查看完整版本 : 記二十年前往事: 阿女差啲被抓交替，好彩阿妹出手救番！

[quote]原帖由 [i]許健輝[/i] 於 2020-1-18 09:21 PM 發表 [url=https://www.discuss.com.hk/redirect.php?goto=findpost&pid=513206965&ptid=28815775][img]https://www.discuss.com.hk/images/common/back.gif[/img][/url]
巧精彩:smile_o12::smile_o12: [/quote]


多謝追文

多謝各位追文，呢幾日我好充實呀

[[i] 本帖最後由 咕哩頭 於 2020-1-20 07:03 AM 編輯 [/i]]

[quote]原帖由 [i]超走地雞[/i] 於 2020-1-20 06:38 AM 發表 [url=https://www.discuss.com.hk/redirect.php?goto=findpost&pid=513258442&ptid=28815775][img]https://www.discuss.com.hk/images/common/back.gif[/img][/url]
精彩，一下子半個鐘睇完。阿姨你而家都應該有五十幾囉，佩服文筆流暢。仲勁過我啊。
支持真人真事故事，加油。 [/quote]


多謝追文，

我今年58 咯，就退休

精彩.... 加油

[quote]原帖由 [i]樓上雀躍的妹頭[/i] 於 2020-1-20 05:26 PM 發表 [url=https://www.discuss.com.hk/redirect.php?goto=findpost&pid=513278625&ptid=28815775][img]https://www.discuss.com.hk/images/common/back.gif[/img][/url]
精彩.... 加油 [/quote]


多謝，今晚會繼續

呢個電話傾咗我成個幾鐘，搞到我晏晝飯都食唔成就要下午開工，以下就係當年我同阿妹既對話:

'哎呀家姐，你呢個 K 屎係要嚟攞命㗎，乜你咁遲至話我知呀？'

`初時我以為佢係青少年成長期情緒病吖嘛，點知會咁濕滯至得㗎！'

'好彩你呢件野都幾慢必，上次有個去廣華醫院探下病之嘛，瀨咗野三日唔夠就跳咗落嚟呀，佢屋企人都未知咩事！'

'死啦，咁我宜家㸃算好呀？'

`咁你有冇响阿媽度裝香拜拜黃大仙呀？'

'係喎 ~ 唉哎~！我真係死懵咯，自己哩响屋企死搞爛搞，搞咗咁耐，都完全醒唔起阿媽果度有呢個方便！'

'唔奇吖，果啲野有時會封咗你啲知見㗎，佢哋會整到你睇唔到聽唔到諗唔到，你個人少啲能量都唔掂呀！'

'但係我又真係咩都感應唔到喎.....'

'唏，聽你咁講，其實心心笫一日行入果間學校註冊，就比果件野盯上咗，所以心心先會聽到有人嗌佢個名，你咪當果件野果陣時想同心心打招呼咯。'

'我都覺得奇㗎嘞，心心明明咁多年嚟都冇再話聽到有人嗌佢，做乜一入到呢間學校就即時失守吖？'

'欸，你個女太可愛啦，人同鬼都咁中意佢，走得甩一單又有第二單。'

'咁阿女又真係好得人中意嘅。'

'得人中意係一件事，佢自己本身既業力都好關鍵。'

'話時話，尋晚真係好似拍緊《驅魔人》咁大壇數，我又出佛經，又唸六字大明咒，唔知點解都冇樣得嘅，佢仲好似越玩越升呢咁，猛响度同我晒冷，真係比佢嚇到鼻哥窿冇肉呀。'

'你果本係咩經先？'

'《四十二章經注釋》咯。'

'注釋就即係唔係佛經啦。'

'乜有分嘅咩？'

'梗係啦，個級數都唔對等。《四十二章經》係比果啲仲在生即衆生睇㗎，下次我帶本《地藏經》比你啦，《地藏經》先至啱鬼道衆生。仲有你唔好係唔係都學人唸六字大明咒，因為你唔係正式佛教徒，係相應唔到個種力量㗎，何況你又冇唸出聲，梗係冇用啦。'

'乜要唸出聲㗎？陣間迫到佢現身我咪死！'

'你可以唸喃嘸大慈大悲救苦救難觀世音菩薩，細細聲咁唸，細聲到响個喉嚨啶度唸都得，只要發出到個震頻就相應到㗎嘞。'

'吓，乜唸下喃嘸經都咁多學問㗎？

'呢啲學問你留番第日慢慢學啦，宜家有啲急野要你今晚就即刻做，你聽住呀。'

