查看完整版本 : 花生君2019年夏季超級大運轉 pt.1 - 歐洲篇 [更新完畢]

凈chikn食peanut 2019-5-28 03:20 PM

花生君2019年夏季超級大運轉 pt.1 - 歐洲篇 [更新完畢]

小弟2019年夏季超級大運轉(至少對於小弟來講係超級大)正式開始
小弟將逐漸將大部分旅程記錄於此。
還望各位版友支持,併請多多指教
:smile_o05:

[[i] 本帖最後由 凈chikn食peanut 於 2019-6-14 12:48 AM 編輯 [/i]]

凈chikn食peanut 2019-5-28 03:32 PM

小弟首先於5月27號朝早9點由巴黎北站乘坐Thalys的一等車廂前往布魯塞爾南站,再由布魯塞爾南站乘坐城際列車(IC)前往布魯日。
全部車票均已先前於比利時國鐵SNCB網站預訂,盛惠34.8歐,簡直超級抵!車票通過郵箱發出,上車時只需show手機上的qr code,或打印出來就ok~
是日巴黎北站人非常多,適逢早高峰,地鐵、通勤列車(RER, Transilien, TER等)、國內TGV、國際列車將全部月台佔滿,想搵個坐的地方都冇。
買咗杯咖啡以及一隻牛角包、再加上一份報紙後,即前往月台準備上車。
今日坐到Thalys的TGV PBA列車,由SNCF的TGV Reseau改進而成(單層車廂Instead of雙層,可使用DC3K, DC1.5K, AC25K三種供電)。本4551號編組由SNCF擁有,base在布魯塞爾南段。
相比起停在隔離的新塗裝TGV Duplex,小弟中意舊款的TGV多D~ 至少頭型上

[[i] 本帖最後由 凈chikn食peanut 於 2019-5-28 03:38 PM 編輯 [/i]]

凈chikn食peanut 2019-5-28 03:52 PM

一等座每排三列,完全沒面壁,但有一半到頭。剛好小弟與朋友一行3人揀到中間的相親座~
小弟的第3卡全車滿人,全部清一色西裝領帶打扮,仲有一大班都係同事。坐在隔壁的阿叔就好認真工作。唯獨小弟一行人係遊客裝束:smile_30:
3卡後面的第4卡即為餐車,小弟因為已經買咗早餐所以冇去,但通行朋友去買咗個朱古力包,話同巴黎市區麵包店的差唔多。法國高鐵餐車真係好比心機做,價格親民,品質優良!
一個半鐘的車程沿途都係鄉村景色,大片大片的農地,讓人感歎:法國除咗係工業大國,還是農業大國!成乘車非常平穩,舒適度與中國大陸高鐵有的一比。法國人玩Jacobs Bogie(聯結轉向架?)真係玩到惟妙惟俏:smile_14:。
列車離開巴黎後一直以大概295km/h的速度行走,一直到進入布魯塞爾市後才減速。

凈chikn食peanut 2019-5-28 04:05 PM

到達布魯塞爾南站即搵轉車
車票上並沒列明要坐邊班IC往布魯日,亦冇指定坐席,僅列明Zone Bruxelles - Zone Brugge,1等座。車站屏幕上顯示下一班為10:53開往Oostente的列車,由16月台發車。咁就在16月台等啦,點知10:49就廣播話月台改為13... 廣播只有法文同荷蘭文,如果唔係識法文就真係上唔到車啦:smile_39:
是日布魯塞爾站人流不大。另外就係SNCB的職員好nice... SNCF同RATP的職員仗著政府工同工會,全部問乜都好似乘客欠佢錢咁:smile_39:,買張地鐵票火都來埋:smile_42:。而在比利時,無論係車站路過著制服的職員,月台職員定車長,服務態度都非常好!問乜都好好笑容好耐心咁答,真係要大讚比利時國鐵的員工!:smile_o12:

亞亞豬 2019-5-28 04:10 PM

歐洲壕遊,撐場:smile_o13:

凈chikn食peanut 2019-5-28 04:21 PM

最後小弟一行3人順利上到城際列車,並準時開出。根據小弟過去幾次歐洲旅行的經驗,法國、德國、比利時的列車基本都會準時開出、到達,而意大利的火車就基本都係亂咁來:smile_30:
列車空位好多,基本可以隨便坐。是次列車由龐巴迪製AM96重連組成,AM96最大的特點就係重連時可以互通,只需將橡膠充滿氣,並打開駕駛室的門即可重聯互通~
AM96真係好車來,列車以大概160km/h速度行進,smooth到係幾乎0搖動!一等座的座位亦非常舒適,車廂環境安靜,小弟覺得簡直就係普速之王!
布魯塞爾南係本班列車中途站,小弟上車後列車停靠Gand-Saint-Pierre以及Aalter,一個鐘後準時到達布魯日。

