查看完整版本 : 小流氓(新著)粉絲小說狂想區

漫畫2020 2020-8-8 06:02 PM

小流氓(新著)粉絲小說狂想區

各位師兄,由於大家討論到新小欲罷不能,而現在仍然未見到何時出版故惟有開設一個二創新小帖,俾大家以接龍方式分享吓自創飛機文,畫餅充飢!

酉域勇 2020-8-8 06:08 PM

亂up5.0

加入石鐵,唐萬仇,丁七步,豹王子,毀容淫魔,毒梟馬,馬小靈,龍

四眼明、肥嬸角色大綱


龍虎門:


王小虎:師承王降龍,父母離奇失蹤,由肥嬸照顧其日常生活,生怕肥嬸無人照顧,與肥嬸一同到香港,甘苦與共,家傳虎尾腳,虎鶴雙形,降龍伏虎氣


王小龍:中西區十虎(特登😆)因洪東循循善誘戒毒成功,傳授降龍十八掌鋤強扶弱


石黑龍:柔道魔童,日英混血兒,與魔棍伊魯山度惺惺相惜收黑龍為徒,傳授家傳棍法,原名:石黑 龍,到香港後改稱石 黑龍(日本是有姓石黑的)


王小鷹:王小虎堂兄,降龍伏虎氣,王飛鷹家傳少林十二路潭腿


石鐵:繼承父親石剛三式飛仙劍法:飛仙劍,九天飛花,劍中劍三式,因日本中華武館被滅門,輾轉來到香港報仇雪恨,戾氣重,不信任人,獨來獨往


四小將光頭星:一身鐵頭功,忠肝義膽,膽正命平,與其他三小將屬生死之交,不講不知道,醫術精湛,精通醫理,王小虎多次靠光頭星化險為夷


四小將黑仔傑:絕技金鋼腿,一身氣硬功,與光頭星有著你有鐵頭功,我有金鋼腿美譽


四小將四眼明:年輕金融才子,有智慧但怕死,龍虎門的智囊,連澳門勢力也要忌他三分 ,愛稱肥嬸做霞姨


四小將毒眼龍:因一次險死還生情況下被大鼻林救出,雖已瞎了一目,但也心生感激,苦練蛇形刁手,自強不息


大鼻林:獨眼龍忘年生死之交,蛇形刁手,醉拳,醉魔徒弟,不屑其行為而變節


肥嬸😂:肥C大隻,絕技應肚即飛,有著驚人秘密 ,龍虎門裡的伙頭大將軍,被四眼明尊稱-霞姨



邪拳道場:


王風雷:邪拳道場之子,冰火五重天,冰火螳螂


小邪女:邪拳魔王義女,冰火四重天,全冰境界,跆拳,東九龍十一邪之首,暗戀王小龍


王海蛟:邪拳魔王,全港最強最霸,不可能練成的冰火七重天,冰火螳螂



邪派:


翻江蛟:香港毒品教父,一身九陰真經,至邪至寒,陰風白骨爪


大龍頭:金鐘罩第七關未嘗一敗,固若金湯,西九龍區頭目


碎骨門主仇千鶴:九陰遺缺,寒屍爪,虎視擔擔香港地盤,澳門第一黑幫


藍浪:師承碎骨門主,好高翱遠,想打出頭來,有異心獨佔整個澳門黃賭毒勢力


死神拳皇:黑市拳擊比賽冠軍,一身七傷拳連環訣功力,戰無不勝


毒梟馬:香港販毒頭目,翻江蛟的對頭,為爭奪香港毒品市場拼過你死我活


醉魔:人為財死,醉拳醉八仙,醉螳螂,蛇形刁手 ,唐萬仇的師父


唐萬仇:外號魔鬼螳螂,醉螳螂,蛇形刁手,毒梟馬的頭號殺手


丁七步及江七星,唐萬仇的弟子,毒梟馬的保鏢,螳螂拳


豹王子:碎骨門的弟子,柔道高手,必殺落魂樁殺人無數,被石黑龍擊敗後視他為死敵


毀容淫魔:綽號賊王,輕功一流,曾出意外遭毀容,專門夜間出動,自尊心強亦很自卑


屯天元十二星座😂:首領天蠍:與石黑龍份屬好友



無所屬:


古爺:邪拳魔王師弟,冰火六重天、與王海蛟同屬師兄弟,冰火螳螂


古堂:古爺外孫,冰火四重天,全火境界,對小邪女有好感


洪東:引退武林高手,擅長說教,因王小龍事件決意提攜後輩,重出江湖


馬小靈:毒梟馬的女兒,不屑父親行為離家出走,期間碰上王小虎一見鐘情


金魔鬼:雙蛟之下最強職業殺手,亦正亦邪


龍:神秘老者,一代宗師,臥虎藏龍,原來身份就是當年…

酉域勇 2020-8-8 06:09 PM

以亂up5.0為基本


序:

時間:20××年

地點:香港-東龍島


要出發了,一把女人聲音響起

男聲:知道喇,我仲急過你啦

呢位女人名叫肥嬸

男聲自然就是主角王小虎喇


小虎:終於可以離開呢個地方喇,我等左呢日好耐

肥嬸:邊叫我應承左你十八歲生日送你一個願望丫,唉…免得過我都唔想執左間鋪同你出去市區生活,我咁做點對得住你老豆老母丫

小虎:得架喇,我識照顧自己,我仲會照顧埋你架嘛

肥嬸:聽住先啦,你呢隻老虎仔,最怕你出去睇唔過眼攪出禍咋


就由上船呢一刻,兩位開始了新的人生


第一回:王小虎初到中環


半小時後:中環行人天橋

人物:米奇老鼠、高飛狗!?

米奇老鼠:開心笑開心玩、米奇老鼠…

高飛狗同米奇老鼠講:我頂唔住喇…阿星

米奇老鼠:邊叫我地冇工開,唔係我同你都唔駛o係度扮公仔同人影相啦…阿傑

光頭星:打比四眼明佢睇下佢今日搵唔搵倒食啦


嘟嘟聲後…點呀,阿星,米奇老鼠好唔好玩呀


光頭星:衰仔玩野牙,你就IFC入面睇住個市,我地兩個就熱到一個點,你幾點食飯呀,等埋你呀

四眼明:咁我識呢D呀嘛,拿!梗係睇下D新經濟啦,輕輕鬆鬆又有錢落袋,唔通好似你同黑仔傑咁又鐵頭功金鋼腿咩

黑仔傑搶左電話大聲講:同你講黎都o徒氣,算啦!費事同你講,我地兩個自己攪掂,你慢慢炒啦,收工接埋我地番去呀記得

四眼明:得喇得喇,搏緊命呀,唔講住啦,好巴打

光頭星:佢點呀?

