查看完整版本 : 真的原諒佢就等於放過自己?

木子保羅 2020-12-3 04:56 AM

真的原諒佢就等於放過自己?

我係一個港爸,第一次post文章,全部真實故事,比較長遍,如果可以睇完,希望可以卑我意見,依家我係經歷緊人生第一次重大挫折,完全無法形容,不知方向!

我同老婆,係由中學時期已經係一齊,到最後結埋婚,仲有兩個好可愛嘅囡囡!我地一齊左差唔多15年,當年中學時期,我樣貌一般,不過在學校也算是一個十分受女仔歡迎嘅人物,可能因為我運動出眾,再加上我每次參加唱歌比賽都有唔少「粉絲」支持,所以從來不缺女朋友。我老婆當然亦都係我其中一個粉絲。
佢同我係同班同學,亦都係同桌同學,佢對我好好,經常請我食零食,而且學習成績又唔錯,所以我好依賴佢(功課上😅)不過我真心當佢係我好朋友,我有咩事情都會第一個搵佢分享!因為佢係一個好可愛嘅肥妹仔(150幾cm-60幾kg),所以我從來都無唸過我地會係一齊,我都承認自己都係一個以貌取人既世俗人,當然做好朋友就無問題喇🤣

直到中五就快畢業前,一次意外事件,我地係埋左一齊。事緣有一日,我地一齊去左另一個同學仔屋企打牌。到左夜晚臨走時,我當然很紳士咁送佢去搭地鐵,我再自己返屋企,但係事情嘅發展當然無咁簡單。當到左佢要落車果個站,佢突然同我講唔想返去住,想我陪佢傾下計先。當時已經11點幾,兩個中學生可以去邊呢?我只唸到自己屋企,因為我屋企有3間房,1間房係多出黎嘅,如果真係要過夜,都有地方卑佢訓。(真心無唸過任何不軌嘅野)到左我屋企後,佢攤左係我張床上,而我就坐左係地下。我地無所不談,有八卦嘅、有鹹濕嘅、有開心嘅、不知不覺間,傾傾下,見佢無回應我,先知道佢訓著左!我慢慢行埋去,我第一次見到佢訓著左個樣,好甜好可愛。可能係因為我哄得太埋,就連佢嘅呼吸都感覺到,果一刻,我控制唔到,輕輕咁係佢額頭錫咗佢一啖!點知,跟住佢就好自然咁樣攬住我,然後就......(唔通佢扮訓著😂是但喇!好多時,男人就係用細佬唸野既)
到左第二日,起身之後,我開始後悔,想同佢做返朋友!(其實我都好能撲街,唸住趙完鬆🙄)不過佢死都唔肯,甚至有自虐嘅行為,我驚佢出事,所以只好應承住佢。不過我都係唔敢公開我地一齊嘅消息卑其他同學仔知道,因為我都介意其他人嘅眼光,怕卑人笑我食豬排😣不過佢無逼過我,佢完全唔介意我嘅唸法,只要可以係埋一齊就得!初初一齊,我賤格到連去街拖手都怕卑熟人見到!不過經過一段時間,我慢慢發現佢對我真心好到不能用言語形容,(除左我阿媽)果種被愛嘅感覺,可以話係我懂事以來,未曾遇到過,感覺我就係佢嘅全世界!最後我被感動左,我開始慢慢發現佢嘅優點,佢嘅可愛地方,同樣,我亦都唔再介意其他人點睇,佢就係我女朋友!😝

開心嘅日子不久,佢有左!果時,我地啱啱畢業,無經濟能力,又未結婚,根本無辦法解決問題。最後佢選擇返左大陸,由佢媽媽陪佢落左。當時嘅我係香港返緊人生第一份工,我好後悔無陪佢一齊面對一切,好自責。當我知道佢落左,我無唸過之後工作嘅野,即刻返左大陸。佢知道我要返去搵佢,死都要出黎火車站接我。當我第一眼見到佢,我個心好內疚,好痛!佢成個樣好疲憊,好憔悴,完全無怪責過我。見到我果刻,仲開心到攬實我!果一刻,我下定決心,呢個女人,絕對係我要用一輩子去保護嘅女人,我唔可以再卑佢受到任何傷害!

