查看完整版本 : 網上創業獨資無限公司?創業過來人求解

苦惱的小朋友 2019-10-19 08:56 PM

1)如果創業為副業,或者作為主業,無限公司報稅有甚麼分別,應課稅,個人入息稅,等等,需要會計計清楚,交稅表需要遞交什麼資料?

2)平時買入外國貨,同內地工廠傾生意透過支付寶等付款,如何作為證據去給會計計數

3)由於沒有會計知識,無限公司公司自己計數時,有沒有例子,如何入資料報表?支出,營業額,盈利


4)如果生意額,即營業額有可能不過10萬一年,可能更少,有一些會計公司如何收費,每單交易還是整年度計算收費?


5)收款必定要公司戶口?有那間銀行可以推介商業戶口?最低存款多少?需要收取其他額外費用嗎?可以同時申請到paypal visa master AE?作為網站收款?

6)公司註冊地址?可用代辦公司的一些虛擬地址?對於商業銀行戶口是否有難處

7)個人payme,商業payme收款,轉數快個人,商業上,如果用了個人戶口會俾凍結?但商業用系統,手續收費是屬於支出嗎?以上商業收款,如何轉入自己個人戶口收費?可以當是公司戶口出糧給自己戶口?外國客經PayPal ,stripe付款後,自己經公司戶口過番錢俾自己作為賺取可以嗎酬金?

8)用shopify收款系統上收費如何? wix收款系統如何運作?

philip199215 2019-10-20 08:28 AM

1)如果創業為副業,或者作為主業,無限公司報稅有甚麼分別,應課稅,個人入息稅,等等,需要會計計清楚,交稅表需要遞交什麼資料?

1)回答:稅基本是一樣,首先你去公司注冊處登記一個商業登記證(BR)先或讀一下''公司法'',無限公司的股東須負的責任並無上限,公司欠的債項需要由股東全數負責,而債權人有權向法院申請查封及出售東主名下的任何財產。 即是,無限公司,建議一般你預你生意會做大就吾好搞無限公司,搞就搞返有限公司,因為遲下可能會有其他股東等等,萬一有咩事最多公司收檔,因為做生意既野真係會有好多意外,就好似可能你下面員工做錯一件事都可能會引起全城圍插,最近都發生好多呢類事,其實有時真係未必關個腦細事.有人就會有錯,就算係機械都會有錯有意外,到時瀨野果個係自己.

2)平時買入外國貨,同內地工廠傾生意透過支付寶等付款,如何作為證據去給會計計數
內地如果

2)回答:首先支付寶係有轉帳限額,一年先得果幾十萬(呢幾年愈黎愈嚴),關於稅問題,可以以發票+收據+清關等文件代表證明你支出了這筆數.
3)由於沒有會計知識,無限公司公司自己計數時,有沒有例子,如何入資料報表?支出,營業額,盈利


基本數你可以自己計,但如果一年先交果幾千蚊比會計師幫你做,我緊係交幾千蚊比佢佢幫我搞掂令令仔仔去報比稅局啦.自己計無問題,但慳得果幾千蚊自己報就出事啦.因為會計師吾只幫你慳得幾千蚊咁少錢.令外網上有D好平既生意理財系統,吾需要自己搞,填返D數字上去就係咁簡單.

4)如果生意額,即營業額有可能不過10萬一年,可能更少,有一些會計公司如何收費,每單交易還是整年度計算收費?

4)如果係咁少,咁算啦,吾好搞咁多野,因為你都未必開到銀行帳戶,數就係入你自己戶口.基本上稅局吾會周你,同埋你吾過個要交稅既上限.就算要交扣扣埋埋先交果幾百蚊,真係郵費同紙筆墨都哂埋錢

5)收款必定要公司戶口?有那間銀行可以推介商業戶口?最低存款多少?需要收取其他額外費用嗎?可以同時申請到paypal visa master AE?作為網站收款?

如上啦,不一定需要公司戶口,同埋你都未必開到公司帳戶,因為公司銀行帳戶係好串咀的,你無經驗又無咩專業牌照或大公司訂單等等係
吾會幫你開,開係免費既,但銀行都會想賺錢,一般會叫你存入1-5萬不動產(匯豐最貴),你預你10萬蚊年額就吾好諗住收到visa master AE等等既公司帳戶用卡啦,因為每個月係有最低消費,一般為3萬/月左右,而每筆交易大約會收你3%,如果吾夠3萬係要罰錢的,間間吾同,

6)公司註冊地址?可用代辦公司的一些虛擬地址?對於商業銀行戶口是否有難處

公司註冊地址,係可以用自己住址注冊既,或者你想專業少少咪搵間秘書公司

7)個人payme,商業payme收款,轉數快個人,商業上,如果用了個人戶口會俾凍結?但商業用系統,手續收費是屬於支出嗎?以上商業收款,如何轉入自己個人戶口收費?可以當是公司戶口出糧給自己戶口?外國客經PayPal ,stripe付款後,自己經公司戶口過番錢俾自己作為賺取可以嗎酬金?

凍結個人戶口有3種情況,1銀行覺得你可疑洗錢,2太耐無用,3司法機構凍你.你果樣就完全吾關凍個人帳戶事.因為最後解釋到,都會被解凍.公司戶口過番錢俾自己作為賺取可以嗎酬金?<--是但要幫你自己報返MPF同稅,因為你係你公司員工出糧比你自己.

8)用shopify收款系統上收費如何? wix收款系統如何運作?

用shopify收款系統上收費如何<---未到過吾知
wix收款系統如何運作<-佢官網/YOUTUBE有教學,但易學難精



最後,我見你咁有心打左咁多問題,所以回覆你.
我係做個叫做搞左好多門生意,而且有D成績,希望比到意見你,就你提問,你應該想搞網店?如果搞網店就吾一定要用WIX,有其他專做網店既WIX類型網站,自己可以上網搵下,雖然我覺得你會遇到好多困難,但吾緊要失敗左,可以再黎過,賺左經驗係你自己既,當係投資左自己身上。
頁: [1]
查看完整版本: 網上創業獨資無限公司?創業過來人求解