四眼明:聽佢把聲梗係有收鑊啦,唉…點解我地要咁命苦

光頭星:唔好講呢D,過碼頭買D野食先


同時間…中環碼頭

王小虎:終於到喇,可以離開果個鬼地方真係好

肥嬸:我地未有地方住架,我租劏房算架喇,你唔好嫌三嫌四

王小虎:知道喇,我會好努力咁搵錢報答你喇


突然間一陣輕風吹過,一位輕功高手在小虎身邊擦身而過

女子大聲慘叫:我比果個核突佬搶左銀包呀

核突佬:easy job…輕而易舉,唔係日光日白,連你都食埋呀,白痴,今晚又有大茶飯食喇


先介紹一下,呢個核突佬名叫毀容淫魔,外號賊王


王小虎:離哂大譜,咁仲得了既,追!

肥嬸:唉…一落船就撞著個賊,小虎唔好多生事端就好喇

王小虎:個核突佬輕功唔差啵,不過光天化日之下搶人野,咁仲成世界既


一聲騷動,吸引左過緊去碼頭既光頭星同黑仔傑

黑仔傑:阿星,你睇下!果邊有野睇喎

光頭星:咁大鑊!賊王喎,攪乜鬼呢,一定唔慌好野啦,後面有個哥哥仔追住佢喎,過去睇下先

黑仔傑:又睇!我地未食飯喎

光頭星:賊王同食飯我一定係揀賊王

黑仔傑:算啦,就埋你個衰仔呢次,你話點就點啦


幾個起落,毀容淫魔及小虎已追至中環摩天輪

同時光頭星、黑仔傑同時到達


毀容淫魔:你個死o靚仔跑得咁快既,遲多幾年真係唔得了呀

王小虎心諗:呢條友,臉不紅氣不喘,高手黎

王小虎:你好咯喎,比番個銀包個女仔,我可以就咁算數

毀容淫魔:比番佢!?我睬你都生茫果呀,桀桀

一個起落,跳上摩天輪座艙上,充滿挑釁既表情講左句:後生仔…真係冇用…

光頭星:真係佛都有火

黑仔傑:樣衰又格衰,打佢一鑊金既


之後會點呢?


第二回,續…

酉域勇 2020-8-8 06:09 PM

第二回:摩天輪追逐戰


地點:中環摩天輪


王小虎:想激我?我就慢慢等你落黎

光頭星:落黎隻揪啦,我唔驚你架,我有鐵頭功

黑仔傑:唔打殘你我就跟你姓,我都有金鋼腿一腳踢你落海

王小虎:呢位巴打,唔好咁衝動,摩天輪唔會唔落番黎,定D黎(對住光頭星講)

光頭星:呢個賊王正宗採花賊黎,唔捉住佢煮重佢米唔得架

黑仔傑:上網睇新聞都知佢鹹過徐錦江

王小虎:我知道,我都有留意(諗唔倒仲有人咁熱心)

毀容淫魔:傻仔,以為我聽唔倒牙,你都唔知我姓咩,唔通我講比你聽?桀桀…正白痴

王小虎:唔好受激將法影響倒,摩天輪落番黎果陣,光頭巴打,你左邊,我中間,黑仔哥,你右邊,一齊捉住佢

王小虎:唔好大意,佢身手好好,以人身安全為大前提,知道嗎?


街上d人一片嘩聲,雞飛九走


光頭星:明明我第一次見呢位哥仔,點解我會聽哂佢講呢?(心諗)

王小虎:action

毀容淫魔:嘩!三個一齊黎,早知夜晚先出動啦,今次濕滯,媽的

毀容淫魔:光頭仔最衝動,就佢啦,桀桀(心諗)

毀容淫魔:光頭仔!打我丫,桀桀

光頭星:撞爆你個仆街


黑仔傑及王小虎一擁而上

毀容淫魔輕功出眾,光頭星自然無功而還


毀容淫魔:鐵頭功丫拿!金鋼腿丫拿!好屎呀桀桀(擰轉頭講)


毀容淫魔正沿金鐘方向逃去,但王小虎已經o係佢面前出現


毀容淫魔:又係佢…都係三十六著走為上著

王小虎:唔放過你!一腿踢出,但已被淫魔避過

毀容淫魔:邊快得過我,拜拜你條尾

王小虎:係咩? o係你後面唔等於放倒你走喎

王小虎:家傳-虎尾腳


喝聲中一腳踢中淫魔背部,淫魔都被踢到嘔血


光頭星&黑仔傑:好野!踢死呢個仆街

毀容淫魔:個死o靚仔呢腳好重,好撚痛…o雪o雪

王小虎:想走!?你都有今日喇


此時,肥嬸亦趕到心諗:都估倒會咁架喇(搖頭)

淫魔轉瞬間已被拘捕帶上警車


王小虎:多謝你地兩位,冇你地我都未必可以捉倒佢

光頭星:客咩氣,你咁好身手,係o番,你叫咩名呀?

王小虎:我叫王小虎,你呢?

光頭星:我叫陳星,叫我光頭星得喇,我隔離呢位叫祁文傑

黑仔傑:叫黑仔傑得喇,係呢?我見到嬸嬸拉住兩個喼,你地諗住去邊架?

王小虎:我地兩個喺東龍島出黎,諗住搵地方住

光頭星:咁啱哂喇,我地果度有地方,唔駛客氣,過黎我地度啦

王小虎:咁…真係得?

肥嬸:煩倒你地唔好意思既

光頭星:唔怕,我果度有個朋友都學功夫既,你地仲可以切磋下添

黑仔傑:黎啦,唔駛客氣

光頭星:等埋我個巴打收工就車埋你地兩個番去,不如我地去食D野再慢慢講啦

黑仔傑:唔講唔覺…我暈喇就黎

王小虎:多謝你地

肥嬸:雖然有D枝節,但起碼有地方住,小虎又識倒新朋友,咁都好既(心諗)


鏡頭一轉,天色已漸沉

地點:IFC停車場


四眼明:咦!阿星哥,多左兩個人既

光頭星:係呀,佢好勁抽,賊王都比佢斷正左

四眼明:賊王喎!果個淫殘不能移喎,咁勁抽

光頭星:就咁既,佢地兩個東龍島出黎想搵地方住,我地又有地方,收留佢地當幫下人都好

黑仔傑:係囉,大鼻林同獨眼龍一定好開心,有人一齊切磋功夫

四眼明:好啦好啦,唔夠你地講喇,上車先啦,好熱呀真係!(七人車)

王小虎:麻煩你喇


是夜

地點:荃灣-西樓角村


四眼明:到喇,就係呢度

肥嬸:你地住呢度?你地夠唔夠地方比我同小虎暫住架?

四眼明:唔係一層,係全棟三層,有埋天台,你地唔駛擔心

肥嬸:睇唔出你喎,後生仔

四眼明:我同阿星,阿傑,同阿龍係孤兒黎既,難得有機會發圍,梗係要照顧好班兄弟先

肥嬸:見你官仔骨骨,又諗唔倒你幾好心喎

四眼明:唔好講呢D啦,入去先

大鼻林:番黎拿,阿龍入面沖緊涼,呢兩位係?

光頭星:你有新朋友喇大鼻,小虎佢今日智擒賊王呀,你地可以切磋下喇遲D

大鼻林:咁勁抽!咁真係不得了

王小虎:我地搵倒地方會搬架喇

四眼明:唔好咁老土啦,搵乜鬼丫,留o係度得喇,講完!

肥嬸:我不如整D野你地食啦

光頭星:我地求之不得,辛苦你喇

獨眼龍:嘩!咩料,咁熱鬧

光頭星:有新朋友呀我地,帶小虎上去放低D野再講啦

四眼明:一陣食飽又美股開市,真係柯尿都唔得閒呀

光頭星:知你有計喇

黑仔傑:咦?小虎,你睇緊咩呀

王小虎:柔道魔童訪港,石黑龍對豹王子喎,一定好精彩(電話-新聞)

四眼明:你啱呢D咩?我問下拎唔拎倒幾張飛我地一齊去啦,出面買唔倒架喇

王小虎:好呀,多謝你先,出路遇貴人,真係冇錯


第三回,續…


下回-初會柔道魔童

毒龍鑽 2020-8-8 06:10 PM

[quote]原帖由 [i]漫畫2020[/i] 於 2020-8-8 06:02 PM 發表 [url=https://www.discuss.com.hk/redirect.php?goto=findpost&pid=522993360&ptid=29285197][img]https://www.discuss.com.hk/images/common/back.gif[/img][/url]
各位師兄,由於大家討論到新小欲罷不能,而現在仍然未見到何時出版故惟有開設一個二創新小帖,俾大家以接龍方式分享吓自創飛機文,畫餅充飢! [/quote]

師兄真係夠熱情:lol

上水狗 2020-8-8 06:41 PM

幾時出十陽:smile_45:

場上靠隊友 2020-8-8 07:16 PM

第二回唔錯,中環海濱場設夠新鮮,亦清楚交代王小虎認識四小將同大鼻林經過,新龍竟然skip哂。

漫畫2020 2020-8-8 08:11 PM

[quote]原帖由 [i]毒龍鑽[/i] 於 2020-8-8 06:10 PM 發表 [url=https://www.discuss.com.hk/redirect.php?goto=findpost&pid=522993744&ptid=29285197][img]https://www.discuss.com.hk/images/common/back.gif[/img][/url]


師兄真係夠熱情:lol [/quote]
哈哈哈,C兄,我覺得我直情痴㗎!🤣🤣🤣多謝!

漫畫2020 2020-8-10 06:58 AM

[quote]原帖由 [i]酉域勇[/i] 於 2020-8-8 06:09 PM 發表 [url=https://www.discuss.com.hk/redirect.php?goto=findpost&pid=522993699&ptid=29285197][img]https://www.discuss.com.hk/images/common/back.gif[/img][/url]
第二回:摩天輪追逐戰


地點:中環摩天輪


王小虎:想激我?我就慢慢等你落黎

光頭星:落黎隻揪啦,我唔驚你架,我有鐵頭功

黑仔傑:唔打殘你我就跟你姓,我都有金鋼腿一腳踢你落海

王小虎:呢位巴打,唔好咁衝動,摩天輪唔會唔落番黎,定D黎(對住光頭星講)

光頭星:呢個賊王正宗採花賊黎,唔捉住佢煮重佢米唔得架

黑仔傑:上網睇新聞都知佢鹹過徐錦江

王小虎:我知道,我都有留意(諗唔倒仲有人咁熱 ... [/quote]
等待第三回柔道魔童🙏🏻🙏🏻
[taguid=6896938]酉域勇[/taguid]

[[i] 本帖最後由 漫畫2020 於 2020-8-10 07:01 AM 編輯 [/i]]

酉域勇 2020-8-10 04:28 PM

[quote]原帖由 [i]漫畫2020[/i] 於 2020-8-10 06:58 AM 發表 [url=https://www.discuss.com.hk/redirect.php?goto=findpost&pid=523069091&ptid=29285197][img]https://www.discuss.com.hk/images/common/back.gif[/img][/url]

等待第三回柔道魔童🙏🏻🙏🏻
[taguid=6896938]酉域勇[/taguid] [/quote]


我放假先打埋出黎😂
比D時間細佬

silly__marso 2020-8-11 08:37 AM

師兄的人設唔錯
建議如下
1) 肥嬸的武功中加入"醉八婆" 會過癮D;
2) 石黑龍的表哥, 飛天豹係小虎得到寶劍的主要人物, 請加返
3) 我很喜歡七傷拳, 最好俾黑龍或黑仔傑練到
4) 師兄加入咗金魔鬼, 其他殺手會否都有份? 如: 任生

酉域勇 2020-8-11 09:08 AM

[quote]原帖由 [i]silly__marso[/i] 於 2020-8-11 08:37 AM 發表 [url=https://www.discuss.com.hk/redirect.php?goto=findpost&pid=523130691&ptid=29285197][img]https://www.discuss.com.hk/images/common/back.gif[/img][/url]
師兄的人設唔錯
建議如下
1) 肥嬸的武功中加入"醉八婆" 會過癮D;
2) 石黑龍的表哥, 飛天豹係小虎得到寶劍的主要人物, 請加返
3) 我很喜歡七傷拳, 最好俾黑龍或黑仔傑練到
4) 師兄加入咗金魔鬼, 其他殺手會否都有份? 如: 任生 ... [/quote]


