查看完整版本 : 剛剛發現鼻咽癌一問

kk123 2020-1-19 01:57 AM

大家好,家父之前頸有腫塊成一個月,睇公家醫生食消炎藥冇效果,之後懷疑鼻咽癌,醫生轉介做PET全身,同時轉介耳鼻喉專科。17號拎到PET報告,同時見左耳鼻喉,報告顯示鼻咽有粒5cm長腫瘤,內臟同骨就未見有,頸部可能有。醫生話99%係鼻咽癌,但都要抽取鼻咽組織+頸部穿刺去化驗。醫生有寫urgent,不過復診+睇化驗報告都要30號,相信到時會轉介腫瘤科,但唔知要等幾耐。咁岩遇到過年同好多紅日,想問大家咁樣係咪已經算快?岩知道患癌時一片空白,醫生又好忙,趕唔切回氣問佢野,唯有呢度問下:
1. 是否需要自行到私家耳鼻喉科抽多次組織同穿刺,出報告會唔會快d?轉介腫瘤科會唔會快d?
2. 呢段時間可以自己做d咩?
3. 需唔需要睇住牙科先?有冇鼻咽癌牙科醫生介紹?
4. 私院最快幾時開始治療?有冇私院治療的相關費用參考?

感激不盡!!!

qkboy 2020-1-19 09:32 AM

[quote]原帖由 [i]kk123[/i] 於 2020-1-19 01:57 AM 發表 [url=https://www.discuss.com.hk/redirect.php?goto=findpost&pid=513216160&ptid=28823832][img]https://www.discuss.com.hk/images/common/back.gif[/img][/url]
大家好,家父之前頸有腫塊成一個月,睇公家醫生食消炎藥冇效果,之後懷疑鼻咽癌,醫生轉介做PET全身,同時轉介耳鼻喉專科。17號拎到PET報告,同時見左耳鼻喉,報告顯示鼻咽有粒5cm長腫瘤,內臟同骨就未見有,頸部可能有。醫生話99%係鼻咽癌,但都要抽取鼻咽組織+頸部穿刺去化驗。醫生有寫urgent,不過復診+睇化驗報告都要30號,相信到時會轉介腫瘤科,但唔知要等幾耐。咁岩遇到過年同好多紅日,想問大家咁 ... [/quote]
鼻咽癌在香港很易醫的,但後遺症很多,我有3朋友分別在2000,2014年及2017患鼻咽癌(所以鼻咽癌真喺香港癌),至今已醫返好,但佢地話很多後遣症,醫鼻咽癌一定要搵香港西醫,其實揾香港政府醫院已經可以了,全部跟政府醫生流程去做已經足夠,宜家乜都不需要做,等report

bigasss 2020-1-19 08:29 PM

如果經濟許可,搵一兩個鼻咽癌專家問問,可能不必做刺穿,已能斷症

greywood 2020-1-20 11:56 AM

1. 是否需要自行到私家耳鼻喉科抽多次組織同穿刺,出報告會唔會快d?轉介腫瘤科會唔會快d?
2. 呢段時間可以自己做d咩?
3. 需唔需要睇住牙科先?有冇鼻咽癌牙科醫生介紹?
4. 私院最快幾時開始治療?有冇私院治療的相關費用參考?
1)私家抽組織是即日做,化驗要由化驗所做大約兩日會知結果。其實,就算假期前確診只會增加擔心。私家開始治療當然比較快,我當年4/4確診,私家26/4開始電第一次,政府比腫瘤科既期係28/4。你預期私家可以快政府大約一個半至兩個月左右。
2)等化驗結果,之後決定私家或政府,照PET同驗EVB DNA,檢查牙齒。其他就係放鬆心情。
3)政府就政府牙科會安排。如果私家,私家腫瘤科醫生都會有介紹。如果還有需要可以PM我。
4)同1)價錢見私家腫瘤醫生大約1xxx一次,電療視乎邊間醫院做,我自己60萬左右,政府就超平,好似最多幾千。化療我唔多記得,私家好似萬多蚊一次。
PS: 你可以join FB 一個鼻咽癌group, 全部係同路人或其家人,資訊比這多同準確。呢度唔少人跟本無can,亦無家人係can,但扮晒對can好熟,請小心。

kk123 2020-1-20 08:56 PM

感謝🙏

第二生命(續) 2020-1-21 12:55 PM

[quote]原帖由 [i]kk123[/i] 於 2020-1-19 01:57 AM 發表 [url=https://www.discuss.com.hk/redirect.php?goto=findpost&pid=513216160&ptid=28823832][img]https://www.discuss.com.hk/images/common/back.gif[/img][/url]
大家好,家父之前頸有腫塊成一個月,睇公家醫生食消炎藥冇效果,之後懷疑鼻咽癌,醫生轉介做PET全身,同時轉介耳鼻喉專科。17號拎到PET報告,同時見左耳鼻喉,報告顯示鼻咽有粒5cm長腫瘤,內臟同骨就未見有,頸部可能有。醫生話99%係鼻咽癌,但都要抽取鼻咽組織+頸部穿刺去化驗。醫生有寫urgent,不過復診+睇化驗報告都要30號,相信到時會轉介腫瘤科,但唔知要等幾耐。咁岩遇到過年同好多紅日,想問大家咁 ... [/quote]
我試過來人可以大家分享下!
1. 首先你有冇喺公立醫院抽個組織做化驗?係咪等報告?如果係約咗30號見腫瘤科醫生睇報告嘅話可以等到嗰日!因為如果你睇你去睇私家腫瘤科或者耳鼻喉科佢同你抽組織做化驗、起碼都要三四日先有報告我相信佢哋都要過年休息放假、可能都係要新年之後先同你講到、所以其實公家30號睇報告就差唔多!

但係如果你係未做檢查咪抽組織咁不妨啲幾日打去約一個私家耳鼻喉科問一問可以幾時做化驗或者檢查!
2. 我自己就喺私家醫院做化療同埋電療啊、因為我見咗公立腫瘤科醫生、因為中間要做檢查要見耳鼻喉科、聽力科、牙科、言語治療科!仲要做Pet scan 、mri !跟住再見醫生、跟住做模、才開始做電療同化療!所以最快開始療程都要接近一個月或者個半月!我當時都係近新年、好擔心、所以我係私家醫生開始治療!我係港X醫院做治療!包括電療+入院六次化療(每次都要住院三至五日)大約用了40萬左右!跟住我係喺公立醫院複診!
3. 如果有時間可以同爹哋去睇牙科洗定牙同埋去剝牙檢查牙齒、因為如果去私家做治療佢都係叫你自己去睇牙科!
4. 開定醫健通!因為私家醫院可以睇到公立醫院嘅報告!
5. 叫爸爸食多啲野尤其是蛋白質、曹肥自己因為之後嘅化療同埋電療係比較辛苦、令到個病人食唔到野胃口差!
6. 可以多看鼻咽癌嘅資料資訊了解多啲、個人就冇咁驚!香港其實好普遍、但比較容易醫、叫你爸爸唔好咁擔心!

fb2dde92b8cd05 2020-1-26 11:33 PM

我都係過來人, 政府排期快慢係見人見智, 我自已係一期, 由睇ENT到確症到電療大概二個月時間. 我經驗提議吃多的增磅, 係好重要!! 我自已由電療開始到完之後的一個月瘦左20Kg. 所以增重好重要!!!!
頁: [1]
查看完整版本: 剛剛發現鼻咽癌一問