查看完整版本 : 我的好運沒來過故事

在這看見都有一點人回覆，所以才希望透過網絡說出我這個故事。我這個故事全是發生在本人身上。其實都是沉溺於一壞習慣再轉移到其他不同問題再再出現。
我是一位89年代出生既人，我童年5。6。7歲就自小受住的居所朋友欺負，笑我肥，跑得慢，於是我就開始嘗試自己去做運動，跟住久而久之便愛上運動。好境不常，在我7。8歲期間，我媽因身體有事而離開了我，我媽走時我都沒什麼感覺，沒有哭過，可能我看得電視電影多，親人死了，你自己都要堅強生存下去，不然都沒其他辦法，但就在那時開始，我性格就變得孤僻。不願與人溝通交新朋友，什至連家人都不喜歡溝通。喜歡孤獨。
到我讀上中學，由於我期間熱愛運動，還鍾意左踢波，所以我身體不再肥胖，而且還有一副很好的身體和長得比較陽光帥氣。但上到中學，由於學校沒有足球隊，我就被迫轉了打籃球。回顧返我人生生存到現在31歲，我對我中學的5年開心生活生涯依然還瀝瀝在目，而且這5年應該是我生活係哩個世上最開心既5年，我在學校透過運動找到了自己的自信和驕傲，但我其實一直都不喜歡讀書，而且由於自細母親便不在，所以我會考完便沒有再讀書。當時會考完其實都未想投身社會工作，因為都還念著和同學去打機，打籃球的日子，便跟家人說可否幫我報讀多一年ive的所謂文憑。而我的壞習慣便由 讀ive起 糾纏到我今年31歲還糾纏著。稍後我會在回覆再打。因為要打自己的人生都廷長發覺，不能一下子打得完。

樓主繼續講，我聽緊

說到在ive開始了沉溺壞習慣至今時今日31歲。其實早在中學時都埋下伏線，在中學讀書時，馬會剛開始賭足球合法化，而在我這時，我們讀中4，5有一些新移民的同學仔都已夠18歲都能進馬會，那時開始便開始我真生第一注賭博。記得當時透過同學叫幫買買第一注都是沒有贏錢的。由細到大，出生時和在讀書時自己的心裡都曾聽到一把聲，不要賭第一注錢、不到遊戲機中心，當你賭左第一注，你以後會很大件事，但自己當時都跟自己說我自己控制到。記住我所說，是由細很少年紀時，自己心裡便出現這些說話跟自己說。很像整定我今時今日會變成這樣子。
好了，說到去讀ive,在ive那年期間，我的學費都是由我姐姐幫我資付，而我爸就沒資付過一分一毫，不竟我爸認為他已養到我那麼大不會再為的付錢，而且我爸都有再婚，都可能把他的寄託在新家庭吧。要讓我自己去想辦法找錢，當時我應該只有16，7歲，在讀ive時，我真是完全不知為何會沉溺了去賭波，什至輸掉姐給我的學費，但最後事件都沒有穿煲的。其實一直以來賭波賭博都沒贏過錢，那時不知為何還會去賭。在ive時我認識了一位到今時今日我們分手了都有十年，但我依然知是她在我這一生中覺得有認真愛過我既女朋友。但這段情都是在我20歲頭時被我的賭魔摧毀。感情的事我盡量不在這說，因為再說就很耐很耐都打不到現在的情況。我有空想到上來寫什麼便會再上來打下去。

[quote]原帖由 [i]沒錢買電腦[/i] 於 2020-10-27 11:06 PM 發表 [url=https://www.discuss.com.hk/redirect.php?goto=findpost&pid=526880255&ptid=29505597][img]https://www.discuss.com.hk/images/common/back.gif[/img][/url]
樓主繼續講，我聽緊 [/quote]
你是看到我帖子才註冊留言嗎

