查看完整版本 : 記二十年前往事: 阿女差啲被抓交替，好彩阿妹出手救番！

本版所有故事乃跟據真人真事寫成，版權所有，不得轉載或抄襲，違者將予法律追究。

---------------------------------------------------

第一故   我的親歷故事

這件事，認識我的人大概都聽我講過，二十年過去了，阿女如今已長大成人，仲好人好姐，活得健康充實，都係多得我細妹當年救番佢咋。

但係真正要講呢個故事，卻要由二十六年前講起。

[[i] 本帖最後由 咕哩頭 於 2021-2-5 06:23 PM 編輯 [/i]]

話說阿女七歲那年，入讀全日制小學一年級，每日早上由菲傭送返學。

他倆每日來回都要經過黃大仙廟旁邊一條小馬路，阿女不大喜歡那個菲傭，所以走在路上時，永遠隔住她十個八個身位，書包也是阿女自己揹。基本上，個菲傭只是離遠伴住阿女返學，二人也甚少談話交流。

[[i] 本帖最後由 咕哩頭 於 2021-3-17 11:33 AM 編輯 [/i]]

突然在某一日，阿女放學回家對我說:

'媽咪，呢幾日我返學時都聽到有人嗌我個名，但我擰轉頭又冇人喎。'

'嗌你個名，嗌你邊個名呀？'

(阿女有鬼咁多個名，除咗正式公文名字之外，有人叫佢中文名“心心”，又有人叫佢英文名“Summer”，又有人叫佢乳名“豬女”。)

'佢嗌我中文全名，連名帶姓咁嗌。'

`咁係男人聲定女人聲呀？'

'男人聲。'

一時之間，我都唔識比咩反應佢，為咗唔好嚇親佢，我只好故作輕鬆，求其安撫性質咁講咗句:

'你咪理呢啲野啦，或者你聽錯呢。'

之類既說話。

但我心諗，佢既然講得出話係嗌佢中文全名，即係唔係個菲傭嗌佢啦，仲話係男人聲添。

之後我靜雞雞問個菲傭有冇聽到類似既野，佢梗係矇查查話冇啦。

之後我就當冇事發生一樣，唔再提起。

[[i] 本帖最後由 咕哩頭 於 2021-3-17 11:35 AM 編輯 [/i]]

過咗幾日，阿女放學又來通報:

'媽咪呀，果個人又嗌我啦。'

呢次我真係有啲抓狂。

乜傢伙呀！？

[[i] 本帖最後由 咕哩頭 於 2021-3-17 11:35 AM 編輯 [/i]]

'今日仲未行到黃大仙廟就聽到，點解佢成日嗌我㗎？'

我當然冇答案比到阿女，只感到今次唔荒係好野。

我打電話講晒成件事比我細妹聽。佢話:

'你教心心，下次再聽到把聲嗌佢個名，唔使擰轉頭㗎，大聲喝佢:  走開啦仆街！~咁就得。'

`吓，咁惡死鬧佢得唔得㗎！'

`得㗎嘞，果啲野最怕人惡過佢。'

`吓，咁都得！'

`你屋企有供奉緊黃大仙㗎嘛，不如你去同心心搞埋上契啦，等佢認咗黃大仙做契爺，咪有神明庇佑咯，响屋企裝香拜拜又咁方便。'

雖然我心中未係咁肯定呢兩招真係得，但我都照做咗。

第一招，教阿女再遇同樣情況要即時回應大聲鬧仆街，第二招，認黃大仙做契爺並在家中拜拜。

做晒以上兩件事之後，阿女果然平平安安渡過咗六年，讀到升上中學。

[[i] 本帖最後由 咕哩頭 於 2021-3-17 11:40 AM 編輯 [/i]]

