查看完整版本 : 陳淑莊酒吧「開會」何啟明寸爆:點對得住醫護

副本好過 2020-4-5 01:41 PM

陳淑莊酒吧「開會」何啟明寸爆:點對得住醫護

[img]https://hk.on.cc/hk/bkn/cnt/news/20200404/photo/bkn-20200404174138373-0404_00822_001_01p.jpg?20200405003143[/img]
有網民見到公民黨陳淑莊(Tanya)日前帶住40人,趕喺酒吧關閉前到深水埗一間酒吧「夜蒲」,Tanya事後就聲稱話係為開會。另一名議員何啟明(4日)就拍片寸爆Tanya,仲剪咗Tanya早幾日喺工務小組委員會開會時嘅發言片段,鬧爆佢點對得住醫護喎!
何啟明喺Facebook上載咗段片段,標題係「明寸陳淑莊」,仲剪咗Tanya早前開會時發言嘅重頭戲1分20秒。當日工務小組委員會主席盧偉國係疫情下繼續開會,審議港鐵沙中線工程追加嘅86.9億元撥款,Tanya就發言鬧爆運輸及房屋局局長陳帆,話呢啲時候仲要開會點對得住啲醫護,又講話醫護叫大家Stay home,叫全部香港盡量Stay home,話香港醫院冇爆發疫情係萬幸,但社區源頭根本有啲係揾唔到等,不斷質疑點解要咁迫開會呢?
跟住何啟明就即刻學Tanya呢段說話,鬧返Tanya禁酒令推行兩個星期,依家先一日咋,一日都忍唔到,質問佢飲酒係未咁緊要啫,點解要咁逼咁急喎,叫佢畀個理由畀全港市民,又問佢點對得住啲醫護,仲話呢個世界有樣嘢叫視像會議!攞明係寸Tanya自打嘴巴喇!
另一議員麥美娟都喺Facebook寸爆Tanya,話Tanya以議員身份去酒吧開會,麥都可以開住會去食麻辣火鍋喎,仲講笑話陳議員咁樣講,陳局長唔該講兩句。唔知食物及衞生局局長陳肇始會唔會回應呢?
頁: [1]
查看完整版本: 陳淑莊酒吧「開會」何啟明寸爆:點對得住醫護