飛天豹下一個ver會加番😅咁都估倒
任生本身新舊著都冇出現過,難加D呀,我有睇過舊版風流😁潛艇魚雷果個呀嘛,好型👍👍👍加倒任生一定加埋關七(拳道)😆

silly__marso 2020-8-11 09:20 AM

[quote]原帖由 [i]酉域勇[/i] 於 2020-8-11 09:08 AM 發表 [url=https://www.discuss.com.hk/redirect.php?goto=findpost&pid=523131870&ptid=29285197][img]https://www.discuss.com.hk/images/common/back.gif[/img][/url]



飛天豹下一個ver會加番😅咁都估倒
任生本身新舊著都冇出現過,難加D呀,我有睇過舊版風流😁潛艇魚雷果個呀嘛,好型👍👍👍加倒任生一定加埋關七(拳道)😆 ... [/quote]

其實潛艇魚雷係抄日漫"虹之挑戰者"的, 這段故事亦好精彩.
風流後傳的金臂小子亦係屋村長大, 可以同小虎佢地不打不相識

酉域勇 2020-8-11 09:21 AM

[quote]原帖由 [i]silly__marso[/i] 於 2020-8-11 09:20 AM 發表 [url=https://www.discuss.com.hk/redirect.php?goto=findpost&pid=523132441&ptid=29285197][img]https://www.discuss.com.hk/images/common/back.gif[/img][/url]


其實潛艇魚雷係抄日漫"虹之挑戰者"的, 這段故事亦好精彩.
風流後傳的金臂小子亦係屋村長大, 可以同小虎佢地不打不相識 [/quote]


加加下就變左香港70群俠傳😆

silly__marso 2020-8-11 09:26 AM

[quote]原帖由 [i]酉域勇[/i] 於 2020-8-11 09:21 AM 發表 [url=https://www.discuss.com.hk/redirect.php?goto=findpost&pid=523132513&ptid=29285197][img]https://www.discuss.com.hk/images/common/back.gif[/img][/url]



加加下就變左香港70群俠傳😆 [/quote]

我係見加咗金魔鬼我先咁建議咋
如必需係小流氓中出現過的, 咁可以加返李小龍, 佢當年未死亦係小流氓中出現過
:smile_35::smile_35:

酉域勇 2020-8-11 09:32 AM

[quote]原帖由 [i]silly__marso[/i] 於 2020-8-11 09:26 AM 發表 [url=https://www.discuss.com.hk/redirect.php?goto=findpost&pid=523132727&ptid=29285197][img]https://www.discuss.com.hk/images/common/back.gif[/img][/url]


我係見加咗金魔鬼我先咁建議咋
如必需係小流氓中出現過的, 咁可以加返李小龍, 佢當年未死亦係小流氓中出現過
:smile_35::smile_35: [/quote]


金魔鬼係新著-石黑龍傳入面客串過
李小龍呢,睇番介紹最底果度😆

silly__marso 2020-8-11 11:07 AM

明白, 明白.


:lol :lol

酉域勇 2020-8-14 02:40 AM

第三回 -初會柔道魔童


比賽當日


大鼻林:得未呀你地

王小虎:得喇,阿明呢?

大鼻林:唔通又唔知醒!?又話睇比賽,訓到咁晏

肥嬸:等我黎剷個四眼仔起身!

其餘三小將:行得喇,仲差邊個?

大鼻林:阿明囉,叫左佢夜晚唔好咁搏命架啦,24小時都唔夠用呀,阿肥嬸上左去叫佢起身咯

光頭星:佢今次冇運行喇,哈哈

肥嬸:起身喇四眼仔,成村人等你一個,你好唔好意思架!

四眼明:嗯…嗯…嗯…咩呀…

肥嬸:仲訓丫拿,掉你落床先得

四眼明:嘩嘩嘩!咩事咩事,霞姨你想點呀!?

肥嬸:快d起身!全世界等緊你!

四眼明:係既係既,即刻去

獨眼龍:嘈到樓下都聽倒呀,阿明遇倒天敵喇

黑仔傑:梗係啦,得罪我地既伙頭大將軍,邊度有運行

大鼻林:等埋阿明,今日我揸車啦,佢一定未訓醒,比佢上車訓多陣啦


車程上


光頭星:灣仔伊利沙伯體育館…大鼻林呀,識唔識路架,唔好行錯路呀

大鼻林:點呀…你當我鄉下仔咩,有GPS架嘛,陣間落車你地入去先,我轉頭就黎


場館內


各位觀眾,歡迎黎到今日既比賽,綽號柔道魔童石黑龍決戰豹王子既比賽

有請兩位選手入場


黑仔傑:兩個都好有氣勢喎

獨眼龍:個豹王子凶神惡煞咁既款,想食左人咩

四眼明:豹王子…唔…咦?澳門黑幫果個…!?今次果個石黑龍大鑊喇,祝佢好運喇唯有

光頭星:小虎,點睇呀

王小虎:石黑龍好似好有把握咁,豹王子就志在一擊必殺

大鼻林:開場未呀?(趕到)

肥嬸:好多年冇睇過比賽咯…好感慨,竟然仲有機會…


石黑龍:點呀你,唔駛咁惡喎,等本少爺我好好咁招呼你啦

豹王子:金毛仔,陣間你就知死,唔好求我呀,哈哈

石黑龍:口多身賤,打巢你(心諗)


裁判:比賽開始


石黑龍:一野撻你落地,勒住你快手解決你(心諗)

石黑龍:好快(心諗)

豹王子:知你想點喇,我查過哂你D料,唔好當我傻仔先得架

石黑龍:嘩…


豹王子一式一本背負投,已將黑龍摔在地上,幸好即時夠反應前滾受身避過一劫


石黑龍:頂,比佢睇穿左添,一定有fact check過我既比賽(心諗)

豹王子:金毛仔,冇鬼用,咁快就玩完

石黑龍:可惡,黎啦,怕你有牙

石黑龍:果然做足功課…應智取不宜力敵(心諗)

石黑龍:睇野啦,咁心急丫拿


一式背負落,重摔豹王子


豹王子:他媽的

石黑龍:點呀,咁快冇貨賣拿

石黑龍:不如試下用呢招…你越心急越好…(心諗)

