查看完整版本 : 以西結書 三十三章1-9節分享

銀河星星 2019-6-11 11:19 AM

以西結書 三十三章1-9節分享

以西結書 33:1-9 (CUVMPT)

守望者之職任

33 耶和華的話臨到我說: ²「人子啊,你要告訴本國的子民說:我使刀劍臨到哪一國,那一國的民從他們中間選立一人為守望的, ³他見刀劍臨到那地,若吹角警戒眾民, ⁴凡聽見角聲不受警戒的,刀劍若來除滅了他,他的罪就必歸到自己的頭上。 ⁵他聽見角聲,不受警戒,他的罪必歸到自己的身上;他若受警戒,便是救了自己的性命。 ⁶倘若守望的人見刀劍臨到,不吹角,以致民不受警戒,刀劍來殺了他們中間的一個人,他雖然死在罪孽之中,我卻要向守望的人討他喪命的罪。

立以西結為守望者

⁷「人子啊,我照樣立你做以色列家守望的人。所以你要聽我口中的話,替我警戒他們。 ⁸我對惡人說『惡人哪,你必要死』,你以西結若不開口警戒惡人,使他離開所行的道,這惡人必死在罪孽之中,我卻要向你討他喪命的罪。 ⁹倘若你警戒惡人轉離所行的道,他仍不轉離,他必死在罪孽之中,你卻救自己脫離了罪。

銀河星星 2019-6-11 11:20 AM

以西結書 三十三章1-9節

喺舊約嘅時代,神因為以色列人成日遠離佢丶悖逆佢,陷喺罪惡當中,所以興起好多先知,嗰啲先知會睇下以色列民眾入面有乜惡行,然後警告佢哋,令佢哋可以回轉離開罪惡,以免死亡。神喺到用守望嘅人瞭望刀劍做比喻,俾以西結知道佢嘅使命係幾咁重要,借住呢個比喻提醒以西結要忠心佢嘅職務。

喺現代嘅處境嚟睇,牧師丶傳道人係奉神命令報好消息俾罪人,又係牧養神嘅羊群;牧者嘅使命亦都係指示其他人回轉離開佢哋嘅惡行歸向神,所以佢哋嘅使命同以西結丶舊約時代其他先知係一樣嘅,今日神所膏立嘅守望人就係教會嘅牧師傳道。

好可惜嘅係,有部分守望嘅人放棄咗佢哋嘅使命(例如某啲宗派嘅高層領導),仍然喺罪惡入面生活,危險嚟到仍然唔自覺;更加可惡嘅係,佢哋為到自己嘅名譽丶金錢丶幸福等等嘅原因,去擘大眼講大話,講啲幫邪惡事情開脫嘅說話(例如竟然有牧者為逃犯條例修訂去辯護,呢啲人已經埋沒咗自己嘅良知)。

時刻儆醒嘅人,先可以喺其他人唔察覺嘅時候,睇到刀劍嘅臨到,然後吹起號角警告其他人。如果守望嘅人同流合污,咁就唔會睇到罪惡嘅危險,又點會警告其他人呢!為神做事嘅人,自己唔遠離罪惡,所以就唔會覺得罪惡可怕。

由於民眾嘅數目好多,地方又大,號角聲未必傳到去成個國家,所以守望嘅人一定要時刻儆醒,四圍去警告其他人。至於聽嘅人受唔受教,就唔到守望嘅人去干預。為神做事嘅人,亦都要咁殷勤忠心,如果有邊個交託俾你嘅人,陷喺罪惡當中,你知道又唔提醒佢,咁你都有罪嘞!

喺呢個世界上有好多傻仔,只係顧住呢一刻嘅安逸快樂,完全冇諗過將要嚟到嘅危險。有人發出號角聲去警告嘅時候,呢班友不但止冇感謝,反而走去鬧嗰班忠心嘅守望者。舊約時代先知奉命斥責民眾,好多時都會俾人吊返轉頭,用大話去呃人嘅假先知反而會好受歡迎。神嘅工人好容易受到環境壓迫而退縮,唔敢盡忠發出警告。但喺到睇到,守望嘅人需要有勇敢無懼嘅精神,唔可以俯從眾意,睇住群眾喺罪惡入面生活而唔作出提醒。講啲群眾啱聽嘅嘢,或者可以暫時得到佢哋歡迎,但將來同神交帳嘅時候,就會承擔返好大嘅刑罰。

lrr174 2019-6-11 12:55 PM

(del)

[[i] 本帖最後由 lrr174 於 2019-6-11 02:06 PM 編輯 [/i]]

cctvb33 2019-6-11 01:13 PM

Del

[[i] 本帖最後由 cctvb33 於 2019-6-11 01:15 PM 編輯 [/i]]
頁: [1]
查看完整版本: 以西結書 三十三章1-9節分享