查看完整版本 : 媽媽走了,感恩威爾斯醫院嘅醫生對媽媽的照顧

DINGE 2019-9-16 02:40 AM

媽媽在半年前因不敵癌病魔復發,離開咗我哋。呢幾年間,一同和媽媽與病魔抗爭,雖然過程艱難和忐忑,但我真是好感激威院嘅醫生。媽媽這麼複雜的病,我相信如果我哋唔係最後選擇公立醫院,大概我們亦不能與媽媽爭取這幾年一起度過的日子。媽媽的癌症並不簡單,一直從來冇諗過選擇公立醫院嘅我,當發現媽媽的病,直接找私家醫生。當時醫生見腫瘤情況咁大,提議我哋要盡快幫媽媽做手術,但亦提及我哋要注意,因腫瘤咁大,手術將要切除整個胃和腹腔內內臟的一部份,如胰臟脾臟小腸,流血亦會比較多。從來未接觸過癌症嘅我哋,一心只希望快一點把腫瘤切除,當時差不多二話不說就希望醫生盡快幫媽媽動手術。但因家中有做公立醫院護士的親友提議往公立醫院求診。冒着很懷疑嘅心情,媽媽去看門診,好快門診來信安排媽媽看專科,專科醫生按媽媽嘅肚,就安排媽媽第二天入院照胃鏡。照完胃鏡,應珍醫生當時就同我地講懷疑媽媽嘅腫瘤係屬一種較為少數嘅間質瘤。化驗後,醫院安排見教授級嘅醫生,教授話,傳統醫生係會提議即時做手術,只不過近幾年研究發現太大嘅腫瘤係適宜先服食鏢靶藥,等腫瘤縮小和軟化,做手術時嘅風險和失血都會減低。媽媽遵從教授提議,先服食鏢靶藥,數月後腫瘤果然沒有這麼活躍,適合做手術。手術十分成功,,雖然媽媽嘅腫瘤十分大,教授話要切除胃部嘅可能性甚高,但最後手術完成,胃部能完整保留。媽媽亦康復得不錯。我想講嘅係,當好多人覺得公立醫院要等咁耐,幫唔到佢哋,其實複雜嘅個案,除非你可以用天價一般嘅醫療費喺養和請晒所有教授級嘅大醫生長期治療,如果唔係就只有公立醫院先至可以比到一啲咁有經驗嘅大醫生幫病人對症下藥。佢哋每日遇到嘅病人無數,足夠令佢哋比一個對病人適合嘅治療方法。真係好希望香港政府能夠對公立醫院擺放更多資源,令大眾病人得到妥善嘅治療, 亦唔使令到公立醫院醫生做得咁辛苦。香港其實係有一班好有實力亦好有心嘅好醫生,但亦需要我哋嘅政府好好投放適當嘅資源,俾我哋呢啲咁好嘅醫生去幫到香港嘅病人。💪🏻

buddy-wah 2019-9-16 07:33 AM

很有同感。公立醫院的確有很多缺點,但正面的更多,若可選擇多一次,也會再選擇公立,特別是多專科處理,是最大的優點,有什麽問題,例如足部問題,飲食問題,眼部  . . . ,都可轉介,而且排期特快。

kb-bb520 2019-9-16 08:14 AM

樓主加油

sixtortoises 2019-9-16 08:57 AM

認同。

Haha88888 2019-9-16 10:21 AM

[quote]原帖由 [i]DINGE[/i] 於 2019-9-16 02:40 AM 發表 [url=https://www.discuss.com.hk/redirect.php?goto=findpost&pid=506789087&ptid=28530228][img]https://www.discuss.com.hk/images/common/back.gif[/img][/url]
媽媽在半年前因不敵癌病魔復發,離開咗我哋。呢幾年間,一同和媽媽與病魔抗爭,雖然過程艱難和忐忑,但我真是好感激威院嘅醫生。媽媽這麼複雜的病,我相信如果我哋唔係最後選擇公立醫院,大概我們亦不能與媽媽爭取這幾年一起度過的日子。媽媽的癌症並不簡單,一直從來冇諗過選擇公立醫院嘅我,當發現媽媽的病,直接找私家醫生。當時醫生見腫瘤情況咁大,提議我哋要盡快幫媽媽做手術,但亦提及我哋要注意,因腫瘤咁大,手術將要切除 ... [/quote]
樓主媽媽有幸遇到好醫生,梗係覺得公立醫院好喇!但如果好似我咁遇上庸醫,無視病人病癥,將4期子宮內膜癌視為賀爾蒙失調,不再相信公院醫生亦好正常,如果唔係嗰個庸醫,我可以早個半月確診,亦可能唔使去私家做手術!