點知就係升中先至大檸樂:@

呢度要交代番下背景先。

阿女七歲果年，我同佢阿爸離婚，帶住佢搬返阿媽度住，阿媽屋企一直供奉住黃大仙爺爺，阿媽每日早晚焚香禱告。

我自己有工作在身，所以阿女起居飲食都少有沾手。阿女後來冇再提有人嗌佢名，我自然樂得清淨，亦冇再特登裝香或去廟裡拜拜。

我唔會記住每年邊日係黃大仙誕，咁啱阿媽提我就去廟裡拜一拜，佢唔提就唔使拜。我每次拜拜都好唔專心，一邊拜一邊諗東諗西。

我阿妹自細就好有主見，好識照顧人，比我呢個大家姐仲大家姐。我離婚果年，佢已經嫁咗人，又過幾年生埋個女之後，就跟佢老公搬咗去屯門住。

佢成日話佢七八歲時，某日偶然抬頭望天，見到成個天啲雲都係古代既亭台樓閣，有啲菩薩仙女樣子既古裝人响亭台樓閣之間探出頭來，望住佢笑。

我聽佢講好多次，次次都當佢發噏風，心諗佢幻想力豐富啫，再唔係就係眼花咯。

除咗呢件事有啲神奇，就冇乜聽佢講自己有咩靈異經歷，直到佢長大成人，結埋婚之後既某一日，佢忽然話我知，原來佢自小學時期就開始見到鬼物。

佢話，其實地球上周圍都有好多鬼，啲鬼好中意縮埋喺啲牆邊暗角，成日都好肚餓又冇野食，有啲鬼餓到要食隨街黏在地上既口水痰。

[[i] 本帖最後由 咕哩頭 於 2022-7-25 20:27 編輯 [/i]]

我女自少就係人見人愛車見車載既可人兒，又靚又乖，有時會鬼鬼馬馬，個個長輩老師都超冧佢。

但佢缺乏小聰明，腦筋唔夠靈活，(即係老實得滯啦)，讀書成績好只係靠勤力，一味死記硬背，好彩升中試都算成功，派咗第一志願 band 1 女子英文中學 ~ 亦係我既母校。

果間學校後山係一大片墳場，冬天北風呼呼吹，整個校舍操場，留下我年少時期無數足跡，係我人生中大部份最難忘回憶既地方。

[[i] 本帖最後由 咕哩頭 於 2020-2-23 10:23 PM 編輯 [/i]]

在阿女升中之前一年，我自己買咗一個隔阿媽屋企兩條街既舊樓單位，同阿女搬咗去住。

果時佢都十二歲，算係識得自己照顧自己，再唔使婆婆操心衣食住行，亦唔使菲傭接送返學。

我一向係懶鬼，從此每日放工要買餸返自己屋企煮飯，假日仲要打掃衛生，梗係有啲嫌辛苦，但係有得同阿女兩個人搬開住，唔使被阿媽管頭管腳，唔使早晚聽佢教訓 ~ 最感恩係唔使阿女睇住我早晚比佢教訓吖嘛 !!

(但係每個星期日我哋都要返阿媽度食晚飯，我偶然都會比阿媽噴到一面屁。)

我同阿女相處十分融洽，真係乜都傾得一餐，最重要係我可以避開阿媽既干預，隨自己心意教養阿女，周末我哋又可以四圍去，唔使向上大人交待行蹤 ~ 咁既生活真係過得我哋兩母女好愜意。

我最安慰係個女唔夠精叻 ~ 就係因為唔夠精叻，佢連學壞既本事都冇。睇住呢個 '豬女' 步入佢人生中最卜卜脆既階段，確實係一件賞心樂事，我有時真係煮煮下飯都會笑出聲。

[[i] 本帖最後由 咕哩頭 於 2022-7-25 21:15 編輯 [/i]]

一個懵閉閉既黃毛丫頭，腦筋從來唔多識轉彎，讀書全靠死記硬背，掹車邊入咗間 band 1 中學，做佢媽咪果個我真係還得神落啦。

在到校註冊果日，我陪阿女去學校辦手續，當時所有新生家長聚在禮堂聽入學講座，學生本人就被編排上課室見老師順便做 briefing。

當我同阿女各自聽完自己要聽既野，落番操場再會合既時候，阿女湊近我細細聲話:

`媽咪，我頭先响課室入面聽到有人嗌我個名呀，但又唔係個老師嗌喎，就响我耳仔邊，係男人聲。'

吓，又嚟 ！？ :smile_30:

唔係下話？

[[i] 本帖最後由 咕哩頭 於 2022-7-25 21:08 編輯 [/i]]

當下我個心真係離一離。

但係對住個女，我又唔可以太表現出我既不安，因為佢其實一啲都唔驚，佢只係奇怪點解會又聽到有人嗌佢個名，講白啲，係佢笨蛋到唔識去聯想下呢個現象背後果種恐怖，所以佢當時係迷惘多過驚咯。

