查看完整版本 : 超級人渣老細, 小心中伏!!

fb485b653a9fb1 2019-6-18 10:11 PM

超級人渣老細, 小心中伏!!

真係慶過火屎!!

事源之前喺大圍見份工,個title係 [b]Cosmetic Sourcing Manager ([/b][b]經驗彩妝採購經理[/b][b])[/b],雖然去之前上網 search 過公司名 Gxxd Harvxxt Corporatxxx Lxxited搵唔到資料,但最後都係去咗見。

去到好明顯個老細係在港同胞,話之前做開鋼鐵貿易依家想轉型做護膚品/化妝品,想請個有經驗嘅人教佢應該點做。傾談之間佢話依家有喺樂天買貨返黎賣 (AHC/JM Mask),想再搵多D貨返黎上大陸賣,我當時即刻同佢講咗咁樣做風險大、利潤小、唔長遠,以及有可能會引起官非,建議佢做代理/自家品牌,佢當時乜都話得,但由於我都有所懷疑所以叫佢諗清楚先再call我。

隔咗幾日,佢話諗清楚會轉做代理/自家品牌,問我幾時可以返工,我信佢有心做所以4月開始返工。

點知返工之後就覺得唔對路,因為email都只係用緊netvixxtor.com,心諗點同人傾呀,不過唔緊要啦,盡力做,大約一個月左右,比我我搵到D品牌比願意同佢傾代理,佢就藉口話果D品牌唔出名賣唔到架......

之後就開始叫我試下搵D國際名牌香水、彩妝同護膚品 (價錢要係市價4-5折),之後比佢運上大陸賣。我已經即刻同佢講:賣未經品牌/代理授權嘅產品好有問題,有機會比人拉! (亦都同佢講咗之前某某連鎖就係咁比人告,兩個董事連高級採購都拉埋)。但佢完全當聽唔明,堅持要周圍搵,ok......咁我都盡力嘗試搵各大品牌嘅代理商查詢 (但當然係無人會啋你啦!),而佢就日日係咁追問有無消息有無消息,唯有上網搵D資料求其比佢睇 (係人都知係假架啦!),亦都多次同佢講尼間公司資料有限、果間點點點,諗住可以打消佢走水貨嘅諗頭),點知佢死都要堅持重落埋單比埋錢,最終遇上騙徒損失20萬港幣。  但佢依然唔死心,迫我繼續搵......如是者過咗幾日,佢突然同我講,不如搵D品質好小小嘅廠,自己落單做 Chanel 香水同 Dior 唇膏,我當時真係O哂咀同佢講:梗係唔得啦!(心諗:嘩!大佬,想點呀!)

大約5月中左右,由於病嘅關係請咗2日假,佢就叫個同事打黎話終止僱傭合約 (合約上要求一個月通知) 做到6月15日,我就話咁都無辦法啦 (其實自己都預咗,而且有小小嬲:如果只係想走水貨就唔好叫我黎返工啦!)

之後喺果一個月通知期內都重妄想佢會改,繼續搵D機會比佢傾代理,又搵唔同嘅面膜/護膚品OEM廠希望比佢了解多D正當嘅生意應該點樣去做,難過嘅係佢原來跟本無心咁做!

算啦,咁雖有帶住失望及被騙嘅心情反去交收,點知佢竟然話唔出糧比我,重叫我有本事去勞工處告佢,搵律師告佢佢都唔會驚!咁我就唯有走......

返到屋企,諗住算啦好黎好去,就發個訊息比佢佢應該係要7日內出糧比我,否則我會去勞工處。  點知條百佳,重要喺個wechat度發癲鬧我,話我無廉恥重好意思叫佢出糧,又鬧我係乞兒。我真係忍唔住,即刻喺個wechat度數返佢 (我真心嬲,你無心做正當生意就唔好害人!)

做咗廿幾年野都未試過遇到D咁人渣嘅 (所謂) 老細!  我一定會爭取要佢出返D糧比我!:@:@

負腐得唔得正 2019-6-26 07:37 PM

去海關度告佢啦

酒店紫色的小腸 2019-7-8 11:06 PM

贊成,去海關告佢!

[[i] 本帖最後由 酒店紫色的小腸 於 2019-7-9 12:20 AM 編輯 [/i]]

中午變態的盡頭 2019-8-7 12:16 AM

完全認同你做法,一定要告到比返錢你
頁: [1]
查看完整版本: 超級人渣老細, 小心中伏!!