豹王子:可惡,佢好似睇穿左我咁

石黑龍:好!係機會喇 


一式大外刈,痛到豹王子眼水都標埋


石黑龍:知錯未(鎖住豹王子)崩袈裟固

豹王子:郁唔倒,就抖唔倒氣喇…如果唔係比賽…一野落魂樁打瓜你…


豹王子再也忍不住終於拍蓆投降

裁判:一本


王小虎:睇黎我冇睇錯人

光頭星:諗唔倒金毛仔咁勁喎

大鼻林:好利害

黑仔傑:石黑龍實至名歸

獨眼龍:好想同佢交下手

四眼明:阿龍,你實唔夠佢黎啦,人地咁好身手,走未呀?不如出行下先番去咯

王小虎:石黑龍…好有意思既一個人(望去比賽場地)

石黑龍:………(望去觀眾席)

光頭星:喂,不如帶小虎周圍行下咯


一行七人路徑灣仔壹環附近…


四眼明:不如行另外一邊咯

黑仔傑:咩事呀你,你又急尿搵廁所牙

四眼明:見唔倒對面咩…白額虎同無名虎呀,仲唔調頭行…

光頭星:驚咩姐,我地又冇得罪佢地,唔怕!唔驚!

大鼻林:好眉好貌,跟著白額虎…

王小虎:唔!?總覺得熟口熟面…

肥嬸:竟然…唔會係佢呀嘛(驚到震)

王小虎:肥嬸,係咪唔舒服,成身震哂既?

肥嬸:我冇事,行啦行啦


白額虎:拿!毒梟馬約左我地,記得唔好衝動,比下面我…唔好郁手

無名虎:果條友不知所謂,唔係要靠佢叉電,我一早就打到佢仆街

白額虎:家家有求姐,第日我地霸左佢個場,我送左佢比你任打又點話,記得留番佢個女比我,等我大呼過癮下,桀桀


白額虎及無名虎與七人刷身而過

無名虎同王小虎打了一個照面


無名虎:好熟悉…但記唔起係邊個

肥嬸:我應該冇睇錯…係小龍………

王小虎:好熟悉既感覺…


第四回,續…

場上靠隊友 2020-8-14 07:20 AM

[quote]原帖由 [i]酉域勇[/i] 於 2020-8-14 02:40 AM 發表 [url=https://www.discuss.com.hk/redirect.php?goto=findpost&pid=523295513&ptid=29285197][img]https://www.discuss.com.hk/images/common/back.gif[/img][/url]
第三回 -初會柔道魔童


比賽當日


大鼻林:得未呀你地

王小虎:得喇,阿明呢?

大鼻林:唔通又唔知醒!?又話睇比賽,訓到咁晏

肥嬸:等我黎剷個四眼仔起身!

其餘三小將:行得喇,仲差邊個?

大鼻林:阿明囉,叫左佢夜晚唔好咁搏命架啦,24小時都唔夠用呀,阿肥嬸上左去叫佢起身咯

光頭星:佢今次冇運行喇,哈哈

肥嬸:起身喇四眼仔,成村人等你一個,你好唔好意思架!

四眼明:嗯&hell ... [/quote]
肥嬸「剷」四眼明起身嗰段好生鬼,好似親歷其境咁!;P

漫畫2020 2020-8-14 03:00 PM

[quote]原帖由 [i]酉域勇[/i] 於 2020-8-14 02:40 AM 發表 [url=https://www.discuss.com.hk/redirect.php?goto=findpost&pid=523295513&ptid=29285197][img]https://www.discuss.com.hk/images/common/back.gif[/img][/url]
第三回 -初會柔道魔童


比賽當日


大鼻林:得未呀你地

王小虎:得喇,阿明呢?

大鼻林:唔通又唔知醒!?又話睇比賽,訓到咁晏

肥嬸:等我黎剷個四眼仔起身!

其餘三小將:行得喇,仲差邊個?

大鼻林:阿明囉,叫左佢夜晚唔好咁搏命架啦,24小時都唔夠用呀,阿肥嬸上左去叫佢起身咯

光頭星:佢今次冇運行喇,哈哈

肥嬸:起身喇四眼仔,成村人等你一個,你好唔好意思架!

四眼明:嗯&hell ... [/quote]
師兄好野加油!:loveliness:

酉域勇 2020-8-14 03:13 PM

唔嫌我慢就得喇😅
呢排好忙

酉域勇 2020-8-19 05:22 PM

亂up6.0

更改港九新界勢力

新增:依魯山度

改動:石黑龍、王小龍大綱


龍虎門:


王小虎:師承王降龍,父母離奇失蹤,由肥嬸照顧其日常生活,生怕肥嬸無人照顧,與肥嬸一同到香港,甘苦與共,家傳虎尾腳,虎鶴雙形,降龍伏虎氣


王小龍:港島區黑幫吊睛白額虎手下,後來與親弟王小虎相認及洪東循循善誘戒毒成功,傳授降龍十八掌鋤強扶弱


石黑龍:柔道魔童,日英混血兒,與魔棍伊魯山度惺惺相惜收黑龍為徒,傳授家傳棍法,武功:柔道、五形拳,原名:石黑 龍,到香港後改稱石 黑龍(日本是有姓石黑的)


王小鷹:王小虎堂兄,降龍伏虎氣,王飛鷹家傳少林十二路潭腿


石鐵:繼承父親石剛三式飛仙劍法:飛仙劍,九天飛花,劍中劍三式,因日本中華武館被滅門,輾轉來到香港報仇雪恨,戾氣重,不信任人,獨來獨往


四小將光頭星:一身鐵頭功,忠肝義膽,膽正命平,與其他三小將屬生死之交,不講不知道,醫術精湛,精通醫理,王小虎多次靠光頭星化險為夷


四小將黑仔傑:絕技金鋼腿,一身氣硬功,與光頭星有著你有鐵頭功,我有金鋼腿美譽


四小將四眼明:年輕金融才子,有智慧但怕死,龍虎門的智囊,連澳門勢力也要忌他三分 ,愛稱肥嬸做霞姨


四小將毒眼龍:因一次險死還生情況下被大鼻林救出,雖已瞎了一目,但也心生感激,苦練蛇形刁手,自強不息


大鼻林:獨眼龍忘年生死之交,蛇形刁手,醉拳,醉魔徒弟,不屑其行為而變節


肥嬸😂:肥C大隻,絕技應肚即飛,有著驚人秘密 ,龍虎門裡的伙頭大將軍,被四眼明尊稱-霞姨



邪拳道場:


