eggeatcat 2020-10-12 19:11
如果未結婚嘅，根本唔駛諗太多，有第三者即感情已經斷裂，當然就早早散場對雙方最好。除非有其他因素考慮，例如同居多年，或者經濟上有困難。
如果結咗婚，就可能多咗最少一個考慮，要諗啲細路點樣。不過當然唔離婚都唔代表就對細路好，兩個繼續時不時嘈交黑面對立，對細路都唔係好事，呢個情況反而做單親仔女更健康。通常諗離開之前，女人都會先考慮家庭經濟、子女，所以經濟係一個重要因素，但都要衡量下有錢唔係大晒，精神健康困擾代價更大，仔女嘅健康都係。
名人通常話會包容先，原因係佢哋覺得自己無得揀。唔包容對方都要攬上小氣嘅罪名，同時帶綠帽自己都覺得無面子，以明星咁關注個人形象嘅心態大多數都會吞咗去先，然後背後再跟伴侶講條件。有啲機心重嘅人，會以為伴侶不忠一次，自己就有條件食住佢，搏對方都係明星唔敢再亂黎，其實都唔一定。其次有啲傻人覺得忍佢一次，對方會感恩珍惜，唔會再犯錯，結果只是下幾次唔敢再高調犯錯。
NaNa888 2020-10-17 00:37
而家嘅社會，越來越多人移情別戀
貪新忘舊，好多人都容易返呢個錯誤
我哋冇人能夠控制到另一半唔變心，但係我哋唯一可以做嘅，就係控制自己嘅心境，睇清楚自己內心諗乜，積極面對問題