查看完整版本 : 【電子電路】單管嘅放大器

MrCU204 2020-10-26 09:33 PM

【電子電路】單管嘅放大器

呢個係 共咩極 呢兄弟?!

MrCU204 2020-10-27 05:00 PM

點為之 共,共啲乜,點共法?
電子電路可以勁複雜,之不過,電子電路嘅對外關系,無非就係 輸入,輸出,接地同調校 喱四種。

Porky_Pig 2020-10-28 08:50 PM

[quote]原帖由 [i]MrCU204[/i] 於 2020-10-27 05:00 PM 發表 [url=https://www.discuss.com.hk/redirect.php?goto=findpost&pid=526865913&ptid=29503875][img]https://www.discuss.com.hk/images/common/back.gif[/img][/url]
點為之 共,共啲乜,點共法?
電子電路可以勁複雜,之不過,電子電路嘅對外關系,無非就係 輸入,輸出,接地同調校 喱四種。 [/quote]
有趣!
這是玩的!
真來的話,相當麻煩!
輸出上下倒過來,要不反相,上下要倒過來。雖然有電容阻擋,但仍不是太放心。若電容短路,會燒甚麼?
單管還有甚麼可以調較,若管不線性,輸出放大便不線性,簡單說就是失真!

MrCU204 2020-10-28 11:00 PM

喱個 共 其實就係落地,三極管邊枝腳落地,就係共咩極,
電子電路嘅地,有分交直流,隻管駁電要駁啱腳至做到嘢,點駁呢,搣晒啲電容同個地嚟睇就清楚,
喱個地,係電源地,俾嘅電唔論係交流定係直流,都叫做「直流地」,
負載同訊號源嘅地,唔論駁邊度,有冇串電容,都叫做「交流地」。

MrCU204 2020-10-29 01:31 PM

[quote]原帖由 [i]Porky_Pig[/i] 於 28-10-2020 20:50 發表 [url=https://www.discuss.com.hk/redirect.php?goto=findpost&pid=526919409&ptid=29503875][img]https://www.discuss.com.hk/images/common/back.gif[/img][/url]

有趣!
這是玩的!
真來的話,相當麻煩!
輸出上下倒過來,要不反相,上下要倒過來。雖然有電容阻擋,但仍不是太放心。若電容短路,會燒甚麼?
單管還有甚麼可以調較,若管不線性,輸出放大便不線性,簡單說就是失真! [/quote]
喱個電路得 輸出輸入同接地,冇得較,
電容穿咗衹會出唔到交流,除非 C3 駁天花 C2 駁地板 而且好衰唔衰一齊穿,隻管冇遮冇掩直接駁電源,咁就會㷫甚至會燒,不過正常用根本唔會咁駁嘅,
至於綫性,係指 俾嘅訊號唔過蘢 嘅情況下,輸出會唔會失真,共基極係會有啲,因為 C1 接地板,發射極食晒成個訊號,共射極如果 C2 唔接地就冇失真,
C3 接天花地板就變咗 共集極,C2 就算駁咗負載,個 負反饋 都仲係響度嘅,所以唔會失真,喱個 負反饋,同 共射極 嗰個 Re 嘅功能同作用係一樣嘅。

MrCU204 2020-10-29 02:07 PM

刪除

[[i] 本帖最後由 MrCU204 於 2020-10-29 02:12 PM 編輯 [/i]]

MrCU204 2020-10-29 02:10 PM

電源嘅兩極,叫做 電源地,電氣地,喺電子電路度就係 直流地,
嗰幾個電容如果直駁電氣地,就可以攞嚟做 交流地,如果個電源係兩節串聯嘅,中間嘅駁口位就可以交直流地都做埋,咁就 交直同地,嗰幾隻電容唔使愛。

xianrenb 2020-10-29 02:25 PM

[quote]原帖由 [i]MrCU204[/i] 於 2020-10-29 01:31 PM 發表 [url=https://www.discuss.com.hk/redirect.php?goto=findpost&pid=526947548&ptid=29503875][img]https://www.discuss.com.hk/images/common/back.gif[/img][/url]