王風雷:邪拳道場之子,冰火五重天,冰火螳螂


小邪女:邪拳魔王義女,冰火四重天,全冰境界,跆拳,暗戀王小龍,勢力:九龍區


王海蛟:邪拳魔王,全港最強最霸,不可能練成的冰火七重天,冰火螳螂



邪派:


翻江蛟:香港毒品教父,一身九陰真經,至邪至寒,陰風白骨爪


碎骨門主仇千鶴:九陰遺缺,寒屍爪,虎視擔擔香港地盤,澳門第一黑幫


藍浪:師承碎骨門主,好高翱遠,想打出頭來,有異心獨佔整個澳門黃賭毒勢力


死神拳皇:黑市拳擊比賽冠軍,一身七傷拳連環訣功力,戰無不勝


毒梟馬:香港販毒頭目,翻江蛟的對頭,為爭奪香港毒品市場拼過你死我活


醉魔:人為財死,醉拳醉八仙,醉螳螂,蛇形刁手 ,唐萬仇的師父


唐萬仇:外號魔鬼螳螂,醉螳螂,蛇形刁手,毒梟馬的頭號殺手


丁七步及江七星,唐萬仇的弟子,毒梟馬的保鏢,螳螂拳


豹王子:碎骨門的弟子,柔道高手,必殺落魂樁殺人無數,被石黑龍擊敗後視他為死敵


毀容淫魔:綽號賊王,輕功一流,曾出意外遭毀容,專門夜間出動,自尊心強亦很自卑


港九新界勢力:


大龍頭:金鐘罩第七關未嘗一敗,固若金湯,與小邪女是同一夥,勢力:九龍區


小邪女:詳見邪拳道場,小邪女


鷹王:人如其名,輕功一流,武功:大力鷹爪,勢力:九龍區


虎豹:師承降龍習得十八腿,其心不正,學成後弒師,武功:降龍十八腿,勢力:九龍區


天蠍:與石黑龍份屬好友,但石黑龍不知道他的真正身份,武功:雷霆印,勢力:新界區


金霸王:元朗區小霸王,不甘心只在元朗獨霸一方,找來天蠍合作,期望版圖可向外伸延,武功:螳螂拳,勢力:新界區


金毛獅王:霸力縱橫,武功:獅吼功,使對方震耳欲聾再擊殺之,勢力:新界區


殺神:刀槍不入,神打上身,武功:神打,勢力:新界區


吊睛白額虎:港島區一大勢力,與無名虎,羅漢、太歲瓜分整個港島區,武功鐵沙虎爪,羅漢、太歲主守,白額虎、無名虎主攻


無名虎:詳見王小龍


羅漢:武功鐵布衫,防禦力極高,勢力:港島區


太歲:武功金鐘罩第三關,與羅漢的防禦力不相百仲,勢力:港島區


無所屬:


古爺:邪拳魔王師弟,冰火六重天、與王海蛟同屬師兄弟,冰火螳螂


古堂:古爺外孫,冰火四重天,全火境界,對小邪女有好感


洪東:引退武林高手,擅長說教,因王小龍事件決意提攜後輩,重出江湖


馬小靈:毒梟馬的女兒,不屑父親行為離家出走,期間碰上王小虎一見鐘情


金魔鬼:雙蛟之下最強職業殺手,亦正亦邪


依魯山度:愛稱魔棍,一生追求最強武學,被翻江蛟利用對付龍虎門,最後與石黑龍惺惺相惜,收其為徒,傳授家傳棍法後退穩江湖


龍:神秘老者,一代宗師,臥虎藏龍,原來身份就是當年…

酉域勇 2020-8-19 07:17 PM

第四回:逃命的美女


白額虎:羅漢同太歲兩條仆街又唔知去左邊度威,得番我地兩個去拆檔,你話有冇攪錯喇!


無名虎:冇必要勞氣,佢地好明顯係走左佬避席啦,呢兩條友都係窄窄地架喇


白額虎:正仆街黎,陣間d好野唔益佢地


白額虎:食好野既時間到喇(到步)


毒梟馬:唔…要黎既始終要黎,叫小姐唔好出黎多事


丁七步:佢地唔合作一於打到佢地仆街


江七星:哈哈!好耐冇郁過手喇


白額虎:老馬,點呀!等你d貨等左好耐喇,呢排點呀?你就好啦,間屋咁撚大間,邊似得我地呢D窮等人家咁搵朝唔得晚丫


毒梟馬:呢d客氣野講黎都多餘喇,拿!今次d貨,你睇下,好野黎架


無名虎:喺佢隔離果兩個唔野小,果然做足兩手準備(心諗)


白額虎:你老母個西!得咁小!夠我玩幾耐呀,係咪玩野先


毒梟馬:要就要,唔要就…鳩就!


白額虎:即係有心玩鳩我啦!


毒梟馬:阿七,送客


丁七步&江七星:走唔走呀,貪得無厭,你估d貨你架


白額虎:你老母丫,阿虎!郁佢地,殺撚左條冚家剷!


毒梟馬:敬酒唔飲飲罰酒,哼!


馬小靈:咁嘈咩事呀,爹哋


毒梟馬:小靈,!咪多事!入番去


白額虎:有辦法喇…哈哈!阿虎!捉住馬小靈我地就掂喇



一個照面:無名虎直奔上層展開追逐戰



白額虎:以一敵二…久戰必輸,阿虎快d攪掂我地就穩操勝券(心諗)


丁七步:我前,阿江,你後


江七星:二對一既螳螂拳問你點頂


白額虎:同你搏命!



鐵沙虎爪攻勢凌厲,兩位阿七都一時未穩佔上風



江七星:好猛既爪勁,不能力敵,只能智取



丁七步一指螳螂大舉向著白額虎頸動脈刺去



白額虎:(眼前一黑)嗚,頂住!阿虎仲要幾耐…呢兩條友唔野小…


白額虎:可惡…你老母!殺一個!當贏左,陣間就殺埋老馬你條契弟



鏡頭一轉



馬小靈:唔好殺我!救命呀(上層走廊亂跑)


無名虎:唔好走住,聽我講先


馬小靈:聽你講!聽你講果個都痴既


無名虎:哼…你認為會快得過我咩


馬小靈:你想點呀!


