佢錄音前背著枱站，雙手按枱面，提起屈曲的雙腿至心口，我重以為佢有芭蕾舞底平時鍾意玩呢d，原來呢個係唱歌前好緊要嘅熱身動作！我成日想在比賽前你怎樣開聲？唔通蛇去廁所大叫？其實當你騰騰震坐係度等嗌名的時候，你就可以做這個動作。
黃金工程 2019-5-4 23:45
[quote]原帖由 [i]Auror[/i] 於 2019-4-22 02:40 PM 發表 [url=https://www.discuss.com.hk/redirect.php?goto=findpost&pid=498175792&ptid=28173118][img]https://www.discuss.com.hk/images/common/back.gif[/img][/url]
我怎樣最近終於找到了頭聲。自問聲底唔錯，懂得收腹，共鳴也做到，但一直突破唔到，聲音困在口腔。結果，相信好多鍾意唱歌的人，想唱好d的人，都有相似經驗，中音還好，到了高音或假聲，就顯得勉強，就算音到，腔聲也唔好聽。或者未唱完愛情陷阱或莫再悲，就已經聲帶疲勞而走音，相信師兄姐們都見過或試過這種情況。現在用了頭聲，不但唱得完，連續唱多首勁歌都無問題。
這帖純屬發洩，無教學意圖，唔信不喜勿看。 ... [/quote]
就算無教學意圖, 都十分同意和相信。
Auror 2019-5-5 16:17
謝謝回應，有時候太過自說自話都會提不起勁繼續寫。講到唱歌要健身，咁發聲係咪要好大力呢？是不是要吸很大啖氣呢？其實當你找到共鳴位之後，就發覺不需要很大力。事實上聲音能量是很少的，聲帶也只連著很小塊的肌肉。發聲時，下腹提供一個穩定的氣流，聲帶只提供一個頻率。其實聲帶光是連續振高頻已很吃力。如果你靠它發聲，恐怕很快就跟mag同病相憐了。氣流通過聲帶，如果振到頭骨，聲音就會放大。就好似結他一樣，你抽條弦出來彈，係無聲的。你要連在結他上，振到音箱才有聲。頭顱就係你個音箱。不過，結他音箱是中空的，咁你個頭呢？
為音樂而生 2019-5-6 12:50
但學頭聲未算難
開落翻去既混聲先至和味
要識得推入共嗚(chest, mask, haed, belting)
Auror 2019-5-6 17:24
謝謝回覆。我希望寫的大家睇得明嘅嘢，不用太多專有名詞。
因為頭部裝滿腦組織，正常聲音是振不到頭骨的，除非你的姿勢令聲音接觸到頭骨。對我來說，仰頭垂下巴時聲音似乎從耳管接觸到後腦。你可能知道鼻和耳是有條管連通來平衡氣壓的，所以感冒時亂呻鼻涕好易中耳炎。我自小都鼻敏感，曾想過成日鼻塞的人可能唱不了歌。而家做運動，冬天戴帽，開冷氣睡覺時用毛巾蓋頭，鼻已經不會咁容易塞了，於是打通了這條耳咽管。例如，唱胡鴻鈞遙不可及，難受亦甜蜜過...個過字我好肯定在後腦，不過成個身同下顎扯得好行先得。
Auror 2019-5-8 16:59
如果唔仰起頭，而是向前的話，聲音就在鼻樑位振到頭骨，然後蔓延到後腦。咁樣除左中音啱使之外，亦可以發出很結實和頗有力的高音。例如譚詠麟刺客，又再跟我入人…堆，如果無共鳴，可能到個堆字已經謝了，但係堆字先至係全句最高最大力個音。你不能在前面的字交行貨留氣，也不能在人字斷了來吸氣。事實上，這個共鳴是很省氣和力的。不過，它做唔到最高音或最大power，呢d要用後腦至得。
Auror 2019-5-10 18:14
咁唱歌係咪要好多氣呢？其實甄妮已經講過巨肺呢個名唔係指個肺大。事實上個肺受胸骨包圍，大極有限。其實要唱得響同高，係唔使好多氣的。聲帶振動時張開很小，才可以振動所有通過的空氣，所以你呼出的氣不多。我個日本偶像唔夠5呎高，輕過一百磅，你話個肺可以有幾大？但她可以在演唱會用全力唱十五分鐘勁歌。所謂唱到無氣，其實係橫隔膜和腹太弱，令到換氣慢，同埋用錯力唱歌嘥了已吸入的氣。我遲d會講點樣好慳力就上到頭聲。
Auror 2019-5-12 22:11
有時候d歌係突然跳高的，如王傑可能…她一心要試驗我…當然你大力收腹係推到上去的，但成首歌咁多句，你推得幾次？因為一樣嘢振開，會有個慣性，係好難改變它振開嘅模式，除非首先破壞左佢。我見個偶像到呢d位係chok一下上身的來轉波上頭聲的，咁我又試下。最後發現可以腳㬹拮起少少再揼落地，咁原來個共鳴位就破壞左，隨著聲帶發出高音，肌肉的記憶就自然將習慣左嘅頭聲擺位set番好，於是能夠發出頭聲。這個萬試萬靈，腹部也不必特別用力。不過這個方法還沒有充分理論支持，其他人未必也做得到。
★村姑★ 2019-5-14 22:28
我無上過專業歌唱歌堂，唔識咩專業名詞同技巧
不過以前唱合唱團，想分享下......
