查看完整版本 : (轉載) 【基督教教徒26年分享】由唔認識靈恩派、抗拒靈恩教會,到了解到靈恩/聖靈就是主耶穌基督透過聖經應許的力量

cherry_chin 2020-4-9 11:43 PM

(轉載) 【基督教教徒26年分享】由唔認識靈恩派、抗拒靈恩教會,到了解到靈恩/聖靈就是主耶穌基督透過聖經應許的力量

[b](轉載) 【基督教教徒26年分享】由唔認識靈恩派、抗拒靈恩教會,到了解到靈恩/聖靈就是主耶穌基督透過聖經應許的力量[/b]

我係返開傳統教會,其實我係有經歷過聖靈超自然嘅能力或者領受過靈恩好處的,但因身邊嘅弟兄姊妹或者牧者對靈恩有保留,我想將我的經歷同你分享。如果你係基督徒,親愛嘅弟兄姊妹,如果我嘅分享可能會令你得到一個啟發。我鼓勵你繼續了解之前做個禱告,求主耶穌基督、聖靈向你打開佢嘅真理

[b][i]馬太福音7:8
因為凡祈求的就得著,尋找的就尋見,叩門的就給他開門。[/i][/b]
[b][/b]我返過唔同嘅教會,細個第一間返嘅教會好講求純正嘅三一真神論,得救係因信稱義!所以我之後返嘅所有教會雖然有唔同嘅派別,但都係相信三一真神、得救係因信稱義!

但為免引起誤會我唔會公開教會名字,希望大家明白。

簡單來講我細個返嘅教會好強調查經、靈修禱告,但牧者強調聖靈超自然工作已經有限度停止,所以有啲教會講方言、醫病趕鬼背背後並非係聖靈工作,有機會係異端、邪靈!

所以我一路對靈恩教會唔認識兼且保持抗拒,因為覺得佢哋有機會係邪靈/ 異端教派嘅工作。

返咗六年教會之後,出嚟社會工作後因金錢、情慾吸引,軟弱離開了神,一走就係14年!


當人生走到盡頭,事業感情於自己墮落後,陷於失敗,神將我拎返去佢懷裏。我返咗幾間教會,最後我落腳咗係間靈恩教會!

點解?因為我第一次返去,無論敬拜、弟兄姊妹間都好多神跡奇事嘅見證、佢哋生命嘅榜樣都好有力量! 而且敬拜裏面我會不停感受到神嘅愛,係感受到被擁抱嗰種感動!

呢啲感動咪就係我以前好想經歷嘅嘢!但由於細個對靈恩教會根深蒂而且非常主觀嘅睇法,我喺靈恩教會裏面仍然係有所保留。

我用咗半年嘅時間向教會嘅牧者提出我對靈恩教會有所保留嘅原因,並且引用聖經挑戰。

我亦都參考左好多,原本唔接受靈恩,去到經歷靈恩好處嘅牧師們嘅分享同埋聖經嘅記載,經過半年時間我終於明白靈恩教會呢一切超自然的量係出於真理嘅聖靈!

當中以下呢節經文係最清楚,亦令到我可以豁出去,「好安心」領受聖靈應許比我超自然嘅力量!

[b][i]約翰一書4:
1 一切的靈,你們不可都信,總要試驗那些靈是出於上帝的不是,因為世上有許多假先知已經出來了[/i][/b]
[b][i]2 凡靈認耶穌基督是成了肉身來的,就是出於上帝的;從此你們可以認出上帝的靈來[/i][/b]
[b][i]3 凡靈不認耶穌,就不是出於上帝,這是那敵基督者的靈。[/i][/b]


喺靈恩教會裏面無論係敬拜、禱告、每次醫治、醫病趕鬼嘅時候,都係高舉耶穌基督係主、係神!

重點係一切神跡奇事、醫病趕鬼,目的只有一個:就係令到人承認耶穌為主,決志得救!

所以根據約翰一書呢節經文,確認咗教會裡我見到嘅神跡奇事係出於神嘅靈!



除咗呢段經文好清晰指示我之外,我內心以下呢一句對話亦都令我放心去領受聖靈比我嘅超自然力量!

[i]「如果當我呼求耶穌賜我超自然力量嘅時候,邪靈係可以入侵我的話,我信呢位耶穌係咪真神呢?」

「如果我呼求耶穌然後比邪靈入侵,呢位耶穌我信唔信都把啦!」[/i]

感謝主!我領受左聖靈應許比我嘅大能後,我喺一年內於公司內帶領左超過50人得救!當中充滿各種神跡奇事,先可以令到我呢班同事願意承認耶穌基督為救主!悔改得救!哈利路亞!


呢個經歷咗以下應許:

[b][i]馬可福音16:17
信的人必有神蹟隨著他們,就是奉我的名趕鬼,用新方言說話[/i][/b]

弟兄姊妹如果你對靈恩派、靈恩嘅醫治同靈恩嘅好處想了解多啲,我上面嗰節經文同埋我最後自己嗰個對話已經好清楚俾咗答案你啦!

願主耶穌基督嘅恩惠、天父嘅慈愛、聖靈嘅感動常與你同在,直至到世界末了!

sunny7day 2020-4-10 02:03 AM

請註明出處!我想聯繫作者!
我好缺乏聖靈同在呀!唔知好唔好試下返佢教會!

cctvb33 2020-4-10 07:49 AM

[quote]原帖由 [i]sunny7day[/i] 於 2020-4-10 02:03 AM 發表 [url=https://www.discuss.com.hk/redirect.php?goto=findpost&pid=517049303&ptid=28985349][img]https://www.discuss.com.hk/images/common/back.gif[/img][/url]
請註明出處!我想聯繫作者!
我好缺乏聖靈同在呀!唔知好唔好試下返佢教會! [/quote]
香港最安全最有規模有靈恩成份既基督教教會:神召會

[[i] 本帖最後由 cctvb33 於 2020-4-10 07:56 AM 編輯 [/i]]

pizza5 2020-4-10 09:47 AM

靈恩派?
不是異端但也不遠了~

cctvb33 2020-4-10 10:11 AM

神召會真係唔可以話佢地係異端,佢地有份係香港辦學、辦社福機構,係同港府有合作既宗派。

黑暗穹蒼 2020-4-10 11:44 AM

靈恩派普遍存在的嚴重問題,就是將自己個人的屬靈經驗無限放大,當成是每個信徒都應當熱烈追求的真理;高舉經驗,將聖經放在經驗之後。
[quote]「如果當我呼求耶穌賜我超自然力量嘅時候,邪靈係可以入侵我的話,我信呢位耶穌係咪真神呢?」
「如果我呼求耶穌然後比邪靈入侵,呢位耶穌我信唔信都把啦!」[/quote]
一,唔該調查一下,世界上有幾多個案,是信徒在追求方言時被邪靈入侵,是活生生的例子。
二,使徒行傳十九章,記載有幾個念咒趕鬼的猶太人,向那被惡鬼附的人擅自稱主耶穌的名,說:「我奉保羅所傳的耶穌勅令你們出來!」結果惡鬼所附的人就跳在他們身上,勝了其中二人,制伏他們,叫他們赤著身子受了傷,從那房子裏逃出去了。某人奉耶穌的名趕鬼,結果竟然被鬼制伏,用同樣的LOGIC,咁係咪「呢位耶穌我信唔信都把啦」?

藉著末日說愛你 2020-4-10 04:57 PM

其實知你是一位老闆,老闆威逼利誘同事返教會。
最後轉贈你幾句:「有病的人要用醫生,冇病的用不著」
「有病的人,永遠唔覺自己有病」

穹蒼之弩 2020-4-10 06:37 PM

[quote]原帖由 [i]黑暗穹蒼[/i] 於 2020-4-10 11:44 AM 發表 [url=https://www.discuss.com.hk/redirect.php?goto=findpost&pid=517059588&ptid=28985349][img]https://www.discuss.com.hk/images/common/back.gif[/img][/url]
靈恩派普遍存在的嚴重問題,就是將自己個人的屬靈經驗無限放大,當成是每個信徒都應當熱烈追求的真理;高舉經驗,將聖經放在經驗之後。

一,唔該調查一下,世界上有幾多個案,是信徒在追求方言時被邪靈入侵,是活生生的例子。
二,使徒行傳十九章,記載有幾個念咒趕鬼的猶太人,向那被惡鬼附的人擅自稱主耶穌的名,說:「我奉保羅所傳的耶穌勅令你們出來!」結果惡鬼所附的人就跳在他們身上,勝了其中二人,制伏他們,叫 ... [/quote]
在下見唔少玩靈恩的人如何被跌倒,被跌倒落精神病院,因為幾時聽到魔鬼的聲音,天使的聲識也沒干,開始訓唔到,日夜禱告,最終靈覺失調

穹蒼之弩 2020-4-10 10:13 PM

[quote]原帖由 [i]cherry_chin[/i] 於 2020-4-9 11:43 PM 發表 [url=https://www.discuss.com.hk/redirect.php?goto=findpost&pid=517045874&ptid=28985349][img]https://www.discuss.com.hk/images/common/back.gif[/img][/url]
(轉載) 【基督教教徒26年分享】由唔認識靈恩派、抗拒靈恩教會,到了解到靈恩/聖靈就是主耶穌基督透過聖經應許的力量

我係返開傳統教會,其實我係有經歷過聖靈超自然嘅能力或者領受過靈恩好處的,但因身邊嘅弟兄姊妹或者牧者對靈恩有保留,我想將我的經歷同你分享。如果你係基督徒,親愛嘅弟兄姊妹,如果我嘅分享可能會令你得到一個啟發。我鼓勵你繼續了解之前做個禱告,求主耶穌基督、聖靈向你打開佢嘅真理

馬 ... [/quote]
你相信靈恩派就已經沒有需要challenge番舊教會、我尊重你的個人信仰、亦祝福你在信仰路途上經歷神、亦請你不必教唆教會弟兄姊妹轉會、除此以外你亦可以隨時返黎、教會的大門會為你隨時打開

以馬忤斯 2020-4-11 09:31 AM

樓主姊妹,再看清楚,原來系轉載。
廣告,煩適可而止。
我不知明天的路
但深信上帝安排,陪同。
頁: [1]
查看完整版本: (轉載) 【基督教教徒26年分享】由唔認識靈恩派、抗拒靈恩教會,到了解到靈恩/聖靈就是主耶穌基督透過聖經應許的力量