查看完整版本 : 40單身自白 (女)

山上怪異羊 2020-3-17 03:59 PM

40單身自白 (女)

我啱啱登陸40歲,想寫一篇有關 單身女人嘅文章。我想篇文章好鬼開心好鬼正面,但係現實都唔係咁簡單,有好有壞。

女人40歲單身唔等於被判死刑,我覺得40歲開心過20幾歲或者係30幾歲嗰陣時, 因為單純是要付出極沉重嘅代價。除非你好L蠢, 純真是一種不可持續的東西, 呢個世界上更加冇又純真又有智慧這回事。

係我內心深處始終係有一把好細嘅聲喺度尖叫:點解會係我!女人到咗40歲都未有固定嘅男朋友就好似生意失敗嘅中年男人一樣:有點失望,因為唔係預計之中,但係又唔知自己仲有冇精力同埋果股熱情去搵自己想要嘅嘢。屋企再開通,身處嘅社會有幾文明,一個女人被灌輸嘅認知就係:[b]結婚生仔先係你嘅成就,如果你兩樣嘢都冇你其實係錯過成為一個真正女人嘅機會,某程度上永遠未畢業[/b]。

我唔知道自己點解會獨身。我發現自己有時會話俾人聽我仲有去約會呀諸如似類嗰啲嘢,但此時個腦另一把聲就會喺度鬧:

你條可憐蟲啊你想話俾人聽啲乜姐?即係你仲有啲姿色係咪?你就好似同其他自愛嘅女人一樣[b]選擇獨身[/b]係咪?

唔係呀唔係呀,我淨係唔想人覺得我每個週末同埋公眾假期都收埋自己係屋企入面,一路喊苦喊忽,一路比落難非洲王子呃晒d錢。

我從來冇選擇過獨身,從來沒有。我完全係比獨身呢隻禽獸綁架咗。

我獨身係因為其他選擇都係死路一條。

選擇一:做人情婦,條佬仲要唔使係你身上洗錢,間中remind你佢個老婆點點點,以防上身。
選擇二:做人炮友;冇情感責任,連飯都唔請你食就上嚟屋企。三個月搞一次,有少少鍾意即刻消失。
選擇三:俾啲冇腳嘅雀仔一路拖住,自己以為玩好多心理戰(對方完全唔唔知亦唔care ),最尾喺自我懷疑及否定中死去。仲有,不停等等等等等等等。
選擇四:去Craigslist 單身欄中落廣告,默默等待搭上連環殺手上門肢解。
選擇五:單身


其實係我30歲嗰陣時,選擇一至選擇三個都試過晒。30幾歲嘅頭本部分係我人生中最黑暗時期。當我啲朋友喺度睇返啲相,話自己30歲頭嗰陣時有幾靚幾靚,我淨係記得嗰陣時我不停食減肥藥,同埋剃光咗個頭笠住個假髮,其他嘢唔係好清楚。

當時, 我同其他30幾歲嘅女人一樣,我覺得時間變咗最大敵人。[b]基本上,我就覺得好似患上左漸凍人症一樣:年紀越大,情況越壞。到咗40歲仲未脫單,呢個世界就有50%嘅人再見我唔到[/b]。我身邊啲朋友成日同我研究點解我會單身,希望盡快搵到金石良藥,醫好單身癌,但係我覺得所有討論形同人格謀殺,基本上除打擊信心之外,毫無用處。當我被鞭撻得忟忟哋時候,就佢哋就會插:「那那那,就係你呢啲咁嘅態度同脾氣令到你單身啦!」基本上佢哋係將我每個缺點都點成單身嘅理由,有個直情話我讀得太多書,優點變缺點,都sort嘅。結咗婚嘅人都唔係完美,佢哋只不過搵到一個接受佢哋唔完美地方嘅人。

有啲朋友講話我或者係條命生得差囉,呢樣嘢我唔接受。單身非我願,但亦非咀咒咁嚴重吧?

[b]或者單身根本就係冇原因,有D嘢係咁就係咁,就好似地球嘅存在一樣-響度就響度,冇得解[/b]。大家可唔可以接受單身未必有原因,亦未必係一個咀咒嗎?