老師教腹式呼吸，係叫我地自己擺隻手係胃同肚臍中間
吸氣時個肚要脹氣，呼氣時個肚慢慢縮，每次唱之前練呼吸同開聲都15分鐘以上
呼吸方法啱，唱歌時會感受到個肚用緊力
頭聲呢樣係自己唱k，唱唱下就感受到個音上到頭，個頭有道力咁😬
Auror 2019-5-15 15:35
謝謝回應。你講個位似乎高了點，不過只要work就行了。我自小鼻塞，慣了用口抖氣，所以腹式呼吸真係好自然地做左。咁樣練都好正路，不過如果係收費班會幾趕客。我唸無乜老師會識跨範籌咁將健身用係唱歌上。
為音樂而生 2019-5-16 19:27
[quote]原帖由 [i]Auror[/i] 於 2019-5-15 03:35 PM 發表 [url=https://www.discuss.com.hk/redirect.php?goto=findpost&pid=499367869&ptid=28173118][img]https://www.discuss.com.hk/images/common/back.gif[/img][/url]
謝謝回應。你講個位似乎高了點，不過只要work就行了。我自小鼻塞，慣了用口抖氣，所以腹式呼吸真係好自然地做左。咁樣練都好正路，不過如果係收費班會幾趕客。我唸無乜老師會識跨範籌咁將健身用係唱歌上。 ... [/quote]
健身同唱歌系呢個層面上面有啲唔啦間，
除非你玩跳唱，要條氣順啲
Auror 2019-5-18 21:58
謝謝回應。好多人以為健身就係張繼聰咁。其實它包含好多野，不一定練大隻。例如拉筋可提高柔軟度，避免受傷。城市人生活裏好多肌肉是用不到的，透過訓練可以把它們激活和變得結實，來撐起身體，改善身姿或寒背，幫助平衡，防止跌倒。你如果個膊橫d，背脊直d，手瓜粗d，條腰幼d，個胸厚d，臀部挺d，線條美d，大肶實d如果行出來唱都好睇d，carry件衫都靚d，個人都自信d吖。另外個腹肌緊左會抑制餓感，幫助減肥，帶氧運動可增加肺活量，是唱歌必須。運動能舒緩情緒，調節身心，促進睡眠，大家都知。有些動作亦可以促進腸道運行。早上起身拉下筋做下皮拉堤，返工都精神d，好過飲咖啡。如果你自覺在亞健康狀態，與其花錢買補品，不如join個健身會。你唔好以為好辛苦要身水身汗跑幾k。其實跑得多係錯的，會傷膝，好似鄭秀文咁，佢如果有教練的話個教練真係食屎。跑步只練下盤，沒有顧整體，所以跑步在成個programme中只佔一小部分。如果開聲要做十五分鐘的呼氣練習，可能用兩分鐘的提腿運動就代替到。不過，以前d音樂老師可能不懂身體結構，才會搞出什麼氣聚丹田呢d武林秘笈式的術語。