查看完整版本 : 花 木 蘭 討 論 區

花 木 蘭 討 論 區

[b]簡介


《花木蘭》真人版電影將這個家傳戶曉的花木蘭（劉亦菲 飾演）代父從軍故事從新演譯，寫下一代巾幗英雄的傳奇，由「宇宙最強」的甄子丹飾演將軍、功夫巨星李連杰飾演皇帝，以及影后鞏俐飾演反派女巫。《花木蘭》9月17日盛大獻映！
類別特技動作片長115級別IIA語言英語
(字幕: 中文)導演妮琪卡羅演員甄子丹、李連杰、鞏俐、劉亦菲[/b]

我覺得Ok，唔會話好好，但亦唔覺好似啲人講到咁差。

娛樂性都夠嘅，唔會悶。

比較可惜嘅係：

畫面靚，但有啲妝化到得人驚。

練兵同戰鬥嘅場面設計得幾好，但某啲位又比人感覺做戲咁做，解唔通。

所以呢出戲係有好大空間可以拍得更好。

可能係導演問題，亦可能係迪士尼高層要求咁拍。

我覺得呢出戲，迪士尼本身就有以下要求：

1 要顧及西方觀眾口味
2 要符合迪士尼公主片嘅特色，唔可以太嚴肅，要有啲超自然力量，忠奸要分明，主角同奸角要一對一決鬥
3 要顧及中國觀眾接受程度，唔可以拍到太兒戲，太卡通化，免得中國觀眾覺得自己嘅傳統故事被惡搞，杯葛唔睇，所以唔敢加入柴娃娃嘅迪士尼歌舞等

所以呢出戲比我咁覺拍得綁手綁腳，每一樣野都唔敢去到盡，相比起之前嗰套阿拉丁，將迪士尼特色拍到淋漓盡致，呢出花木蘭失色左好多，但如果要求唔太高，呢出話曬都係疫情下難得嘅迪士尼大片，其實可以一看。

我都覺得幾好睇，唔差，娛樂性豐富，中段場戰爭場面拍得幾好，係個別造型醜樣啲，李連杰啲鬚我以為係鼻毛。

十分出色，編導演直至現在我認為是本年度最佳，劉亦菲表現令人眼前一亮，有力問鼎奧斯卞最佳女主角獎:smile_o12:本人極力推薦，可以一睇再睇，垮張D講百看不厭:smile_o05:

有劇透，未睇想睇就唔好再睇我後面寫嘅嘢！
上半場講佢嚮軍營嘅情節都幾攪笑，由其是成日話佢好臭。劉亦菲扮返女人開始真係成個人醒晒，遇敵殺敵，霸氣十足。搵到佢做花木蘭真係有眼光，成套戲都唔悶，但好似上面有師兄講可以拍得更精彩，尾場惡戰壞人都打得幾好，與皇帝聯手消滅敵人更是神來之筆⋯⋯。而鞏俐死果幕好似好兒戲，花木蘭抱住佢一陣就咁合埋眼就死咗，完全無表情及悲哀失望嘅眼神掙扎！

看過，唔算差，一般荷里活商業片。然而故事係熟識的中國傳奇，參演的有知名的中國演員，自然加多一些分數。唯電影有很多不合理地方，令人想到港劇其實唔算多Bugs了!

*** 作者被禁止或刪除 內容自動屏蔽 ***

算好睇，打同風景都好好，但唔夠99年卡通片好。配樂卡通片好太多。

個人覺得可以一看, 劇情都係大路嗰d, 睇景都唔錯

勝在卡士大，佈景同裝扮不倫不類

看過感覺還可以，只是不太喜歡濃妝。