經過果次之後,我地嘅感情又再一次昇華!出左黎社會之後幾年,我地各自都搵到份唔錯嘅工作,算係搵到D錢,所以我地每年都會去幾次旅行!(註:由第一份工開始,我嘅所有收入都係卑佢管理,因為我無麥概念,而且咁麻煩嘅野,佢又好鍾意處理,所以我一直都唔會過問,全權卑佢打理☺️)我地所有去嘅地方,無論係食嘅、用嘅、住嘅、見識嘅、都係我地之間既第一次!所有野都好新鮮好美好!唸返起,真係無憂無慮!直到有一次,去完旅行返黎無耐,佢有左!💪🎉🎊今次,感覺完全唔同,我好興奮,好開心!唯一有少少瑕疵嘅係,我地仲未結婚😂之後我地開始好忙,一邊準備結婚嘅野,一邊計畫將來!

我仲記得佢入產房果日,(因為我都幾怕見血)所以一直都係唸住由佢阿媽陪產比較合適。不過去到最後一刻,醫生問邊個會入產房陪產,我唔知邊度黎嘅勇氣,衝口而出:「我🙋🏻‍♂️」我覺得咁重要嘅時刻,應該係我由陪佢一齊渡過先啱!
入到去,佢見到係我,都覺得好出奇「點解係你既?」我無回答,不過我知道佢應該會好開心。其實產房並沒有想像中咁可怕,裝潢很簡單,一張生產專用嘅病床同埋放有少量醫療用品既「手推車」係旁邊,剛開始,只有護士定時入黎檢查,(因為要開到一定嘅度數先可以完全進入生產階段),我由早上8點幾陪佢入去,一直等到夜晚10點幾,期間果十幾個鐘,可以話係我人生經歷最慢長既時候,因為睇到佢個樣,我好心痛,但又咩都幫唔到。我仲ON99咁,講笑話卑佢聽,唸住可以分散注意力,事實證明,我係做多左!😅心唸(BB,媽媽好辛苦啊!你乖D啦,快D出黎啦!)終於,係夜晚11點幾,姑娘再入黎檢查果時,突然間大叫「快,快D準備,可以喇!」跟住,我見到有一個感覺好有經驗嘅女醫生走左入黎,「先生,你先到出面等陣,轉頭安排好我會再叫你入黎!」無耐,我聽到醫生叫我,我先戰戰兢兢咁行入去,經過病床,我嘅目光刻意避開「果個方向」佢地嘅動作好快,將一切要用到嘅器材都排放好,正式開始進入直路!佢痛苦嘅表情比啱先更加誇張,抓住我隻手嘅力道,我好清楚,事後睇返,我隻手都瘀左。果時,我除左卑隻手佢抓住,咩都唔識,正當我又一次NO99咁企係度,我聽到隔離產房「先生,你淨係企響度,無用咖!幫手搽下汗同鼓勵下喇!」哇!原來隔離房果邊都有個同我一樣既先生,都係NO99咁企響度噶!🤔🤣聽完隔離咁講,我即刻肉緊起黎,叫到好似睇世界盃咁「老婆!加油💪老婆!加油💪」己經辛苦,我終於見到BB個頭出左黎,哇!!!🤩我好似自己中左金多寶咁,hight𠹌到呢!叫到成間醫院都聽到咁濟☺️我都估唔到自己完全唔驚,之前嘅擔心有D多餘左!BB出世喇!好得意啊!姑娘抱住BB講嘅第一句係「好似爸爸窩!」果次,係我咁大個仔第一次唔介意係陌生人面前流左男兒淚!望住BB,再睇下我老婆,我又再一次不能用言語形容自己嘅心情,「老婆,辛苦妳喇!」我再一次輕輕咁係佢額頭錫咗佢一啖!同我第一次(偷錫)佢感覺完全唔同,呢次係感恩,係愛啊!☺️😝🥰

之後佢坐完月,可能因為順產,所以恢復得好快!(年紀亦都有幫助恢復,佢當時只得22歲)不過意外嘅係,佢生完BB,竟然瘦左好多,感覺靚左又有女人味😅
自從BB出左世,餵奶,換尿片,沖涼,洗頭,完全難唔到我😎尤其係BB未戒夜奶之前,每晚都都係我黎負責,雖然好累,不過我樂在其中!一黎,係佢辛辛苦苦幫我生左個咁可愛嘅寶寶,二黎,我見到寶寶飲奶個樣實在太得意!☺️
時間過得好快,大B一歲多D,我地兩公婆再一次去完旅行返黎,佢又有左喇!💪😍
因為有過一次經驗,今次由作動到入產房,我地都完全掌握到節奏同流程。前後大約三個鐘搞掂😙同上次一樣,佢恢復得好快!更不可思義嘅係,佢又瘦左,比起以前,更靚更有女人味!😍 (註:150幾cm-40幾kg)足足比起以前輕左1/3😳簡直難以置信!之後佢仲開始左做gym,不知不覺間,佢嘅自信亦都慢慢返左黎。記得當初,每次影相,佢都會盡量避免。到依家同佢出街,每當經過一D有反光可以照到自己嘅地方,佢都會不自覺地照下自戀下😓平日IG、Facebook、微信都有好多靚相post出黎!有運動嘅、有化妝品嘅(佢返Counter)有食物嘅(真心佢煮野食好叻!基本上無論中餐定西餐都難唔到佢,可能係因為佢屋企D親戚朋友都係大廚,同埋D肥人對食比較有要求,哈哈😅)我身邊D朋友仔、同事仔,都好羨慕我!讚我有眼光,取左個又靚又叻既老婆!我發夢都無唸過會有咁嘅一日。當初一齊全因為佢對我嘅好!我係佢嘅全世界!昔日嘅醜小鴨,依家嘅天鵝😅