× × × × × × × × × × × × × × × ×

有一晚我同一個啱啱結咗婚一兩年嘅女人一齊搭的士,成個過程中佢不停咁讚佢老公有幾錫佢,咁恭喜佢啦。咁半路中途呢我就話俾佢聽有啲已婚嘅賤男點樣係我面前扮單身。佢停一停,然後熱以好懷疑嘅眼光望住我話:下,乜你都介意結咗婚嘅咩文?

我屌。

有啲女人,以為自己結咗婚就巴L弊,覺得所有單身女人既絕望又可憐,成日喉住佢哋老公咁。我有幾個friend 30幾歲都係未嫁,我哋有時會一齊出去玩,稍為着得性感啲,嗰啲人妻就比啲咀臉你睇,跟住細細聲喺度話:哇,使唔使ah?

又關你L事呢?而家唔着等50幾歲先來着定點?[b]你哋成日着平底鞋着到咁舒服,就梗係覺得對對有爭踭嘅鞋係情慾高跟啦![/b]

我都好想大大聲同人講我唔知乜嘢係dating app,唔知乜嘢係叫CMB,可唔可以教我玩,跟住搖頭以D「哎,污煙漳氣」嘅嘴臉問:危唔危險㗎 ?你唔係in my shoes, 要disapprove 好容易。但係我選擇有兩個:一,我可以係屋企等死,二,或者出街見吓人。我唔會成L日行山再參加廚藝班再去insta 登相去證明自己係人妻材料,我只喜歡happy hour ,做運動時亦唔覺得要特別登相 , 因為只係self care 一部份,與刷牙同撩鼻屎無異,無嘢要show off。

仲有,出面仲有好多廿幾30頭嘅後生仔。呢一代中咗gym降,身形好靚,返office 工但有地盤胸,有時我諗緊究竟佢哋洗唔洗做嘢。

[b]朋友做媒,永遠唔work。[/b]唔啱feel,介紹嗰個就會怪我:「好心你唔好嫌三嫌四」。真係唔係刻意嫌人呢又路,你揀人是人揀你,但係睇唔啱就睇唔啱。

唔啱,就係指我想像唔到自己同佢含嗰一幕。

職業、性格、價值觀呢啲嘢遲啲先講,呢一刻最重要嘅係:我究竟可唔可以同佢含。想定唔想,得兩個答案,絶對冇得用「但係呢...」作補充。

聽落好似好膚淺,但係呢條問題係直接測試交配慾望,含L的意慾同張家輝買黃金唔同,你今日冇嘅,你第時都唔會有;初頭唔想,第日更加會想。性吸引力就好似肚裏面BB仔條臍帶一樣,係每一段關係初期不可或缺嘅嘢,係維持養分嘅重要管道,過咗某一個時期,其他嘢會take priority,但頭果幾個月,sex相當重要。

[b]Mr Nice不是唔好,但往往死在sex appeal 手上,相當不公平[/b],但要與性本能背道而馳,就等要將Elton John 變直一樣,嘥氣。

唔使講都知,香港男女約會嘅情況,相當嚴峻。見到我啲女朋友受傷,都真係想開個集中營困住晒啲仆街-有啲係無啦啦失蹤、有啲係結咗婚扮冇結婚、未結婚但有300個女朋友、或者係冇腳雀仔成日都話要唔想用label 去define 個relation,LLM,廢話連篇。最癲嗰個係所有嘢都係吹出黎嘅,連個身份都係假嘅。

點解有啲男人要咁對女人呢?一怒之下,我睇咗大約300本直男癌嘅書,發現都係reddit個答案最準:[b]因為有女人容許佢哋咁做。[/b]

聽過無數次嘅故仔,就係一個女人不停等一個對佢唔好嘅男人。上一秒好憎,下一秒好愛,再下一秒好憎自己好愛,憎完又愛愛完又憎。呢啲就係所謂嘅獨腳戲,我哋淨係睇到個女仔點樣痛苦掙扎、在愛恨間不停輪迴。做friend嘅, 憐其不幸,卻又恨其不爭。我哋係由頭到尾都可以未見過男人,因為佢除咗半夜會響個女人嘅睡房出現之外,其他地方一律不見影蹤。

[b]呢啲時候味就係要BLOCK 9條L樣囉。[/b]