喱個電路得 輸出輸入同接地,冇得較,
電容穿咗衹會出唔到交流,除非 C3 駁天花 C2 駁地板 而且好衰唔衰一齊穿,隻管冇遮冇掩直接駁電源,咁就會㷫甚至會燒,不過正常用根本唔會咁駁嘅,
至於綫性,係指 俾嘅訊號唔過蘢 嘅情況下,輸出會唔會失真,共基極係會有啲,因為 C1 接地板,發射極食晒成個訊號,共射極如果 C2 唔接地就冇失真,
C3 接天花地板就變咗 共集極,C2 就算駁咗負載 ... [/quote]
BJT 有三隻腳, B, C, E 。
正常用途,應該得三種:
1. B 入 C 出,即 common-emitter 。
2. B 入 E 出,即 common-collector 。
3. E 入 C 出,即 common-base 。

你幅圖,三隻腳都可說是無接固定電壓,根本唔知算邊種。
而另一方面,其實可以搞負反饋應用。
如 B 入 C 出,作反相放大。
將輸出再反相(例如再經另一粒 BJT),然後以 E 腳做輸入作負反饋。
又或者另一種方式,以 E 入 C 出,作正相放大。
將輸出訊號經一些電阻、電容接回 B ,作為負反饋。

至於失真問題,一種看法是看 THD 。
一粒 transistor 基本上無設計可言。
要用好多粒組成電路,配以適當的 frequency compensation 來工作,就可以做到低 THD 的放大器電路。

[[i] 本帖最後由 xianrenb 於 2020-10-29 02:41 PM 編輯 [/i]]

MrCU204 2020-10-29 10:37 PM

[quote]原帖由 [i]xianrenb[/i] 於 29-10-2020 14:25 發表 [url=https://www.discuss.com.hk/redirect.php?goto=findpost&pid=526950017&ptid=29503875][img]https://www.discuss.com.hk/images/common/back.gif[/img][/url]

BJT 有三隻腳, B, C, E 。
正常用途,應該得三種:
1. B 入 C 出,即 common-emitter 。
2. B 入 E 出,即 common-collector 。
3. E 入 C 出,即 common-base 。

你幅圖,三隻腳都可說是無接固定電壓,根本唔知算邊種。
而另一方面,其實可以搞負反饋應用。
如 B 入 C 出,作反相放大。
將輸出再反 ... [/quote]
唔知算邊種,冇錯,呢個電路,你可以話佢係 電子積木,
三隻電容 分別服侍 輸入輸出同埋接地,改變駁法就改變咗放大器嘅類型,
其實,喱個電路仲可以直接玩,正反相一隻管出晒而且大細一樣,咁嘅用法有個名堂,叫做 分相器。

MrCU204 2020-10-29 10:55 PM

BJT 嘅跨導,就係二極管嘅正向特性,唔係線性(β 至係)㗎,
要線性,有辦法,搵電阻嚟冚,Re 就係愛嚟咁用嘅,Re 越大,冚得就越靚,不過,
增益會低咗,嘥嘅電會多咗,Re 並電容,訊號就可以唔使加大,不過,嘥嘅電就同冇並電容一樣。

MrCU204 2020-10-29 11:23 PM

地,係一撻 電位完全穩定,乜嘢阻力都冇 嘅地方,
電氣地,係所有環路嘅公共路段,成個系統都運嗰度過電,而習慣上,我哋將電氣地嘅電位定成 0V,
除非電源係兩節串聯嘅,唔係嘅話,基極同集極駁埋落電氣地度,隻管就做唔到嘢,
咁就要諗辦法將撻地踉高,電容嘅作用其中一樣就係咁,如果淨係愛嚟扮地,可以用 穩壓管 代替,要嚟耦合就一定要用電容,唔可以用穩壓管,因為穩壓管唔係貯能器件,砌唔到交流出嚟嘅。

