查看完整版本 : 記二十年前往事: 阿女差啲被抓交替，好彩阿妹出手救番！

[quote]原帖由 [i]咕哩頭[/i] 於 2020-1-18 12:15 PM 發表 [url=https://www.discuss.com.hk/redirect.php?goto=findpost&pid=513189384&ptid=28815775][img]https://www.discuss.com.hk/images/common/back.gif[/img][/url]



多謝資訊。

果本書我响齋舖免費攞㗎，後來想揾多本送比朋友都揾唔到。 [/quote]


齋舖果D比人結緣書無乜法力咖
我好多年前都有攞，有經有咒，車又卦D，人又卦D，出門就當護身符，有次同個同事上廣州出差，佢夜晚HeHe鞋鞋，以為佢發乜春夢，點知早餐佢同我講夜晚比鬼壓，又話又嘢最后走佐去廁所。
我就乜事都無發生，以為D免費嘢掂過L00K庶，就比佢放正係床頭，點知條友真係氣場吾掂，第二晚一Q樣比鬼壓。我又無事，吹脹。

[quote]原帖由 [i]下人A[/i] 於 2020-1-18 12:42 PM 發表 [url=https://www.discuss.com.hk/redirect.php?goto=findpost&pid=513190423&ptid=28815775][img]https://www.discuss.com.hk/images/common/back.gif[/img][/url]



齋舖果D比人結緣書無乜法力咖
我好多年前都有攞，有經有咒，車又卦D，人又卦D，出門就當護身符，有次同個同事上廣州出差，佢夜晚HeHe鞋鞋，以為佢發乜春夢，點知早餐佢同我講夜晚比鬼壓，又話又嘢最后走佐去廁所。
我就乜事都無發生，以為D免費嘢掂過L00K庶，就比佢放正係床頭，點知條友真係氣場吾掂，第二晚一Q樣比鬼壓。我又無事，吹脹。 ... [/quote]


係，你講得都啱，後來阿妹都有教我，此內容後面情節會講。

好彩佢在大概半分鐘之後就自己企番落地下，然後坐低响張木凳度，伸手㩒着咗窗台上面果把電風扇，一邊吹頭一邊用毛巾吸乾啲頭髮。

佢企高望街果半分鐘對我嚟講真係成個世紀咁長，我好唔容易先至郁得番全身啲關節。以為佢會到此收手，吹乾完頭髮就會乖乖地爬上上格床瞓覺啦，勢估唔到佢竟然仲有後着，緊接住表演咗一幕令我更驚嚇更窒息既爆裂戲碼。

[[i] 本帖最後由 咕哩頭 於 2020-2-26 11:28 AM 編輯 [/i]]

只見佢用條毛巾抹咗啲頭髮一陣，就坐定定响度吹風扇，成間屋只有果把老爺風扇發出既嗡嗡怪聲。佢一路背住我坐，啲風係咁將佢啲頭髮向後甩，個情景真係詭異非常。條毛巾已經被佢放咗响腳邊，風繼續吹，時間就好似响呢一刻為佢完全停頓咗。

其實佢既頭髮唔係太長，咁樣吹法睇落應該唔會有乜恐怖感，怪就怪在佢忽然好似入咗定咁，個身郁都唔郁。唔知點解我直覺佢會隨時擰轉頭嚟望番我，我個背脊越嚟越寒，隨手即抓起床邊果本《四十二章經注釋》，打開中間是但一頁，咋帝响度睇梗 ~ 其實我目的係避免佢知道我响度裝梗佢，我一定要揾啲野嚟遮住自己塊面。

[[i] 本帖最後由 咕哩頭 於 2020-8-24 11:45 AM 編輯 [/i]]

心態上可能我已經準備完全豁出去，竟然毫無考慮就再次向佢發出我嘅無聲大叫功。我响心裡面不停咁吶喊:

'你夠膽就擰轉個頭吖，你擰吖！你睇我同唔同你死過！ ~ 嗡嘛呢叭咪哞 ~ 嗡嘛呢叭咪哞 ......'

我連《六字大明咒》都出埋！ 嗡嘛呢叭咪哞 ~ 嗡嘛呢叭咪哞 ......

佢彷彿真係聽到我嘅無聲呼喊，開始將個頭好慢好慢咁向我呢邊擰過嚟。

[[i] 本帖最後由 咕哩頭 於 2021-6-25 11:02 PM 編輯 [/i]]

謝謝師姐分享🙏🏻

佢個頭真係擰得好慢，條頸好似每轉一度就有啲野 kick 一 kick，我好似等咗好耐先至等到佢轉到十度，然後二十度，三十度 .....

