查看完整版本 : 蔡國威希望六合彩7月中真係開得番

😀奇拿😀 2020-6-28 02:56 PM

蔡國威希望六合彩7月中真係開得番

藝人蔡國威、葉家寶及劉錫賢現身深水埗,聯同義工向露宿者、低收入人士派發飯盒,葉家寶表示是次預備了130份,希望日後可以保持一星期派一次飯。
剛完成無綫新劇《一笑渡凡間》拍攝的蔡國威,指閒時都經常做義工,之前曾派發防疫用品,笑言做得多善事,人都靚仔啲。問到為何沒有叫同居密友韓君婷一齊?他說對方要返工:「佢平時都有做義工。(幾時一齊做?)咁就要睇有冇團體邀請,佢最近返工都好忙,做緊醫學美容嘅嘢,早2、3個月都幾擔心佢,因為佢驚冇生意,公司就有啲危機,有減薪同公司共度時艱,好似佢老闆依家都有加番少少畀佢。(你養埋佢囉。)我哋財政獨立,係好好好好嘅朋友,十幾廿個『好』,每講一次都加多幾個『好』,哈哈!」又自認脾氣好,即使同住都好少爭拗,關係只會愈來愈好。
身為「六合彩之子」的他,表示六合彩約於7月中歸來:「隔咗4個幾月,知道大家都等到頸都長,好多人都話好希望有得再買,投注站依家重新開番,大家可以去拎番啲彩金,希望7月中真係可以開番。」
頁: [1]
查看完整版本: 蔡國威希望六合彩7月中真係開得番