MrCU204 2020-10-30 09:33 PM

電源「熱」端 同電氣地一樣,都係 電位穩定,阻抗為零 嘅地方,可以直接用嚟做 交流地,共集極 嘅格局就係咁,集電極 直接駁落電源熱端。

MrCU204 2020-11-1 11:01 PM

本級(每一隻管自己)電流負反饋,係用 Re 嚟做嘅,
Re 嘅作用,喺 共集極(射極跟隨器)同共射極 兩種電路度嘅作用同效果,係完完全全一模一樣嘅,衹係發射極喐得嘅範圍唔同,
所以,頂樓嗰個架構,負載駁 C2 嘅話,你直頭當佢係 射極跟隨器 都得嘅,雖然唔係共集極,因為,Rc 唔論有定冇,對 Ic 都係唔會有影,除非 Rc 大到過咁晒個 Ic ,
本級電流負反饋 點解要 R2 呢,嗱,你哋試吓,如果剁走拃 cap 同埋隻 R2 ,short咗 Rc ,剩低嘅係乜,係 兩個電阻 串聯呀老友!
如果我將基極電位釘死,射極電位點走都唔會超得過 0.15V ,咁嘅變化喺 Re 入便造成嘅影響大極有限,Ic 嘅波動自然就跟住大極有限,
如果冇 R2,隻管嘅電流同埋基極電位 就由 R1 同 Re 揸唿,有 R2 嘅話,基極電位就係 R2 嘅分壓,隻管嘅電流係 Re 話晒事,R1 同 R2 嘅阻值越細,分壓就越穩定,Re 嘅負反饋效能就越係發揮得好,之不過,訊號源嘅負擔亦係會越重嘅。

MrCU204 2020-11-2 05:30 PM

[quote]原帖由 [i]MrCU204[/i] 於 28-10-2020 23:00 發表 [url=https://www.discuss.com.hk/redirect.php?goto=findpost&pid=526925964&ptid=29503875][img]https://www.discuss.com.hk/images/common/back.gif[/img][/url]
喱個 共 其實就係落地,三極管邊枝腳落地,就係共咩極,
電子電路嘅地,有分交直流,隻管駁電要駁啱腳至做到嘢,點駁呢,搣晒啲電容同個地嚟睇就清楚,
喱個地,係電源地,俾嘅電唔論係交流定係直流,都叫做「直流地」,
負載同訊號源嘅地,唔論駁邊度,有冇串電容,都叫做「交流地」。 [/quote]
交流地要嘅,實際上係 動態電阻,
動態電阻嘅本質都係電阻嚟,不過,動態電阻睇嘅淨係 電流同電壓嘅關系,本身嘅阻值係點 唔使理,
如果唔論過多電過少電,VoltDrop 都唔變,咁喱隻元件嘅 動態電阻 就係零(零就係0,唔係 0Ω ,實體阻值至叫得做 Ω),攞得嚟做交流地,
充當交流地嘅元件,點解要 動態電阻係零 呢,因為,喱隻元件係同隻管嘅輸入端串聯㗎,隻 交流地 嘅 VoltDrop 唔變,訊號嘅成個變量咪可以 俾隻管嘅輸入端受晒 囉。

MrCU204 2020-11-3 06:12 PM

輸入端受晒,訊號幾大,輸入就幾大,負反饋冇咗,訊號(嘅電壓)就可以用返原底咁細,
直流地嘅電位係固定嘅,交流地嘅電位亦係穩定嘅,兩撻地嘅差額你搵 旁路電容或者穩壓管 嚟食咗就係,之不過,啲電阻 響電源度掗咗嘅嗰橛電壓 係攞唔返嘅,對訊號源造成嘅 直流負荷 亦仲係未解決未解決嘅。

MrCU204 2020-11-7 06:33 PM

刪除

[[i] 本帖最後由 MrCU204 於 2020-11-7 06:39 PM 編輯 [/i]]

MrCU204 2020-11-7 06:48 PM

[quote]原帖由 [i]MrCU204[/i] 於 2-11-2020 17:30 發表 [url=https://www.discuss.com.hk/redirect.php?goto=findpost&pid=527133969&ptid=29503875][img]https://www.discuss.com.hk/images/common/back.gif[/img][/url]

交流地要嘅,實際上係 動態電阻,
動態電阻嘅本質都係電阻嚟,不過,動態電阻睇嘅淨係 電流同電壓嘅關系,本身嘅阻值係點 唔使理,
如果唔論過多電過少電,VoltDrop 都唔變,咁喱隻元件嘅 動態電阻 就係零(零就係0,唔係 0Ω ,實體阻值至叫得做 Ω),攞得嚟做交流地,
充當交流地嘅元件,點解要 動態電阻係零 呢,因為,喱隻元件係同隻管嘅輸入端串聯㗎,隻 交流地 嘅 VoltDrop  ... [/quote]
#11 ,三極管 衹係過到直流電,出交流,要搵耦合電容嚟砌,
#4 ,訊號屬於「交流」,負載食嘅係 放大咗嘅訊號,都屬於「交流」,訊號同負載 所在嘅環路係 交流通道,所以佢兩個自己嘅地,亦係 交流地,
三極管 共嘅就係 交流地,交流地 嘅直流電位 睇設計需要,唔一定係零,所以,邊枝腳戙落交流地度,隻管都做到嘢。

