查看完整版本 : 焦慮？抑鬱？不知不覺同時到來

(首次家庭醫生。。。一)

上星期有一日，發現自己有點不正常，但自己又唔清楚亦唔肯定，所以就問太太有無發現自己最近唔正常行為，原來太太係好早之前已留意到，發現我經常留係房間，自己一個人，完全無社交活動，連同亞仔架互動亦無，太太只係以為係工作壓力太大，個人太累，所以先有咁情況，但太太見我近況越來越不尋常，亦見我主動提出，所以建議我去見心理輔導。

昨天抽時間見完心理輔導後，建議我約見及介紹一位有精神科家庭醫生，亦係點解今日我坐係到架原因。。。

由上診所開始，心情一直都好擔心，因爲係見完心理輔導員後所得知結果係抑鬱症，但我唔認為係，無啦啦點會有情緒病啫，自問一直都係比較樂天，從來都係無憂無慮。所以自己都斷定只係大家過份緊張。但為左令太太安心，所以都照樣睇醫生。但最奇怪係唔知點解心裏面非常不安，當然啦，無啦啦俾輔導員話有抑鬱症，唔通仲笑咩，呢個就係我一直坐係到架想法。。。

。。冇事既

(首次家庭醫生。。。二)

係漫長等待中，其實並唔耐，因為思想太亂，一方面擔心醫生會同我講同你真係有抑鬱症，但另一方面又不停同自己講點會有事丫，最後都係會話我工作壓力大，俾幾粒維他命丸我就算架啦。感覺上等呢個半鐘真係好快過，電話都無攞過出黎，目空一切，思想互有攻守下就聽到自己個名入去。

呢位醫生雖然我係第一次見，但好奇怪地，我對醫生感覺好好，打招呼過後，我就講出到來原因，自己奇怪感覺，太太留意到架轉變，同心理輔導結果同介紹，同時亦都用我工作壓力結論收尾。醫生聽完後亦問左我問題。。。

失眠，最近幾個月都有，有好多時候成晚都瞓唔到。

心情，經常性緊張同擔憂囉，經常擔心工作上架野。

工作近況，最近被指派接手一d從來未接觸過架工作，而且係會影響到公司其他人同大額金錢。但自己亦自問無能力去處理，同上司討論過自己能力問題未能勝任，但係無足夠人手下，只能繼續努力。

