查看完整版本 : 暴力黑店Roxal Natxxal Bexxty 襲擊客人

catcathy511 2020-11-2 06:36 PM

我一早依足間店要求早兩三個星期預約做course,起10月31日,結果如大家預料又係第N次話冇位,我同我媽去間店睇下係咪真係冇位,當然又係如大家所如料係有位,有3間吉房係唔俾我姐。
然後該店又濃妝又大份既全黑衫戴黑色粗框既眼鏡女職員用手機偷錄我同我媽,我地冇所謂,佢咪錄囉,我地行得正企得正。
跟住佢地報警,警察上到黎問咩事,我地就話番只係上黎睇下係咪真係冇吉房,同埋講番一直由星期一至日都約唔到時間,一係就兩日唔應機(一直以WhatsApp用文字做booking),一係約到但隔幾個鐘話睇錯咗冇位,一係早兩三星期約咗去到又話冇位。



起陳述既途中,上次(10月22日做course時)負責話“幫”我解決起做course其間我俾佢地換咗計時器少咗十幾分鐘(本身係75分鐘)既高級女職員Sandy嬸走過哄到我好埋(只差一個頭距離)講D好挑釁既說話叫我打佢之類,我就指住佢話就係你啦,你話你幫我解決上次既事,叫我俾次機會你話會改善,點知一如大家所料,9日黎都冇一粒字回覆話點“幫”我解決件事,想不了了之。
起同警察陳述呢間店D呃人手法,衛生問題時,Sandy嬸不斷大大聲講野意圖阻止我地講佢地D衰野,警察聽唔到我地講咩,於是警察叫佢番入去房唔好起大堂(當時我地全部人企起reception大堂),Sandy嬸好唔忿氣咁行入房時迎面撞我媽,我媽企得穩,但都俾佢撞。
隔咗一陣間,佢又走出黎,今次係故意起我同我媽中間從後面衝過黎大大力咁撞我同我媽,我地俾佢撞到向前行咗一步,我指住佢鬧:你做咩撞人呀?起3個警察面前撞人你咁大膽!跟住警察喝住佢叫佢唔好惹是鬥非命令佢番入房,佢一邊行一邊鬧我頭先指住佢。
我媽俾Sandy嬸撞傷腰部,一大達瘀青,我隻膊頭都係好痛紅哂,我地唔排除會保留追究權利,告佢襲擊。
大家可以搜尋下呢間野D惡劣事跡,相信唔只我同我媽受害,亦希望大家企出黎,共抗暴行,警察當佢地面班惡人都同我地講可以搵多D受害者一齊報上海關同消委會,佢地會查證呢間野。

附上該店的客廁養曱甴的圖

[[i] 本帖最後由 catcathy511 於 2020-11-2 07:35 PM 編輯 [/i]]

catcathy511 2020-11-2 06:39 PM

附上依足要求提早兩三星期booking,但佢地出爾反爾,呃客人話有位到時去到又冇位既圖,名符其實,收咗錢唔做野,起度劏客

tanlive12309 2020-11-3 09:10 AM

可驚可驚

catcathy511 2020-11-11 02:35 PM

呢間野真係好挽野, 約咗13:00, 我同我媽12:50到, 等到13:08先慢慢執房,13:15先入到去, 大家如果好似我咁遇到以下既情況要舉報佢: 個按摩師一入房就計時, 部機又未ready, 毛巾又未鋪好 (做好唒之後冇咗4,5分鐘), 跟住佢用第二款機幫我做, 我話呢部機唔係我做開個部溫灸機(我簽約個陣同佢facebook有陳述個溫灸course部機既圖片), 我做開係機底有一粒粒, 識發熱, 唔係黑色既溫灸機, 而佢用部底部有吸力, 冇一粒粒, 機底黑色既機幫我做, 又奇怪又唔舒服,。佢仲死撐話係一樣, 功能一樣, 仲當人傻分唔出用咩機,( 我都用過廿幾次部機啦 ) 我再三要求佢用番一直用開個部溫灸機, 佢先肯出房搵機再差熱用番, (個度又呃咗2,3分鐘了)

catcathy511 2020-11-30 10:50 AM

因為course仲有3X次, 起冇得退錢既無奈下, 只好硬住頭皮繼續做埋佢, 如果佢地唔係太過份, 我都唔會起度寫出黎.


琴日星期日我同我媽又去做溫灸, 幫我媽做個個按摩師攞咗2次唔識發熱(壞既)既儀器黎做, 本身個溫灸機要差熱2-3分鐘先用得, 未熱既時侯佢將部機幫我媽放落背, 我媽被凍冰冰既溫度嚇咗下,問佢點解咁凍既? 佢答係呀差緊. 咁我媽被佢繼續做, 但等咗陣都係未熱, 我媽叫佢換個過部, 點知換咗2部都係唔熱, 到第3部機先識熱, 成個過程被佢食咗6-7分鐘.


到我個part, 個按摩師唔出聲就想擰開房門, 當時我仲未換完衫, 好彩我有鎖好門, 叫佢等等(當時我只用咗3分鐘唔算耐), 跟住我開番門話OK啦唔該你, 佢起附近聽到唔出聲又唔應人隔咗3分鐘先入房仲要唔敲門, 入到房即刻禁計時器, 先再幫我鋪毛巾起身上, 差熱部機, 開暖墊, 出番房攞凳入黎坐, 戴手套先落手幫我做.
我問佢你開始計時未? 佢話一入房就計咗, 我話你未開始做就已經計時都得嫁咩?你最尾補番3分鐘俾我啦, 佢然後死死氣先再開始計75分鐘.


去到最後個6-7分鐘, 佢就閂溫灸機同暖墊個電制, 一邊幫我做, 一邊閂, 驚死會徙佢電咁, 最重要既係佢一隻手唔夠力, 又用埋另一隻手閂電制, 跟住再幫我做, 我覺得好唔衛生....


我突然覺得呢間野成名唔係冇原因, 出名幾分鐘幾分鐘咁呃, 博你唔覺/冇所謂, 都係個句請大家廣傳!


警方個邊有消息啦, 佢地話上咗去間黑店到攞到CCTV起手, 睇到一D野, 同認同一D野, 而家研究緊起訴佢襲擊我媽, 相信好快有好消息, 希望各位同我地一樣遇事唔好啞忍, 你愈退讓佢地愈要對付你

catcathy511 2020-12-8 12:26 PM

前日星期日再去做course, 一開始叫個按摩師唔好將部機條電線起身上拖黎拖去, 一黎唔衛生, 二黎好凍好痕唔舒服, 佢都突登故意地將條電線起身上拖黎拖去令人難受。


個course係做75分鐘, 一直以黎都係同一個人做唒75分鐘, 今次就一入黎二個按摩師想焗人一個人做上身, 一個人做下身, 想慳番時間, 咁當然即時拒絕啦, 其中一個按摩師留低繼續做, 另一個出咗去, 做到45分鐘,做緊個個按摩師話自己有事要早走之類,就叫另一個按摩師入黎接佢手做, 呢度又呃咗幾分鐘。


如果你間按摩院唔夠人手, 唔可以由同一個按摩師同客人做, 點解唔一早講再同人約過時間? 要由你地決定點幫客人"用咗D時間"? 起冇徵詢過客人同意同意見下, 一入房就想焗人跟足你意願去做, 一計不成又生一計, 做到一半又叫另一個做, 極度唔尊重客人!

山上橙色的羊羊 2020-12-14 09:29 AM

真是好驚嘞。

隔夜落漠姐 2020-12-14 10:00 AM

*** 作者被禁止或刪除 內容自動屏蔽 ***
頁: [1]
查看完整版本: 暴力黑店Roxal Natxxal Bexxty 襲擊客人