查看完整版本 : 討論 : 中國南方人口流動史 (#2 問高兄 : 廣西原本是越南人的嗎???)

財閥政治 2020-8-30 08:02

其實 , 有關中國南方民族流動 , 小弟之前都開過唔少POST討論 ,
好似彝族  緬族係分咩時間遷到雲南  緬甸 ,
漢人係幾時先係江西  湖南成為絕對優勢等(貴州應該係自清中葉苗亂之後)
不過我最近發現 , 我地好似無咩討論過 , 南方漢人內部的遷移史 ...

事關小弟岩岩睇左一個視頻 , 元末明初  明末清初出現過次屠蜀 ,
以及兩次 "湖廣填四川" ... 以至現今著名既川菜 , 其更應該稱為新川菜 ,
同舊川菜完全係兩回事 ;
古四川話 , 其實如廣東話  上海話一樣既方言 , 但現今既所謂四川話 ,
其實係西南官話 , 即官話既四川分支 ... 再直接D講 ,
就係同山東話  東北話一樣帶口音既普通話 , 佢地之間根本可以互相溝通

咁就可見四川係經歷過何等 "洗血式" 既人口重新注入拉 !!!

呢樣野又令我唸到 , 既然漢人成為江西  湖南  福建  嶺南等地既主流人口
其實都係要到唐宋既事 , 咁呢D地方方言又係幾時成形???
之前講過 , 每每北方有大動亂而人口南遷 , 其實只要岩岩過左動亂地方區 ,
難民就會停下來 ...
所以五胡十六國之際 , 主要難民都係停係四川  湖北  安徽  江蘇一帶 ,
而巧合既係 , 基本官話同南方言既界線一致 ...

事實上 , 湖北  安徽  江蘇一帶早在先秦時期 , 人口都己經唔可以叫少 ,
所以我認為 , 漢人去開發江西  湖南一帶既真正原因 ,
一方面係美國西拓運動咁既自願參與 ; 但另一方面因為東晉  五代  南宋等
北方難民遷入 , 而把一部份人口迫到江西  湖南 ...
同樣地如類推 , 到江西  湖南都人口過來時 , 人口才會迫到嶺南

從另一角度唸 , 中國自明朝開始出現大量海外移民 , 到清朝更是變本加厲 ,
以至現今係東南亞有近半億僑民 , 應該都係相同原因 ...
我猜測漢人大批移入嶺南  雲貴既時期 , 係同大量海外移民相同時間 ,
大概情況應該係咁 :
北方大動亂 > 遷往四川+湖北+安徽+江蘇 ;
湖北+安徽+江蘇+淅江人口過剩 > 遷往湖南+江西 ;
安徽+江蘇+淅江人口過剩 > 海外 , 湖北+湖南+江西人口過剩 > 嶺南+雲貴

如果咁睇 ,  "湖廣填四川" 亦變相舒緩左一次南方人口爆炸既壓力 ,
同時又令嶺南  雲貴開發時間 , 稍稍延後一丁點 ...

[[i] 本帖最後由 財閥政治 於 2020-8-31 08:06 AM 編輯 [/i]]

財閥政治 2020-8-31 08:05

高兄 , 小弟岩岩睇到一個視頻 , 唸到一個問題 ...

小弟查過維基 , 越南語為高棉語族 , 即係南亞語系一支 ,
應該同百濮同源 ;
而百越係屬侗傣語系 , 從語言來看 , 壯族同泰國既泰族 ,
應該係百越後代 ...

但係係維基中查越南歷史 , 佢地係視南越國為自己既趙朝 ,
南越國之前既甌貉都被視為越南史前史 ,
佢地基本都係係廣西 ...
甚至去到前李朝  吳朝 , 都有廣西一部份地方

咁即係越南人己經擴張到廣西一帶 , 係比人壓迫先返去越南 ...
但壓迫佢地既都唔係漢人 , 而係百越
(但百越自己 , 就係比漢人壓迫) ... 百越霸佔左嶺南上千年 ,
等漢人再次壓迫而來 , 先再遷到今天既泰國地區

咁理解岩唔岩???

財閥政治 2020-9-1 08:17

其實睇下面幅圖 , 我覺得有少少奇怪 ...
因為就算係 "湖廣填四川" , 明朝果次都離E+500年
加上地勢更加隔絕 , 晚明漢人開始大批既雲貴地區 ,
E+整個大西南都係官話區 ...

廣西係要到嘉慶年間 , 漢人先多過土著
(壯族仲佔30%左右 , 非漢人人口有38%) ;
貴州大概係苗亂後 , 以漢人為主(非漢人人口有36%)
點解貴州係官話區 , 廣西東半係粵語區???

而且 , 方言區反而係係較富有既江南地區 ...
或者會唔會反過來 , 富有既江南地區 , 因為有話語權
先保留到其方言呢???


[url=https://lh3.googleusercontent.com/proxy/VapEtVkicHt8O9eqPYIcpzBdUQCFMK9q82_9SOL8cYlqL6So-7cSmQ99ws8WvW4gFQJYpfVaL-uYlQ][img]https://upload.wikimedia.org/wikipedia/commons/thumb/4/47/Map_of_sinitic_languages_full-zh.svg/1024px-Map_of_sinitic_languages_full-zh.svg.png[/img][/url]

[[i] 本帖最後由 財閥政治 於 2020-9-1 08:20 AM 編輯 [/i]]

復活高貝利

*** 作者被禁止或刪除 內容自動屏蔽 ***

復活高貝利

*** 作者被禁止或刪除 內容自動屏蔽 ***

財閥政治 2020-9-2 08:01

[quote]原帖由 [i]復活高貝利[/i] 於 2020-9-1 06:09 PM 發表 [url=https://www.discuss.com.hk/redirect.php?goto=findpost&pid=524238197&ptid=29357058][img]https://www.discuss.com.hk/images/common/back.gif[/img][/url]


江南有些地方是山區,自成一系,所以保存了地方色彩 [/quote]
但問題係 , 比江南更多山地既四川  雲貴 , 都無獨立方言喎 ... :smile_35:

復活高貝利

*** 作者被禁止或刪除 內容自動屏蔽 ***

財閥政治 2020-9-3 08:23

[quote]原帖由 [i]復活高貝利[/i] 於 2020-9-2 12:35 PM 發表 [url=https://www.discuss.com.hk/redirect.php?goto=findpost&pid=524271528&ptid=29357058][img]https://www.discuss.com.hk/images/common/back.gif[/img][/url]
其實大陸現代學者牀多都會列白語為漢語方言,
白語吾止保存好多漢語古音,仲係可以用漢字去表達 [/quote]
呢個我絕對同意 !!!

好似話唔知壯族定邊個族 , 其實大部份人都係漢姓漢名 ,
唔係漢化姓名 , 係本名就係漢姓漢名 !!!

我一直唔覺得 , 漢人到宋代  明代先大舉進入嶺南  雲貴
好多年睇書講過 , 係魏晉(甚至東漢)既南中大族 ,
都可能係漢人移民

交通問題令漢人到宋代  明代成為嶺南  雲貴人口主流 ,
但其實唔係入去既人唔夠 , 係嶺南  雲貴同中原交流唔夠
入左去係一個封閉社區 , 結果漢人都蠻化左 ...

就好似播州楊氏  交州馮氏 , 佢地都擺到明係漢人黎 ,
結果都變左南蠻土司 ... 事實上 , 白族應該就係蠻化漢人
頁: [1]
查看完整版本: 討論 : 中國南方人口流動史 (#2 問高兄 : 廣西原本是越南人的嗎???)