地球上既時間同質量，忽然好似同時被某種力量拉長咗，四十度，五十度，六十度....

我金睛火眼咁盯到佢實，開始先係見到佢右邊面頰，然後見到佢既鼻哥尖.....

我腦海中突然浮現一段非常驚嚇既電影情節:

七十年代經典鬼戲《驅魔人》中最駭人既一幕，飾演十二歲主人翁既童星蓮達白莉雅，坐在床上對住佢母親獰笑，佢個頭忽然向一面慢慢轉動，轉下轉下轉下，轉足 360 度至返回原位。

我腦中觀想梗既呢一幕場景，交疊住陰森兼恐怖既交響樂背景，既有聲又有畫面，持續咁震撼住我既感知，令我成個人陷入咗一種無法控制既抓狂狀態。

响果幾秒鐘之內，我响心入面問咗自己好多個問題:

我眼前呢個物體，到底仲係唔係我個女？如果係，佢㸃解會變成咁？如果唔係，咁佢到底係邊個？我真果個女又到底去咗邊度？

而眼前最急切既問題係:

女呀女，你係咪真係會將個頭擰轉 360 度咁嚟嚇你阿媽？

[[i] 本帖最後由 咕哩頭 於 2020-2-26 11:45 AM 編輯 [/i]]

好睇，支持！

我緊捏住手中果本《四十二章經注釋》，一方面希望能為自己注入更多力量，另一方面仍試圖令佢睇到我本書既封面，期盼個書名能震攝到佢。我大部份既視線都被本書同我自己揸住書果隻手擋住，我既視角有限，只能從幾隻手指罅之間，偷少少空隙來觀察佢既面容。

佢終於轉到一個可以正面對住我既角度，如果將佢塊面上下平均咁分成四份，我從手指罅之間望過去，只能睇到佢既額頭、鼻哥及下巴呢三個部份，我見到佢個嘴角兩邊好似比啲野 lock 住咗，僵硬得嚟又毫無笑意，正正係一個嬲樣嘴。

可能我係刻意用手指遮擋，特登避開唔睇佢對眼 ~ 我知道佢此刻一定係直直咁望住我，但我真係真係唔敢睇佢對眼，因為我想像唔到，佢望住我果陣時對眼會係咩樣子，佢會唔會反晒白眼？佢既眼珠會唔會發光？甚至會唔會好似貞子咁，左右兩隻眼球全部變晒白色，得番最下面望住我果兩粒細細粒眼核係黑色？

[[i] 本帖最後由 咕哩頭 於 2020-2-27 10:23 AM 編輯 [/i]]

巧精彩:smile_o12::smile_o12:

好緊張......又等下集......:lol

佢個頭轉咗大約 150 度就停住咗，然後定定咁面向住我呢邊，我死命咁將本書舉起擋住自己塊面，唔比我同佢既目光彼此有交流。過咗唔知幾多秒鐘，佢個頭又逐度逐度 kick 住 kick 住咁，慢慢擰番轉去一個正常既位置擺番正。我之前既想像力可能太誇張了，我所恐懼既驅魔人式 360 度轉轉頭並無發生。

阿女終於像平常一樣，吹完頭就爬咗上佢上格床準備瞓覺，呢晚佢自從對我怪笑一下之後就再冇同我講過一句說話，唔通佢打算就咁就走去瞓覺？唔通佢完全冇打算向我解釋下佢今晚做呢兩個大動作背後既原因？我好想正面睇下佢，睇下佢顛完一大輪之後，宜家瞓响度係咩樣，係佢自己原本個樣吖，定係另一個我唔識既 .... (我已經冇勇氣繼續諗落去)。

我誠惶誠恐咁企咗上佢頭先擒高望街果張凳度，挨住上格床既床邊近距離睇實佢，佢一啲都冇望我，兩眼只係直視住天花板，眼神空洞，表情木然。我低聲下氣咁問:

'乖女，你今晚冇野吖嘛？'

佢沉默咗片刻，面上充滿一種我從未响佢身上見過既肅穆，(我到咗宜家呢一刻諗番起，都依舊唔識得點樣形容佢當時果個表情)。佢一邊望住天花板一邊答:

'我唔知呀媽咪，我淨係覺得日日都好辛苦，真係好辛苦！我唔識點樣講比你聽，媽咪媽咪，你救下我啦 ~ '

對我嚟講，佢呢句 '媽咪救下我啦' 無疑就係來自佢靈魂深處既呼喚，佢帶住淒厲既聲調令我心如刀割。我諗起响《驅魔人》呢部電影裡面，蓮達白莉雅既肚皮上亦出現過物理上解釋唔到既 ' HELP ME ' 字樣。我真係越來越驚，企到咁高又令我有啲腳震，但我仍然想繼續同佢保持溝通，因為相隔咗成個月咁耐，我能夠再同佢重新溝通，實在非常難得兼且寶貴。

