查看完整版本 : 夜半私語, 買基金

馬必中 2019-12-30 12:30 PM

夜半私語, 買基金

尋晚半夜起身疴尿, 厠所盏燈唔著, 烏燈黑火, 返出廳, 廳燈都係唔著, 行入厨房, 盏燈一樣唔著, 見到工人姐姐摸黑炒餸, 我問佢做乜, 個工人行埋嚟, 話炒緊餸嗰個係佢個妹, 我話你做乜帶個妹入嚟炒餸, 佢行到好埋, 貼到我好實講嘢, 我行返出廳, 老婆喺房問我乜事, 我話厠所盏燈唔著, 要揾電筒.

電筒又揾唔到, 唯有落街去公厠, 行入公厠準備疴尿, 見到對面街有個女仔望住我, 原來間公厠變咗開放式, 我嚇咗一跳, 轉身入咗厠格, 閂埋門先疴. 聽到出便有人細細聲講嘢.

我聽到一把聲講: 銀河借咗四億尾金俾郭企, 無得還, 六月份條數出咗, 銀河系總共借咗四萬幾億俾郭企, 如果收唔返, 銀河系會冧. 好大鑊. 另一把聲講: 依家無冧, 係因為有16萬億外枝响度, 擺喺銀河系. 好彩調麗無通過, 否則外枝撤走晒, 到時就會冧. 要趁早換啲外弊, 買尾股基金.

我疴完尿出嚟, 條街無人, 行行吓見到我亞爸拖住我亞媽行過, 我跟住佢地行返屋企. 行行吓就醒咗, 原來又喺發夢, 感覺夢境好真實.

[[i] 本帖最後由 馬必中 於 2019-12-30 12:48 PM 編輯 [/i]]

馬必中 2019-12-30 01:44 PM

我上網買基金, 每次都要回答兩個問題, 所買呢隻基金金額超唔超過持有全部基金的20%? 我覺得呢個問題問得非常好, 因為一隻基金入面咁多隻股票, 唔係隻隻股票我都想要. 但係基金呢樣嘢, 之所以要包括咁多隻股票, 就係要分散投資風險, 所以無論幾喜歡一隻基金都好, 都唔好超過自己全部基金總額的20%.

馬必中 2019-12-30 02:49 PM

第二條必答題, 你所擁有基金總額是否超過你流動資產的40%. 購買基金, 貴精不貴多, 買之前要做足功課, 買咗之後要在適當時機換馬, 維持資本增長.
頁: [1]
查看完整版本: 夜半私語, 買基金