另一個天堂 2019-9-17 06:14 AM

咪就係普通公立醫院醫生話你無事,左射波右射波,去到腫瘤料又話點醫你又點醫你咁好囉

水底回收的豬豬 2019-9-17 10:01 PM

[quote]原帖由 [i]另一個天堂[/i] 於 2019-9-17 06:14 AM 發表 [url=https://www.discuss.com.hk/redirect.php?goto=findpost&pid=506848523&ptid=28530228][img]https://www.discuss.com.hk/images/common/back.gif[/img][/url]
咪就係普通公立醫院醫生話你無事,左射波右射波,去到腫瘤料又話點醫你又點醫你咁好囉 [/quote]
樓主加油啊!公立個問題主要係排期檢查需時太長,排期時間隨時以年去計算,另外大多富有經驗的醫生都離開公營去私營執業!

[[i] 本帖最後由 水底回收的豬豬 於 2019-9-17 10:12 PM 編輯 [/i]]

慢了一步 2019-9-21 10:07 PM

[quote]原帖由 [i]DINGE[/i] 於 16/9/2019 02:40 AM 發表 [url=https://www.discuss.com.hk/redirect.php?goto=findpost&pid=506789087&ptid=28530228][img]https://www.discuss.com.hk/images/common/back.gif[/img][/url]
媽媽在半年前因不敵癌病魔復發,離開咗我哋。呢幾年間,一同和媽媽與病魔抗爭,雖然過程艱難和忐忑,但我真是好感激威院嘅醫生。媽媽這麼複雜的病,我相信如果我哋唔係最後選擇公立醫院,大概我們亦不能與媽媽爭取這幾年一起度過的日子。媽媽的癌症並不簡單,一直從來冇諗過選擇公立醫院嘅我,當發現媽媽的病,直接找私家醫生。當時醫生見腫瘤情況咁大,提議我哋要盡快幫媽媽做手術,但亦提及我哋要注意,因腫瘤咁大,手術將要切除 ... [/quote]
做大手術找政府醫生是好,大多數人以為只找私家醫生,其實這些私家醫生都是由政府走出來,政府醫生做手術多,自然會做得好只是一般人對政府醫生沒有信心,其實又不是很多政府醫生走出來掛牌,總有一些寧願打工。
你自己要保重身體,多和家人團聚,時間令自己淡忘,一般要幾年時間。

DINGE 2019-9-22 09:26 AM

[quote]原帖由 [i]慢了一步[/i] 於 2019-9-21 10:07 PM 發表 [url=https://www.discuss.com.hk/redirect.php?goto=findpost&pid=507100657&ptid=28530228][img]https://www.discuss.com.hk/images/common/back.gif[/img][/url]

做大手術找政府醫生是好,大多數人以為只找私家醫生,其實這些私家醫生都是由政府走出來,政府醫生做手術多,自然會做得好只是一般人對政府醫生沒有信心,其實又不是很多政府醫生走出來掛牌,總有一些寧願打工。
你自己要保重身體,多和家人團聚,時間令自己淡忘,一般要幾年時間。 ... [/quote]
呢幾年我和媽媽的經歷,令我覺得如果你已經知道自己要做乜嘢手術,而個手術唔係十分複雜,搵私家絕對快好多。但如果複雜嘅病,政府醫院唔係搵一個醫生睇個症,而係一個團隊開會決定下一步。當然如果有能力喺私家醫院搵一個團隊醫生開會幫你不停配合睇個症,私家醫院就當然會好啲,但有幾多個大眾市民會好似賭王大劉咁,afford 到長時間有醫療團隊幫你跟進病情。我同意今日公立醫院嘅問題,其實唔係出現係醫生或醫護人員上面,而係係基礎上有問題 - 極度overload, 試問有病嘅人點可能你咁耐,醫護人員亦好多時因太overload 而出錯呢。希望政府可以喺healthcare 上放多啲資源,唔好將啲錢用嚟請啲廢嘅官去幫香港做一啲洗冤枉錢嘅政策。

腎衰竭 2019-9-22 11:05 PM

做得好就唔會有人死啦

LoraineC 2019-10-17 02:21 PM

樓主加油啊
頁: [1]
查看完整版本: 媽媽走了,感恩威爾斯醫院嘅醫生對媽媽的照顧