家庭狀況，因為工作太累，壓力又大，所以最近幾個月都同太太分房瞓，返到屋企就入房休息。就算放假，車完亞仔上完堂就返屋企，放假就俾我休息下啦。

社交狀況，最近幾個月太忙啦，而且自己都唔係太多朋友，所以都無揾過同出街見面，而且自己同同事只會保持係同事關係，唔會有太多私人接觸。

運動，以前都會每星期踢波，但而家太累了，放工返屋企休息下啦，幾個月都無踢過啦。

問題一直都係一d普通問題，直到中段，就開始問一d奇怪問題。。。

最近有無食早餐？自從接手新工作後，時間都唔夠用，所以一起身就返工做野，無食幾個月啦。。。

中午呢？通常食咩多？吓，中午個餐？無食好耐啦，做到傻左，仲邊有時間食丫，而且一忙，掛住做，又唔肚餓，食乜鬼丫。。。

夜晚呢？一日食一餐，會唔會食得豐富d？唉，亞媽煮架飯，食左幾廿年，日日都差唔多，食兩啖飽就算啦。。。

平時放工返到屋企休息，會唔會有緊張感覺？日日d野不停黎，都未做完就收工，太累頂唔順，所以第二日做，咁返到屋企明知仲有大巴野做，你緊唔緊張丫。。。

你鍾意張國榮嗎？我呢d年紀架人，點會鍾意哥哥丫。可惜佢離開左大家，令大家都好傷心。

問到呢到，醫生忽然同我講左一句我自己都唔識反應。。。。你不如放鬆d先，放底個袋先丫。。。

原來我由入房到現在，我都係抱住個袋，攬到好實，連自己都無留意到。明明旁邊有張椅俾我放底都無放底到，仲係到死攬住個袋。。。

之後醫生同我量下血壓心跳，聽下胸肺，之後慢慢講。。。你抑鬱有，但我覺得你係焦慮症比較嚴重，原則上你有抑鬱同焦慮症，但幸運地你無自殺傾向，但你有嚴重焦慮緊張。。。

個一剎那，我只係好直接衝口而出話，工作壓力啫，無咁嚴重呀。。。醫生，求下你話俾我知係普通工作壓力，俾維他命我食啦，我唔係精神有問題，唔係精神病，我唔係哥哥呀，我只係呢個世界無咩人識架人咋，我平時已經帶俾身邊架人麻煩，公司已經攪到同事，屋企已經攪到太太，就算踢波都可以係負累輸波架啦，唔好再話我知仲有啦。。。

(首次家庭醫生。。。三)

好架醫生，佢唔會俾你逃避，佢係會好直接話俾你知你有病，俾個你一定要信佢架感覺同威嚴。佢唔會俾你有退路，你必須去面對佢。
而且覆診都同你準備好。

呢個時候我非常自然聽住吩咐，定時食藥，返來覆診。

打呢篇之前，我已經食左藥同安眠藥，準備好瞓。。。。

[[i] 本帖最後由 井底粗野的流彈 於 2019-5-8 10:37 AM 編輯 [/i]]

(支持？鼓勵？其實兩樣都唔係。。。一)

有時候就算點都好，身邊屋企人係會好易察覺自己架變化。首次見定醫生後，本來只係想自己去面對，無打算同老人家講，但係可能我表現太差，所以俾佢地發現左，仲係太太到知道成件事。老人家當然會揾你講下啦，當然係一d鼓勵說話，雖然心裏面好明白佢地所講架野，只係你地明白我所諗架野嗎？

我知道無亦明白，大道理我當然明啦，但係點解你地係都要我去跟呢？每個人情況面對架事都唔同，大道理就一定可以月同正確咩？

點解我會唔想老人家知？因為我就知道你會同我講大道理，雖然我明老人家因為出於擔憂而希望支持鼓勵我而講，但係我只係覺得。。。你地明白我咩？

(工作壓力？辭職？點解做左反而更加緊張。。。一)

今日係睇完醫生後第二日，今日無返到工，心諗有醫生紙，當然休息啦，同時亦口頭上同上司辭職，本以為咁樣可以舒緩一下自己情緒，俾自己放鬆d，但發現原來唔係囉。一真以來都知自己能力唔高，時常做錯野，帶俾同事麻煩，係呢幾日公司亦好忙，而自己就請假，唔知點解覺得同事而家非常討厭自己，就算返到公司，表明最近自己情緒有問題都好，大家亦只會覺得我揾藉口，
開始唔識返工時點面對佢地。。。

上網揾工，揾黎塭去都揾唔啱，覺得份份工自己都做唔到，連揾份倉都覺得自己做唔到唔會請，又覺得工人唔夠家庭開支，雖然太太揾到，家人又話會支持，但係收入小左就係小左，呢樣係好現實架問題。。。

到底自己係逃避？懶？定係不負責任？可能自己睇得自己太重，根本呢個世界，無人在乎自己架存在，而且自己架存在只係帶俾大家一個負累？

(幸運地，真心話。。。一)

可能太太實在太擔心，佢今日揾左我僅餘架朋友，希望有人可以揾我，令我有地方放鬆下，咁當然就一傳十十傳百啦，當然朋友們都有鼓勵下我，亦同樣地叫我放鬆睇開d，雖然我知道，亦明白，但同時更加感覺無人明白自己，但朋友出於好意，我亦會默默接受，但係估唔到，會有人同你講，抑咩鬱焦咩慮丫，你根本就係懶逃避就真，我都想唔使做呀，教下我點扮丫，好彩我唔係你d同事上司咋，唔係我要連你個份都做，真係會打七你架。聽完之後，唔知點解，我好認同佢講法，真係生時累人，死時累街坊，我無反駁佢，一直俾佢由佢講，因為佢只係講出全部人真正想法，只有佢直接老實同我講。。。你要死，死遠D，唔好累人累物！