要block一個人,唔代表你有好憎恨佢。呢個行為係完全以保護自己作為出發點。第一,可免卻不停咁等message嗰種痛苦;第二,你嘅時間精力好寶貴,你要控制邊啲人值得你花心機。[b]同埋啲仆街好似有個寂寞計時器咁,到咁上下就嚟料say Hi[/b],所以一定要block,永遠要低估自控能力。

我個block list上面大約有30個人,有條友叫Freak,完全冇印象。block耐咗,漸漸會唔記得條友,之後就無啦啦成世block咗佢,都未嘗位唔係一件好事。[b]女人太容易原諒人,大概過咗三次排卵期之後,就乜嘢衰嘢都唔記得晒,失憶後重蹈覆轍[/b]。個仆街text hi, 你又答hi,冷言冷語左三句之後,就以為自己贏咗,過一陣BUM一聲又跌返入個窿度。

女人愛上一個對佢唔好嘅人,智商會自動-70,然後不停對自己講大話。其中兩個大話就係:

[b]大話一:我搵到另外一個就會飛咗佢㗎啦[/b]

除非你行運一條龍,但係你鍾意咗個PK都代表你係運滯㗎啦。一般來講,你最需要其他男人嘅時候,佢哋會合謀消失

[b]大話二:我都係俾多次機會佢啦[/b]

從來、從來冇一條仔又對我嘅興趣由黯然變成濃烈,或者對我由麻麻哋變成好L好。我個腦從來都冇出現過呢一句說話:「好彩我俾多次機會佢咋!」

反之,我通常都係諗:「總之一早唔睬條PK啦!」

話係俾機會佢,其實係俾機會自己, 希望可以證明我有幾正、幾聰明、幾可愛,sell lor, on 9

我見到好多30幾歲單身嘅女仔friend都不停喺度自我否定,有脾氣嗰個就鬧自己太有性格,好脾氣嗰個就怪自己冇乜性格,其實佢哋根本就係搵咗D對佢哋嘅性格完全冇興趣嘅人。但人永遠最鍾意玩blame game:[b]哎呀,沒有無緣無故嘅愛,沒有無緣無故嘅恨,亦都沒有無緣無故嘅單身[/b]。係呢種環境之下要自愛非常唔容易。

我認為自愛唔係一種直接嘅本能,不是人人可以明白或運用。同訓練肌肉一樣,真正的自愛要在逆境嘅狀態之下先會被測試及段練出來。[b]順境中説自愛是沒有意思的[/b]。

對單身女性來説,而呢種逆境[b]就係當所有人,包括你自己,都明示暗示係因為你性格有問題、所以沒有人去愛你[/b]。[b]你必須要拒絕去相信這種鬼話,並不作無謂的解釋,因如果你覺得要去辯論、考證你究竟值不值得被愛、這場仗已經輸了。[/b]

你值不值得被愛, 是non-debatable 嘅subject,男女一樣。

你或者性格不是大眾口味,或好像我一樣,不太符合一般中國女性的框架。你要選擇:(1)做自己; (2)扭曲性格符合他人口味。

[b]曾幾何時,大眾社會都認為紮腳是一件好事,唔紮腳會嫁不出。 你願意在思想上被紮腳嗎? 這個問題,冇對與錯,只有肯定唔肯 。 [/b]

我打死都唔肯, 扭不成變三不像,多餘。

中年單身我冇solution, [b]但我堅持眼看不上的東西絕對不會放在口裡[/b], 再老啲唔知點諗,但而家一定唔會。

兄弟姊妹們, 加油!

Kati21 2020-3-17 10:54 PM

多謝分享,睇得出你既經歷,體會和反思了好多想法,亦講中好多女人既通命,賤男人通街都是,有時係女人蠢放縱依啲賤男變成今日咁。沒男人唔會死,港男唔啱可嘗試其他國家,世界咁大目光放遠看。

BB六歲 2020-3-18 08:02 AM

樓主已經過左做壞女人的黃金時間
不過唔緊要,只要未到50,仲係會有market!

睇晒成篇後覺得
樓主後生時拍過一兩次拖然後單身超過10年:1%
樓主一直單身:99%

水之情 2020-3-18 11:27 AM

*** 作者被禁止或刪除 內容自動屏蔽 ***

hohosend 2020-3-18 12:17 PM

寫得好有心機, 也帶出感受, 好好~

兩個人, 朋友好, 情人好, SP好, SL好, 小三也好, 不外乎接受及適應與否, 就好似女仔高過男仔, 女仔賺錢能力比男仔高, 就算男人做地盤, 一樣可以娶到高質女, 歸根究底係相處得開吾開心, 兩者之間的相處方法...。你話要搵愛情好難咩, 其實說難又不難, 係咪要符合先可以開始, 但吾開始又吾知符吾符合, 總要行出去一步接近愛情, 希望樓主會遇上心儀的他。

到你呢個年紀, 無論你的底線係堅持以組織家庭, 同偕白首為目標, 定希望有一個穩定既伴侶, 你都要有一個想法, 愛情來的時候未必如你所願, 最緊要知道自己想點, 邊D條件係你最基本的要求, 咁就算機會來了, 你已經有一定的心態去同對方相處, 拍拖一般都係開心既, 無論有無結果, 有咪不妨試下囉。

[[i] 本帖最後由 hohosend 於 2020-3-18 12:32 PM 編輯 [/i]]

現代足球 2020-3-18 08:15 PM

[quote]原帖由 [i]BB六歲[/i] 於 2020-3-18 08:02 AM 發表 [url=https://www.discuss.com.hk/redirect.php?goto=findpost&pid=515974635&ptid=28936209][img]https://www.discuss.com.hk/images/common/back.gif[/img][/url]
樓主已經過左做壞女人的黃金時間
不過唔緊要,只要未到50,仲係會有market!

睇晒成篇後覺得
樓主後生時拍過一兩次拖然後單身超過10年:1%
樓主一直單身:99% ... [/quote]

呢個結論好正常,
尤其係含撚果part, 假到震.
就算係妓女都唔會講嘅野.....無言.

BB六歲 2020-3-18 09:09 PM

[quote]原帖由 [i]現代足球[/i] 於 2020-3-18 20:15 發表 [url=https://www.discuss.com.hk/redirect.php?goto=findpost&pid=516010379&ptid=28936209][img]https://www.discuss.com.hk/images/common/back.gif[/img][/url]


呢個結論好正常,
尤其係含撚果part, 假到震.
就算係妓女都唔會講嘅野.....無言. [/quote]

唔同架
含撚係性工作者的其中一個工作,為既係錢,係生活
但幫自己個男人含就完全唔同諗法了
佢愛個男人,就自然覺得個男人條撚好味,會鍾意幫佢含

你唔明由得佢好了

BB六歲 2020-3-18 09:09 PM

[quote]原帖由 [i]現代足球[/i] 於 2020-3-18 20:15 發表 [url=https://www.discuss.com.hk/redirect.php?goto=findpost&pid=516010379&ptid=28936209][img]https://www.discuss.com.hk/images/common/back.gif[/img][/url]


呢個結論好正常,
尤其係含撚果part, 假到震.
就算係妓女都唔會講嘅野.....無言. [/quote]

唔同架
含撚係性工作者的其中一個工作,為既係錢,係生活
但幫自己個男人含就完全唔同諗法了
佢愛個男人,就自然覺得個男人條撚好味,會鍾意幫佢含

你唔明由得佢好了

一人行 2020-3-18 10:50 PM

用返老生常談,男人喺事業上,或女人喺愛情上,一生總會遇上幾次好好嘅機會,應該至少有三次,可以比你成為人生勝利組,但你冇好好把握住,咁過左就冇架啦!

山上怪異羊 2020-3-19 12:46 AM

thansks!