好景不常,上年嘅社會運動加今年嘅疫情,我地做零售業嘅,首當其衝,生意一落千丈,根本搵唔到食!就係今年7月左右,佢轉左份工,去左做保險。
佢嘅啊頭係我舊同事,都認識左差唔多7年。係大約5年前,佢去左做保險,呢幾年見佢發展得唔錯,再加上佢卑人嘅感覺係穩重又擔當。<—(正能量人士)而且呢十幾年黎,我老婆佢手頭上都累積左好多國內同本地嘅客人,資源豐富,可以放心卑佢跟我舊同事學習。我老婆佢好快上手,一連幾個考試都係一take pass!自從佢正式攞到牌後,短短4個月就差唔多可以追到個龍獎(聽聞個獎都幾勁😅)佢經常見客,經常開會,有陣時仲搞到1,2點先返屋企。見到佢咁上進,咁努力,當然我都好戥佢開心!不過唔知係因為佢好忙好累,定係壓力好大,我地之間嘅溝通少左,同樣親密接觸亦都少左!(註:雖然我地都一齊左10幾年,但係果方面從來無少過,佢大食我鹹濕,可以話係姣婆遇着脂粉客🤣)
一直以來,佢都係一個有頭無尾嘅人,(除左工作,佢工作起黎會好投入,好得人驚,佢係舊公司果時,係出曬名既Top sales,仲上過報紙添)日常生活,我就成日幫佢執手尾,留呢樣留果樣,10幾年黎都係咁,每晚臨訓前,都係我幫佢攞手機插電。
就係上個月嘅一晚,係插電嘅時候,突然收到一條訊息,(當時已經凌晨兩點幾)好奇心驅使下,我開左黎睇。上面大部分都係講工作嘅野,不過有D對話就唔係好對得上,有D對話仲刪除左。當然我比較在意嘅係,佢稱呼對方為男神,是不是又出現一D「好掛住你丫、幫下我喇、公司無人快D返公司喇,我好需要你丫」諸如此類,睇到呢到,我突然背脊一涼,相信我講到呢度,大家都知咩事啦!不過佢口中嘅男神我唔識,浄係知道係佢其中一個男同事。好衰唔衰,果日朝頭早,我係度睇Facebook D無聊短片時,有個廣告彈左出黎,係講「關心家人,關注行蹤」嘅apps,於是我就裝左係佢部電話度,以防萬一🤔雖然擔心,不過我依樣係對自己有信心嘅,話曬咁多年,我係佢心目中已經遠遠超越男神呢個詞語了😅
意想不到嘅事情,要發生都係要發生!就係上星期既一晚,佢參加嘅一個課程畢業了,佢地公司全Team人都去參加佢既畢業典禮,我原本都想去,不過因為我係外人,不能參與😓畢業典禮結束後,佢地成班人去左飲酒慶祝,我老婆有叫埋我去,不過我無去,呢個決定影響左我一生!(註:我係一杯哥,呢D場合我從來都無興趣)我比較喜歡係屋企打機,我同佢講,「唔好玩咁夜啊,我係屋企等你喇!」(我老婆無麥興趣,唯一就係鍾意飲酒吹水😓)果時已經係夜晚10點左右,我唸依家先開始,佢仲要係主角,無兩三點都走唔甩喇!跟住我都無為意,繼續係屋企打機。打下打下,時間過得好快。當我再一次睇下個鐘,已經差唔多兩點了,於是我都打左個電話卑佢,響左好耐都無人聽,我唸可能好嘈,應該聽唔到。跟住我無為意,繼續打機。打完一鋪,已經過左半個鐘,我再一次打電話卑佢,都係無人聽。我再打都係無人聽,我開始擔心了,正當我搵緊佢其他同事既電話果時,我唸起我之前幫佢裝左果個app 我即刻開試下。見到佢嘅位置同佢講去飲酒嘅地方唔一樣,我再睇清楚D,見到地圖上,佢係一間酒店附近,咁啱果個位置係佢閨蜜屋企附近,心唸,唔同佢飲醉左,去左搵佢閨蜜?