'哦 ~！'

[[i] 本帖最後由 咕哩頭 於 2020-2-28 11:49 AM 編輯 [/i]]

[quote]原帖由 [i]咕哩頭[/i] 於 2020-1-20 09:40 PM 發表 [url=https://www.discuss.com.hk/redirect.php?goto=findpost&pid=513285877&ptid=28815775][img]https://www.discuss.com.hk/images/common/back.gif[/img][/url]
呢個電話傾咗我成個幾鐘，搞到我晏晝飯都食唔成就要下午開工，以下就係當年我同阿妹既對話:

'哎呀家姐，你呢個 K 屎係要嚟攞命㗎，乜你咁遲至話我知呀？'

`初時我以為佢係青少年成長期情緒病吖嘛，點知會咁濕滯至得㗎！'

'好彩你呢件野都幾慢必，上次有個去廣華醫院探下病之嘛，瀨咗野三日唔夠就跳咗落嚟呀，佢屋企人都未知咩事！'

'死啦，咁我宜家㸃算好呀？'

`咁你有冇响阿媽度裝香拜拜黃大仙呀？' ... [/quote]
謝謝 師姐分享🙏🏻
越來越緊張

好緊張。多謝師姐分享

精彩

加油

精彩，期待中:chcz_01:

又入嚟同師姐講聲加油......真人真事先引人入勝......:lol......你阿妹應該都有好多故事分享啊......:lol

[quote]原帖由 [i]急焦大大隊長[/i] 於 2020-1-20 09:55 PM 發表 [url=https://www.discuss.com.hk/redirect.php?goto=findpost&pid=513286291&ptid=28815775][img]https://www.discuss.com.hk/images/common/back.gif[/img][/url]

謝謝 師姐分享🙏🏻
越來越緊張 [/quote]


多謝支持。

多謝支持。我都寫到好緊張。

[quote]原帖由 [i]月華敏棋之遺憾[/i] 於 2020-1-20 11:29 PM 發表 [url=https://www.discuss.com.hk/redirect.php?goto=findpost&pid=513288999&ptid=28815775][img]https://www.discuss.com.hk/images/common/back.gif[/img][/url]
精彩 [/quote]


多謝晒。

[quote]原帖由 [i]前晚雀躍的盡頭[/i] 於 2020-1-21 12:10 AM 發表 [url=https://www.discuss.com.hk/redirect.php?goto=findpost&pid=513289986&ptid=28815775][img]https://www.discuss.com.hk/images/common/back.gif[/img][/url]
加油 [/quote]


多謝支持，加緊。

[quote]原帖由 [i]tungtsang2[/i] 於 2020-1-21 12:55 AM 發表 [url=https://www.discuss.com.hk/redirect.php?goto=findpost&pid=513290922&ptid=28815775][img]https://www.discuss.com.hk/images/common/back.gif[/img][/url]
精彩，期待中:chcz_01: [/quote]


多謝支持。

多謝各位捧場。

[[i] 本帖最後由 咕哩頭 於 2020-1-21 08:00 AM 編輯 [/i]]

[quote]原帖由 [i]zamora[/i] 於 2020-1-21 01:55 AM 發表 [url=https://www.discuss.com.hk/redirect.php?goto=findpost&pid=513291704&ptid=28815775][img]https://www.discuss.com.hk/images/common/back.gif[/img][/url]
又入嚟同師姐講聲加油......真人真事先引人入勝......:lol......你阿妹應該都有好多故事分享啊......:lol [/quote]


多謝支持，阿妹一出場就咁多粉絲，原來佢至係女主角。

呀虎媽咪係道卦往"謝謝"至得咖，D粉想睇故仔呀
妳個妹幾時出場呀?

[quote]原帖由 [i]下人A[/i] 於 2020-1-21 09:00 AM 發表 [url=https://www.discuss.com.hk/redirect.php?goto=findpost&pid=513296150&ptid=28815775][img]https://www.discuss.com.hk/images/common/back.gif[/img][/url]
呀虎媽咪係道卦往"謝謝"至得咖，D粉想睇故仔呀
妳個妹幾時出場呀? [/quote]


今晚會再出場，放心先。

[quote]原帖由 [i]咕哩頭[/i] 於 2020-1-21 09:17 AM 發表 [url=https://www.discuss.com.hk/redirect.php?goto=findpost&pid=513296698&ptid=28815775][img]https://www.discuss.com.hk/images/common/back.gif[/img][/url]



今晚會再出場，放心先。 [/quote]
人戲肉，，正

'咁啦，你今晚約心心返阿媽度食飯，一入屋就要裝九支香比黃大仙.....'