無名虎:我地淨係想全身而退,不如我地好好合作


馬小靈:合作!?


無名虎:我地會扮捉左你,但我地一陣會放番你走


馬小靈:你地呢d人邊信得過架,全部都係衰人


無名虎:哼!要生定要死,即刻決定!


馬小靈:呀…我明喇!點話點好啦



白額虎已獨力難支



無名虎:同我停手!


毒梟馬:咩話…小靈!


馬小靈:唔駛擔心我,我冇事


白額虎:好在阿虎做倒野(心諗)


無名虎:我地而家要走,我地要安全離開!聽倒未!?


毒梟馬:比番個女我


無名虎:一定會比番你…我要車!即刻要!



毒梟馬一手拋上車匙比無名虎



毒梟馬:阿七!停手!放佢地走


丁七步:o胡…差小小就殺左呢隻大老虎…


江七星:冇癮,仲諗住大開殺戒


白額虎:哈哈…拜拜你條尾喇


毒梟馬:哼!如果唐萬仇喺度你地兩個冇一個出倒呢個門口


白額虎:做倒野呀,阿虎!陣間我要大呼過癮


無名虎:我應承左要放佢走


白額虎:咩話!咁靚既鮑魚喺我面前我竟然唔食得


馬小靈:你呃我既,你地唔係人黎呀!



無名虎把車停底,一腳伸左馬小靈落車



無名虎:嘈鬼住哂


白額虎:喂!你知唔知你做緊咩呀!下!



無名虎一聲不響繼續全速開車



馬小靈:點番屋企…電話又冇…錢又冇…又唔知呢度邊度


馬小靈:前路茫茫,出世以黎都未試過哂陰公…嗚嗚嗚…


第五回,續…

漫畫2020 2020-8-19 07:55 PM

[quote]原帖由 [i]酉域勇[/i] 於 2020-8-19 07:17 PM 發表 [url=https://www.discuss.com.hk/redirect.php?goto=findpost&pid=523585637&ptid=29285197][img]https://www.discuss.com.hk/images/common/back.gif[/img][/url]
第四回:逃命的美女


白額虎:羅漢同太歲兩條仆街又唔知去左邊度威,得番我地兩個去拆檔,你話有冇攪錯喇!


無名虎:冇必要勞氣,佢地好明顯係走左佬避席啦,呢兩條友都係窄窄地架喇


白額虎:正仆街黎,陣間d好野唔益佢地


白額虎:食好野既時間到喇(到步)


毒梟馬:唔…要黎既始終要黎,叫小姐唔好出黎多事


丁七步:佢地唔合作一於打到佢地仆街


江七星:哈哈!好耐冇郁過手喇


白額虎:老 ... [/quote]
C 兄,辛苦晒!不過好似幾回下來冇乜打鬥及招式對描寫喎。🙏🏻🙏🏻🙏🏻🙈🙈

酉域勇 2020-8-19 08:10 PM

[quote]原帖由 [i]漫畫2020[/i] 於 2020-8-19 07:55 PM 發表 [url=https://www.discuss.com.hk/redirect.php?goto=findpost&pid=523587614&ptid=29285197][img]https://www.discuss.com.hk/images/common/back.gif[/img][/url]

C 兄,辛苦晒!不過好似幾回下來冇乜打鬥及招式對描寫喎。🙏🏻🙏🏻🙏🏻🙈🙈 [/quote]


我都知,字面上對拆招式唔用旁白係有d難度既
本身唔想用太多旁白去做,我再度下先😁😁

smalleagle 2020-8-19 10:13 PM

[quote]原帖由 [i]酉域勇[/i] 於 2020-8-19 07:17 PM 發表 [url=https://www.discuss.com.hk/redirect.php?goto=findpost&pid=523585637&ptid=29285197][img]https://www.discuss.com.hk/images/common/back.gif[/img][/url]
第四回:逃命的美女


白額虎:羅漢同太歲兩條仆街又唔知去左邊度威,得番我地兩個去拆檔,你話有冇攪錯喇!


無名虎:冇必要勞氣,佢地好明顯係走左佬避席啦,呢兩條友都係窄窄地架喇


白額虎:正仆街黎,陣間d好野唔益佢地


白額虎:食好野既時間到喇(到步)


毒梟馬:唔…要黎既始終要黎,叫小姐唔好出黎多事


丁七步:佢地唔合作一於打到佢地仆街


江七星:哈哈!好耐冇郁過手喇
... [/quote]
啲粗口好正,下次最好再多啲!哈哈!係雙七太勁定點?白額虎好似咁廢嘅?:smile_04:

酉域勇 2020-8-20 02:09 AM

[quote]原帖由 [i]smalleagle[/i] 於 2020-8-19 10:13 PM 發表 [url=https://www.discuss.com.hk/redirect.php?goto=findpost&pid=523594572&ptid=29285197][img]https://www.discuss.com.hk/images/common/back.gif[/img][/url]

啲粗口好正,下次最好再多啲!哈哈!係雙七太勁定點?白額虎好似咁廢嘅?:smile_04: [/quote]


咁唔通黑幫同你講文言文咩,哈哈!咁唔合理
你都覺哩,諗法係攻強守比較弱,另外唔見左果兩個就守強攻比較弱,螳螂拳打大動脈,加上針對式打法,二對一難免輸蝕些小,就好似第三回石黑龍既大外刈撻低左豹王子,跟住果下崩袈裟固現實係有可能(只係可能)😅

咁講,6.0有D改動,始終手寫冇畫面既故事,如果去到荃灣十五狼對官塘十一邪就大鑊喇,26個人一齊有對白,重點係要每個角色都要有性格,點寫26個角色同時出現仲要加埋個性格落去,所以諗過度過,當我技藝未精,四個一組為主,咁會好D
肥嬸係有料到既話埋你知,故事已諗好,有時間再慢慢寫

場上靠隊友 2020-8-20 08:41 AM

[quote]原帖由 [i]酉域勇[/i] 於 2020-8-19 07:17 PM 發表 [url=https://www.discuss.com.hk/redirect.php?goto=findpost&pid=523585637&ptid=29285197][img]https://www.discuss.com.hk/images/common/back.gif[/img][/url]
第四回:逃命的美女


白額虎:羅漢同太歲兩條仆街又唔知去左邊度威,得番我地兩個去拆檔,你話有冇攪錯喇!