等清醒少少先返黎?(補充:我唔介意佢出去飲酒,亦都從來唔會吹佢早D返屋企!不過我好介意佢飲醉酒,試過幾次佢飲到醉曬返黎,我又要幫佢落妝,幫佢搽身,幫佢換衫,到左第日都會卑我鬧!)唔同佢怕卑我鬧佢又飲到醉曬?跟住我望下出面,仲有霧霧雨🌧️好在佢閨蜜距離我屋企好近,30蚊的士都唔洗!於是我即刻飛的過去!期間都打左幾次電話卑佢都係無人聽!直到我去到目的地,落車後,完全見唔到佢。當我跟住app去到佢個位置,竟然就係酒店😨我再一次拎起電話打卑佢,終於有人聽。我問佢係邊,點解唔聽電話,佢答我啱啱飲完酒,準備返黎喇,依家係廁所先聽到有電話。從佢嘅口音,唔似飲醉,佢點解要呃我?😢
果時已經3點幾,我就企左係酒店對面,隔住條街,望住對面酒店嘅lift門。我個心好驚,好希望等陣陪佢行出lift嘅係佢閨蜜🥺3點35分,佢終於出左黎,可惜陪佢行出黎嘅唔係佢閨蜜,係一個男仔,(就係佢口中果個男神)佢地拖住手,有講有笑,就好似一對情侶咁,好甜蜜🥺🥺🥺🥺🥺🥺🥺🥺
果刻,我個心好痛,痛到連呼吸都痛,我feel到個心係度流緊血,甚至我聞到陣血腥味!我跟住佢地後面,每一步都好似踩緊玻璃一樣,每一步,都好似行緊去鬼門關咁!我有唸過,扮唔知,快佢一步返屋企等佢。但係我嘅視線根本無辦法離開佢地。直至跟到街口,見到佢地攬埋一齊等的士,實在無辦法再認落去,我用盡全身嘅氣力,大聲喝到!一轉身見到係我,佢嚇到差D企唔穩!說時遲那時快,有架的士啱啱好黎到,果個男神隻身飛彈上車,迅雷不及掩耳嘅速度消失左!眼見個姦夫走左,我亦都沒有再多嘅理由去面對佢,我轉身離去!而佢則向我方向跑過黎,一邊拖住我一邊解析,可能事發太突然,佢根本唸唔到咩理由,甚至可以講得出,佢地係去酒店傾公事😔好明顯佢都知自己語無倫次!之後又改口話佢地無做過,只係傾計!果刻,我終於爆左,「妳依家即刻同我一齊返上去酒店,如果我見唔到垃圾桶有套,我就信你!妳敢唔敢?」其實我真係好希望佢講嘅係真嘅!可惜事實就是事實,誰也改變不了!佢終於承認左。
我老婆出軌了😥
我30幾年黎,第一次打女人,而果個竟然係我老婆,我冚咗佢兩巴!打完我都心疼,但係我個心更痛!我真真係爆左,我一拳打左落旁邊果幅牆上,希望用肉體上嘅痛黎掩蓋個心痛........可惜,無論我再做咩都無辦法改變呢一切!
果幾日我根本無訓過,一直以來,支撐住我地嘅愛情就係佢好愛我,我係佢嘅全世界!我對佢係百分之一千嘅信任!點都估唔到有咁嘅一日!由一開始,我嫌棄佢,到虧欠佢,喜歡佢,愛佢,最後到感恩!幸福!美滿!點知.......究竟點解妳要咁樣傷害我?
事後,佢不停求我原諒佢,求我卑次機會佢!其實我係睇得出佢係真心後悔!可能係我地太早就係埋一齊,好多野都未試過未玩過!一時把持唔住犯下大錯!我真係好想原諒佢!唔想家散!但係果晚嘅情景,已經深深烙印,我還可以放低嗎?🥺

caizizi 2020-12-23 02:33 PM

發現另一半出軌確實會很崩潰,如果你還是希望和老婆在一起就再給她一個機會
頁: [1]
查看完整版本: 真的原諒佢就等於放過自己?