查看完整版本 : 點解好似奶奶同自己阿媽調轉左

我(女)屋企好窮，住公屋
我媽仇富，理財觀念差，經常同人結怨。我其實已經習慣左，既然係阿媽就要養就要忍。但婚禮既事情...好多野我真係覺得....無言以對....
我未婚夫屋企中產，但佢哋係由草根一步一步走到今日: 幾層樓、一門三傑。一直而來，由出街食飯到買樓，佢地好想出份力幫我哋，但我哋其實都搵到錢，堅持靠自己。

婚禮方面，我未來奶奶已經買左個4萬幾既豬牌俾我。我知金器或金錢不等於一切。但我媽直接令我覺得佢唔錫我....
佢一早講定唔買金器，因為好老土。至於佢自己當年結婚收既金器 因為周轉唔掂佢已經賣左 。我起初婉轉講自己都中意傳統、著褂，更offer我自己出錢去買，或租。佢租都嫌貴，話要問人借.....我真係覺得好肉酸....
(補充，佢會收禮金10萬)

佢又好驚訝點解婚禮要喺靚酒店，話我哋班親戚會唔舒服....又係無必要....
自卑嘅心態我明，我哋好樂意俾錢去令件事好好睇睇 但佢就係硬頸。

更難頂係我媽把口....
我媽一向講嘢好粗魯大大聲。ok，唔緊要。
四大長老第一次見面:
我媽竟然主動開政治話題!!!!!!但明明事前佢已經知兩家人政治立場不一...
我未來99尷尬笑 轉移話題....我媽繼續火力全開。
99講旅遊: 99分享某次去旅行，當中提左一提係跟團，我媽馬上插口話自己中意自由行多啲 然後繼續講落去.....
99講地拖，佢就話抹地乾淨好多(抹鬼？我屋企係極污糟)

其實屋企窮我唔羞恥，我男朋友一早知，但嗰餐飯之後，我男友都忍唔住問 點解我媽要咁講嘢...
我真係好尷尬！

事後我媽話覺得餐飯無乜嘢.....(佢個人就係怪)，我都唔敢出咩聲，吞左啖氣就算。
我唔係想問大家邊個啱邊個錯
.....但到底我除左忍，仲可以點？

都就快嫁出去，忍埋哩陣子，過後專心相夫教子，況且您未來奶奶都錫您，就算數啦

[quote]原帖由 [i]蟲小莉[/i] 於 2020-11-10 05:36 PM 發表 [url=https://www.discuss.com.hk/redirect.php?goto=findpost&pid=527484916&ptid=29522489][img]https://www.discuss.com.hk/images/common/back.gif[/img][/url]
都就快嫁出去，忍埋哩陣子，過後專心相夫教子，況且您未來奶奶都錫您，就算數啦 [/quote]
😭😭多謝你
我搞婚禮過程 最煩就係同自己阿媽溝通
乜嘢都好 佢第一時間踩左先 又無建議下到底佢想點。例如：踩我試過既每條裙，又話我似條魚，之後又扯左去 某某出嫁都好醜🤦🏻‍♀️🤦🏻‍♀️
我就會唔出聲 㩒電話....
有時事後，佢應該係俾我哋唯一一個仲肯同佢經常聯絡傾計既親戚 勸完開導完之後，
會主動搵返我講件事，
然後錄音機式 講出一堆明顯係個親戚教佢講既野
係就係好聽啲，但極度忍晦
完全聽唔明佢想點....
傾下買咩餅咭 我哋都溝通唔到

好灰

唉，始終都係自己阿媽，真係冇乜辦法


不過你都唔好諗太多，起碼你有個錫你既老公同奶奶，已經好難得

[quote]原帖由 [i]Jjmerry[/i] 於 2020-11-11 01:07 AM 發表 [url=https://www.discuss.com.hk/redirect.php?goto=findpost&pid=527500295&ptid=29522489][img]https://www.discuss.com.hk/images/common/back.gif[/img][/url]

😭😭多謝你
我搞婚禮過程 最煩就係同自己阿媽溝通
乜嘢都好 佢第一時間踩左先 又無建議下到底佢想點。例如：踩我試過既每條裙，又話我似條魚，之後又扯左去 某某出嫁都好醜🤦🏻‍♀️🤦🏻‍♀️
我就會唔出聲 㩒電話....
有時事後，佢應該係俾我哋唯一一個仲肯同佢經常聯絡傾計既親戚 勸完開導完之後，
會主動搵返我講件事，
然後錄音機式 講出一堆明顯係個親戚教佢講既野
係就係好聽啲，但極 ... [/quote]
咁你亞爸呢？叫你亞爸勸下佢。

[quote]原帖由 [i]Jjmerry[/i] 於 2020-11-5 07:04 AM 發表 [url=https://www.discuss.com.hk/redirect.php?goto=findpost&pid=527249474&ptid=29522489][img]https://www.discuss.com.hk/images/common/back.gif[/img][/url]
我(女)屋企好窮，住公屋
我媽仇富，理財觀念差，經常同人結怨。我其實已經習慣左，既然係阿媽就要養就要忍。但婚禮既事情...好多野我真係覺得....無言以對....
我未婚夫屋企中產，但佢哋係由草根一步一步走到今日: 幾層樓、一門三傑。一直而來，由出街食飯到買樓，佢地好想出份力幫我哋，但我哋其實都搵到錢，堅持靠自己。

婚禮方面，我未來奶奶已經買左個4萬幾既豬牌俾我。我知金器或金錢不等於一 ... [/quote]
係未呀媽性格鍾意唱反調，乜都串左先
？

佢未必有心或唔鍾意你地安排。係性格問題。最緊要大家和氣。

咁你阿媽都真係幾難頂:smile_42: