查看完整版本 : 我的2019行貨520 I. Bmw 經歷

tony77tony 2020-7-15 08:01 PM

我的2019行貨520 I. Bmw 經歷

作為BMW忠實擁躉,我想向各位準車主分享一個我對於BMW 汽車產品質素及香港代理處理投訴的顧客體驗。
一直以來BMW 品牌在我心目中是一個享負勝銘的歐洲汽車品牌。在眾多汽車的品牌中, 我於2019年選擇購買了一台全新的BMW 520i 行貨。

作為一個小市民要購買一輛60多萬的汽車需要經過努力工作及儲蓄這漫長流程。血汗錢換成禮物獎勵自己的一刻,當然滿心歡喜,開着自己心愛汽車到處遊玩兜風........

幾個月後某一個晚上;由於工作關係我經常要攜帶一些現金在身上,過去用日本車的時候也習慣了把一些現金財物放在車尾箱內,而且一直也沒有意外發生。(現在已經醒覺這樣是很不適當做法)那天我把四萬多元的現金放在車尾箱。泊好車鎖好門。
(我一直認為這麼名貴的BMW 5系汽車只需按一個制便可以把車門牢牢鎖好)
一個多小時後回來看見車尾箱該開啟了;存放在車尾箱內的現金不見了。即時報警,由於車是泊在路邊的咪錶位,在得到商舖的同意下翻看CCTV, 片段中看見我車的尾箱是在無人騷擾下自動打開了,之後有路人看見車尾箱打開了,便把我存放現金的手提包拿走了.....
直至今天警方暫時未能尋回我失去的財物.......

接下來便是把汽車開回寶馬車廠的維修部跟進⋯⋯
損失了四萬多元現金,(血汗錢)心情當然很壞。但估不到寶馬維修中心的職員,居然說我沒有把車門鎖好,沒有檢查清楚車門鎖好便離開⋯⋯說我也有責任......顧客投訴反被指責任不在代理,是在顧客自己。

這些處理方法簡直荒謬之極!

幾經交涉他們重新檢查汽車及關於車門門鎖等設備。之後便回覆說完全沒有問題。
我只好取回汽車繼續使用......

經歷這次財物損失之後,我已不敢再把貴重物件放在車箱內。

直至12/7/2020, 我把車泊在家的停車場,清楚檢查好車門及車尾箱鎖好便回家。一會兒後街坊來電告訴我車尾箱打開了?為什麼不閂好才離開?

事情又再一次發生!慶幸經歷上次的教訓今次沒有財物損失!

早兩天再回到土瓜灣寶馬維修車廠作出投訴.......
豈料換來的更加是一肚氣!負責處理的管理層姓名Francis luk完全不禮貌的對待,說話刻薄而且說話的語氣呼呼喝喝⋯⋯我只係提出請他解決對於產品問題的方法,並提出在他說出解決方法時錄音備份。那位管層便大發雷霆說要報警!然後轉身離開我一句說話都冇同我講便抽身離去!及後本人報警警察到場本人只好攞低報案編號再作跟進

我想問問寶馬汽車管理層,我已經多次就汽車 車尾箱無故打開作出投訴,貴公司亦已跟進過,但問題仍然沒有改善。

請貴公司管理層回覆以下問題:

1)如果再次維修,你們怎樣保證修理好之後沒有同樣的事情再發生?

2)如果維修好之後再發生同樣的故障問題,怎樣處理賠償?

3)如果汽車在行駛車時,車尾箱無故打開,構成行駛不確定的危險,貴公司如何處理,如何保證車尾箱不會在行駛時打開?

4)如果尾箱再次在泊車期間無故打開,引來不法份子偷走汽車,我的損失由誰負責?

5)我已經對BMW的產品完全失去信心, 請問貴公司怎樣挽回顧客失去的信心?