在我夠18歲時，我當然立即開投注戶口，和找工作做，那時找到一份sales做，由part time做起，做做下變做了全職，做到全職自然有合約，有合約便可以去財務公司借錢。但向外界銀行財務借錢其實都是由我一個中學認識的隔離班同學教我借，其實自己當時都不知有這些，當然我如果有自我控制能力就不會弄到今時今日哩個恐怖地步。咁其實當時向銀行財務借錢借到半年左右，其實都已經穿煲開始，家人知，連同事都知，連同事借過我的錢都沒還到最後，最後我還記得我18歲過了9至10個月便開始人生第一次著草生涯，離家出走。其實由細到大，定囉個世界，家人一提起錢哩個問題就好敏感，由其是我屋企人，佢地得知我變成咁都唔想幫我，就可能我果陣仲好高傲任性唔識同佢地溝通認錯，做就到我今時今日而家咁。係離家出走果段期間，我一開始是訓一些社會機構短暫的宿舍和寄居不同的朋友和同學的家，去到19歲初，便自己一個人租住劏房，當時以4千多元在尖沙咀租吧，但租了短暫日子又因再賭返波而應付不到，跟著就找尋社工協助商量回家，其實商量回家前，在我19歲時，我爸再結婚的老婆都有跟我聯絡，說家不停被財務銀行騷擾建議跟我去破產，我人生的第一次破產便在19歲時發生了。
到了20歲左右，我結束了我2年著草生涯，透過社工協助和跟家人說定每月條件後，回家再住，但我回到家裡，街坊鄰居其實都認識我，知道過我的事，都帶有色眼鏡看我，每當我出門口去走廊搭𨋢時便很怕遇見他們和認識得我的樓上親戚。害怕到要走樓梯下樓，變得更孤僻自我。
在我破產這段期間應該是19至23歲我沒有賭博過，這段期間生活是改善到下來。但到了德國世界盃開鑼那一年，就是我惡夢恐怖直到現在的開始。

留名收睇

我都有睇曬

哩幾日會無咩心情上黎打，覆返d有睇有心留言既網友。我過幾日會上黎打。岩岩收到個消息好打擊自己一直以來仲咁。遲下都會上黎打返同大家分享下，畢竟我既事面對面又點敢同人分享、用文字係網絡分享可能會幫到我自己

19歲起踏入人生第一次破產期間，我當時諗全香港最細年紀破產應該會是我吧 應該可以說是全世界吧，一般正常出黎做野可以借錢既人都係18歲以上，我1年不夠便被家人捉我去破產。但果陣我欠債其實只有20靚萬吧。就係哩次破產可以影響到我人生現在和不知面對人。破產期間都經歷左好多野，果陣都未返屋企住返，曾經真係無錢係灣仔住過板間房，仲記得板間房d木蚤咬到跟本都唔會返去訓，果陣月租好似一個月8百幾蚊，講緊應該都係11。2年前，跟住做過網吧收銀，就係做網吧果陣成日上網就識左好多人，因為真係無錢無辦法，仲曾經做過出賣自己身體去賺錢搵錢生活既事，自於做d咩太私癮唔會講，但我人身體到現在還是健全健康正常。初頭第一次都係為搵錢生活無辦法，但自從做過之後知道原來錢唔洗借可以咁易搵，就不斷去擴闊自己圈子，識果邊個圈子d人，就係破產哩幾年，我靠住自己返過網吧份工，做份會所職員repception,陪人食下飯飲酒應酬搵錢，生活便正常，一正常錢自然有多，果陣大約22定23歲，其實已經搬返左屋企住，跟住有一日既星期一經過馬會，就無啦啦想賭返波又，就入去買左張現金卷篤左條3串7波膽10蚊過關，加條讓球主客和同主客和過關，點知果日條條飛中晒，有賭開波既人都知星期一不嬲小波賭，我連波膽都中埋，但其實中哩次錢只不過都是幾萬元，相比起我一直以來輸既都比不上什麼。所以為何我會取我的網名叫好運沒來過便這樣。
咁賭得一次就一定會會再落去，就係去到世界盃開鑼，我既賭魔終於爆發，輸到自己身上既名錶，現金都全輸光，跟住咁岩破產令解除又拎得返。於是就唔知點解會有好多財務打過來問借唔借錢，可能我果陣電話上台，資料供開左，咁我又借返錢，初頭都係抱住破過產點會借到，但點知真係借到 不過係透過中介去d新牌既財仔，第一次借扣左20%手續費咁，借20000收17000咁大約。之後見成日賭波都輸，其實都唔太想賭，咁就有日放假悶無野做入左遊戲機鋪，因讀書果陣好輕玩跑馬機，咁就入返機鋪，惡夢長達6。7年之今便由入機鋪果刻開始。。

唔係，咁啱路過姐 :smile_13:

我讀IVE夜校時，所有人都係半工讀，所以都頗勤力
我都識人係日校IVE入大學，都頗勤力，好難有得抖

期待樓主分享🙏🏻🙏🏻

戒賭吧，仲有一大段路要行

有隻馬跌落井中
主人要活埋隻馬
馬將身上ge泥抖落
踩實
升高自己
漸漸到左井邊出井
你可以任由自己被困難活埋
或者將困難化作提升你ge養分

[quote]原帖由 [i]wales2007[/i] 於 2020-11-11 06:54 PM 發表 [url=https://www.discuss.com.hk/redirect.php?goto=findpost&pid=527533431&ptid=29505597][img]https://www.discuss.com.hk/images/common/back.gif[/img][/url]
有隻馬跌落井中
主人要活埋隻馬
馬將身上ge泥抖落
踩實
升高自己
漸漸到左井邊出井
你可以任由自己被困難活埋
或者將困難化作提升你ge養分 [/quote]
比喻很好。很勵志

[quote]原帖由 [i]0023abcde[/i] 於 2020-11-11 08:00 AM 發表 [url=https://www.discuss.com.hk/redirect.php?goto=findpost&pid=527504182&ptid=29505597][img]https://www.discuss.com.hk/images/common/back.gif[/img][/url]
戒賭吧，仲有一大段路要行 [/quote]
好難甩。。用盡方法。。。同毒品一樣一世

[quote]原帖由 [i]極目凡星[/i] 於 2020-11-10 07:57 AM 發表 [url=https://www.discuss.com.hk/redirect.php?goto=findpost&pid=527462603&ptid=29505597][img]https://www.discuss.com.hk/images/common/back.gif[/img][/url]
期待樓主分享🙏🏻🙏🏻 [/quote]
哩排都無咩心機上黎睇。。我有心機會再打。。當紀錄返自己既往事。。

遊戲機中心射魚機
比賭波更揾笨
可能比毒品更恐怖
我個人認為 排全宇宙第1揾笨遊戲
眼見 1個月輸10萬8萬 大有人在
賣樓 破產 比比皆是
玩家全部精神狀態不正常

