查看完整版本 : 中年回頭,諗住讀返個兼讀文憑,邊間比較好

ybhk 2020-7-9 11:25 AM

十年經驗,但從未讀過任何課程,都係邊做邊學,上年俾人淘汰,因為一直無提升實力。
我知香港設計有幾地底泥,但無計,中五得一分唔通叫我依家由毅進讀起再搏大學⋯⋯
而且本身唔係讀書料,所以都係行返回頭,其他技術行業無興趣。

睇左好多唔同課程,十年前曾經讀過正形夜校,但好好彩個年正形就收皮,讀左1/4成班同學得返自己就放棄左。
十年後今日,CO1好似都收左皮,大一得返爛鬼PDF放上網,比較低價位仲有個網就得返傳藝,HKSD;高價位就HKCT,HKDI。
依家月入13.5K真心無可能俾到高價位既學校(唔明點解讀個課程要5萬),所以最後都係鎖定傳藝或者HKSD既兼讀。
如果版規唔可以做評價,可否轉為密我講少少呢?麻煩各位。

另外就覺得應該讀D插畫/剪片/網上宣傳技巧既課程:

-插畫打算專精速寫先,因為無基本功,所以諗住報工聯會,市面上好似無乜學校專攻速寫,通常包堆其他。
-剪片方面想自己提昇個知識,自己學既已經係古代4:3入盒帶既東西,目前1080P既剪接和輸出技巧應該要識。
-網上宣傳係包括整網頁,最基本想學罐頭網有埋架構既點整,然後點樣利用社交平台做宣傳既技巧,好多marketing部門其實都要識。

自修就唔好啦,始終香港都係一個講學歷既地方,以前就係讀唔成書貪設計唔睇學歷睇實力,十年後話俾我知其實都係一__樣。

讀完我知都係可能得14-16K,不過我估致少未到要FRIE我既地步,望俾些少意見,謝謝。

kk5032019 2020-7-15 02:17 PM

最好揀D學費平既文憑,一般設計學院文憑,已經ok,
HKDI唔係唔好,學費太貴,又讀得辛苦( 因為Assignment比較多 + 考試壓力 ),同埋付出成本比較高...........
讀完之後,都唔知要等幾多年先回到本...........:smile_41::smile_41:
頁: [1]
查看完整版本: 中年回頭,諗住讀返個兼讀文憑,邊間比較好