查看完整版本 : X宅電器畸形現象⋯

Sam@mo 2019-11-5 01:57 AM

X宅電器畸形現象⋯

成件事其實係幾長,是咁的⋯
公司近年積極做有關美容用品嘅部門,請咗一啲嘅女仔(曾經見過都有啲後生嘅男仔做呢個部門)返嚟專係企美容機部門。問題就來了⋯⋯
佢哋自己嗰個部門如果到咗數(target)的話有自己嘅佣金分,整間店舖到咗數的話佢另外又有店舖嘅佣金分。
一般嘅同事要做嘅後勤工作、下難嘢,例如:處理貨品問題、執貨倉、負責店舖之間的存貨等等⋯後勤野。相信做過好多零售行業(尤其是電器業)都知道其實有好多野要跟。但係呢啲部門嘅人每日返嚟嘅工作就係做生意賺錢(跑自己條數)所有後勤、下難嘅完全唔關佢哋事。甚至乎佢哋自己美容機要執位都係佢哋美容部門嘅區域經理落嚟執,佢或者隔離部門嘅主管幫手做,佢哋自己就好似不吃人間煙火。佢哋真係冇人幫佢先至執下野仲要係自己部門。
正常嘅同事係要返早、更夜更又或者全日full,但係呢啲美容部門嘅人時間上淨係返早更或者夜間,完全唔需要返full⋯
正常嘅員工同事店舖關門之後仲有好多後勤野要做,而呢啲美容機部門嘅同事去到可以打卡嘅鐘數就立刻打卡,快人一步走先,但係其他同事分分鐘住得俾佢遠就要繼續做好多後勤野。正常嘅同事係有分部門,除非自己個客人想睇其他部門嘅產品就會pass去其他部門嘅同事,去到真係人哋部門人手唔夠、忙,就會過去幫下手。
但係呢啲美容機部門嘅人見到其他部門嘅產品有傭分,就可以好自由周圍走,就算人哋個部門啲同事企晒喺度都走到埋去搶埋一份⋯啲產品唔識就叫嗰度啲部門嘅人幫下手,但係開單就係佢自己。唔好唔記得人哋係正常豐澤嘅員工有好多賺錢以外嘅工作要做、要跟,佢哋美容機部門嘅身份就係乜嘢都唔使跟非常之自由⋯唔好唔記得正常嘅豐澤員工同事有事要處理不少後勤野,而呢啲人就好鍾意乘虛而入衝過黎抽水。遇上一啲涉及送貨安裝(因為多嘢跟而且有啲會爆鑊)又或者冇佣金嘅產品,呢啲同事就會好積極叫返嗰個部門嘅人去跟進,自己就立刻彈走去其他地方搵着數。
其他部門嘅人跟開嘅客人想睇美容機,呢啲美容機嘅同事就會玩攝位、攞走人哋個客人⋯即係其他部門嘅人唔可以「侵犯」佢個部門。但係其他部門嘅同事返工時間比佢長、做嘅嘢兼顧嘅嘢俾佢多,佢哋反而可以乘虛而入走去其他部門四圍飛打全場⋯基本上觀察左幾個月呢啲人見到有油水嘅產品先至走去其他部門攞着數,冇着數嗰啲就叫返其他正常豐澤同事跟。

相信有不少人會話「做零售行業尤其是有佣金嗰啲就係咁」。呢一點我都明,但係公司上嘅體制、大方向,就係一個問題!
第一:點解人事部請人嘅時候可以容許呢啲人返工時間比一般負責嘅同事短?做嘢跑傭以外嘅工作量就好似不吃人間煙火?唔關佢哋事?淨係返嚟做生意搵錢⋯

第二:點解佢哋可以咁自由周圍走?仲要人哋個部門唔係忙碌,佢都可以走到埋去抽水?但係其他部門所要做嘅後勤工作就完全唔關佢哋事?其實點解唔可以統一某啲佢哋部門範疇嘅產品先至可以分到佣金?

「同工不同酬」相信係好多打工仔好唔憤氣嘅事情,但係呢個現象係「不同工作份量,但係酬金就佢哋好得多」。

呢個問題我都試過打上人事部反映過,但係人事部就推落去店舖經理嘅問題,但係當初呢位同事話佢見工講到明唔會返超過9小時。點解人事部咁都請返呢一個「淨係識得返嚟做生意為自己賺錢,其他嘢唔願意去做、唔會去做嘅人」?咁同一般電器品牌promoter有乜分別?嗰啲promoter分分鐘做嘅工作量、工作時間仲做多過佢哋。因為品牌promoter好多時候要幫我哋店舖頂替一啲佢哋品牌以外嘅工作,而佢哋係完全冇任何利益去為我地做。


好啦,公司體制大方向講完,向公司上司反映過冇用⋯
輪到第二個方向,就係「個人嘅做事態度問題」,我都知道個人嘅問題反映比上司或者人事部佢哋未必聽得入耳,因為個人嘅問題佢哋係冇辦法睇得清誰對誰錯。但係正正就係呢種體制,就會培養、縱容出好多自私自利、雙重標準、側側膊唔做賺錢以外嘅後勤下難工作嘅員工。即係等於請一個士兵返嚟打仗,淨係識得在適當時機耀武揚威博取功勞,但係連基本槍械運作、支槍點樣入子彈、處理問題危機都唔識⋯中子彈、踩地雷、炸到斷手斷腳⋯處理軍糧分配、武器配給數量同埋後勤運作就係其他默默耕耘腳踏實地嘅士兵,佢哋就永遠乾乾淨淨、四肢健全輕輕鬆鬆冇事冇幹。待遇同埋軍餉仲好過一般士兵⋯
近幾個月相信大家都知道社會上發生緊什麼事,零售行業的確係比較營運艱難因為生意真係差左,但就係艱難嘅日子呢一種咁「畸形嘅店舖崗位職員」就變得越嚟越肆無忌憚⋯因為佢哋佔盡好處優勢同埋機會多過我哋啲正常員工。每一位正常員工同事⋯見到佢哋個個默默耕耘但一分收穫⋯如果啲美容機部門嘅人付出特別少,但係搵得費特別多⋯
我花咗不少時間慢慢觀察嗰啲同事嘅行為,同埋打聽其他分店美容部門同事嘅待遇同埋工作方式。發現大方向體制都係咁,不過我哋間分店嗰個美容部門嘅同事行為上則特別畸形同埋離譜⋯佢零零些些打橫嚟行⋯仲係要好厚面皮。點解可以咁?就係體制令到佢哋咁肆無忌憚。
環境好,公司賺到錢公司,就只會顯示出好嘅一面。但係正所謂「人窮節乃現」,公司都係一樣。面對零售業嘅寒冬,就好容易睇到運作體制上嘅病態⋯

[[i] 本帖最後由 Sam@mo 於 2019-11-6 11:21 PM 編輯 [/i]]
頁: [1]
查看完整版本: X宅電器畸形現象⋯