查看完整版本 : 【由0到100 – 攻破DSE學習策略】7個取得學習資源的途徑-擴闊你的學習視野

gunfm1939 2020-6-27 11:16 PM

【由0到100 – 攻破DSE學習策略】7個取得學習資源的途徑-擴闊你的學習視野

【由0到100 – 攻破DSE學習策略】7個取得學習資源的途徑-擴闊你的學習視野
1. 從哪裏發掘有用的學習資源?
1. Free Course/ One day course
各大型補習社名師既免費One Day都係暑假至九月頭陸續推出啦,記得去番各自(遵理、現代、英皇、Calvin Sun…)既網站Register番,揀啲時間方便同埋近自己既Course,有時間盡量去多幾個,尤其係就到番學時間嗰啲,唔係真係為左揀老師,而係去學下免費野。
上年覺得有用既有Kenneth, Billy, Hong Sir, Kelvin Lau (Mock)等等,不過真係就唔到時間都唔緊要,你唔會Miss好多野。
有啲比較小型既要自己wtsapp/打電話去(榮Sir等等),記住試下睇下啱唔啱自己。
後面嗰版有我上年排到密哂既schedule
2. Summer Course
唔知今年Course開始左報未,我上年報左YY, Hong Sir, Kelvin Lau等,唔知係咪我個人問題但我覺得成效麻麻,啲Notes都唔算太有用,唔洗太執着無報/ 報唔到。
3. 優惠Course
通常得啲大補習社先有,尤其係Billy啲$50課程,質素唔係話特別好,但性價比高,記得留意幾時推出快啲去報當學下野。
4. 補習社Mock
好快開左學就會有各式各樣既Mock但好心奉獻大家千祈唔好係咁報,甚至連報都唔洗報。中文/ 英文嗰啲語文科可以試一至兩個,但係唔好報學校派嗰啲小型Mock,好多伏(青年新世界🙃)。Mock絕對無大家想像中咁有用,同DSE分好易有大出入,又唔算提供好大既溫習動力,而且尤其是坊間Mock良莠不齊,無謂提早打擊自己或自我膨脹,唔好見人報就報(遵理Mock其實都太過貴,唔太建議,但想體驗下亦無妨)。
5. 舊補習Notes
IG都唔少人賣舊補習Notes,但都係嗰句唔洗買太多,一科一個老師全套就夠(如果你好需要,尤其是理科),買多過一套其實好大機會封塵,一套已經more than enough。當然買啲信譽比較好既老師,CWSHAM(自己問friend拎Soft Copy😛)、Hong Sir、Sam Chai等等我都覺得係唔錯既。
工具書(YY, Hong Sir等等)比較抵買,值得一試。
6. 坊間補充練習
個人覺得幾有用,雖然有唔少出版社都會出啲out syl題目,但清concept/ 解伏位其實一流,又可以增加對唔同題形既練習,推薦大家尤其係理科揀一本黎做,去大眾、三聯等等都有架啦,或者上IG都唔少人賣。
Maths: 中大Conventional Questions / Joint Us 藍盾(極難但極有用,for 5**)
Phy: Radian (超多題,自己揀啲黎做)/ CWSHAM後面啲Past Questions /Phy1000(幾難)
Chem: Chem1000(做過唔少outsyl但幾好玩)
以上只係一部份,有咩推薦記得係下面提出!
7. 網上睇片
推介幾個好有用嘅頻道!!!
Herman Yeung (全科)
Herman To (數學)
Marc Yam (物理)
FF教室 (分享)
Melody Tam (分享)
MingSir English (英文)
Bon Lam (分享)
阿滴英文 (英文)
2.整理學習資源

1.教科書、學校筆記
佢應該係你成個溫習計劃中第一樣應該清既資源。尤其是[url=https://flowsophic.com/study-dse/phy-chem-bio-revision/]理科、商科更應花時間將成套教科書認真熟讀一次[/url] (甚至順便背誦definition) 。因為係學校讀過有哂印象再重溫一次係簡單好多同埋更加易入腦,如果你地學校唔用教科書就盡量係七月清哂所有學校資源先,對你將要溫既課題打番個根基先,例如中文就睇番範文+分析、英文就學校啲vocabulary list等等。
2. 學校功課、測驗、考試
好多人忽略左呢啲你已經做過既練習,我覺啲學校功課、考試嗰啲應該同筆記分開一個file裝。並且係溫完教科書一課既時候睇番嗰課自己做過既功課,溫番自己以前錯既concept、中伏位。而溫完一個學期既課題時就睇番嗰個學期既考試卷將重點寫入自己既筆記。
3. 補習筆記
如果係大型補習社既話大家都知道份筆記有幾厚而實際講過既係幾少,我建議大型補習社既筆記可以排係學校資源後溫,慢慢用多啲時間刨,以補充教科書無既知識,但係唔洗每次逐頁睇哂。第一次睇係速讀,mark低邊幾頁既資料係有用,尤其是學校講漏左既位置(可以用顏色紙黏係上面),第二次再精讀mark低左既頁數。

4. 坊間練習/ mock、補習練習
好多人無諗過要做坊間練習,但係佢地其實係填補左操完By topic同做DSE PP之間既空隙,呢啲練習要做其實越早做越好(大概8月頭溫完學校資源開始做,甚麼中五開始做),一黎你可以了解到好多伏位,二黎都可以鞏固番啲concept。對咩科既練習有興趣要推介既可以問番我,例如數學Joint Us (藍盾)、Chem 1000、Physics Radian等等都係值得一做。
另外補習比既練習應該同坊間練習差唔多時間做,好似YY啲mock,Kelvin Lau啲書後練習嗰啲建議係上完堂之後做少少refresh下記憶,剩多啲比你溫完個syllabus先一次過做。至於啲mock paper就可以開學後先做。
5. CE/DSE Past Paper
我知有好多學校係中五開始已經比左各位好多Past Paper去做,但建議大家到最後三、四個月前都唔好做DSE住,係暑假做住CE先,部分科可以做一啲By topic既AL(例如Chem)。應是在[url=https://flowsophic.com/study-dse/dse-strategy/]暑假溫完教科書/在溫教科書途中跟據溫習既次序做Bytopic CE[/url],有啲比較唔熟既課題可以做先。有啲比較簡單/短既課題可以揀跳題做,但唔好唔做,一定要對題型有基本既掌握。當你將每個By topic既CE都做一次後可以開始做By year paper(最好係教哂課題後),Electives可以跳住唔做先。你會見到好多熟悉既題目,係一個好機會比自己再將model answer更深刻記係腦入面。做完一份By topic一定要記model answer!至於由邊年做起其實好睇個人,我自己由每科2000做起,都已經好足夠。
頁: [1]
查看完整版本: 【由0到100 – 攻破DSE學習策略】7個取得學習資源的途徑-擴闊你的學習視野