呢個幾月以來，佢好似對我築下了一道既高且堅既心牆，我完全探究唔到佢到底發生咗咩事，宜家佢終於肯向我揮手求救，亦係佢對果種一直侵擾住佢既不知名力量既首次抗衡。咁，我宜家到底可以點做呢？我連問佢點解成日同空氣講野都唔敢，更唔敢問佢做乜要擒咁高嚟望街，我係咪真係有能力救到佢？我有咩本事救佢？

[[i] 本帖最後由 咕哩頭 於 2021-1-23 04:43 PM 編輯 [/i]]

鬼版有師兄講過, 態度/性格變, 聲線變, 最後個樣俾人嘅感覺都變埋.......奪舍成功, 原本個宿主本人就此消失......:funk:

係呀，佢瞓响度望住天花版講野果個表情，真係比到我一個好怪又從來都未有過既感覺，果種異樣感真係隔咗二十年都仲好記得。

樓主，當時好危險啊！後來怎樣呀。

[quote]原帖由 [i]abc120cw[/i] 於 2020-1-19 11:16 AM 發表 [url=https://www.discuss.com.hk/redirect.php?goto=findpost&pid=513223614&ptid=28815775][img]https://www.discuss.com.hk/images/common/back.gif[/img][/url]
樓主，當時好危險啊！後來怎樣呀。 [/quote]


係呀，果時真係差少少就冇咗個女

到我自己瞓番落床既時候，我已經心力交瘁到全身軟晒，但係我既心念仍然洶湧澎湃，完全平伏唔到。我控制唔到自己响心裡面發我既無聲大叫功，我要向果團可能仲圍繞在我身邊既黑色力量呼喊:

鬼呀鬼妖呀妖，我唔理你係鬼定係妖，唔該你快啲過主，你如果想搞我個女，我一定同你死過。我個女好好好乖㗎，佢一直以嚟都係我既驕傲，係佢豐富咗我既生命，佢係我既大恩人，如果冇佢我呢世人真係唔知點過落去，佢宜家仲咁細個，我仲要睇住佢長大，要教佢好多野，我仲未教佢點樣護膚，仲未教佢點樣揀男朋友，出年我仲要同佢返學校見家長攞成績表，比人見下佢有個索媽咪.....你咪蝦我係單親，唔夠膽開聲同你講數，更加唔夠膽夾阿女隻中指迫你現身，如果你再迫到我埋身，我一定唔會放過你，必要時我做埋鬼都得，我做咗鬼就唔會再驚你......

我胡思亂想咁諗到呢一度，忽然好似找到自己既正能量咁，即時冷靜番好多。係喎，我使乜咁驚嘖，大不了咪我都做埋鬼咯，橫掂做人總有一死㗎啦，既然殊途同歸，我就唔怕你有幾惡幾恐怖啦。

[[i] 本帖最後由 咕哩頭 於 2020-2-27 10:28 AM 編輯 [/i]]

個女同D冤親結緣係佢地有三世因緣，佛陀話無緣無故，佢地係吾會遇得到嘅。
睇來妳個女以往生都係有D業跟來

[quote]原帖由 [i]下人A[/i] 於 2020-1-19 12:34 PM 發表 [url=https://www.discuss.com.hk/redirect.php?goto=findpost&pid=513226338&ptid=28815775][img]https://www.discuss.com.hk/images/common/back.gif[/img][/url]
個女同D冤親結緣係佢地有三世因緣，佛陀話無緣無故，佢地係吾會遇得到嘅。
睇來妳個女以往生都係有D業跟來 [/quote]


係都唔定，我果時仲好無知，冇乜冤親債主呢類概念。

另外我再估計過阿女擰轉頭果個角度，應該起碼有 150 度，已更正了原文。

[quote]原帖由 [i]咕哩頭[/i] 於 2020-1-19 01:40 PM 發表 [url=https://www.discuss.com.hk/redirect.php?goto=findpost&pid=513228958&ptid=28815775][img]https://www.discuss.com.hk/images/common/back.gif[/img][/url]



係都唔定，我果時仲好無知，冇乜冤親債主呢類概念。

另外我再估計過阿女擰轉頭果個角度，應該起碼有 150 度，已更正了原文。 [/quote]
個女而家都20幾啦
教佢諗心經最後果四句啦
哩四句比6字明更啱用，又無殺傷力