如果我比佢見到我太失惜，就會將佢既迷惘轉化為恐懼，而恐懼一旦植根於 (任何人) 心中，就很難被清除。於是我扮作毫不在意地顧左右而言他，好快就將佢既注意力引咗去第二度。

若然回到現實，學生到校註冊之後係有好多野要急住做嘅，做校服買書本係基本，因為入讀既係全英語授課既學校，為免追唔上校方要求，全體中一生必須參加學校為新生安排既開學前英語強訓班，每周三次返學校上特別課。

我十分支持母校有呢個安排，記得我十二歲入讀呢間學校時，係冇呢樣野㗎。當時我就係英文唔掂檔，又聽唔慣大量生字生詞，搞到冇晒心機上堂，長期情緒低落，宜家阿女有咁好機會多學習英文，打好根基又唔使我比錢，梗係好啦！

[[i] 本帖最後由 咕哩頭 於 2021-3-17 07:21 PM 編輯 [/i]]

之後既日子我就日日掛住返工，阿女就到時到候自己去返英文強訓班，因為未做好校服，啲新生返學都著便服，我想像阿女可以著便服返學一定好 cheerful, 因為可以每次出門都揀衫著，細路女最中意㗎啦。佢亦冇再提起有人嗌佢個名果件事。佢唔再提，我就當佢註冊果日聽到既係佢自己幻覺，採取半逃避策略 ~ 乾脆抹走咗佢。

但佢每次去完學校，返到屋企都嬲爆爆，我問佢㸃解黑面，佢話:

'果間學校啲人，個個對我都眼掘掘嘅，老師又眼掘掘，同學又眼掘掘，我好唔中意佢哋！'

[[i] 本帖最後由 咕哩頭 於 2022-7-25 20:37 編輯 [/i]]

之後既日子，阿女成日投訴間學校呢樣唔好，果樣唔好，好唔願意去上堂，幾乎每次出門口都扭晒計，唔肯去。講真果間學校真係唔錯，無論設施資源校譽都係區內數一數二，我畢業果時都不知幾唔捨得，呢趟我仲係特登同阿女報升中第一志願，放榜前都驚佢掹唔到車邊，能夠成功派位係祖先保祐，勢估唔到佢竟然對呢間學校咁反感。

我直覺認為佢係因為剛剛離開果間讀咗六年既小學，與一班好同學分道揚鑣，一時間適應唔到新環境，而我又冇乜時間陪佢，佢至會頻頻鬧情緒，呢啲係屬於少年時期既反叛，係正常嘅，只要我忍耐一下，多啲同佢傾計，我哋一定能夠好快克服呢一切障礙。

於是在正式開學之前，我同佢去咗一次澳門，當係短程旅遊散心，希望佢玩完之後重新出發，開開心心去返學。

[[i] 本帖最後由 咕哩頭 於 2020-1-15 01:28 PM 編輯 [/i]]

謝謝分享:smile_o12:
支持，等待更新:lDD_003:

多謝支持。

[[i] 本帖最後由 咕哩頭 於 2022-7-25 21:19 編輯 [/i]]

嘢同芊芊兩人開心嘅驚呼了一聲就沖了過來, 一入屋就見到張陌指住安妙畀佢哋禁聲, 兩人輕手輕腳的入嚟。
    "我靠你衰仔醒咗都唔話畀我, 害我肉緊..." 嘢輕聲說。
    "張陌你醒了就好, 可擔心死我啦..." 芊芊笑住。

到我哋去完澳門，正式開埋學之後，阿女既情況並冇好轉，反而每況愈下，我每日放工返屋企，見到佢都係面燶燶，我期望佢會好似以前咁，每日同我講下學校既趣事，例如小息時買過乜嘢食，好唔好食，有冇被老師稱讚，或者與同學之間有咩互動，等等等等。但係佢不單唔再主動向我報告，仲不時態度惡劣， `得' 到我唔識反應。

我哋幾乎每日都有以下類似既對話:

`心心，今日返學點呀？'

`唔知。''

`冇識到新朋友咩？有冇同坐隔離個同學傾計呀？'

`有乜好傾，我都唔中意佢哋。'