樓主嘅諗法都幾特別，
有人講真話反而鬆一口氣

(支持？鼓勵？其實兩樣都唔係。。。二)

今日係第二日，估唔到白瓜子幾好，夜晚十點食，上網揾工，十二點就瞓到，瞓到差唔多六點先醒，先再眼光光，比之前瞓得好d，起碼我有瞓到！

起身一陣之後，攞個電話睇下，因為我將電話無聲左，一開三百幾個WhatsApp 再加七十幾封公司email，一晚啫，唔使咁呀。。。

再睇，原來有幾個同事WhatsApp 我，基本上我無同公司同事講過咩事，只係同上司交代同請假辭職，經過一晚後，全公司都講緊我，有兩個比較好架同事就鼓勵下關心下，同樣講大道理，同樣係令我反感，亦同樣答無事多謝關心。有個就同我講我做左公司架飯後甜品，成為話題，當然負面架多，而同事亦叫我唔使理佢地啦。最後呢位，我真係好喜歡佢，好直接同我講，你d野落晒我到，你幾時返呀？係屋企做唔做到野呀？可唔可以早d返呀？你唔好辭職呀，我唔想接呀。但係你唔會攞刀劈人架？呢位小妹妹，我知煩到大家，麻煩到大家，我咩都知，但係我而家食完藥，連講野都一舊舊，個腦係好清醒，知做咩想講咩，但係我返黎，我驚真係會劈人架。。。

近期我都因為情緒低落影響好多野，做成好大壓力，而我又冇妻子可以傾訴倚靠，真係好辛苦，我都想揾個醫生睇下。

[quote]原帖由 [i]果個野生的妹妹[/i] 於 2019-5-8 07:05 PM 發表 [url=https://www.discuss.com.hk/redirect.php?goto=findpost&pid=499007892&ptid=28204134][img]https://www.discuss.com.hk/images/common/back.gif[/img][/url]
樓主嘅諗法都幾特別，
有人講真話反而鬆一口氣 [/quote]
我情願係因為懶逃避，總好過有情緒病，當睇見身邊架人因為自己咁而擔憂，自己成為負累時，心只會更難受

[quote]原帖由 [i]陳金城[/i] 於 2019-5-9 07:10 PM 發表 [url=https://www.discuss.com.hk/redirect.php?goto=findpost&pid=499066915&ptid=28204134][img]https://www.discuss.com.hk/images/common/back.gif[/img][/url]
近期我都因為情緒低落影響好多野，做成好大壓力，而我又冇妻子可以傾訴倚靠，真係好辛苦，我都想揾個醫生睇下。 [/quote]
如果我話，我情願一個人，無太太仔女屋企人朋友時，問題更易解決，因為無任何負擔責任，只需要向自己負責，答案係會簡單得多。

你唔使對情緒病有負面標籤，
大把人有情緒病，
未來只會越嚟越多，
其實懶同逃避亦都係情緒病嘅其中一種成因。

要唔要抗抑鬱藥

[quote]原帖由 [i]果個野生的妹妹[/i] 於 2019-5-9 08:05 PM 發表 [url=https://www.discuss.com.hk/redirect.php?goto=findpost&pid=499069289&ptid=28204134][img]https://www.discuss.com.hk/images/common/back.gif[/img][/url]
你唔使對情緒病有負面標籤，
大把人有情緒病，
未來只會越嚟越多，
其實懶同逃避亦都係情緒病嘅其中一種成因。 [/quote]
其實我以前都係咁諗，話有情緒病架人，覺得只係懶逃避一D野，少少壓力都唔得，之後就話有情緒病，但當發生係自己身上時，就會知道分別係邊，我唔知點講，我思想係好清晰，但一病發時，所有負面思想會佔據左個腦，身體會有D好辛苦架感覺。