加油💪🏻講當然易
真正做係好好好好難
身不由己的感覺好理解
請樓主你繼續分享

*** 作者被禁止或刪除 內容自動屏蔽 ***

上次講到我年齡23歲初初入返機鋪，一開始去都係玩返馬機，果陣仲係用代幣玩，咁過左排玩馬機玩到悶，又落得間機鋪多，自然識到d人，跟住原來佢地圍內有用真錢買代幣，咁就開始接觸魚機，但買代幣都唔係上落好大，因為果陣未有keeper過黎接手做收分，未轉到用卡玩，但一轉到用卡玩，惡夢正式開始。。有keeper接手黎收做收風自然setting 難左，咁當然果陣時初初玩有贏，而且覺得好易贏，打耐左先知原來愈黎愈難打的。點解會愈黎愈難打果陣都未諗到原因，但打多左打耐左到而家就慢慢知。咁打魚果陣除左打魚我仲幫fd 攪其他關於賭博既事，果陣其實比起而家2019至2020哩1。2年搵錢最多。但唔知點解都係成日無錢係身。如果果陣有珍惜d錢，我相信而家唔會咁艱辛。這個是其次，果陣一開頭剩係去一間機鋪打，後尾打打下識多左人，就遂漸去多幾間打，有次識左個人，仲拎埋條貴利，好記得由一開始拎幾千蚊，拎拎下還還下拎到成幾萬蚊咁拎，當然最後都係還唔到，但果陣係岩岩破完產，唔知財仔可以借，所以係拎貴利先後先借財仔。咁還唔到最後都係差幾萬蚊，同屋企講左，屋企就當然話左幾句但數目唔大幫左手，之後還完做唔夠一個星期乖仔，惡魔又喚醒我，又打返比貴利佬拎，一拎就拎2萬，之後當然又去機鋪搏，斷斷續續，再加輸完又知財仔可以借，財仔借完又搏，到要夠期還貴利就拎借財仔錢去供貴利利息，補留最多既本錢比自己賭，哩段時間維持左1。2年左右，到25。6歲果陣我財仔欠緊7。8萬，都係2。3線財務，貴利數好似4萬，都唔係太記得，好似係26歲生日就27歲果個月份，我無返工，成身得返5千蚊，哩個月份其實上天比左次機會我，哩個月我剩係由5千本去打魚一個月贏左十幾廿萬。但我競然無拎去全清債務，以為可以以哩樣野為生，每日限自己每間機鋪汁幾多幾多錢就走去另一間。足知有一日我一日輸左4。5萬係一間機鋪一部魚機同一個位身上。跟住我當然心有不甘，第2、3、4日再去追，最後唔洗講，十幾萬贏返黎既存款現金一個禮拜內輸晒，於是我就開始不停向財務，上網上討論區邊到有得借錢，其間仲識左個世外高人教我借錢，其實佢都唔係咩世外高人、佢自己話自己係一個仆街，其實佢都係，走緊幾百萬數，佢就教我借錢，一下子借下賭下還下債隱瞞欠債唔比家人知，最後係27歲就28歲果陣終於爆煲向家人承認欠債，果陣好似剩係欠財務都三十萬，但無同家人講問返個貴利借。好記得果陣係跪係佢地面前講哩件事，而且講哩件事之前我足足諗左幾日，無咩點訓幾日再加係社工面前喊到7彩，係公園一個人同社工傾左無數次電話，係佢勸告下先自己同家人講欠債一事。咁最後家人為左唔想家醜事不想外傳，因為果d2。3線唔還自然會有人上家攪事，就好唔願意情況下幫了我，但其實數目是沒有還清，只幫了一大半，其他的要跟家人去打工每月自己出糧再供還。個還款過程唔多講，當然最後都係失敗，因為我仲要每月還貴利果邊，d錢又被家人查住，最後我都係邊借返邊蓋住，初頭佢地幫我還錢果一個月都唔敢賭，真係無賭過，但之後因為真係要還貴利又唔比得佢地知焗住又去財務借返，又去搏返，最後都係攪到一獲粥，又打回原形，今次應該係大約28歲既暑假，由佢地幫我清部份債到我又借返晒哩件事都唔夠3個月時間，其間有一晚被家人罵得好西利，去到系落我既情況，果陣佢地未知我借返晒，但其實由佢地幫還錢果日到果晚每晚其實都要睇佢地面色做人，真係好慘，唔知點解要咁做人，就係佢地話我最西利果晚，我一直諗，我哩幾年唔係無拎錢返屋企，個個月拎幾千蚊，破產我又19歲破左，我咩前途都無，就連佢地早前話幫我去相體去識個大陸高官個女，大家相片都看過，對方表示可以一見相識，但到了家人跟他對方家人說我以前是破過產一事，人家就說不了，係果陣我剩係知道我哩世唔諗方法搵多錢無可能返身，於是果陣既惡魔先喚醒返我去賭。我個腦係果晚就不停諗哩d事諗屋企人其實點累成我而家咁所有既負面野造成我決定左第二朝早就走，唔再返去。。。於是我果晚就汁左少少野決定第2朝走。。走果陣係28歲既暑假。。。