'九支香！？我咁大陣象，阿媽實問點解個喎，比佢知道有件咁既事仲得了嘅！'

'又係喎，佢見到實會又咧又咾，咁裝三支啦，三支都勉強得，裝三支佢應該唔會有咩野講嘅。'

'咁如果佢真係問呢？你知啦，我都咁耐冇裝。'

'欸，你話想求加薪又好，求六合彩號碼又好啦，佢好易呃嘅啫。'

'哦。'

'你要一邊裝香一邊細細聲稟比黃大仙聽，我係信女乜乜乜，住响邊度邊度，宜家誠心祈求黃大仙爺爺，今晚即刻封住我個女乜乜心對眼，等佢唔好再睇到啲唔應該睇到既嘢；仲要即刻封住佢對耳，等佢唔好再聽到啲唔應該聽到既嘢；最後要加強保護住佢既心智，等佢唔好再受外靈干犯。你裝完香稟完晒，先至可以如常食飯。記得係細細聲，細聲到响喉嚨啶咁，淨係自己聽到就得。'

'哦，我記住個內容先。'

'好嘞，輪到今晚要急做既第二件事嘞，你宜家諗一諗，最近有冇買過咩特別既野返屋企，例如福祿壽陶瓷公仔，古玩佛牌之類。'

'過年果陣响維園花市買咗個白瓷觀音像，好靚㗎，減價減到一百蚊，不過斷咗隻手指尾。

'返到去要即刻丟出街。'

'吓，個像好靚個喎。'

'靚極都係咁話啦，果個像既腳底下面係咪有個窿吖？'

'係呀，多數用陶瓷造既像都係咁款㗎啦。'

'腳底下面有個大估窿既像最招果啲野，你放屋企邊個位先？'

'飾櫃入面咯。'

'好彩你唔興裝香嘅啫，否則真係一屋都係呀！仲有買過咩古怪野呀？'

' Er ~ 去澳門果陣時响街邊買咗個好靚嘅嘡噹 mug，五顏六色好似古董漆盒咁，細細個好精緻，十蚊雞咋，諗住用嚟裝散紙，一毫二毫果啲。'

'放咩位置？'

'屋企一入門口個鞋柜上面。'

'今晚一入門口，唔好出聲，即刻丟咗佢出街。'

'吓，入面有錢個喎。'

'有幾多錢都唔好要啦，記得咪出聲咪揭開佢呀，一入門口就拎起佢丟出街。'

'要丟幾遠呀，使唔使落街丟？'

'唔使，丟垃圾房得嘞，總之出咗你屋企門口就得。'

'哦，好啦，我唯有丟晒佢啦。得呢兩樣野新買咋，冇笫三樣㗎嘞。'

'家姐，你唔好唔捨得呢啲身外物啦，人哋都招招攞梗你個女條命，你仲响度姑息你啲瓷公仔、十蚊雞嘡噹 mug ？'

' er ~ 唔係，我係凡夫之心一時習性難改啫。'

' 宜家我亦唔係一口咬定就係呢兩樣野作怪，我只係做定啲大包圍措施，有丟錯冇放過啫，我覺得最大嫌疑既野都係响佢學校，所以佢先至成日唔肯返學。'

'丟完之後又點，如果佢今晚再顛過呢？'

'我估你裝完香比黃大仙佢今晚應該會靜番啲嘅，你唔使咁擔心住。萬一佢真係嚟料，你就唸喃嘸大慈大悲救苦救難觀世音菩薩，不停唸，必要時攬住佢唸，唸到想瞓就瞓，或者攬住佢瞓，母愛係好重要既精神力量，你要比啲信心自己，比啲信心佢。'

'咁係咪之後佢就會慢慢好番㗎嘞？'

'梗係唔係啦！'

'吓 ~~~ '

'聽日係星期六呀可？你仲要返上晝工呀可？心心應該唔使返學啦，我要親身去你屋企一次，親自見下心心至得。'

'咁我返咗工咪冇得同你哋一齊咯？'

'我就係要趁你唔响屋企先至上去吖嘛。'

[[i] 本帖最後由 咕哩頭 於 2022-9-25 22:22 編輯 [/i]]

好彩有阿妹啫！

[quote]原帖由 [i]Hongkonger80[/i] 於 2020-1-21 11:12 PM 發表 [url=https://www.discuss.com.hk/redirect.php?goto=findpost&pid=513327060&ptid=28815775][img]https://www.discuss.com.hk/images/common/back.gif[/img][/url]
好彩有阿妹啫！ [/quote]