我唔係呢個意思，
我對情緒病嘅理解同你係一樣嘅，
而之所以會變成咁，
係因為負面情緒累積得越嚟越多，
如果之前一直有逐少逐少釋放就唔會咁樣。

我話懶同逃避係情緒病嘅其中一種成因，
包含嘅意思係仲有其他成因，
而最大嘅成因其實係對負面情緒冇足夠嘅認知。

負面情緒係身體裏面實際儲存嘅嘢
（我唔知具體係乜嘢），
可以被消耗，
負面情緒出現嘅時候，
越係專心感受，
消耗得越快，
有時仲可以耗盡情緒㖭。

我哋自細嘅教育比較缺乏右腦嘅訓練，
所以大部份人都唔擅長感受情緒，
負面情緒容易累積，
咁就演變成情緒病。

[[i] 本帖最後由 果個野生的妹妹 於 2019-5-9 09:36 PM 編輯 [/i]]

[quote]原帖由 [i]果個野生的妹妹[/i] 於 2019-5-9 09:34 PM 發表 [url=https://www.discuss.com.hk/redirect.php?goto=findpost&pid=499073121&ptid=28204134][img]https://www.discuss.com.hk/images/common/back.gif[/img][/url]
我唔係呢個意思，
我對情緒病嘅理解同你係一樣嘅，
而之所以會變成咁，
係因為負面情緒累積得越嚟越多，
如果之前一直有逐少逐少釋放就唔會咁樣。

我話懶同逃避係情緒病嘅其中一種成因，
包含嘅意思係仲有其他成因，
而最大嘅成因其實係對負面情緒冇足夠嘅認知。

負面情緒係身體裏面實際儲存嘅嘢
（我唔知具體係乜嘢），
可以被消耗，
負面情緒出現嘅時候，
越係專心感受，
消耗得 ... [/quote]
認同你架講法，就好似個樽，滿到個樽受唔到，爆左咁。

其他我以前有個諗法，情緒病，只係你唔能夠受壓，痴左線，到現在自己有架時候，先發現自己一直咁架諗法係錯，我為自己以前架無知道歉！

其實我寫呢d野出黎，一來俾自己抒發下，二來想俾大家知道，情緒病唔係痴線，係病發時，只係控制唔到自己情緒，但其實自己係好清晰自己架行為同思想，自己並唔係痴線不受控。

[quote]原帖由 [i]82082171[/i] 於 2019-5-9 08:12 PM 發表 [url=https://www.discuss.com.hk/redirect.php?goto=findpost&pid=499069549&ptid=28204134][img]https://www.discuss.com.hk/images/common/back.gif[/img][/url]
要唔要抗抑鬱藥 [/quote]
食左兩日，醫生俾左一星期藥，之後覆診，我同時都有見心理輔導

(衝出屋企，重返球場，結果。。。。一)

係屋企靜左兩日，今日波友有得踢，知道自己要行出去，唔可以封閉自己，換上球鞋，出發！

去到球場，感覺好陌生，好似唔知去左一個新地方咁，見到一齊踢左好多年波架隊友，但自己一D喜悅興奮架感覺都無，個心好驚，驚踢得唔好，累到球隊，驚同人講野，驚俾人發現自己有問題，最驚係俾人同自己講睇開D，講乜你理咁無用，吋？你痴左就留係屋企啦。。。

係球場旁，自己係個角到，好靜咁準備，一個人去熱身跑圈，一句說話都無，直到有個人見到我問我野，我都唔知點，幸好呢個係幾十年朋友，我先可以答兩句，先可以用一D好隱晦答案俾佢，當然，鼓勵說話啦，心知感激，但亦好無耐。

成場波無講過一個字，提醒隊友？無。鼓勵？無。只會拍手，呢樣而經係我能力做到架野。就算自己入波，應該好興奮陳美功夫，但自己都只係好平淡咁慢慢行返去中圈。就算打後防成功
解圍，隊友架讚賞都只係聽唔入耳。隊友入波，只會默默返自己位置。就算所有人走向前，後防空虛，被人打突擊，都無發火。成場波自己心裡都只係好平靜，無高無低無激動無底落。

以前架自己入波會好囂張，防守成功會好得戚，被人多打人小會吊人，係場邊會同隊友互相取笑，研究失波入波原因，球隊入波同隊友互讚賞。今日就好似與自己無關咁，靜靜的默不作聲。。。

今日贏波，理應開心，仲要係一直未贏過下大勝一場，當各個隊友興奮谷底反彈時，我只係默默換衫，同大家離開球場，當大家互相稱讚及讚揚我時，我只係默不作聲，慢慢離開球場。

其實今日係開心歡樂氣氛下，一吐烏氣，大勝一場，自己反而無辦法溶入其中，可能我需要更加努力吧！

(藥到病除？負作用？。。。一)

食左兩日藥，好老實講，除左白瓜子令我瞓到幾個鐘之外，我真係無咩感覺，上網睇話要食幾日先開始有反應，我就只係選擇想信醫生，唔信就唔好睇，反而自己開始有d特別反應。。。說話唔清，無辦法成句講，講野一舊舊，好似同太太講。。。好似我明明想同太太講，[妳唔使擔心我喎，我無野喎，唔使特登早收工返黎陪我喎。]但當要講出口時，聲音細到我自己都聽唔到自己講咩，仲只係講[唔使，返黎，我OK。]最叻係太太明白，仲會揾藉口話出左出開會，所以先早返黎。你話丫，呢個女人係咪命苦丫，嫁左個廢柴老公，仲要諗說話安慰返個廢柴。明明有闊太唔做，係要嫁個廢柴，明明可以無憂無慮生活，係要嫁個廢柴憂柴憂米。真係子華講法，死，唔該你死遠D，唔好死係間屋到，幾百萬架！

[quote]原帖由 [i]井底粗野的流彈[/i] 於 2019-5-9 11:59 PM 發表 [url=https://www.discuss.com.hk/redirect.php?goto=findpost&pid=499080513&ptid=28204134][img]https://www.discuss.com.hk/images/common/back.gif[/img][/url]

食左兩日，醫生俾左一星期藥，之後覆診，我同時都有見心理輔導 [/quote]

我仲有128粒,要長期服用先有效,我平的比你,希望幫到你.

[quote]原帖由 [i]82082171[/i] 於 2019-5-10 01:19 AM 發表 [url=https://www.discuss.com.hk/redirect.php?goto=findpost&pid=499083105&ptid=28204134][img]https://www.discuss.com.hk/images/common/back.gif[/img][/url]


我仲有128粒,要長期服用先有效,我平的比你,希望幫到你. [/quote]
先多謝，唔需要了，我暫時都係會睇醫生開藥先，謝謝

[quote]原帖由 [i]井底粗野的流彈[/i] 於 2019-5-10 02:26 AM 發表 [url=https://www.discuss.com.hk/redirect.php?goto=findpost&pid=499084076&ptid=28204134][img]https://www.discuss.com.hk/images/common/back.gif[/img][/url]

先多謝，唔需要了，我暫時都係會睇醫生開藥先，謝謝 [/quote]

你果啲喺會令人失憶的，呢兩日我喺醫院早午晚三餐，個人好迷。。。

[quote]原帖由 [i]82082171[/i] 於 2019-5-10 02:28 AM 發表 [url=https://www.discuss.com.hk/redirect.php?goto=findpost&pid=499084100&ptid=28204134][img]https://www.discuss.com.hk/images/common/back.gif[/img][/url]


你果啲喺會令人失憶的，呢兩日我喺醫院早午晚三餐，個人好迷。。。 [/quote]
我認為每個人病情病況深淺不一，但只要相信醫生，自己亦學習放鬆，咁係最努的。

(請勿標籤我，我只係普通人。。。一)

係網上面有好多文章，講解如何同情緒病患者相處，主要教大家同位在患者角度，陪伴患者同一陣線，令患者感覺到對自跟自己一樣，明白患者想法。但我想講唔啱得晒。

以自己為例，我唔需要鼓勵，我心裏面係知，亦唔需要大家講一D我明喎，好小事啫，大家加油。其實我只需要你當我係普通人，出街食飯行街睇戲仲會記得我，同以前一樣就可以，仲當我係朋友對待我，雖然我知道自己會跟根據當時架心情而決定，可能最後會放飛機，但請你同以前平時一樣吊下我呢個機司，令我感覺到你無將我標籤，無特意對我，同以前架我一樣對待就可以。當我推絶出來時，你會吊我又唔黎。咁樣我個心係會平靜好多，我會感覺到我係其他人眼中只係一個普通人。