山上怪異羊 2020-3-19 12:57 AM

真的喜歡亞洲人,但對的, 要放眼國際,我的朋友很多嫁鬼佬,但我沒想過,因我最喜歡講嘢,鬼佬極其量get到我character7性,與語言障礙無關。
in any case thanks for your comment

山上怪異羊 2020-3-19 01:20 AM

你講得好好, 是connection大於一切, 我這個年紀,已經濟獨立,理論上擇偶的自由度是大的,對於結婚生仔亦不強求。兩人價值觀相同,默契自然多。我拍拖已拍過很多次, 開心的不開心的無聊的也有,有時會很累,識人時想搵個press kit 俾人自己返屋企睇,我唔想再loop。

有時不是我嫌別人的職業, 是對方judge 我的生活習慣開支,覺得我嬌生慣養,令我有啲煩-我的錢,我的事,我沒有欠任何卡數,亦不是追求chanel bag的人,不需任何人埋單。我嘅目標是要找一個接受自己的人,meaning, take me as I am- 不過份`,但很難。
(當然,我要覺得佢有少少性感,哈哈。)

Have a nice day!

waikin638 2020-3-26 02:50 PM

我男,都30有多,以前唔生性,爛玩爛賭欠落一身債,唔敢溝女,廢事累人,而家已改過自新都好幾年,雖然唔係話咩有錢,但都叫做一定能養起頭家,自己一年都有1-2次旅行去下,而家只想搵個伴都好難,差不多年紀既好多都唔係結左婚就有伴,一係就要求較高(但呢樣野我係完全明白,無介懷過女士們咁諗)暫時試左兩個目標都失敗,我自己都好驚後半段人生會就咁過去:smile_39:

waikin638 2020-3-26 02:52 PM

[quote]原帖由 [i]hohosend[/i] 於 2020-3-18 12:17 PM 發表 [url=https://ladies.discuss.com.hk/redirect.php?goto=findpost&pid=515986595&ptid=28936209][img]https://ladies.discuss.com.hk/images/common/back.gif[/img][/url]
寫得好有心機, 也帶出感受, 好好~

兩個人, 朋友好, 情人好, SP好, SL好, 小三也好, 不外乎接受及適應與否, 就好似女仔高過男仔, 女仔賺錢能力比男仔高, 就算男人做地盤, 一樣可以娶到高質女, 歸根究底係相處得開吾開心, 兩者之間的相處方法...。你話要搵愛情好難咩, 其實說難又不難, 係咪要符合先可以開始, 但吾開始又吾知符吾符合, 總要行出去一步接近愛情, 希望樓主會遇上 ... [/quote]
我都成日咁同自己講,但當接連失敗果陣其實都幾灰:smile_42:

hohosend 2020-3-26 02:56 PM

[quote]原帖由 [i]waikin638[/i] 於 2020-3-26 02:52 PM 發表 [url=https://www.discuss.com.hk/redirect.php?goto=findpost&pid=516375754&ptid=28936209][img]https://www.discuss.com.hk/images/common/back.gif[/img][/url]

我都成日咁同自己講,但當接連失敗果陣其實都幾灰:smile_42: [/quote]


咁每次出左咩問題而分手?有冇認真面對過, 問題出左邊度?

waikin638 2020-3-26 03:03 PM

[quote]原帖由 [i]hohosend[/i] 於 2020-3-26 02:56 PM 發表 [url=https://ladies.discuss.com.hk/redirect.php?goto=findpost&pid=516375918&ptid=28936209][img]https://ladies.discuss.com.hk/images/common/back.gif[/img][/url]



咁每次出左咩問題而分手?有冇認真面對過, 問題出左邊度? [/quote]
未去到分手咁遠,係被接受既機會都未有:smile_35:,問題我自己就覺得首先係外表上,其次事業上

hohosend 2020-3-26 03:04 PM

[quote]原帖由 [i]hohosend[/i] 於 2020-3-26 02:56 PM 發表 [url=https://www.discuss.com.hk/redirect.php?goto=findpost&pid=516375918&ptid=28936209][img]https://www.discuss.com.hk/images/common/back.gif[/img][/url]



咁每次出左咩問題而分手?有冇認真面對過, 問題出左邊度? [/quote]


有又煩、冇又煩, 係咪都係有得煩嘅好;P

hohosend 2020-3-26 03:05 PM

[quote]原帖由 [i]waikin638[/i] 於 2020-3-26 03:03 PM 發表 [url=https://www.discuss.com.hk/redirect.php?goto=findpost&pid=516376261&ptid=28936209][img]https://www.discuss.com.hk/images/common/back.gif[/img][/url]

未去到分手咁遠,係被接受既機會都未有:smile_35:,問題我自己就覺得首先係外表上,其次事業上 [/quote]


樓主對自己好有自信, 只係遇唔啱。

hohosend 2020-3-26 03:10 PM

[quote]原帖由 [i]waikin638[/i] 於 2020-3-26 03:03 PM 發表 [url=https://www.discuss.com.hk/redirect.php?goto=findpost&pid=516376261&ptid=28936209][img]https://www.discuss.com.hk/images/common/back.gif[/img][/url]

未去到分手咁遠,係被接受既機會都未有:smile_35:,問題我自己就覺得首先係外表上,其次事業上 [/quote]


外表係有影響, 畢竟人之常情。

waikin638 2020-3-26 03:11 PM

[quote]原帖由 [i]hohosend[/i] 於 2020-3-26 03:04 PM 發表 [url=https://ladies.discuss.com.hk/redirect.php?goto=findpost&pid=516376301&ptid=28936209][img]https://ladies.discuss.com.hk/images/common/back.gif[/img][/url]



有又煩、冇又煩, 係咪都係有得煩嘅好;P [/quote]
單身真係慘架,雖然話有好多朋友可以陪,但過時過節果種寂寞既折磨就會自動湧出黎,只不過係人面前收埋唔覺

waikin638 2020-3-26 03:13 PM

[quote]原帖由 [i]hohosend[/i] 於 2020-3-26 03:10 PM 發表 [url=https://ladies.discuss.com.hk/redirect.php?goto=findpost&pid=516376615&ptid=28936209][img]https://ladies.discuss.com.hk/images/common/back.gif[/img][/url]



外表係有影響, 畢竟人之常情。 [/quote]
都明既,所以果句<你揀人,人揀你>其實可能都係安慰說話而已

hohosend 2020-3-26 03:15 PM

[quote]原帖由 [i]waikin638[/i] 於 2020-3-26 03:13 PM 發表 [url=https://www.discuss.com.hk/redirect.php?goto=findpost&pid=516376792&ptid=28936209][img]https://www.discuss.com.hk/images/common/back.gif[/img][/url]

都明既,所以果句其實可能都係安慰說話而已 [/quote]


吾係安慰,係事實~ 承認,先會去改變。
世界吾會為你而轉, 但你一轉, 身邊好多嘢都會由你而改變。

[[i] 本帖最後由 hohosend 於 2020-3-26 03:17 PM 編輯 [/i]]

hohosend 2020-3-26 03:16 PM

[quote]原帖由 [i]waikin638[/i] 於 2020-3-26 03:13 PM 發表 [url=https://www.discuss.com.hk/redirect.php?goto=findpost&pid=516376792&ptid=28936209][img]https://www.discuss.com.hk/images/common/back.gif[/img][/url]

都明既,所以果句<你揀人,人揀你>其實可能都係安慰說話而已 [/quote]


依然固我,結果咪繼續一樣。

wah2oo4 2020-4-9 08:44 AM

妳想等一個無所不能 白馬王子出黎姐!祝妳好運!

wah2oo4 2020-4-9 08:49 AM

學西遊記朱茵講……我喜歡的人是 腳踏七色彩從天而降 萬眾矚目 把妳黑暗人生拯救出黎!通常都想要呢d男人 對嗎?

wah2oo4 2020-4-9 08:57 AM

一係白馬王子 一係到

永遠不離不棄 真愛!通常呢2味!

土库曼 2020-4-9 09:03 AM

賤男人多嘅係,但好男人真難搵喲,自已也唔好太挑踢噢

wah2oo4 2020-4-9 09:16 AM

其實妳講咁多野都係唔信有不離不棄真愛!害怕面對感情失敗!你無信心!邊有女人唔恨嫁!呢樣我唔信!

wah2oo4 2020-4-9 09:21 AM

又話覺得自己值得被愛又要搵完全接受到你的人咁會唔會好矛盾?如果真係覺得自己值得被愛就唔洗驚人地接受唔到妳!

wah2oo4 2020-4-9 10:04 AM

害怕失去 不敢擁有 害怕欺騙 不敢相信!自己反醒下!你呢種人我接觸過! 情商唔夠 思想唔成熟!非常缺愛!

[[i] 本帖最後由 wah2oo4 於 2020-4-9 10:12 AM 編輯 [/i]]
頁: [1] 2
查看完整版本: 40單身自白 (女)