無名虎:冇必要勞氣,佢地好明顯係走左佬避席啦,呢兩條友都係窄窄地架喇


白額虎:正仆街黎,陣間d好野唔益佢地


白額虎:食好野既時間到喇(到步)


毒梟馬:唔…要黎既始終要黎,叫小姐唔好出黎多事


丁七步:佢地唔合作一於打到佢地仆街


江七星:哈哈!好耐冇郁過手喇


白額虎:老 ... [/quote]
人物啲對白一如以往夠抵死貼地,但有少少補充:

「毒梟馬:阿七!停手!放佢地走
丁七步:o胡…差小小就殺左呢隻大老虎…
江七星:冇癮,仲諗住大開殺戒」

上面毒梟馬一講完,可以加多句旁白,類似:

「白額虎一見江七星、丁七步猶疑,立即拉開同兩人距離,免再腹背受敵」

咁樣有個承合作用,時刻提醒讀者佢哋三個人一直打緊,而且戰況緊張。

因為小說只有文字冇畫面,適當插入旁白起到關鍵作用。

酉域勇 2020-8-20 05:18 PM

[quote]原帖由 [i]場上靠隊友[/i] 於 2020-8-20 08:41 AM 發表 [url=https://www.discuss.com.hk/redirect.php?goto=findpost&pid=523608897&ptid=29285197][img]https://www.discuss.com.hk/images/common/back.gif[/img][/url]

人物啲對白一如以往夠抵死貼地,但有少少補充:

「毒梟馬:阿七!停手!放佢地走
丁七步:o胡…差小小就殺左呢隻大老虎…
江七星:冇癮,仲諗住大開殺戒」

上面毒梟馬一講完,可以加多句旁白,類似:

「白額虎一見江七星、丁七步猶疑,立即拉開同兩人距離,免再腹背受敵」

咁樣有個承合作用,時刻提醒讀者佢哋三個人一直打緊,而且戰況緊張。

因為小說 ... [/quote]


收到哂,會再改進😁
唔該師兄

酉域勇 2020-9-26 05:33 PM

第五回:命運邂逅

光頭星:點呀,小虎!成個諗樣咁,咁多野諗既

王小虎:我諗緊頭先跟住白額虎果個人,好熟口面,但又唔記得邊度見過

四眼明:佢又唔係女,諗黎做乜,日有所思,夜有所夢呀

光頭星:唔只佢,肥嬸番到黎都係咁,頭先仲快刀手,切親手

四眼明:唔知佢地喇真係

王小虎:阿星,我出去行個圈先,我番黎自己開門,唔洗等我門喇

光頭星:駛唔駛我陪你

王小虎:唔駛喇,我冇野

獨眼龍+大鼻林:咦?小虎哥,咁夜去邊呀

王小虎:行下姐,你地繼續練功啦


公路上


馬小靈:我咁大個人未試過而家咁慘,又唔知呢度邊度…夜媽媽又乜都冇喺身…如果爸爸唔係做埋呢d野…就唔會攪到咁啦…哎!我真係好憎我自己點解我係佢個女

馬小靈:睇youtube話借電話係騙案,點知而家真係發生喺我身上要去問人借電話,我都唔似呃人丫…點開口好…撞著佢鹹濕佬又點算…呀!好煩呀………

王小虎:睇書都有講,越唔想記住,就越係諗起,果個無名虎喺我腦裡面揮之不去,究竟喺邊度見過佢…


哎呀!!!


馬小靈:發雞盲架你!一野撞埋黎

王小虎:唔好意思…

馬小靈:喂!冇厘反應咁!唔好走住呀,我想知呢度邊度黎

王小虎:你而家喺邊你都唔知?

馬小靈:我比人掉低左喺度…唉,唔知點講好喇

王小虎:荃灣呀呢度

馬小靈:咩話!我點行番去灣仔!!!

王小虎:小姐,荃灣係行唔到番灣仔架,撘車啦

馬小靈:我而家咩都冇,你叫我點算喇!你講丫你講丫!

王小虎:………咁不如你跟我番去,訓醒先番去喇,而家半夜三更

馬小靈:跟你番去!?容乜易你禁錮我架,而家d人咁大膽既!

王小虎:我同d朋友一齊住,唔駛驚…我比埋間房你訓喇…起碼好過你而家咁呀

馬小靈:算喇算喇…見你個樣都唔似壞人…信埋呢次…希望你唔好呃我啦…呀~真係好累…

王小虎:我叫王小虎,你呢?

馬小靈:識女仔黎講你都幾老土喎,馬小靈


深夜-西樓角村


王小虎:阿星、阿明,乜你地仲未訓呀

光頭星:等你丫嘛…你就叻啦,出去行個圈,帶左個女仔番黎,你係得個喎

王小虎:冇呃你架真係,我真係同d朋友住

馬小靈:算你啦…第時我請番你食飯又點話

四眼明:咦…虎哥仔密密實實原來咁有計…!?馬小靈

…馬小靈點解會喺呢度架!?

馬小靈:你識我?我對你冇印象喎

四眼明:你老豆咁出名,好難唔識你既…點解會喺呢度出現…仲要咁既身世


馬小靈娓娓道來剛才發生的事


四眼明:即係頭先同白額虎擦肩而過,佢地就係上黎你度"交收"

王小虎:原來同無名虎有關…(心諗)

光頭星:世事就係咁奇妙,竟然係我地救番你

馬小靈:好多謝你地真係…

王小虎:突然間咁客氣既,頭先仲…

馬小靈:仲講頭先!點知你係咪又係呃我架!

王小虎:知喇知喇…阿星,我今晚同你孖鋪啦,我比間房佢訓

光頭星:冇問題,咁馬小姐你自便喇,間房喺呢邊


清晨


男聲:王小虎你同我出黎

光頭星:小虎哥…好似有人嗌你呀…(睡夢中)

男聲:我喺度等到你出黎為止

王小虎:係喎…會有邊個黎搵我?

男聲:終於等倒你喇

王小虎:係你!柔道魔童石黑龍

石黑龍:冇錯,就係我,我今日要黎挑戰你


第六回 續…
頁: [1] 2
查看完整版本: 小流氓(新著)粉絲小說狂想區