到現為止，我都唔想主動週圍講我乜乜乜，因為我知只會令人有兩個睇法，一，呢位仆街又扮晒野，都唔知真定假，成個影帝咁。二，你條友係到扮可憐博同情。所以你唔問即係無留意，咁我就唔會講囉。

我無需要鼓勵支持扮可憐博同情，我只想要你俾返普通人對待我就可以。。。

多謝你篇文, 我都係有抑鬱, 正在心理輔導中, 不過我係突然情緒爆發自己發現主動求助, 原來負面情緒嘅累積係自己唔會覺, 曾經有一刻完完全全否認咗自己以前所有嘢, 最近先開始重組返自己. 不過面對呢D嘅問題, 真係冇得急, 做吓運動會好d, 我都怕面對人, 所以我迫自己跑步

[quote]原帖由 [i]mn0516[/i] 於 2019-5-10 12:07 PM 發表 [url=https://www.discuss.com.hk/redirect.php?goto=findpost&pid=499100581&ptid=28204134][img]https://www.discuss.com.hk/images/common/back.gif[/img][/url]
多謝你篇文, 我都係有抑鬱, 正在心理輔導中, 不過我係突然情緒爆發自己發現主動求助, 原來負面情緒嘅累積係自己唔會覺, 曾經有一刻完完全全否認咗自己以前所有嘢, 最近先開始重組返自己. 不過面對呢D嘅問題, 真係冇得急, 做吓運動會好d, 我都怕面對人, 所以我迫自己跑步 ... [/quote]
朋友，大家同路人，大家都明白大家諗法，知道大家面對架問題，每個人面對同對抗改善方法都唔同，總之由心出法，由自己做到架開始做，唔好出迫自己硬去面對做一D自己無法面對架事，一步步來，雖然唔會所以人明白自己，有時仲俾人睇唔起當我地係怪物廢物無用架人，但只係無人明白，你又唔係我，你知D咩丫，我只要無攪到影響你就得，大家只要自己接受自己，面對自己，總會雨過天晴。

[quote]原帖由 [i]井底粗野的流彈[/i] 於 2019-5-10 12:29 PM 發表 [url=https://www.discuss.com.hk/redirect.php?goto=findpost&pid=499101822&ptid=28204134][img]https://www.discuss.com.hk/images/common/back.gif[/img][/url]

朋友，大家同路人，大家都明白大家諗法，知道大家面對架問題，每個人面對同對抗改善方法都唔同，總之由心出法，由自己做到架開始做，唔好出迫自己硬去面對做一D自己無法面對架事，一步步來，雖然唔會所以人明白自己，有時仲俾人睇唔起當我地係怪物廢物無用架人，但只係無人明白，你又唔係我，你知D咩丫，我只要無攪到影響你就得，大家只要自己接受自己，面對自己，總會雨過天晴。 ... [/quote]

抑鬱時做啲咩？

其他我唔知，我應該算係平靜D，其實我情緒有問題係幾年前就有，會控制唔到吊人，攪到人人都討厭我，又會食好多野，肥到隻咁。近呢半年，個人反而收埋自己，唔原見朋友，最多打下波，做一D屋企有唔高興架野，好似我好怕打針怕痛，我走去紋身，仲要紋幾個，痛到PK。無晒性慾，都唔知幾耐無掂過太太。成日一個人行左去唔知去邊，無目的咁行，想買野又決定唔到買咩，因為諗好多野。唔再有笑容，唔再講爛gap。就連開快車都變到行中線俾巴士過。

(無心睡眠，腦交戰。。。一)

今日十點就食藥上床瞓，但到十二點都係個腦到練功，左右互搏之術，頂唔順，都係要食瓜子瞓，點知都係瞓唔到。結果我落停車場洗車，洗左兩個鐘，再係咁，我考慮下做夜更保安都應該得。

知名前路茫茫，但每份工又無信心，好想放棄一切，但要對太太亞仔屋企人負責任。

咩都決定唔到，咩都係負面，數學題，負負唔係得正咩？