`咁返成日學梗會傾一兩句啩？'

`冇呀~~！' 佢拉長晒個尾音 ~ 佢真係從來都未試過用咁既語調講野㗎。

[[i] 本帖最後由 咕哩頭 於 2020-1-18 04:54 PM 編輯 [/i]]

[quote]原帖由 [i]滋陰不安的妹頭[/i] 於 2020-1-14 09:16 PM 發表 [url=https://www.discuss.com.hk/redirect.php?goto=findpost&pid=513046963&ptid=28815775][img]https://www.discuss.com.hk/images/common/back.gif[/img][/url]
嘢同芊芊兩人開心嘅驚呼了一聲就沖了過來, 一入屋就見到張陌指住安妙畀佢哋禁聲, 兩人輕手輕腳的入嚟。
    "我靠你衰仔醒咗都唔話畀我, 害我肉緊..." 嘢輕聲說。
    "張陌你醒了就好, 可擔心死我啦..." 芊芊笑住。 ... [/quote]


請問呢位師兄係咪入錯門口？

`媽咪，我唔想返學呀！'

`我當你講笑咋，呢頭開學你果頭就話唔想返學，唔返學係咪第日想做乞兒？'

`我想返去讀小學呀，我好掛住吳敏儀同張小玉呀！'

`吓，你真係儍咗，人哋吳敏儀同張小玉宜家都升咗去第間中學啦，你就算返去留班都見唔番佢兩個。'

`但係我真係好掛住佢哋，我又掛住馬 Sir 喎。'

`如果馬 Sir 知道你咁笨要行返轉頭，笑你添啵！'

`總之我唔要返呢間中學啦。媽咪，我日日都好傷心呀！ 吳敏儀，小玉，你哋响邊度呀？ 嗚 ~ 嗚 ~ '

佢跟住仲啕嚎大哭起嚟，我唯有立即好言相勸啦。

我氹完又鬧幾句，鬧完又氹番，唉 ~ 開學都唔夠一個星期，我就好似被人由雲上推咗落深淵咁。

不過原來後面仲有排驚咯！！

[[i] 本帖最後由 咕哩頭 於 2022-7-25 21:27 編輯 [/i]]

"啊... 哦... 我先走了, 張陌你好好休息啦... "芊芊倔野一眼, 將門輕輕關上出去了。
    "你唔講野死得啦..." 芊芊踢咗嘢腳, 快步走了。
    "喂... 芊芊同學要唔要我送你呀... "嘢跟了上去。
    

"張陌唔好離開我... 不要離開我... 唔好! ... "安妙做噩夢了, 緊緊的抓著張陌隻手驚醒了過來。
    "安妙我唔會離開你架, 唔會..." 安妙一醒來就見到張陌捧着自己的面, 她淚眼朦朧的撲入咗張陌懷裏: "嗚嗚... 張陌你唔好離開我... 你唔好離開我... "

  安妙感覺自己好像在做夢一樣, 呢幾日發生的事情太不可思議了, 她已經分唔清夢境同現實了, 好耐之後安妙才平靜了下來。
    "張陌你仲有果度唔舒服? 你一定餓嗎? 我去過你做食嘅... "安妙面嘅開心, 佢唔記得左自己有三日冇瞓, 話住就要去比張陌買食嘅。
    

[quote]原帖由 [i]滋陰不安的妹頭[/i] 於 2020-1-14 09:58 PM 發表 [url=https://www.discuss.com.hk/redirect.php?goto=findpost&pid=513048638&ptid=28815775][img]https://www.discuss.com.hk/images/common/back.gif[/img][/url]
  安妙感覺自己好像在做夢一樣, 呢幾日發生的事情太不可思議了, 她已經分唔清夢境同現實了, 好耐之後安妙才平靜了下來。
    "張陌你仲有果度唔舒服? 你一定餓嗎? 我去過你做食嘅... "安妙面嘅開心, 佢唔記得左自己有三日冇瞓, 話住就要去比張陌買食嘅。
     ... [/quote]


師兄請問係你入錯門口，定係我搞錯呢？

[quote]原帖由 [i]咕哩頭[/i] 於 2020-1-14 10:01 PM 發表 [url=https://www.discuss.com.hk/redirect.php?goto=findpost&pid=513048772&ptid=28815775][img]https://www.discuss.com.hk/images/common/back.gif[/img][/url]



師兄請問係你入錯門口，定係我搞錯呢？ [/quote]
入錯門口了, Sorry

[quote]原帖由 [i]咕哩頭[/i] 於 2020-1-14 09:51 PM 發表 [url=https://www.discuss.com.hk/redirect.php?goto=findpost&pid=513048349&ptid=28815775][img]https://www.discuss.com.hk/images/common/back.gif[/img][/url]
`媽咪，我唔想返學呀！'

`我當你講笑咋，呢頭開學你果頭就話唔想返學，唔返學係咪第日想做乞兒？'

`我想返去讀小學呀，我好掛住吳敏儀同張小玉呀！'

`吓，你真係儍咗，人哋吳敏儀同張小玉宜家都升咗去第間中學啦，你就算返去留班都見唔番佢兩個。'

`但係我真係好掛住佢哋，我又掛住馬 Sir 喎。'

`如果馬 Sir 知道你咁笨要行返轉頭，笑你添啵！'

`總之我唔要返呢間中學啦。媽咪，我日日都 ... [/quote]


期待事態發展

等下文, 師姐加油, 好耐冇真人經歷分享......:lol

[quote]原帖由 [i]滋陰不安的妹頭[/i] 於 2020-1-14 10:44 PM 發表 [url=https://www.discuss.com.hk/redirect.php?goto=findpost&pid=513050598&ptid=28815775][img]https://www.discuss.com.hk/images/common/back.gif[/img][/url]

入錯門口了, Sorry [/quote]


冇相干，我之前都去錯咗人地度，尋日先至揾番啱自己地頭。

在此衷心多謝各位支持，會努力。

㸃解我會咁講呢？

因為我果陣時都仲未識驚。

當時我將阿女既改變初步定性為 '成長過程中偶發性情緒病' ，所以只用安撫、忍耐、引導、責備....等等手段去應付佢。

佢自細就係一個令人揪心既小 sweetheart，响我心目中就好似一張白紙咁純真。

喺佢大約八歲果年既冬天，某日天氣特別凍，我好夜放工，見佢竟然瞓咗响我張床度，舒服到流晒口水，(果時我哋仲住响阿媽屋企，瞓碌架床，佢上格我下格)，我唔想打擾佢熟睡，只好擒上上格床瞓，第二朝佢怕怕醜咁話:

'對唔住呀媽咪，我尋晚瞓咗你張床，其實我係想學黃香，幫你瞓暖個被竇先等你返嚟瞓，㸃知舒服得滯自己瞓着咗，hea ~ hea ~'

哦 ~ 原來佢係想仿效古代孝女黃香，為父親 (？定母親) 暖被竇。乖女呀乖女，我真係好感動呀！！

佢又成日响自己上床瞓覺前幫我擺正對拖鞋，將鞋頭向外，(因為我上床梗係拖鞋鞋頭向內)，等我一起身兩腳一穿就行得。又見我眼鏡周圍放，成日揾眼鏡，特登整咗個又靚又精緻既紙盒仔，入面鋪滿五顔六色既棉絮，擺响床頭比我放眼鏡。(我戴 contact 返工，所以放工要成屋揾眼鏡)。

佢成日 hea ~ hea ~ 咁笑，率真得嚟又有啲儍氣，大人講乜佢都聽，又好少駁嘴。佢仲係繪畫天才， 小學啲老師成日稱讚佢，叫佢做 `顏色專家' 。佢成個小學時期，我都幾乎唔使買文具比佢，因為全部文具都係老師送，甲老師送完到乙老師，乙老師送完到丙老師....。

[[i] 本帖最後由 咕哩頭 於 2022-7-25 21:40 編輯 [/i]]

一個咁乖巧既細路女，忽然變得反叛歪劣，真係令我措手不及，完全唔識應對。佢試過理直氣壯毫不愧疚咁對我講:

'我今日英文默書唔合格呀，你唔使問我點解，總之我以後都唔會合格㗎嘞！'

又試過因為同我討論轉校而大發脾氣，推冧成張食飯檯，而討論既結果，佢都係要返番去讀小學先至肯罷休。

[[i] 本帖最後由 咕哩頭 於 2022-7-25 21:44 編輯 [/i]]