係，冇呢單野都唔知佢咁勁。

'你係咪想睇下我屋企有冇鬼？'

'諗住去感應下個磁場咁咯，順便揾心心傾下計嘛，我生完B女咁耐都好少見到佢。'

'都好喎，咁我可唔可以話定比佢聽，話阿三姨聽日會去探佢？'

'都冇所謂嘅，我哋要當冇事發生過咁，自然啲，我上去睇過晒之後會打電話比你，到時我哋三個約埋一齊去食大家樂咯。'

'好呀 ~！'

就係咁，果晚我同阿女返咗去阿媽度，我戰戰兢兢咁一邊裝香一邊稟黃大仙，(我稟到口窒窒又漏晒句，漏句之後又要重新稟過，仲慘過唸書)。食完飯我又戰戰兢兢咁拖住阿女返到自己屋企，將果個斷咗手指尾既靚靚觀音像同裝滿碎錢既嘡噹 mug 丟晒去垃圾房。

我成晚都小心翼翼咁偷偷觀察阿女既表情同動作，佢真係好似平靜咗好多喎，佢真係沖完涼刷完牙就正正常常咁吹頭，(佢都係坐响書檯前張木凳，對住窗台果把電風扇吹頭，但係動作就自然好多)。佢吹完頭就正正常常咁去瞓覺，仲一覺瞓到大天光添 ~ 我真係難以置信，唔通黃大仙真係咁靈？

但係阿妹响電話度明明話未得住喎，佢話宜家就認定阿女會慢慢好番晒係言之尚早，佢要親自入我間屋度睇下先。

咁到底佢响我間屋度見到啲咩呢？

[[i] 本帖最後由 咕哩頭 於 2020-2-28 11:53 AM 編輯 [/i]]

樓主師姐已經話阿妹有與眾不同嘅能耐.......開始入戲肉......期待啊......:lol

[quote]原帖由 [i]咕哩頭[/i] 於 2020-1-21 09:05 PM 發表 [url=https://www.discuss.com.hk/redirect.php?goto=findpost&pid=513322537&ptid=28815775][img]https://www.discuss.com.hk/images/common/back.gif[/img][/url]
'咁啦，你今晚約心心返阿媽度食飯，一入屋就要裝九支香比黃大仙.....'

'九支香！？我咁大陣象，阿媽實問點解個喎，比佢知道有件咁既事仲得了嘅！'

'又係喎，佢見到實會又咧又咾，咁裝三支啦，三支都勉強得，裝三支佢應該唔會有咩野講嘅。'

'咁如果佢真係問呢？你知啦，我都咁耐冇裝。'

'欸，你話想求加薪又 ... [/quote]

聖像底有洞係兩個原因，第一係方間請的都係倒模做出來的，所以都有一個洞
第二個原因，就算係手做的都會在底留一個洞的。
聖像開光祗不過係用法力把聖像用光封起來，其它古怪嘢寄吾入去，但開光的都無聖像（本尊）本質在內的。
想要觀音像有觀音本質，佛像有佛像本質係要經過裝臟儀式，裝臟係在吾同本尊聖像裡放入經文，寶石，舍利子……等等，再用經咒接通本尊，才是一尊真正聖像。經文寶石等法物都係由像底下放入的，再用土/金屬把洞封上。

[quote]原帖由 [i]下人A[/i] 於 2020-1-22 05:15 AM 發表 [url=https://www.discuss.com.hk/redirect.php?goto=findpost&pid=513332510&ptid=28815775][img]https://www.discuss.com.hk/images/common/back.gif[/img][/url]


聖像底有洞係兩個原因，第一係方間請的都係倒模做出來的，所以都有一個洞
第二個原因，就算係手做的都會在底留一個洞的。
聖像開光祗不過係用法力把聖像用光封起來，其它古怪嘢寄吾入去，但開光的都無聖像（本尊）本質在內的。
想要觀音像有觀音本質，佛像有佛像本質係要經過裝臟儀式，裝臟係在吾同本尊聖像裡放入經文，寶石，舍利子……等等，再用經咒接通本尊，才是一尊真正聖像。 ... [/quote]


所以如果買咗一個心儀既聖像返屋企，千祈唔好就咁就裝香供奉，因為會招埋啲外靈入屋受香火。

隨便放個牌亂寫嘢.....例如孤X野X仲上埋香.....分分鍾領嘢.....好似每逢月底去太子站上香個班傻人......:funk: