查看完整版本 : 工作室其中一個業主走咗佬,我啲嘢突然被另一業主清空晒!

e19du2l 2020-6-27 07:22 PM

工作室其中一個業主走咗佬,我啲嘢突然被另一業主清空晒!

我大半年前租咗個無傢俬嘅工廈工作室(一個單位劏做多個迷你工作室嗰隻) ,係業主 A 以公司名義同我簽約,寫明今年年尾先完約,租約期間業主唔可以入去個單位。

上星期突然有另一業主B 通知我,話我搵開嗰個業主A 走咗佬,所以已將成個工廈單位放售咗同下星期交吉,話我可以提早完約,叫我今日上去整埋啲手續,退租。

我已兩星期無上過去。今日諗住早啲上返去執走埋啲嘢交吉,去到發現度門俾人撬開咗,業主B 已唔知幾時掉晒我d野。當時真係好嬲!

我初時買咗啲全新嘅檯凳放嗰度,雖然全部野夾埋可能只係 $2000 左右,但我有時會上去整d 手作仔,呢啲嘢佢都掉晒!

等到業主B 黎到,我嘈佢擅自入我工作室同掉晒我啲嘢,佢扮晒嘢話自己無cash 喺身退按金 + 賠償傢俬損失,話夜啲過返數俾我,同時我亦見到另外有其他人上去搵佢傾退租。

因太多人搵佢理論,我喺工作室嗰邊等咗佢一段時間都無結論,所以唯有走先。雖然睇佢個款,都唔知佢會唔會都走埋佬,但佢死都唔退訂我都無佢辦法

喺呢啲情況,如果等多一,兩日佢仲唔退錢,會唔會有途徑投訴業主擅自喺租約履行期間搬走租客嘅私人物品? thanks
頁: [1]
查看完整版本: 工作室其中一個業主走咗佬,我啲嘢突然被另一業主清空晒!