凈chikn食peanut 2019-5-28 04:23 PM

[quote]原帖由 [i]亞亞豬[/i] 於 2019-5-28 04:10 PM 發表 [url=https://www.discuss.com.hk/redirect.php?goto=findpost&pid=500075194&ptid=28246349][img]https://www.discuss.com.hk/images/common/back.gif[/img][/url]
歐洲壕遊,撐場:smile_o13: [/quote]

多謝撐場!!
correction: 歐洲窮遊 :smile_30:

凈chikn食peanut 2019-5-28 04:28 PM

布魯日車站
小弟個建築物覺得有小小似蘇聯風格:smile_14:
本段trip report到此結束。更多運轉將於此貼不日更新,敬請關注。
多謝!!:loveliness:

asa2010 2019-5-28 05:48 PM

雖然自己無機會去歐洲,睇完樓主運轉當去左,多謝花生君師兄,撐場:smile_o12:

weisacmei 2019-5-28 06:21 PM

絕對認同:chcz_01:

救火佬 2019-5-28 09:47 PM

入嚟撐下場先,豪遊歐洲:chcz_01::chcz_01::chcz_01:

驚雲小子 2019-5-28 10:38 PM

插入嚟霸位睇:smile_o01:

jeff_chansk 2019-5-28 11:06 PM

撐場,AM96個樣好搞笑

凈chikn食peanut 2019-5-29 03:47 AM

真係多謝曬各位撐場!:smile_o06:
小弟係同朋友仔去窮遊,冇耗油:smile_o05:
小弟一行今日由布魯日坐火車去咗一個叫Oostende的海邊小鎮,車程大概不到20分鐘。
是日車票...
比利時國鐵冇得入閘,車站全開放式設計(即好似輕鐵咁)。持車票上車後車長會來驗票,驗票後就會印個印章。

凈chikn食peanut 2019-5-29 04:11 AM

布魯日車站麻雀雖小,五臟俱全。除咗龐大售票大廳,仲有食肆、商店、咖啡廳。
布魯日係一個分叉點,由布魯塞爾方向來的列車來到本站將會前往兩個方向——Oostende或者Blankensberge。而各個方向大概都做到每半小時一班車。
車站自動售票機僅收銀行卡,小弟一行用現金就一定要去人工窗口。個窗口的大叔同布魯塞爾的SNCB員工一樣非常nice。單程車票盛惠4蚊8毫。

凈chikn食peanut 2019-5-29 04:26 AM

小弟一行於去程坐上一列比利時國產的AM80型動車組,本列車80年代大量生產並與最近由SNCB自行翻新。
AM80型最大的特點就係同一卡被分成三個客室,每個客室都由門隔開。而窗口亦可自行打開,但就冇冷氣。但是日天氣只有十幾度,只需打開一個窗口已經好涼爽~
列車以157km/h的速度前進,大概15分鐘就到達終點站Oostende

[[i] 本帖最後由 凈chikn食peanut 於 2019-5-29 04:28 AM 編輯 [/i]]

凈chikn食peanut 2019-5-29 04:37 AM

作為線路終點,Oostende有個整備場,停放住未連接各種型號的列車。而車站就明顯最近接受翻新,但個售票大廳就得到保留。
翻新後的車站大堂變成售票廳同候車室,而月台就移到玻璃頂下。

[[i] 本帖最後由 凈chikn食peanut 於 2019-5-29 04:39 AM 編輯 [/i]]

凈chikn食peanut 2019-5-29 04:47 AM

回程就坐上SNCB最新的西門子產AM08列車,AM08為Siemens Desiro成員之一。AM08明顯比其他列車更加現代化,不單只有電子屏幕更加有熒幕提供列車訊息。車程非常安靜平穩,不知不覺就到達布魯日。
本班列車由Oostende開出,經過布魯日、根特、布魯塞爾後最終到達安特衛普。[attach]9723769[/attach]

[[i] 本帖最後由 凈chikn食peanut 於 2019-5-29 04:53 AM 編輯 [/i]]