[quote]原帖由 [i]下人A[/i] 於 2020-1-19 01:51 PM 發表 [url=https://www.discuss.com.hk/redirect.php?goto=findpost&pid=513229308&ptid=28815775][img]https://www.discuss.com.hk/images/common/back.gif[/img][/url]

個女而家都20幾啦
教佢諗心經最後果四句啦
哩四句比6字明更啱用，又無殺傷力 [/quote]


20年前事發時佢 13 歲，今年都 33 咯:smile_35:

[[i] 本帖最後由 咕哩頭 於 2020-1-19 01:55 PM 編輯 [/i]]

[quote]原帖由 [i]咕哩頭[/i] 於 2020-1-19 01:53 PM 發表 [url=https://www.discuss.com.hk/redirect.php?goto=findpost&pid=513229392&ptid=28815775][img]https://www.discuss.com.hk/images/common/back.gif[/img][/url]



20年前事發時佢 13 歲，今年都 33 咯:smile_35: [/quote]

睇錯十二年，原來係二十年
喂，咪當我小六畢業流至得㗎！
我心算加數可以兩個位加兩個數咖，有一半計得啱㗎

精彩，心急等結果:smile_o05:

試問一個連死連做鬼都唔怕既人又點會輸呢？係，我唔會輸，一定唔會，我既信心幾乎全部返番晒嚟。

果晚係我人生之中一個最漫長最漫長既夜晚，為怕阿女半夜又起身同我玩晒冷，我成晚都唔敢瞓着。我一邊迷迷糊糊咁默唸住〈六字大明咒〉，一邊不斷同自己打氣加油，撐住精神半睡半醒咁捱到天光。

第二朝我同阿女一齊出門口，佢返學我返工，我哋兩個出門時都明顯地萎靡不振。(佢一向都早過我出門，但係果日我好唔捨得比佢獨自離去，我好想陪佢一齊落樓)。

大清早成條街已經人來人往，朝氣勃勃，陽光十分燦爛，微風帶來陣陣初秋涼意。我望住阿女遠去既背影，佢個書包揹在背後，睇落有啲重，佢既頭髮被風吹亂咗少少，佢用右手撥番好啲頭髮 ..... 點解佢一個咁日常既動作都睇到我咁心痛嘅？

我心入面突然又悲觀起嚟 ~

唔知世上有冇人可以話我知，佢今晚仲會同我玩啲咩？還有最重要既係，佢聽朝仲有冇機會行出佢屋企門口？

我好似拖住千斤重擔咁返到公司，咋咋林好快趣做晒手上既功夫，(其實係求求其其做完就算)，响午飯時間前，我偷時間打咗個電話比我細妹。

[[i] 本帖最後由 咕哩頭 於 2020-2-27 10:31 AM 編輯 [/i]]

[quote]原帖由 [i]mikasa[/i] 於 2020-1-19 05:05 PM 發表 [url=https://www.discuss.com.hk/redirect.php?goto=findpost&pid=513236456&ptid=28815775][img]https://www.discuss.com.hk/images/common/back.gif[/img][/url]
精彩，心急等結果:smile_o05: [/quote]


努力緊，多謝晒

精彩，一下子半個鐘睇完。阿姨你而家都應該有五十幾囉，佩服文筆流暢。仲勁過我啊。
支持真人真事故事，加油。

[quote]原帖由 [i]tungtsang2[/i] 於 2020-1-17 11:52 PM 發表 [url=https://www.discuss.com.hk/redirect.php?goto=findpost&pid=513177342&ptid=28815775][img]https://www.discuss.com.hk/images/common/back.gif[/img][/url]
好緊張呀 [/quote]


多謝追文。

[quote]原帖由 [i]口米口米豸苗[/i] 於 2020-1-18 01:47 AM 發表 [url=https://www.discuss.com.hk/redirect.php?goto=findpost&pid=513179467&ptid=28815775][img]https://www.discuss.com.hk/images/common/back.gif[/img][/url]
好睇呀，期待再分享 [/quote]


多謝追文

[quote]原帖由 [i]明日進擊的高潮[/i] 於 2020-1-18 02:14 PM 發表 [url=https://www.discuss.com.hk/redirect.php?goto=findpost&pid=513193554&ptid=28815775][img]https://www.discuss.com.hk/images/common/back.gif[/img][/url]
謝謝師姐分享🙏🏻 [/quote]


多謝追文

[quote]原帖由 [i]秋的來臨[/i] 於 2020-1-18 04:49 PM 發表 [url=https://www.discuss.com.hk/redirect.php?goto=findpost&pid=513198607&ptid=28815775][img]https://www.discuss.com.hk/images/common/back.gif[/img][/url]
好睇，支持！ [/quote]


多謝追文