MrCU204 2020-11-7 07:38 PM

惠斯登電橋,兩邊分壓點嘅電位一樣嘅話就平衡,電位差就係 0V ,係零,唔係冇,
用直流電整出交流電嚟,喱種操作叫做 逆變,放大,其實都算係 逆變,橋式架構逆變器輸出嘅 交流,就係兩邊分壓點嘅 電位差,單端推挽(半橋)同差分,都係橋式架構,
單管,指嘅通常係 成部機得一隻管,不過其實,每級得一隻 都算係,之不過我諗,製作 單管電路 嘅行家,搵「雙節棍」做電源嘅睇怕冇邊個啩,
好似頂樓嗰個攞嚟做標題(可以搵佢做示教)嘅電路,點出交流法呢,用兩個電阻串聯嚟做電橋嘅另一邊,得,不過有冇 工作效率同埋能源效益 先,砌交流 唔用電容其實都得,整多件同佢一樣嘅,兩套並聯做 差分 囉。

MrCU204 2020-11-8 07:00 PM

[quote]原帖由 [i]MrCU204[/i] 於 7-11-2020 19:38 發表 [url=https://www.discuss.com.hk/redirect.php?goto=findpost&pid=527357766&ptid=29503875][img]https://www.discuss.com.hk/images/common/back.gif[/img][/url]
惠斯登電橋,兩邊分壓點嘅電位一樣嘅話就平衡,電位差就係 0V ,係零,唔係冇,
用直流電整出交流電嚟,喱種操作叫做 逆變,放大,其實都算係 逆變,橋式架構逆變器輸出嘅 交流,就係兩邊分壓點嘅 電位差,單端推挽(半橋)同差分,都係橋式架構,
單管,指嘅通常係 成部機得一隻管,不過其實,每級得一隻 都算係,之不過我諗,製作 單管電路 嘅行家,搵「雙節棍」做電源嘅睇怕冇邊個啩,
好似頂樓嗰個攞嚟 ... [/quote]
之但係,差分 係兩隻管 同級同功能,共享訊號源 一齊帶負載,咁就唔係 單管 喇喎老友!
單管電路,一隻管放交流,咁樣,運作模式就焗要係 甲類,況且好多時,啲訊號係弱到遠遠過唔到 BJT個 截止區 嘅,你唔俾偏置(直流)去托,隻管根本唔識反應,咁你話唔甲點得呢又?!
做得功放,梗係想個輸出 又大又靚 啦係咪,咁,喺唔失真嘅前提下,單管甲類模式 最盡可以出到幾大,就係 電源電壓嘅三份一,點解係 三份一,因為,電容砌交流係要掗一份電嘅,喱份電(壓)同負載響電路攞到嘅分壓 一定要相等,並且,負載嘅阻抗同放大器嘅輸出阻抗 一定要匹配,三份一,就係喱兩瓣條件夾埋得出嚟嘅。

MrCU204 2020-11-20 07:49 PM

單管放大器嘅輸出阻抗,可以睇成係等於直流負載嘅阻值,
根據喱個 三份一規則,隻管將近飽和(可以當成電線)嗰陣,直流負載電流就會係交流負載電流嘅三倍,交直流加埋就係四份,咁即係話,1A 嘅負荷要用隻過到 4A 嘅管嚟孭,而且電源帶一份負載要出四份電,認真嘥料!

MrCU204 2020-11-21 04:48 PM

甲類,效率高極都係 50% ,喱個係管效,
電源出嘅電有幾多俾到負載,有幾多俾隻管嘥咗,喱個就係隻管做嘢嘅效率,
樓上講過,成個 Ic 得四份一係負載電流,好嘞,負載電壓大極都係 電源電壓嘅 三份一,咁樣,拖一瓦負載,電源就要發十二瓦嘅功,電效率得嗰 8.3% ,一成都冇,認真失敗!

貴貴不安的水果 2020-11-23 12:22 PM

*** 作者被禁止或刪除 內容自動屏蔽 ***

樓上喜歡了名車 2020-11-26 07:55 AM

*** 作者被禁止或刪除 內容自動屏蔽 ***

MrCU204 2020-11-28 07:49 PM

點解大多數運放用嘅電源係「雙節棍」呢,想唔使愛電容?!
放大器嘅 相頻特性 幅頻特性,直接耦合可以充份發揮得到,不過其實仲有一點可能大家冇為意,就係 輸入端接地 喱瓣呀!
運放嘅輸入級,通常係 差分對,差分電路嘅格局同 單管共射極拓撲 係一樣嘅,你用單電源,射極經已喺電氣地嚟,基極如果駁埋落去,隻管仲做到嘢咩?!