凈chikn食peanut 2019-5-29 04:57 AM

是日運轉到此結束。
最後送上一張在Oostende見到的AM96列車,個樣的確好搞笑:smile_30:

vladimirweiss10 2019-5-29 05:37 AM

我8月都去歐洲運轉1000公里







英國+波蘭

凈chikn食peanut 2019-6-2 06:50 AM

繼續更新
5月29日小弟一行由布魯日乘坐IC前往布魯塞爾南,轉乘THALYS繼續行程前往阿姆斯特丹。
今次就冇一等座啦,只有二等:smile_30:
首先就係呢列3組重連的AM96前往布魯塞爾南。行程依然非常舒適~

凈chikn食peanut 2019-6-2 06:54 AM

是日布魯塞爾南站人滿為患。布魯塞爾南係布魯塞爾市最繁忙的火車站,除咗通勤(S)以及城際(IC)外,仲有Thalys, Eurostar等的國際列車,甚至有法國TGV、德國ICE的直通服務。

凈chikn食peanut 2019-6-2 07:07 AM

在布魯塞爾南作短暫停留後,即乘坐Thalys 9345號前往阿姆斯特丹。Thalys9345由布魯塞爾南發車,經停安特衛普中央站、鹿特丹南站,最終到達阿姆斯特丹中央站。
是日9345號由4344編組擔當,4344為法國國鐵SNCF擁有併base在布魯塞爾南,型號為TGV PBKA,由TGV Duplex以及TGV Reseau改進而成,可使用四種電壓運行,幾乎通達全歐洲
小弟坐在16車廂(實質6車廂),感覺比一等座緊湊好多,空間甚至不如中國高鐵/日本新幹線。雖然乘車都幾smooth下,但是日列車一上250km/h噪音就好大:smile_39:
列車一直以150左右的速度行駛到安特衛普,之後就加速以大概300的速度一直去到鹿特丹。有一點引起小弟注意,法國同比利時的高速鐵路線均為有砟鐵路,而荷蘭段就係無砟鐵路。[attach]9737772[/attach]
相中可以看到荷蘭段內的無砟鐵路線以及隔離的普速線路

[[i] 本帖最後由 凈chikn食peanut 於 2019-6-2 07:18 AM 編輯 [/i]]

凈chikn食peanut 2019-6-2 07:16 AM

光顧餐車
餐車小姐:唔好意思我地今日唔收卡,只收現金不設找零”
我:... 咁... 唔該要隻朱古力包啊
小姐:唔好意思,早餐特供
我:咁啊,唔該要隻牛角包啊
小姐:唔好意思,買曬
我:咁啊,咁有乜食啊
小姐;我地今日有waffle啊,要唔要啊
我:哦,好啦,加多杯咖啡啊唔該
小姐:多謝三個六

waffle唔好食,咖啡唔好飲... 明明TGV餐車好好的說:smile_42:

凈chikn食peanut 2019-6-2 07:17 AM

Rip:smile_39:

凈chikn食peanut 2019-6-2 07:23 AM

小弟一行住在荷蘭國鐵Amsterdam-Sloterdjik車站上蓋,連日來通過國鐵、地鐵、電車以及單車出入市中心。
荷蘭國鐵主要分為兩種服務,分別係站站停的Sprinter,以及大站停的Intercity。Sprinter多為單層車廂而Intercity多為雙層車廂。
另外,仲有好多Intercity係... 動集,所謂動集就係前一機車,後一機車,中間5~8卡客車不等:smile_30:

[[i] 本帖最後由 凈chikn食peanut 於 2019-6-2 07:45 AM 編輯 [/i]]

凈chikn食peanut 2019-6-2 07:28 AM

荷蘭國鐵電氣釜:smile_30:
Sloterdjik作為大樞紐,月台分佈非常複雜... 地下有6~7個月台,站廳架空有一對島式月台,站外還有一對島式月台,仲有一對地鐵月台。
好在車站指示清晰,而GOOGLE地圖亦有列明列車月台,還算比較方便

凈chikn食peanut 2019-6-2 07:31 AM

阿姆斯特丹最方便的交通工具除單車外,非電車莫屬。電車可到達幾乎呢個城市的每一個角落,間隔也好短。唯一就係行車速度較慢

凈chikn食peanut 2019-6-2 07:39 AM

阿姆斯特丹的地鐵系統並非以傳統方式排線,而是將其系統併入其巴士電車系統中,編號50~54
小弟只有乘坐52同51號,感覺就係非常之新,而且好少人坐。都幾方便下
列車由阿爾斯通製造

凈chikn食peanut 2019-6-2 07:42 AM

是日更新到此結束,明日將乘坐國鐵前往史基輔機場坐飛機前往意大利,繼續行程。
多謝各位版友支持!
頁: [1] 2
查看完整版本: 花生君2019年夏季超級大運轉 pt.1 - 歐洲篇 [更新完畢]