查看完整版本 : 美容騙局上當

果個老膠袋 2020-9-25 11:57 PM

美容騙局上當

無錯..呢個時代都會跌入美容騙局我都知我好蠢
事源係幾個月前收到一名交友邀請 騙子用左幾個月時間黎設個局呃我入局
個騙子聲稱自己係一名教師 好多好多正面向既興趣 然後某日就約我出黎食完飯去做facial放鬆下 佢話自己都係間美容院顧客黎
係美容院sell完我買左個plan之後個騙子就話有事要走 話約左學生要去上堂 我就自己走先
返到屋企就馬上上網搵間美容公司既資料 發現間公司信譽極差...先知道中伏 然後我不停上其他討論區網站尋求 發現好多討論區對受害者既言論都好唔友善
我都有搵啲關于美容騙局,美男計,美人計既資料 先發現個騙子既手法同套路係完全一樣..同埋事後我發現張單上面Agent個名係同個騙子個名相同
我就陷入左迷網..唔敢同屋企人,朋友,任何人講 驚比人鬧驚比人笑 好大壓力..
直至琴日我打去消委會 然後海關 海關叫我報警 然後有去聯絡議員求助 終於係今日得到回覆
議員話有兩三個受害者同我同一間美容公司
如果有受害者都係美容公司中左招
請聯絡議員求助 越多受害者可能會越快幫助到佢地做野
我知道呢個年代仲會比到呢種騙徒呃到錢係種好樣衰既事...只能怪自己太蠢
但係錢巳經無左當買個教訓 宜家只想騙徒得到懲罰
順帶一提個騙徒依然仲有同我聯絡 仲想呃埋我更加多既錢
因為某啲原因我都唔方便透露太多 驚間美容院入面會有員工上呢個網睇到
唔該大家幫我分一分享出去 多一個人知就少一個受害者 我就係無睇過相關資料就中左招..
我文筆可能唔太好 可能會好難理解 有咩問題可以留言問我 我會盡快回覆

[[i] 本帖最後由 果個老膠袋 於 2020-9-26 12:12 AM 編輯 [/i]]

傢俬達人 2020-10-16 10:15 AM

騙了多少錢?
頁: [1]
查看完整版本: 美容騙局上當