[quote]原帖由 [i]山上自信的魚[/i] 於 2020-11-23 09:02 AM 發表 [url=https://www.discuss.com.hk/redirect.php?goto=findpost&pid=528014610&ptid=29505597][img]https://www.discuss.com.hk/images/common/back.gif[/img][/url]
好有耐性咁等啦！ [/quote]
打左喇。。。唉。。

[quote]原帖由 [i]yy622[/i] 於 2020-11-22 08:25 PM 發表 [url=https://www.discuss.com.hk/redirect.php?goto=findpost&pid=527997243&ptid=29505597][img]https://www.discuss.com.hk/images/common/back.gif[/img][/url]
加油💪🏻講當然易
真正做係好好好好難
身不由己的感覺好理解
請樓主你繼續分享 [/quote]
分享左了唉。。

樓主現在還好嘛？

[quote]原帖由 [i]yy622[/i] 於 2020-11-24 11:59 AM 發表 [url=https://www.discuss.com.hk/redirect.php?goto=findpost&pid=528062913&ptid=29505597][img]https://www.discuss.com.hk/images/common/back.gif[/img][/url]
樓主現在還好嘛？ [/quote]
現在每日生存。唔係生活

一個人最慘嘅係唔知自己問題在哪裡。
相信你好清楚你的問題是什麼，你只是在逃避。
【人】，沒有水飲，沒有飯食可能會死。不過，沒有賭博相信你的生命一定會比你現在的好很多。
不要同自己鬥氣啦，係時候學習愛自己。不要再縱容自己。

[quote]原帖由 [i]ChengShang[/i] 於 2020-12-8 04:52 PM 發表 [url=https://www.discuss.com.hk/redirect.php?goto=findpost&pid=528695735&ptid=29505597][img]https://www.discuss.com.hk/images/common/back.gif[/img][/url]
一個人最慘嘅係唔知自己問題在哪裡。
相信你好清楚你的問題是什麼，你只是在逃避。
【人】，沒有水飲，沒有飯食可能會死。不過，沒有賭博相信你的生命一定會比你現在的好很多。
不要同自己鬥氣啦，係時候學習愛自己。不要再縱容自己。 [/quote]
那我應該要怎做才愛惜自己。我在逃避什麼，可否說給我知。。

[quote]原帖由 [i]好運沒來過[/i] 於 2020-12-14 07:15 AM 發表 [url=https://www.discuss.com.hk/redirect.php?goto=findpost&pid=528943047&ptid=29505597][img]https://www.discuss.com.hk/images/common/back.gif[/img][/url]

那我應該要怎做才愛惜自己。我在逃避什麼，可否說給我知。。 [/quote]
這條問題你要問你自己，回顧過去，自己想想。

其實我建議你每天俾個時間自己做番運動，可以踢波⚽️跑步，行山，揾番自己興趣，係興趣當中找尋快樂。錢係辛苦揾番黎，所以用係值得既地方，拎你賭既金錢，請家人食下飯，為家人添下日用品，你會發覺家人好開心時你會洗錢洗得有價值。總好過辛苦掙黎嘅金錢白白浪費。你見家人快樂，你同樣會快樂。慢慢同家人有良好溝通，你會慢慢順利，加油，你一定會變好，幸福會好快到達你身上⭐️

[quote]原帖由 [i]丫妹[/i] 於 2020-12-24 01:10 AM 發表 [url=https://www.discuss.com.hk/redirect.php?goto=findpost&pid=529381069&ptid=29505597][img]https://www.discuss.com.hk/images/common/back.gif[/img][/url]
其實我建議你每天俾個時間自己做番運動，可以踢波⚽️跑步，行山，揾番自己興趣，係興趣當中找尋快樂。錢係辛苦揾番黎，所以用係值得既地方，拎你賭既金錢，請家人食下飯，為家人添下日用品，你會發覺家人好開心時你會洗錢洗得有價值。總好過辛苦掙黎嘅金錢白白浪費。你見家人快樂，你同樣會快樂。慢慢同家人有良好溝通，你會慢慢順利，加油，你一定會變好，幸福會好快到達你身上⭐️ [/quote]
已沒見家人3年以上。沒聯絡。