查看完整版本 : 一起去旅行

heman33 2019-7-16 05:05 PM

在擠擁的車站中,站長透過揚聲器發出廣播:"各位乘客注意,如拾獲一個藍色旅行袋請與車站職員聯絡" 廣播不停發出了三四次,我坐在餐廳的一角,不經意的看看餐桌子另一邊的椅子,椅子上就是放著一個藍色的小袋子。可能是袋子同椅子一様顔色別人易察覺,又或者別人都以為這袋子是我的,所以沒有人理會。我把袋子交到站長室,見到一個六七十歲老婆婆焦急地等待,她一見到袋子就想走上來,不過站長先她一步,站長確認了袋子是這老婆婆的就轉給了她。老婆婆用生硬的國語跟我道謝,我聽得出她是香港人,就用廣東話回答她,她又一次用廣東話跟我道謝一番。
我離開站長室就到書店走走,看看手錶是時候上車了,我便大步走到月台。
我叫陳東,朋友都叫我東東,來了臺灣工作有五六年了,經常都要返香港,今日我就是坐高鐵到台北坐飛機,上了高鐵找到我的坐號,雙連的坐位另一邊已坐了人,正是剛才那位婆婆,我坐下來她又連聲道謝,我們聊了一會,我忍不住問她:"婆婆,點解妳帶個骨灰盅來台灣旅行?" 剛才在站長室,我已見到那藍色袋中的是個骨灰盅,所以現在大膽問她。婆婆拿出骨灰盅放在桌上,輕輕撫著説:"他是我個死鬼老公"她左右看看低聲跟我説:"我嚟是要完成佢個心愿,我到台灣每個靚的地方,就會留低小小骨灰。老嘢幾年前以經話,想同我嚟台灣坐火車遊一轉,而家佢唔係到,我咪帶佢嚟囉!"婆婆雖然笑著説,但眼眶中卻滿了淚水,只是沒有滴下。
我立即轉了個話題,問她這十多日到過什麽地方,她説:"我由台北出發,去過宜蘭,去過花蓮,上過太魯閣,又去過太麻里睇日出,又去過台南,高雄,重上埋亞里山添,之後又去咗嘉義就嚟到樟化啦,我又唔趕時間,地方靚我就留耐D四圍行下睇下囉" 我笑道:"我住台灣五年啦,都無妳去過咁多地方"我立時豎起手指公比個like佢!我又問:"婆婆,你而家是否到台北坐飛機回香港?" 她道:"未!我重要上陽明山,果到是我同老嘢蜜月旅行第一站的地方,而家就是我帶佢嚟的最後一站" 婆婆打開骨灰盅,只見盅底尚餘少許骨灰。
我好奇地問:"這是多久前的事?"
婆婆眼睛左轉右轉笑道"我今年68啦,我21歲結婚,你話有幾耐?"我的好奇心再次發作:"婆婆…你地當年是點認識架?" 婆婆卡卡聲笑著説:"當年我伯爺開麵舖,佢就係附近嘅洋行打工,佢機符日日都嚟食麺,有次我就問佢,點解咁鍾意吃麵,點知佢話:"我唔係鍾意食麵,只是想見多我幾面",我比佢嚇一嚇,成椀湯倒落佢身到,之後就走到後卷抦埋,我當時好怕羞,唔咁見佢,隔咗好耐先敢出嚟,重比老逗鬧咗一餐。之後成個禮拜都唔見佢嚟,其實又想佢嚟又怕佢嚟,又過幾日老逗帶個新伙計嚟,原來就係佢,後嚟我知道,佢有份洋行寫字樓的工係好有前途,但佢唔做,為咗追我嚟做樓面,佢屋企人當然十分反對,但佢一意孤行,過幾年我地就結婚"
我笑道:"之後就過著幸福快樂的生活啦!" 婆婆搖了搖手:"幸福唔幸福都係咁過,過咗幾年我伯爺比咗間鋪我地打理,佢真係好會做生意,做咗十年左右,我地就開咗第一間分店,之後開下開下開了五間分店,當時我地兩公婆忙到不得了,佢管三間,我管三間,錢係揾多咗,但見面亦少咗,傾計都唔多,講嘅都係鋪頭嘅事。有晚我忙著埋數,佢突然在我身後抱著我説:"老婆,不如我地賣曬D分店佢,你話好唔好?"我呆咗一呆,跟著推曬D單簿落地下,轉身抱著佢,其實我都有咁諗過,只是放唔低,之後我地只做老舖一間,當時先至感覺到幸福"
在這程車中,婆婆同我分享了不少佢地嘅生活點滴,不知不覺以到台北站,我送婆婆上去陽明山嘅巴士,還叮囑佢要事事小心,她咪咪笑著指住兩邊耳珠說:"你放心,老嘢會陪住係我左右" 原來婆婆用佢先生的骨灰造了兩粒細細的鑽石瓖成耳環,餘下的,就在今次旅程回歸自然。
我從香港回到台灣,跟女朋友覆述婆婆同佢先生的故事,女朋友説:"很浪漫哦"之後天真的問:"如果你死啦,你想你的骨灰灑在什麼地方?" 我突然個心涼一涼,感覺一點也不浪漫。
[url]https://youtu.be/S3gQMjdmByc[/url]

車站豐滿的救星 2019-7-18 10:46 AM

*** 作者被禁止或刪除 內容自動屏蔽 ***

平凡嘅小七 2019-7-19 01:55 PM

*** 作者被禁止或刪除 內容自動屏蔽 ***
頁: [1]
查看完整版本: 一起去旅行