MrCU204 2020-11-28 09:48 PM

亂碼,刪!

[[i] 本帖最後由 MrCU204 於 2020-11-28 09:55 PM 編輯 [/i]]

MrCU204 2020-11-28 10:00 PM

唔用電容砌交流,就要用「雙節棍」(正負電源),喱樣固之然係,不過,
運放嘅輸入端,就係 差分對管 嘅基極,如果你 run 嘅係開環或者反相模式,接電氣地嘅就係基極,
運放入便成個 circuit 其實冇乜交流通道,不過,模擬電路有道重要嘅法則,就係 喐要全部喐,停要全部停,咁就一定要用 Class A !
甲類,隻管係全程唔 cut off 嘅,基極接 電氣地 仲要 全程唔截止,冇訊號都通,咁你唔俾條負 track 落射極度點得呀又?!

MrCU204 2020-12-2 03:50 PM

睇吓 IC 入便嘅電路,成拃都係管,甚至有時,二極管都係搵三極管扮埋,聽講話,造 IC ,整管易過整電阻,
成個電路係晒三極管,電路係複雜咗,但係整起嚟簡單順手,而且比起用電阻嘥少好多電,點解可以嘥少好多電,因為三極管有得較,
三極管攞嚟做 直流通道,可以淨係俾電落負載,唔俾落 做放大器嗰隻管 度,喱吓就慳咗電不特止,仲少掗咗電源嘅位,輸出可以大啲添!

MrCU204 2020-12-2 04:40 PM

[quote]原帖由 [i]MrCU204[/i] 於 26-10-2020 21:33 發表 [url=https://www.discuss.com.hk/redirect.php?goto=findpost&pid=526834075&ptid=29503875][img]https://www.discuss.com.hk/images/common/back.gif[/img][/url]
呢個係 共咩極 呢兄弟?! [/quote]
喱個電路,你將集電極直駁「天花板」,電路會點?
係冇反應嘅,除咗集電極嘅電位,乜都唔變,所以,喱個電路可以攞嚟做 恆流元,將做 放大 嗰隻管楔落 Rc 個位度,直流通道就成咗 恆流通道,
輸出嘅交流,有半周係 電源俾嘅,另一個半周係 電容俾嘅,電容要叉電至有電俾人,電容同負載係串聯嘅,電容叉電係經過負載同直流通道嘅,
恆流元係 動態電阻,睇嘅參數係流量而唔係阻值,過電嘅大細 要根據負載(輸出)食電嘅峰值 嚟設計,理想情況係,全部電流分晒去負載度嗰陣,佢自己嘅 VoltDrop 幾乎係零,
好嘞,咁嘅方案仲算唔算係單管呢,如果睇管數,多過一隻就唔係單管,不過講到職能,做放大嘅管就得一隻咁大把,所以你話佢仲係 單管嘅放大器 都通嘅,
三極管,係主動元件(又叫做 有源器件),唔論你點用 佢嘅本質都係主動元件,永遠唔會變,之不過,如果將三極管駁成 二極管,就成咗 被動元件,如果駁成 電阻,恆流元,迴轉器,咁隻管就係 成嚿被動元件身上嘅一部份,或者話係被動元件嘅插件。

MrCU204 2020-12-3 05:05 PM

三極管做恆流元,用嘅係 集電極,集電極唔係 輸入端 嚟,
隻管衹係用佢嚟過電(直流通道),冇放大作用(唔係 推挽)嘅,同放大器亦唔係 級聯 嘅關係,
成個電路唔論有幾多隻管,如果 坐放大喱個位 嘅得一隻,咁喱個放大器實質上仲係 單管嘅 。

MrCU204 2020-12-11 03:40 PM

除咗做 分相器,做 共射 共基 共集,做恆流元,仲有一種玩法,
三隻 cap 落晒地,做 穩壓器,飛咗 Re ,駁個 負載 落去,負載同電源嘅壓差搵 Rc 嚟食,咁隻管嘅 功耗 就細咗好多,衹要隻管冇飽和,穩壓嘅作用同效能係唔受影響嘅。
頁: [1] 2
查看完整版本: 【電子電路】單管嘅放大器