6)我已經對貴公司的產品完全失去信心,雖然這部汽車有非常大的儲物尾箱空間,但我完全不敢把物件放在車箱內,也即是不能使用這個空間存放物件。在香港這個寸金尺土的地方空間是多麼的重要!現在我得到這個儲物空間,但基於信心 , 我不敢再存放任物件於車箱內,貴公司怎樣解決我的問題?

7)士瓜灣 寶馬車廠那位 管理層的惡劣態度,是否有需要作出改善?及道歉?他的惡劣態度令我非常害怕,想不到大企業的管理高層,對客人的態度可以如此差劣!

值得一讚的是經手賣車的營業顧問,服務態度良好,產品的優點好處在購買前作出詳細解釋。訂車後,交車前也跟進妥當。

最後,請貴公司管理層 盡快處理,不要再用拖延時間的方法不了了之⋯

alook 2020-7-16 03:24 PM

[經驗分享] 直接寫信去德國總部

hkrking 2020-7-16 04:25 PM

有見過咁嘅case,BMW 5 F10, 要換尾箱鎖開關。你投訴去德國總部先啦。

hkrking 2020-7-16 04:28 PM

係國外forum都好多呢啲case,自己search吓

https://f30.bimmerpost.com/forums/showthread.php?t=1463924

operationx 2020-7-16 06:54 PM

[quote]原帖由 [i]hkrking[/i] 於 2020-7-16 04:25 PM 發表 [url=https://www.discuss.com.hk/redirect.php?goto=findpost&pid=521745631&ptid=29220333][img]https://www.discuss.com.hk/images/common/back.gif[/img][/url]
有見過咁嘅case,BMW 5 F10, 要換尾箱鎖開關。你投訴去德國總部先啦。 [/quote]

支持投訴到德國....香港呢邊自持山高皇帝遠....無皇管!
[聽聞]大昌都好一般, 俾AUDI 搣甩咗個代理....換錦龍...可惜可能仲衰!.

奔X 整體真係好.....我所有service都番去原廠做...十分好態度同專業...

Ming2120071 2020-7-17 01:24 AM

樓主你好 我最近都對bmw感到投訴無門 而且佢地既態度簡直係垃圾 好難想像咁大間公司會有咁既水準
你介唔介意我地交換Whatsapp 大家都試下唔同方法去申訴 分享下? 我個投拆搞左4個月 前日send左email 去德國 呢家等回覆

Ming2120071 2020-7-17 01:29 AM

[quote]原帖由 [i]tony77tony[/i] 於 2020-7-15 08:01 PM 發表 [url=https://www.discuss.com.hk/redirect.php?goto=findpost&pid=521700114&ptid=29220333][img]https://www.discuss.com.hk/images/common/back.gif[/img][/url]
作為BMW忠實擁躉,我想向各位準車主分享一個我對於BMW 汽車產品質素及香港代理處理投訴的顧客體驗。
一直以來BMW 品牌在我心目中是一個享負勝銘的歐洲汽車品牌。在眾多汽車的品牌中, 我於2019年選擇購買了一台全新的BMW 520i 行貨。

作為一個小市民要購買一輛60多萬的汽車需要經過努力工作及儲蓄這漫長流程。血汗錢換成禮物獎勵自己的一刻,當然滿心歡喜,開着自己心愛汽車到處遊玩兜風..... ... [/quote]

處理你case 所謂管理層係咪叫 陸兆祥? 佢都send 左去垃圾email 比我話係final decision 就算無恥到爆 唔明點解呢啲人做到director of sales

wesleysai 2020-7-17 06:50 AM

[quote]原帖由 [i]Ming2120071[/i] 於 2020-7-17 01:29 AM 發表 [url=https://www.discuss.com.hk/redirect.php?goto=findpost&pid=521771468&ptid=29220333][img]https://www.discuss.com.hk/images/common/back.gif[/img][/url]


處理你case 所謂管理層係咪叫 陸兆祥? 佢都send 左去垃圾email 比我話係final decision 就算無恥到爆 唔明點解呢啲人做到director of sales [/quote]
唔無恥又點做到高層呢
你懂的

Zest 2020-7-17 09:03 AM

完全理解樓主的心情及無奈!
已超過20年無再買補乸車.
試揸吓就有! 不過依咖五系嘅已經唔係當年(即E39同E60嗰兩代)嘅味道!

落漠忽然羊羊 2020-7-17 09:30 AM

非常同情樓主經歷,應該係個人問題,荃灣服務態度非常好。建議向寶馬高層CXO作出投訴。

AFMan 2020-7-17 10:27 AM

佢地冇所謂,香港人就是排隊買

north 2020-7-17 10:02 PM

[quote]原帖由 [i]AFMan[/i] 於 2020-7-17 10:27 AM 發表 [url=https://www.discuss.com.hk/redirect.php?goto=findpost&pid=521783412&ptid=29220333][img]https://www.discuss.com.hk/images/common/back.gif[/img][/url]
佢地冇所謂,香港人就是排隊買 [/quote]


完全同意,他們不憂賣的

貴貴地獄石頭 2020-7-26 12:50 PM

投訴總部可能無乜用,都系將單野forward返黎叫香港跟進。講真比系你,你個仔間公司有咩事都搵你,要你解決?儍嘅咩,公司黎架!
如果你話投訴某人,總部都系會轉返去香港區亞頭,總部只會睇各區賣幾多車,如果佢d車問題多都比香港賣得好,某人仲可能系金牌sales黎架,你話投訴有咩用,總部只會頒多幾個獎比香港。
所以,呢d都系以和為貴,大家坐低傾。而樓主你咁多問題,你又問下自己有邊個可以保證到吖。
舉個例你買個電子大門鎖,安裝後有你所講嘅問題,又叫人保證,你估會點?
電子野撞手神,有人依家仲用緊iphone3,有人iphone11都話壞兩部!
最後都系果句,你話有問題但現場又展示唔到比人睇,都系坐低傾啦!系無計!無奈!但無法!

sq873 2020-7-26 10:08 PM

我架F16 都有同樣問題...
試過幾次返到去拎車,個車尾打開左.
我亦就另外問題投訴過, 亦發覺BMW D SERVICE 好差..
都唔再建議身邊朋友買BMW

梳化浪子 2020-7-27 09:53 AM

支持向總部投訴,之前我試過揸另一B,新車一年頭燈入水佢話整要4萬(冇撞過冇拆過),後尾我話會直接同總部反映佢唔夠一個鐘打比我話免費幫我換。

車車TY 2020-7-28 10:14 PM

[quote]原帖由 [i]tony77tony[/i] 於 2020-7-15 08:01 PM 發表 [url=https://www.discuss.com.hk/redirect.php?goto=findpost&pid=521700114&ptid=29220333][img]https://www.discuss.com.hk/images/common/back.gif[/img][/url]
作為BMW忠實擁躉,我想向各位準車主分享一個我對於BMW 汽車產品質素及香港代理處理投訴的顧客體驗。
一直以來BMW 品牌在我心目中是一個享負勝銘的歐洲汽車品牌。在眾多汽車的品牌中, 我於2019年選擇購買了一台全新的BMW 520i 行貨。

作為一個小市民要購買一輛60多萬的汽車需要經過努力工作及儲蓄這漫長流程。血汗錢換成禮物獎勵自己的一刻,當然滿心歡喜,開着自己心愛汽車到處遊玩兜風..... ... [/quote]


師兄 好同情你

我都係bmw車主,不過我渣舊車 直6 e90 323, 其實舊車,真係比新車好。仲要行直6。我好欣賞bmw
也好鐘意呢架車。
真心覺得好有駕駛樂趣,係我曾經擁有幾款車入面,最鐘意呢架。

尾箱 好重的,人手打開 都要超大力舉起先開到,絕對 唔會無啦啦打開

會唔會 係果d ,太新式既系統/ 信號受到一d野 影響,而打開左/ 開左鎖?

其實 唔排除係咪 有專業解車鎖人 偷野?🤔

[[i] 本帖最後由 車車TY 於 2020-7-28 10:16 PM 編輯 [/i]]

車車TY 2020-7-28 10:18 PM

[quote]原帖由 [i]sq873[/i] 於 2020-7-26 10:08 PM 發表 [url=https://www.discuss.com.hk/redirect.php?goto=findpost&pid=522311037&ptid=29220333][img]https://www.discuss.com.hk/images/common/back.gif[/img][/url]
我架F16 都有同樣問題...
試過幾次返到去拎車,個車尾打開左.
我亦就另外問題投訴過, 亦發覺BMW D SERVICE 好差..
都唔再建議身邊朋友買BMW [/quote]


車車TY 2020-7-28 10:19 PM

[quote]原帖由 [i]Ming2120071[/i] 於 2020-7-17 01:24 AM 發表 [url=https://www.discuss.com.hk/redirect.php?goto=findpost&pid=521771366&ptid=29220333][img]https://www.discuss.com.hk/images/common/back.gif[/img][/url]
樓主你好 我最近都對bmw感到投訴無門 而且佢地既態度簡直係垃圾 好難想像咁大間公司會有咁既水準
你介唔介意我地交換Whatsapp 大家都試下唔同方法去申訴 分享下? 我個投拆搞左4個月 前日send左email 去德國 呢家等回覆 ... [/quote]


師傅 架車咩事?

大久保波士 2020-7-28 10:38 PM

報警用意何在???

波馬神童2019 2020-7-30 03:37 AM

幾時都話病鼠好過馬,但呢到個個都愛馬多過病鼠:smile_03:

你假誠 2020-8-3 12:58 AM

我都系揸520不過12年車。無呢個問題。只系有次將兩條匙放在尾箱。最後要拖去寶行才開得返。洗左幾千銀。

Zest 2020-8-3 12:49 PM

[quote]原帖由 [i]你假誠[/i] 於 2020-8-3 12:58 AM 發表 [url=https://www.discuss.com.hk/redirect.php?goto=findpost&pid=522692856&ptid=29220333][img]https://www.discuss.com.hk/images/common/back.gif[/img][/url]
我都系揸520不過12年車。無呢個問題。只系有次將兩條匙放在尾箱。最後要拖去寶行才開得返。洗左幾千銀。 [/quote]

唔係嘛...
自己亦曾試過忘記咗而留低其中一條車匙嚮尾箱... 嘗試鎖車(唔係鏨寶馬車),不過鎖唔到!

[[i] 本帖最後由 Zest 於 2020-8-5 08:11 AM 編輯 [/i]]

你假誠 2020-8-3 01:40 PM

[quote]原帖由 [i]Zest[/i] 於 2020-8-3 12:49 PM 發表 [url=https://www.discuss.com.hk/redirect.php?goto=findpost&pid=522710914&ptid=29220333][img]https://www.discuss.com.hk/images/common/back.gif[/img][/url]


唔係嘛...
自己亦曾試過忘記咗而留低其中一條車匙嚮尾箱... 嘗試鎖車(唔係實馬車),不過鎖唔到! [/quote]


車已鎖。只開boot。匙放背包。放埋落boot。好貴的經歷。:')

minchi1219 2020-8-12 01:11 AM

寫落他們FB

19811112 2020-8-23 02:01 AM

宜家好多都係咁啦

過左海就神仙

玩程序 玩法律

警察幫唔到你啦

你問下法律意見囉 出封律師信都係幾百蚊

sosoman 2020-8-23 09:57 AM

米浪費時間及錢出律師信,冇用既,吾會So 你,呢d大公司,同佢打官司制吾過
頁: [1]
查看完整版本: 我的2019行貨520 I. Bmw 經歷